|
السلام عليكم ..
وانا بعد قريت هالموضوع ..وتساءلت ..يعني لهالدرجة ؟! المهم ..أنا رايي في الموضوع .. انه البنت المحترمة واللي كلامها محترم ..هذا عادي .. اما وحدة عليها حركات ..و..و..و.. فهذا أكيد مو عادي .. وبعدين الرجل ما يعيبه شي ..هذا الكلام كل حد يعرفه سواء قابل الكمبيوتر 289798ساعة ما يهم ولو كلم 76978098 بنت بعد ما يهم اما البنت لو كلمت شخص سواء عالفون او عالمسنجر تسيء لسمعتها .. وهذا مو موضوعنا .. المهم البنت لو كانت داخلة منتدى للبنات بس ومشاركات نسائية فقط يكون أفضل لها .. وبعد لو كانت محترمة ومشاركاتها بعد محترمة فلا بأس.. بس يفضل لو كان منتدى بنات ..منعا للاحراج بعد ..ومنعا للشك وظن السوء.. |
السلام عليكم ورحمت الله وبركاته ،،،
في وجهة نظري ما فيها شي البنت تكتب في المنتديات المحترمة وخصوصا الخاصة للنساء لأن سي عادي واحنا في عصر تطور ،،، وصار الجاهل في هذا الزمن للي ما يعرف يستخدم الكمبيوتر مب للي ما يعرف يقرأ ،،، بالعكس البنت في المنتديات تقدر تتطور وتكسب خبرات احسن لها بدال الدوارة في الأسواق واتمنى ان اجابتي كانت معقولة ومفهومة ؟؟؟ مشكورة والله يعطيج العافية على الموضوع ،،، تحياتي : عســـــــــــ قطر ــــــــــــــــــولة |
انا اشوف انة الكتابة في المنتديات مافية اي شي عيب
وبعدين احنا نتبادل الاراء والكلام مو نغازل وتركنا الشات واللعب والامكان المشبوووووووة واللي يحبها ويفضلها الشباب نفسهم في المنتدى نعبر عن ارائنا ونكتسب خبرة وثقافة اكثر ومالنا غير النت اللي نكتب فية عن اللي في بالنا لانروووووح مع شباب ولانتباهي بالسيارات والاسواق ومانطلع في الليل وندور في الشوارع وحتى لو كان اللي في المنتدي رجال وردوا علينا فهم يعتبرونا اخواتهم وكل بنت هي اللي تحط حد للشباب وفية شباب اكثر خبرة في امور التكنولوجيا واللي انا شفتها والبنت الاخلاق اخلاق حتى لو في الشات مو في المنتدى والحين الشاب اللي مايقدر افكاري وش ابغى فية اتزوجة معالش يمكن رائي شوي قاسي بس هذا رائي |
والله اللي سوته البنت موغلط اذا كانت محترمه بس هذا الشاب شكله متخلف :0044: تحمد ربها ماتزوجته
|
: : : الضاهر يبوننا خدم بالبيت نطبخ وننفخ ايه مر يمر كبدهم : : : : كشوخه |
أنا أشوف إنه صح كلامه لان المرأه قاعد تكلم رجال والرجل بطبعه غيور مايبي أحد يكلم حرمته ولا حرمته تكلم أحد غريب ...
وبعدين يكون أحسن للبنت أنها ما تشترك في منتدى فيه رياجيل حتى لو واحد لأن بس بمجرد إنها كلمت الرجال فهذا يعني إنه شالت نصف حياؤها لان المنتدى إلي فيه أولاد وبنات غير مضمووون بالمرررررررره .... مجرد راي لا أكثــــــــر ولا أقل ... |
تسلمي غاليتي نولي بصراحه هذي اول مشاركه لي في قسم النقاشات لكن اذا كانت البنت في منتديات نسائيه فهذا حكم جائر وربما يكون فهمه مقتصر على الدردشه فهذا يبي من يوعيه واهم شي الاخلاق والخوف من الله في اي مكان واشكر لك طرحك لهذا الموضوع غاليتي |
|
انا اشوف ان اخلاق البنت وتربيتها اهي اللي تتحدد للخطيب شنو اهي خطيبته
سواء كانت تدخل منتديات او لا ,, وحتى لو عرف عقب الخطبه ان خطيبته تدخل منتديات اهو راح يحكم على خطيبته من منطلق سلوكها وادبها واخلاقها مو منطلق ان اهي تدخل منتديات او تستخدم النت او غيره وبعدين شالمانع اذا كانت هالبنت تدخل منتديات وتكتب فيها وتشارك بادب واحترام وبحدود بينها وبين المشتركين حتو لو كان المنتدى مختلط ,, ها صار ابداء الراي غلط ؟؟ والا صار قلم البنت عوره ؟ |
| الساعة الآن 02:07 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.