|
اشهر الاطباق المصرية
السلام عليكم ورحمة الله وبركاته
اخواتى الجميلات فى منتدى بنات انا اختكم سلوى من مصر والموضوع ده ان شاء الله هيكون فيه كل اسبوع بعون الله اكلة مختلفة من المطبخ المصرى ويارب تنال اعجابكم انتظرونى ان شاء الله مع اول طبق مصرى هو(المسقعة)........:eat: :eat: |
مشكووووووووووووووووووورة أخت سلوى
بس ياريت يكون مدعم بالصور الخطوات بيكون صعب سشوي بس ياريت النتيجه النهائيه وجزاكي الله خير |
انا مصرية ايضا وساشجعك
|
امووووووووووت اناااااااااا في الاكل المصري زي الكشري والفطير المشلتت امممممممم وناااااااااااسه
|
جزاكم الله خيرا اخواتى راعية بنات دوت كوم وشيماء وياريت خليكى جنبى لاحسن نتفضح :blush: واختى عنج نجد واهلا بيكم
دلوقتى بقه ركزوا معايا بس معلش المرة دى مفيش صور وهاحاول المرة الجاية ان شاء الله معاكم ورقة وقلم.... ها جبتم.... كويس كده اكتبوا بقه: المقادير: 1\2 كيلو باذنجان رومى اللى هو اسود وكبير 1\2كيلو طماطم 1\2كيلولحم مفروم بصل وتوابل الطريقة: نقطع الباذنجان شرائح تكون سميكة شوية عشان فى النضج لا يتهرى ونحمره فى الزيت قبل كده نكون عاملين اللحم المفروم مشوحينه على النار مع البصل المبشور والملح والفلفل ونكون عاملين الصلصة نعصر الطماطم وبعدين نحمر ثوم فى او بصل عشان تكون اخف فى الزيت ونحط عليه عصير الطماطم ونظبط الملح والفلفل والبهارات ونسيبها تغلى لغاية ما يكون سمكها معقول ونطفى عليها. نرجع بقه للباذنجان قولنا نحمره فى الزيت وده يكون آخر حاجة ونكون محضرين صينية حجمها مناسب ونحط باذنجان فى الاول وبعدين اللحم المفروم وبعدين باقى الباذنجان وبعدين الصلصة مع مراعاة ان الباذنجان يكون مغطى الصينية كويس وبعد كده نحطها فى الفرن يكون سخن ونسيبها حوالى 1\4 ساعة لغاية وشها ما يحمر وبعد كدة نطلعها ونكلها بس حاسبوا عشان سخنة. ملحوظة: مش لازم نعمل الطماطم كلها ولكن حسب ما نحس انه كفاية للصينية كمان ممكن نعمل حسابنا فى باذنجان اكتر عشان يكون كافى للتغطية تحت وفوق . وبالهنا والشفا:) :) |
ها يا بنات ........الاكل عجبكم؟؟؟
عايزة اعرف رايكم ايه عشان اعرف اذا كنت هاكمل ولا لأ؟؟؟ منتظرة ردكم................ |
مرسي اختي على ده الوصفة الجميلة
|
تسلمى اختى بنت الخور بس يعنى ايه بنت الخور؟؟؟ عايزة اعرف
المهم يا بنات الوصفة الثانية او الاكلة الثانية سهلة جدا ويمكن تكونوا عارفينها هى.......... البيض بالبسطرمة... بصوا بقه.... نجيب البسطرمة ونقطعها قطع صغيرة او متوسطة وده طبعا بعد ما ننظفها وبعدين نشوحها فى شوية زيت وبعد كده نحط البيض عليها ونقلبهم على بعض لغاية البيض ما يستوى مع البسطرمة. وبالهنا والشفا |
ياااااااااااااااا بجد بجد انا بمووووووووت في حاجه اسمها مسقعه
والف شكر ياسلوي علي الوصفات الجميله والمبسطه دي ويارب دايما تجيبي وصفات كويسه كده عشان انا باامانه مش بعرف اعمل اي حاجه وماما كل ماتدخلني المطبخ نزعق مع بعض وبزعل اوي ونفسي اتعلم ومش عارفه اعمل ايه اهئ اهئ اهئ خليكي جيبي وصفات سهله كده اوك سلام |
امممممممممم
مشكورة اختي |
انا مصرية برده يا سلوىوبشجعك جدا وحتلاقينى جنبك دايما ان شاء الله وبرافو عليكى
|
روووعه يسلمووووووووو خيتو
|
شكرا على الاكله الشهيه
|
جزاكم الله خيرا يا بنات ايوة كدة شجعونى وارفعوا معنوياتى
وعلى فكرة استنوا الاكلة الجاية وهى....................الفتـــــــــــــــــــة اصلها محتاجة روقان المصريين يعرفوا كده كويسb:7 |
اهلا بيكى كليوباترا وخليكى جنبى الله يخليكى احسن نتفضح ادام الاجانب
|
واو مشكورة على جهدك
|
السلام عليكم ورحمة الله وبركاته
