منتديات بنات دوت كوم - بعد ماجفيت ترجع تقول انا احبك واحبك ...واحبك

البارت (18)
7
7
7
7

بعد ماسكرت حمدووه الماسنجر نزلت تحت عند امها ....اول ماوصلت الصاله جافتهم كلهم ياسين بس يدهم بومحمد محد كان يرتاح فى غرفته بعد ماصلى المغرب ..
حمدووه: هااااماايه شو تبين
ام خالد: تعالى يسي عندنا اشفيج مصطنه بروحج فوق ..؟؟
خليفه: اكيد قاعده على النت الحبيبه
حمدوه: ههههههههههههه لا غلط حاول مره اخرى
خالد: شو قاعده اتسووين عيل
حمدوه: شو تحقيق هو ؟؟
بوخالد: اشفيكم على اختكم لا اله الا لله
ناصر: ابوويه لا ادلعها واايد
بوخالد: انزين وليش؟؟
ناصر: حتى نحن عيالك مب عيال البطه السوده (يرن تلفووونه)
حمدوه: هههههه شوف منو متصل فيك قبل بعدين ارمس
,,,
ناصر يرد على التلفون ........
ناصر: مرحبا
فهد: هلا و لله شحالك
ناصر: بخير شحالك فهد
فهد: و لله تمام بتخاوينى
ناصر: ووووين
فهد: بنسير المول مع الربع بتي
ناصر: اكيد خمس دقايق اتلبس و بلقاك اهنااااك
فهد: تمام عيل اترياااااك
ناصر: انشا لله
,,,
سكر ناصر التلفون ........
بوخالد: منو ياولدى
ناصر: فهد ولد خالووووه
بوخالد: و النعم فيهم و لله انهم رياييل ابوهم توفى عنهم و هم صغار وربوا اختهم
خالد: هيه نعم و انا اشهد
خليفه: لله يخليهم انشا لله
ناصر(وقف ): لله يخليك الى فى بالك (يغمز له)
خليفه: اسكت لا تفضحنا ...حوووه تعال وين رااايح
ناصر: بسير مع فهد المول
خالد: عيل وينه زايد
حمدوه: ههههههههههههههههههههههههههههههههه حليلك شو تبا منه
بوخالد: شو بعد شو يبا منه ولد خالته و اخوه وربيعه
حمدوه: ماقلنا شى
ام خالد: كم مره اقولج استوي شرات البنات يستحن هب ملقوفه
حمدوه(مبرطمه): زين زين
خليفه: اقوول ناصر بسير ويااااك
ناصر: قم انزين هب قاعد
خليفه: خمس دقايق وبجهز
خالد: هههههههه بووويه بتصل على زاايد اشوفه بتخاوينا انسير انشوف المشاريع
بوخالد: و لله زايد انه نعم الرياييل داير حلال ابوووه كله
ام خالد: لله يرحمه ويقوى ولده
الكل: امين يارب العالمين
,,,
رن تلفون البيت .ورد عليه ناصر ...
,,
البنت: الو مرحباااااااااااااااااااا
ناصر: مرحباااااااااا منو معاااى
لطيفه: اوونك ماتعرفنى و تستهبل بعد
ناصر(تيبس مكانه ويطالع خليفه): انزين و شو تبا الحين
لطيفه: صدقنى بتندم على الى سويته لى
ناصر: انزين
لطيفه: لا و لله لا تقهرنى ببرودك بتشوف شو بسوى تتحسب انى سهله لا و لله بخليك اتذوق المر
ناصر: برااايك انزين
لطيفه: شوفيك انته
ناصر: اكلمك بعدين بنتفاهم
لطيفه: انته اصلا ترد على
,,,
بوخالد: منو على التلفون ياناصر
ناصر(يحط ايده على سماعه التلفون): ربيعى بووويه
خليفه(تقرب من ناصر اول ماشاف الرقم قعد يطالع اخوه): هاااات انا برمس
ناصر: شو بتقول حق ابووويه
خليفه: بسحب التلفون فى الميلس
ناصر: اندووك لا تتاخر نترياك فى المول
خليفه: انزين
,,
سحب خليفه التلفون لين الميلس ......
خليفه: خير
لطيفه: الخير من ويهك ليش صارلك 10 دقايق مطقعنى
خليفه: خلصينى شو تبين الحين
لطيفه: وين الحب الى ترمس عنه
خليفه: يابنت الناس انتى شوفه اهلج يعنى عن هالحركات
لطيفه: والزبده شو
خليفه: الزبده من عند البقره ههههههههههههههههههههههههه
,,
دق خالد الباب ...
خالد: خليفه افتح الباب ..
خليفه: انزين لحظه اشوووووى (يرد على التلفون) صبرى انتى بعد
,,,,
,,,
سار فتح الباب...............
خليفه: ها خلووود شو تبا
خالد: شو فيك منو ترمس
خليفه: ربيعى
خالد(يطالعه بنظره غريبه): ردينا حق لطوووف
خليفه: هيه المتصله شو اسووى فيها
خالد: عطها كم من كلمه و الا اقولك انا اعرف شو اقولها
خليفه: شو بتسوووى
خالد: بقولها لا تتصل جيه ما تحشم اهل البيت هذى وين اهلها
خليفه: لا تحط راسك براسها
خالد: خلوووف القلب من يعشق يختار قلب صافى مب قلب مصالح
خليفه: هيه و لله
خالد: يالله ترانا كلنا بنكون فى المول اتصلت على زايد و بنتلاقا اهناك نترياك
خليفه: حاضر يايينكم بس اسكر التلفون
خالد(يحط ايده على كتف اخوه): مثل ماقلتلك
خليفه(يبتسم): انشا لله
,,,
سكر خليفه الباب ورد على التلفون.............
,,
خليفه: اسمعى
لطيفه: مابغيت ترد ؟؟؟!!
خليفه: اقولج لا تتصلين على و لا تعرفينى و لا اعرفج
لطيفه: قدها
خليفه: قدها و النعم شو تتحسبينى رخيص
لطيفه: لا و لله
خليفه: هيه نعم و اذا انا اريد اخذ وحده مااريدها مرمستنى بالتلفون
لطيفه(مصدومه): شو قصدك
خليفه: يابنت الناس انا لى حياتى و انتى لج حياتى و اسمحيلى على المغثه فمان لله (سكر التلفون)
,,,
بعد ماسكر التلفون رجع للصاله وجاف ابوه و امه ياسين يقول فى خاطره هذى وينها حمدووووه اكيد على النت هذى البنت بتذبحنى ناقص عمر
بوخالد: ها خليفه بتخاوى اخوانك
خليفه: هيه نعم تامر علي بشى محمد
بوخالد: لا و لله اصغر عيالك
خليفه: ادلعك (يطالع امه) هذى امووون ما ادلعك ههههههههههههههه
ام خالد: بعد امووون قم قم تلبس اخوانك يتريونك ...
خليفه: فديتكم و لله (حب راس امه و ابووه وطلع يتلبس ))
,,,,,
,,,,
فى حجره حمدووه كالعاده ياسه على النت ترمس ربيعاتها وهيه تسمع اغانى شافت نك الكاسر دخل وانتفضت بالقو شو السالفه الحين انا اترياه و الا شو لا لا مستحيل
,,,
دخل حمد على حمدوووه .............
,,
الكاسر: السلام عليج الغاليه
العيناويه: و عليك السلام شحالك حمد
الكاسر: الحمدلله شحالج انتى
العيناويه: الحمدلله يسرك الحال
الكاسر: تعالى شو اسمج ؟؟
العيناويه: لازم؟؟
الكاسر: اصلا منقود عند العرب تنادين الناس من غير اساميهم
العيناويه: اسمى حمده
الكاسر: حلو اسمج
العيناويه: من طيب اصلك
,,
خليفه دق باب غرفتها
,,,
العيناويه: اقول اخوى يدق الباب بعدين ارمسك
الكاسر: برااايج
,,
سكرت عنه و فتحت الباب حق خليفه ..
حمدوه(حاطه ايدها على خصرها): شو تبا
خليفه: عيب عليج سيرى قعدى عند قوم ابووويه
حمدوه: ازين
خليفه: انتى شو فيج امبرطمه
حمدوه: مافينى شى .
خليفه: براايج وبسج من النت ازين
حمدووه: ازين

