جزاكى الله خيرا اختى حافظة القرآن واهلا باهل مصر الحبيبة واتشرف بوجودك معايا واكيد ان شاء الله هاحتاجلك

اختى هنوووودة جزاكى الله خيرا واعذرينى لعدم وجود صور انا حاولت ابحث لكن ما لقيتش صور مناسبة فمعلش حاولى تتخيلى انتى الصورة:018:

مشكورة أختي سلوى ..

بس ياريت يكون مدعم بالصور مثل ما قالوا عشان نتعلم أكتر إذا تقدري إذا ما تقدري عادي ...

بإنتظار أشهى الأطباق منك عزيزتي ..

جزاكم الله خيرا يا بنات والله بتحرجونى بطلبكم للصور عشان كده هاحاول تانى عشان خاطركم

وانا كمان مصريه
وياريت تجيبى اكلات مصريه كتير

اهلا اهلا ببنات مصر الحلوين وياريت انتم كمان تساعدونى وتقولولى طلباتكم
وعموما ان شاء الله الوصفة الجاية خلطة المحشى لاى محشى.......

[quote=سلوى يحيى]اهلا اهلا ببنات مصر الحلوين وياريت انتم كمان تساعدونى وتقولولى طلباتكم
وعموما ان شاء الله الوصفة الجاية الملوخية.....

الملوخية

المقادير:
نصف كيلو ملوخية
خمس فصوص ثوم
ملعقة سمن كبيرة
ملح
كزبرة مطحونة

الطريقة:
طبعا نشترى الملوخية من بتاع الخضار وتأكدى ان الورق بتاعها شكله طازة ومصحصح مش ذابل
ناخدها البيت ونقطفها يعنى ننزع الورق من العيدان ونضعه فى طبق لوحده وبعيدن تتغسل كويس نغسلها ازاى؟؟ نضع الورق فى طبق عميق ونملاه بالماء ثم نغير الماء حتى نجدها نزلت بيضاء بلا رواسب
ثم نضعها على قطعة قماش كبيرة او ورق جرائد حتى تجف ثم نخرطها بالمخرطة او فى الكبة
بعد ذلك ننقلها فى الحلة او وعاء الطبخ ونضع عليها حوالى مغرفتين شوربة وتكون الشوربة مغلية حتى نجد ان قوامها مناسب ليس سميك وليس خفيف
ثم نضعها على النار وعندما نجدها بدأت تغلى بسيط نغلق عليها النار والنار تكون هادئة
نحضر الثوم ونضع عليه الكزبرة ونصف ملعقة ملح ويدق او فى الكبة ثم نحمره فى السمن حتى يصفر ثم نضعه فورا على الملوخية ويقلب جيدا ثم نضعها مرة اخرى على نار هادئة حتى تغلى بسيط لا تتركيها تغلى كثيرا واضبطى الملح جيدا وبالهنا والشفا :032: