منتديات بنات دوت كوم - بعد ماجفيت ترجع تقول انا احبك واحبك ...واحبك

البارت السادس
77
77
77
77
77
يوم الخميس بالنسبه حق خليفه احلى يوم فى حياته وفى الصوب الثاني الي هي ساروه بتموت من كثر ما تصيح الكل استغرب حتى زايد وهو اقرب واحد لها من اخوانه ماعرف شو يسوي طلعوا وقعدت ساروه بروحها فى البيت وهيه كل دقيقه تحس فعمرها بتموت خلاص خليفه بيتزوج و انا بموت الدموع صارن شي عادى لها لازم الدموع تلمس خدها ...
.............................
بيت سعيد ولد سالم الكل مرتبش على الخطبه و الملجه وكانو وايد متعيلين عليها كلهم مستانسين ولطيفه طبعا كانت جميله بس هب فجمال ساره تدلع فيها ويزيدها غرور... دخل خليفه بيت سعيد بن سالم مع عيال خالته و عمه ووصل الوقت الي بيجوف فيه لطيفه كلهم قعدوا ودارت عيون خليفه على الحريم و لطيفه قاعده عداله وقعد يدور بس يلمح طيفها التفت على عمته : عمووه وين ساروه
ام زايد: في البيت
خليفه: ليش مايات معاكم
...............................
الا واشوي يرن تلفون زايد استغرب منو متصل من البيت لايكون ساروه
زايد: الووو
مارى((خدامتهم)): hello sir this is me marry please help me
زايد: اييه مارى شو صار
مارى: ms sara will die
زايد: this is not a good time for joking
مارى: please come
زايد: okay bye
ام زايد: اشفيك ياولدي
زايد: بسير البيت ساروه وايد تعبانه
حمدوه: ياربى عليها ((تلتفت على خليفه و تصيح )) انته السبب
خليفه((فتح عيونه)): انا
ناصر: خلاص انا افهمه اطلعوا انتوا خلاص
خليفه: بسير انا
لطيفه: بعده الوقت
خليفه: برااايج
طلعوا صوب بيت ام زايد وكلهم خايفين و خليفه وناصر لحقوهم بس ناصر قاله يوقف السياره عشان يقوله شى
خليفه: يالله قول اريد الحق عليهم
ناصر : تريد تعرف ليش ساروه مريضه
خليفه((باهتمام)): لييييييييييييييييييييش
ناصر: انته
خليفه: شوفيكم انا و انا شو السالفه
ناصر: ساروه تحبك ياخليفه
خليفه انصدم كان هذا اخر شى يتوقعه ساروووه تحبه وهو متاكد انها مستحيل تحبه فى يوم بس كيف و متى وبسرعه البرق بدون ماينتبه حق الاشارات طار خليفه بالسياره ويوم وصل بيتهم وهو يريد يوقف سوى صوت بالسياره وفتح الباب و دخل البيت وشاف زايد واقف يدق البيت بدون اى جواب ..
خليفه: انا بفتح الباب قوم
زايد: كيف
خليفه: شووف الحين
زايد: ان شاء لله
........................
الكل قعد يطالعه وهم خايفين خليفه تقرب من الباب وحط اذنه على الباب وتنهد : سارررروووه
ساره من سمعت صوته فتحت عيونها و هيه تردد بينها و ين نفسها خليفه معقوله ما اصدق بس دموعها كالعاده كانت اقوى من انها تستجمع قوتها و تفتح الباب بس صرخت وخاف خليفه يوم سمع صراخها و كسر الباب وسار صوبها و الكل دخل كانت الغرفه مظلمه وايد يوم فتحوا النور خليفه صدمه شكله ساره التعبان تحاول انها توقف او انها تقوم من مكانها تجمعت الدموع فى عينها ما استحمل الموقف طلع برع وصرخ صرخه ذنب ماقدر يستحمل ويردد بينه و بين نفسه : انا السبب اناااا الغبى
حمدوه: خليفه
خليفه: نعم
حمدوه: لطيفه تريد ترمسك
خليفه: قوليلها تنسى
حمدوه((باستغراب)): شوووووووووووو
خليفه: قوليلها مايباج وبس
حمدوه: و الخيبه تخيب العدو مستلبس شو
خليفه: شو بعد ما اريدها دخيلج حمدوه
حمدوه: انزين
حمدوه و هيه تدخل صوب الصاله كانت ترمس عمرها وماشافت جدامها واول مارفعت عيونها استحت نزلت راسها كان زايد : ها ماشفتينى و انا صاير جثه على قولتج
حمدوه: هههههههههه لا و لله كنت ارمس خليفه استلبس مره وحده
زايد((بنظره جمدت حمدوه)): ليش استلبس
حمدوه((فاجه حلجها)): هاااا .....شو ....
