|
ها
ياية اشيك عالقصه :msn_tongu :msn_tongu |
***PrEtTy GiRl***
إن شاء الله هالأسبوع أخلي الجزء |
يلاااااا تأخرتي غلااااااااااتي
|
هالأسبوع بخلي الجزء
:) |
الجزء الثامــــن كتبت هالكلمات بعد ما عرفت الحقيقة المُرة إلي إهي عايشتها هي تدري إن عندها أخت من زمان بس ليش هي صارت في ملجأ الأيتام و فرح في عند أهلها كانت تعرف السبب بس تجاهلته سمعت صوت رفيجتها هنادي يناديها إبتسمت هنادي قعدت يم أفراح : ها وين سارحة ؟ أفراح : في دنيتي هنادي ضمت أفراح : يا بعد قلبي يختي..لا تفكرين الدنيا غدارة بكل أنواعها..لا تفكرين حبيبتي..ترى بتتعبين من التفكيــر..الدنيا هي بـلـوة أو حتى تقدرين تسمينها تجربة أفراح : هههههه..الدينا جذي..صح لسانج..بس لازم أفكـر في الدنيا..لأنها مثل ما تقولين غدارة هنادي : يا حبيبتي يا حياتي المستقبـل جدامج لا تفكرين..ترى التفكير يشيب الراس أفراح : طاع هذي الناس تقول المستقبل جدامج إنتبهي و هذي تقول لا تفكرين ؟! و الله الدنيا إنقلبت فوق حدر هنادي : كيفي..تفكيري جذي عكسي غير عن الناس..جذي جذي إحنا بنموت بس خلى نسوي حسنات بعدين نموت أفضل أفراح : مالت عليج و ع تفكيرج إلي نفس ويهج هنادي : جزاة الخير سواد الويه..و هذا آنه إلي أهتم بمصلحتج أفراح : هـاا وافقت إلي تقدم لها أخوج ؟ هنادي : إي..بس زياد يقول مب من قلبها موافقتها أفراح : شلـون ؟! هنادي : ما أدري..ميسـاء تصير رفيجتها و بنت عمي..و يمكن وافقت علشان لا تكسر بخاطرها أفراح : أهــا هنادي : و خصوصاً إن البقرتين دانة و شجون متزوجهم غصب و متكبرين أما هتون تحسينها طبيعية لأنها تدري بالهـشئ من زمان..و هو مقدر هالشئ أفراح : الله يهديهم ××× كانت صوت طيحة ناديــــة زين ما إنكسر راسها و ع القولة " جنون فنون و قلة العقل مصيبة " راحت لها فرح فرح : يا المجنونة نادية : آآآآآخ..سكتي عني راسي يألمني فرح : تستاهلين و عدلت قعدت إطالع اختها و هي فيها الضحكـــة و مرة وحدة إنفجرت ضحك نادية : إضحكي إضحكي شعليج..لأنه مب راسج فرح : لأنج مجنونة نادية : آآي يا راسي جت أم عمـاد و هي حامة ماي ساخن و رومال قعدت و حطته ع راس نادية فيها الضحكة بس ما تبي تضحك نادية : آآآآي يا راسي أم عماد : من جنونج نادية : يمــــــــه..لا تصيرين مثل فرح فرح : شفيني..ناقصني خشم و لا عيـون ؟ نادية : مب ناقصج شئ..بس ناقصج تشيلين كلمة مجنونة من قائمتي فرح تحرها : ماني شايلته..ع قلبج بخليها أم عماد ضحكت ع خبالهم و خلتهم ع راحتهم ××× (.. صار له ثلاثة أيام ما طلع من الشقة و في الأخيـر عرفنا إنه ميت ..) قال هالجملـة و محمود أبد مب مصدق عبدالله ميــت قتله ولد عمه ماجد لا حول و لا قوة إلا بالله حضر الجنازة و عزا أهله و راح لـرزان صارت زوجته رسميـاً دخل البيت دخل غرفته كانت نايمة تنهــــــم تنهيـــــمة طويلة و بدل ثيابه و نام ××× مـــرّ أسبــوع بـ صمت و هدوء لا عواصف و لا صدمات و لا شئ أمس العقد و مر بهدوء واليوم الزواج لبسوها ثوب الموت مثل ما تقول كان الكل ربشان و مستانس لا،هم عارفين إن زوجاته الأوليين متزوجنهم غصب و هي يبي زوجة من إختياري بشرط من شروط أبوه إنها تكون " ثرية " هو إختار فرح لأانه شافها في بيت ميسـاء بنت عمه إخته بالرضاعة >> خبـــر جديد كانوا مستانسين واايد واايد و في ثنتين لايعة جبودهم أكيد عرفتوهم ( شجون و دانة ) مقهورين عدل و مغترين و خصوصاً ( شجون ) حاسة بالغيرة الشديدة قلبها بيحترق تبي أحد يطفي النار غلي بقلبها بس منو ؟؟ شجون : الجلبـة دانة : عساهم ما تتوفق إن شاء الله شجون : الله ياخذها النذلة دانة : بودي أذبحها الجلبة شجون : عساها الموت و من الصوب الثاني كانت هتون مستانسة لأن زياد إختار زوجة له حقه لوحده مب عشان الفلوس عشان تكون شريكة حياته طوال دربه الكل كان مستانس و مفرفش كانوا حاطين أغنية ( فيكم طرب , فيكم وناسة – فرقة ميامي ) الكل مستانس إلا وحدة " فرح " بتدق الساعة 12 و بيدخل زياد كانت في حالة توتــر كانت في غرفة العروس وياها أم عماد و نادية دخلوا زياد عليها و قالوا للنسوان يتغطون طفوا اللثريات و بدأت الزغاريد و اللحظة المقربة تبدأ بعد ثواني إنفتح الباب خمس بنات قدامهم و ولد حاملين ( شموع , ورود , طقم ) بدأ طريقهم و هم يمشون بظهور فقاعات ملونة و درب مزين و كانت في عربة قدامهم بنت و ولد قاعدين عليهم و يجرونهم البنات إلي حاملين الشموع و الورود و كان ع العربة خالين الطقم ع شكل قلب كبيــر ضحكت بعفوية فرح لأن هي مب متعوده ع هالأشياء رغم خجلها الواضح كانت منزلة راسها وتبتسم تخاف تتعرقل بسبب الفستان صايــــرة روعة واايد تجنن شجون تخبلت عليها بس كبريائها يمنعها إنها تعترف دانة و شجون جايين عشان شئ واحد بس إنهم يتشمتون حسوا بالغيرة وصلوا لـنهاية السيـر ( الكوشة ) هني فرح قلبها يدق طبول شال الطرحة من ع راسها و باسها ع جبينها حست بـحزن شديد قعدوا يصورون و البنات هناك ربشة الدنيا مب شايلتهم بس في وحدة قلبها شاغل بالها أبـــــرار تحس إن فرح فيها شئ خابته عنهم بس شنو ؟؟ خافت أكثر لأنها تذكرت الموضوع قالت بهس " اعوذ بالله من الشيطان الرجيم " بعديت هالأفكار عن راسها مع إنها متاكدة إن بتظل شاغلتها و تخليها في حالة قلق صارت الساعة 2:30 زياد كان فرحان أما فرح عكسه تماماً دخلوا ثنينهم الحمام " أعزكم الله " لأن في ثنين فرح أخذت شور ع السريع و بدلت ملابسه و كل شئ و المكياج ما ظل نقطة ما شالتها غسلت شعرها بالشامبو ثلاث مرات سرحته و دايركت ع المرقد نامت ××× عند نادية كانت حزنانة واايد واايد لأنها فارقت إختها إلي مجابلة وييهها ليل و نهار كانت آخر جملة قالت لها إياها " ديري بالج ع نفسج..بتوحشيني يا الغالية " طاحوا دموعها لأول مرة في حياتها تفارقها راحت تنام في غرفتها و هي تحس بالوحدة بعد ما راحت فرح ××× مرت دقايق مثل السنين تمشي دهر لمتى بتظل وحيدة خلاص تزوجت طل من الحمام و هو مبللحست بالقشعريرة منه راح صوبها إبتعدت عنه حست بخوف و رعب مسك يدها و حملها خلاها ع السرير و ربطها تزوجت عشان يعذبها ؟!! كانت تتألأم بوجع و قهر طلع و جت هتون تفاجأت بغنها مربطة هتون : فرح شفيج مربطة جذي ؟ فرح ما قدرت تنطق بس غصب حاولت : زياد فجأة قعدت من نومها مفزوعة فتحت عينها ع الآخــر كأنها تشوف ملك الموت جدامها شهقت بقوة قعد زياد مفزوع زياد : عسى ما شر شفيج ؟ هدأت شوي و قالت بتوتر : لا ما فيني بس كان حلم مزعج كانت بهرب منه يوم قعد بس رجولها كانت نايمة جاب لها ماي شربته و نامت حمدت ربها عدت السالفة ع خير حست بإن بيصير شئ ورى هالحلمة تعبت بعد ما تأكدت بإنه نايم فرشت لها ع الأرض و نامت نهـــــاية الجزء الثامن أدري غن في بعض الأمور تسرعت فيها بس لأني كنت مستعجلة واايد |
هلا شكراً عالجزء الحلووو ^_^ اتريا الجزء الياي بفارغ الصبر تحياتي : دمعة الإمارات |
اخيرا نزلتي الجزء
باين عليه بكون حلو بعدي ما قريته |
كارين
أعتذر عن الرد فمشاعري لم تستطيع إحتمال حزن هذا الجزء فقط هنا دموعي إنهمرت بدل كلماتي أعذريني ووفقك الله |
جزء روووووووووعة
تسلمين يالغالية ولا تطويلين علينا |
الجزء رووووعه
بس احسه قصير>>>>>>>طماعه البنت مشكوووووووووره وما تتاخرين علينا نترياك |
| الساعة الآن 01:05 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.