ضهر خليفه من حجرتها وسار صوب اهله سلم عليهم وطلع من البيت ساير صوب العين مول وهو فى طريجه يلس يفكر هل صح الى سواااه او لا بس قلبى كان محتاج ساروووه هب محتاج اى وحده غيرهااااا ياربى ساعدنى ..
,,,,
اما فهد كان يتمشى هو وناصر فى المول وبالغلط طاحت عينه على بنت انقض قلبه يوم شافها كان شكلها حزين واااايد و عيونها متروسه حزن جمالها عااادى يلس يطالعها و انتبه له ناصر ..
ناصر: فهد اشفيك ؟؟
فهد : لا ماشى
ناصر: منو اطالع (يطالع البنت و يرد يطالع فهد)
فهد: عيونها كلها حزن صح
ناصر: ههههههههه شو خبير عيون و انا ما اعرف
فهد: لا صدق جوف
ناصر: شوه اجوف يارياااال
فهد: ليش تمشى ورى هذى الحرمه
ناصر: يمكن امها
فهد: ماشى ام بتعامل بنتها شرات هذي الطريقه
ناصر: شورايك نتقرب منها
فهد: لا شوووو
ناصر: تعال (يسحبه ويسير صوب البنيه)
,,,,,
,,,,
,,,
,,
,
هذا البارت خلص
يلا عطوني توقعاتكن اول شي
بعدين الردوود
بعدين الراي
اوووووكيه
الــغــلا