زايد: شوفيج ؟؟!!
حمدوه((مستحيه)): لا ماشى
ام زايد: زااايد
زايد: وووووووويه قوليلها انا برع عند خليفه
حمدوه: ها انزين
زايد: برايج
حمدوه:............ سرحانه ..............((اتشوفه وهو يطلع))
ام زايد وقفت ورى حمدووه و هيه سرحانه: حمدوووه
حمدوووه ولا على البال اطالع الباب الي طلع منه زايد...ام زايد هزتها هزه : حمدوووه وابويه عليج
حمدووه: شو عموووه ((نزلت راسها))
ام زايد: وين سرتى هااا من الصبح واجفه انا
حمدوه: سمحيلى عموووه كنت افكر بشى
ام زايد: هيه انزين امج تباج فوق ..بس يابنتى شفتى زايد وين راح
حمدوه: على ما اظن طلع عند خليفه برع
ام زايد: هزرج
حمدوه: انتى سيرى وشوفى لانى شفته يركض برع يوم شاف خليفه
ام زايد: لله يرضى عليج سيرى عند امج الحين
حمدوووه: ان شاء لله عموووه
حمدوه سارت صوب امها و تفكيرها كله فى زايد الي دخل قلبها من دون استئذان ((بينى وبينكم اصلا زايد ينحب من اول نظره )) وهيه تمشي وعيونها ادور على صور زايد من كان صغير لين ما اتخرج من الجامعه وحطت ايدها على قلبها الصغيرالي يعرف يختار بس قعدت تفكر زايد يحس بالى احسه انا ؟؟ وقفت وقفه ثابته وسارت صوب امها وين قاعده لما دخلت حمدووه شافت سارووه وركضت صوبها و حظنتها وتحاول تهديها وكل شى بيصير تمام التفت حمدوه على امها : امااايه
ام خالد: خير يابنتى
حمدوه: اماايه ...... خليفه ((اطالع ساروه فتحت عيونها ))
ام خالد: شوفيه لايكون صار فيه شى
حمدوه: ههههههههههههههههه لالالالا
ام خالد((تضرب بنتها على جتفها)): عيل اشفيه
حمدووه: مايريد لطيفه بنت سعيد الهاملى
ام خالد: لا ولله يافضيحتى جدام العرب اكيد اخوج اتخبل
حمدوه: لا اماايه ولدج عقل ((اطالع ساروه بابتسامه تبشر بالامل ))
ام خالد : بسير اشووفه قعدى مع سارووه
حمدوه: برايج اماايه
...............
شوه تتوقعوون يستوي
قولولي اووكيه
ههههه عادي شي مفاجئ
بعد ما طلعت ام خالد من غرفه ساروه قفزت حمدوه عدال ساروه و تضحك وياها : شخبارج الحين
ساروه : ...........................((لفت راسها صوب الطوفه))
حمدوه: دبووووه ارمسج انا
ساروه: شو تبينى اقول يعنى
حمدوه: انتى لازم تكونين اول وحده تفرح مب انا
ساروه((باستغراب)): ليش انتي تفرحين
حمدوه انسدحت عدال ساروه: اصلا انا ما احبها لطيفه كانت دايم تتقرب مني عشان اخوويه مب عشان سواد عيونى وعاد ياليتها حلوه الواحد يقدر يطالعها جمالها عادى بس اخويه عيونه فيها حول
ساروه: لا تقولين جذا عنه
حمدوه((تصفق)): هههههههههههههههه محامى الدفاع بدى يشتغل بعد ما استجمع قواه
ساروه: بس بالله عليج
حمدوه: تعرفين امايه مستحيل ترفض طلب حق خلوووف
ساروه: اشمعنى عندها خالد وناصر وانتي
حمدوه: ماماتي هذا اخر عنقود الاولاد
ساروه: لا و لله
حمدوه: على فكره انا اعرف انج تحبين خلووف
ساروه((وقلبها يدق بسرعه)): هاااااااااا من قال
حمدوه: ساروه افهمج انا و لله و اعرف ان حبج له حب صادق وتحبينه عشان نفسه وبس ماتحبين الماده ولا عشان ان عنده فلوس او ان ابوه من كثر فلوسه يتصدق بهن انتي مستحيل تنوجد وحده مثلج في حياته
ساروه: بس حمدووه
حمدووه: لا بس ولا شى الي يبا الصلاه ماتفوته صح والا انا غلطانه
ساروه: هيه صح
حمدوه: يالله قومى خذيلج حمام يهدى بالج وانزلى تحت فاهمه
ساروه: مابنزل تحت اخاف ((تنزل راسها))
حمدوه: يالله عن الدلع تحركي..
ساروه: انزين
.....................
طلعت حمدوه من غرفه ساروه نزلت تحت سمعت خليفه يغلس على امه ويرمس وهو يقلد صوتها وقعدت تضحك عليه وهيه نازله من على الدرى شافت نظرات زايد قعد يطالعها وهيه تنزل و يبتسم ابتسامه تاخذ عقل العاقل و المينون وصلت الصاله وقعدت صوب امها ..
زايد: اذا جذا العرس بيستوي مابنعرس
ام زايد: انته خبرنى ليش غيرت رايك هااا خلوف
خليفه: بس ما اباهاا لاعت جبدى يوم شفتها
عبدالله: ههههههههههههههههههههههه ضحكتنى و لله هذا مب سبب
فهد: بنشوفك عاد انته شو بتسوى يوم بتاخذ حرمتك
عبدالله: طال عمرك انا مابشوف حرمتى الايوم العرس يعنى يوم بتكون في بيتنا هذيج الساعه يصير خير
خالد: رياال و لله انك ريال تعلم ويا هالويه ((يطالع خليفه))
خليفه: ممكن دروس خص...................................((سكت وهو فاتح حلجه))
كانت ساروه نازله مثل الاميرات اللون الوردى كان روعه عليها رغم التعب بس كانت جميله بمعنى الكلمه شعرها الاسود كان امبين من تحت الشيله يلي لا بستنها ..تنورتها كانت سوده مطرز بشكل روعه بخيوط ورديه و البلوزه يلي لابستنها كانت بلوزه برقبه ورديه ..اول ماوصلت خليفه قعد امبحلق فيها وناصر يطالع اخته ويعلن علامات النصر ..زايد مب مستغرب لانه يعرف ان اخته حلوه وايد .قعدت ساروه عدال امها الي خافت عليها
ام زايد: اوديج عند الدختور يابنتى
ساروه((بصوت خافت)): لا اماايه
ناصر: خليفه عطنى الكوب الي جدامك ((خليفه في عالم ثاني))
فهد:خلوووووووووووف
خليفه:.............................((سرحان))
زايد: اشفيه هههههههههههههههههه ((تقرب من خليفه)) خلوووف
خليفه: اعوذ بالله من الشيطان ياربى تعرف انك تخوفنى
عبدالله: من الصبح يزقرونك
خليفه: محد زقرنى
حمدوه: هههههههههههههههه الي ماخذ بالك يتهنابه ((اطالع خليفه وساروه))
ام خالد: عنلاتج دواج عند خالد
حمدوه: وانا اشقلت هااا ((حطت ايدها على خصرها ))
عبدالله ((يقلدها)): ماقلتى شى
ناصر: هههههههههههههههههههههه حمدووووه
حمدوه: ها شو عندك
ام خالد: انا اريد اعرف انتى بنت والا ولد
حمدوه: انا حمده بنت محمد
زايد: خالتى شوفيج حرام مب زين لها ((يرفع حياته حق حمدوه الي صخت من سمعته يرمس ))
ام خالد: فالك طيب ياولدى بس انا ما بفجك منها الا يوم ريلها ياخذها
زايد: وانشوف عيالها
ام زايد: وانا متى بشوفك معرس
زايد: ردينا على السالفه الي ما احبها
ناصر: عمووه خليه براحته مب زين تحنين
ام زايد: ياولدى ..((قطع رمستهم خالد))
خالد: هيه عموه من صدقه ناصر مب زين الحنه ((يلتفت شاف ساروه)) ووووووويه سارووه اميره العايله كلها شحالج جولييت
ساروه: بخير ربى يسلمك
خالد: تصدقين صوتج عسل يقطر
زايد: اييييه بلاك اختى هذى
خالد: هههههههههههه انزين ماقلنا شى ((التفت على خليفه)) ها خلوف سمعنا انك كنسلت كل شى
خليفه : هيه احسن جذا اصلا انا ما اريدها فهموا عاد
ناصر: فهمنا و لله فهمنا
ام زايد: اشفيكم ترمسون وانا ما افهم
خليفه: ههههههههههههههه عمووووه ترى الارسال عندج ضعيف
ام زايد: انا عندى ارساال
ام خالد: لا يكون انا بعد عندى ارسال ضعيف بسير اكشف
خالد: لله يخسك ان شاء لله هههههههههههههههههههه
زايد: لا اماايه ههههههههههههههه الارسال بس فى التلفون انتى موبايل
ام زايد: عنلاتك ياخلوف تضحك على
خليفه: لالالالالالالالالالالالالالا هههههههههههههههههههههههه احبج و لله
ام خالد: ياويلى منه انا
خالد: اماايه مب جانج نسيتى ابويه فى البيت
ام خالد: ياربى نسيته
ناصر: هههههههههههههههههههههههههههه حلوه هذى
ام زايد: لله يعينج على عيالج
ام خالد: لله يعينج انتى بعد ياوخيتى
الكل قعد يضحك عليهم بس الشخص الوحيدالى ما ابتسم ساروه كانت اطالع خليفه بكل حب و حنان و بنظرات شوق ولهفه نظراتها بدت تراقب كل حركه من حركاته وخليفه كان حاس بهذا الشى بعد ماطلعوا كلهم رجع ايب مفتاح سيارته وشاف ان ساروه قاعده مكانها تفكر فى مكان بعيد تقرب منها واشر بايده على ويها : ساروووه
ساروه : هاااااااااااااا ((فتحت عيونها يوم شافته))
خليفه: وين رحتى ((يبتسم))
ساروه: لا ماشى ((كانت تريد توقف بس ايد خليفه كانت اسرع ))
خليفه: قعدى بقولج شى
ساروه((نزلت راسها)): شو
خليفه: ليش ماصارحتينى ..وخليتينى ابني اوهاااام وقصور وهو ماله داعى
ساروه: ما اعرف
خليفه: انتي تفهمين شو قصدى بقولج شي قبل لا اسير لا تنسن اني موجود(( يأشر على قلبها)) اهنيه فى قلبج و انتى فى قلبى مع السلامه ((حب راسها وطلع))
ساروه قعدت اطالعه لين ماطلع من باب الصاله ياناس اول مره احس هالشعور ناس تحب و تموت من الحب وناس يحبون بس يفترقون رغم الحب وناس يتمسكون فالي يحبونه لين مايلاقونه ساروه صارت اسعد انسانه خاصه فى هذى لليله ..

شو تتوقعوون يستوي بعد
القاكم في البارت الي عقبه
وابى ردوود واااايد اوووكيه
الــغــلا