جزاكم الله خيرا اخواتى على مروركم الكريم ودلوقتى مع طبق جامد جدا من الاطباق المصرية وهو (الفتـــــــــــــة) وهو بصراحة جامد لانها اكلة قوية شوية يعنى حاجة كده تملا العين المهم............ركزوا معايا وما تنسوش الورقة والقلم............برده نسينا....................طب بسرعة روحوا هاتوا ورقة وقلم وانا منتظرة..............:s13: طيب نبدا بقه........ المقادير: 3 كوب ونصف ارز طماطم عيش مخفف شوربة لحم خل وملح وفلفل وكمون زيت او سمن ثوم الطريقة: بسم الله اولا نكسر العيش المخفف فى الصينية اللى هنعمل فيها وده حسب الرغبة وطبعا عيش عادى مش فينو او توست ثانيا الارز نعمله زى الارز العادى بالظبط ولكن من غير شعرية يعنى ارز ابيض ثالثا الصلصة نعصر الطماطم كويس ونصفيها وبعدين نحمر فصين ثوم فى الزيت ونحط عليهم الصلصة مع ملعقتين خل وملح وكمون وفلفل ونظبط الملح كويس ونسيبها تغلى لغاية ما يصبح قوامها معقول واوعوا تسيبوها تتسبك اوى نرجع للعيش تانى... نشيله من الصينية اللى هو فيها ونحمر فيها فصين او ثلاثة ثوم فى الزيت او السمن حسب الرغبة وبعد ما يتحمر يبقى لونه ذهبى كده نحط عليه ملعقتين او ثلاثة خل وبعدين نحط الشوربة يعنى بالمغرفة ثلاث او اربع مغارف ونحط بعد كده العيش المجفف اللى كسرناه فى الشوربة ونطفى النار لو حسينا ان العيش محتاج شوية شوربة نزوده بس مش كتير المهم فى الآخر يكون العيش متشرب شوربة كويس وميش شوربة زيادة واوعوا تنسوا تظبطوا الملح بعد كده نجيب الارز الابيض ونفرده على وجه العيش نغطى العيش به كويس وبكده تكون الفته خلصت وجاهزة للاكل مع صلصة الطماطم اللى عملناها ..............وبالهنا والشفا:) منتظرة رايكم وردكم:) |
ايه يابنات الاكل مش حلو ولا ايييييييييييييييه؟؟؟؟
كليوباترا.............انتى روحتى فين ؟؟؟ اتخليتى عنى ولا ايه؟؟؟؟؟؟؟ |
لا والله متخلتش عنك انا متبعاكى ومظبوطة طبعا انا رأيي فيكى ميخيبش استاااااااااااااااااااااذة طبعا وتسلم ايديكى
|
ميرسى يا قمر على الكلام الحلو
يعنى تفتكرى فى امل؟؟؟ العريس مضمون يعنى؟؟؟ |
فكـــــــــــــــــرة حلوووووووووووووووووة ......
تسلميييييييييييييييييين يا سلووووووووووووى .......... |
نسلميلى اختى ليدى وشكرا على المرور والرد الجميل
|
الله يعطيج العافيه
ودمتي الى الامام |
طبعا يابنتى العريس مضمون متقلقيش حخطبلك ابنى ههههههههههههههههه
|
ده يشرفنى يا كليوباترا..........حد يطول يتجوز ابن كليوباترا؟؟؟؟
هههههههها |
السلام عليكم ورحمة الله وبركاته
الصنف الجديد .................................صينية البطاطس فى الفرن المقادير: بطاطس عصير طماطم ملح وفلفل ملعقة كبيرة سمن شوربة ثوم وبصل الطريقة: الطبق ده هتلاقوه سهل جددا ان شاء الله بصوا بقه اوعوا تكونوا نسيتو الورقة والقلم زى كل مرة............... نبدا بقه.......... نقشر البطاطس ونقطعها حلقات سميكة ونغسلها ونحطها فى ماء بملح حوالى 5دقايق وبعدين نشيلها من الماء ونحطها فى الصينية ونحط عليها عصير الطماطم ونخفف بالشوربة لغاية ما نغطيها كلها وبعد كده نطون دقين ثوم وباشرين بصلة متوسطة ونحطها عليها مع معلقة السمن والفلفل والملح ونظبط الملح ونحط الخليط ده على النار ونقلبه كويس ونسيبها لعاية ما تشرب جزء معقول من الصلصة بتاعتها ونكون مسخنين الفورن نطفى عليها البوتاجاز ونحطها فى الفرن لغاية ما تحمر .... وبالهنا والشفا...........:) :) |
كل سنة وانتم طيبين يا بنات ورمضان كريم عليكم وربنا يفرحنا بالرحمة والمغفرة والعتق من النار ان شاء الله شدوا همكم وجددوا النوايا وعليكم بالدعاء وجزاكم الله خيرا
|
انتظرونى ان شاء الله بعد رمضان واصناف واطباق جديدة تنال اعجابكم ان شاء الله
وثبتكم الله على الطاعة واعانكم فى رمضان |
وانا أيضا مصرية واسمى عبير ان شاء الله سأتابع ما تقدميه وأرجو معرفة عمرك يا سلوى أنا عمرى 26 سنة
|
السلام عليكم يا بنوتات وحشتونى جددددددددددددددددددددددددا و وحشنى المنتدى اوى وعذرا على الغيبة الطويلة لكن الدراسة السنة دى مرهقة شوية وكمان اليومين دول داخلة على امتحانات فبحضر نفسى ادعولى الله يخليكم انجح السنة دى عشان كده انا مشغولة عنم شوية بس اكيد ان شاء الله بعد الامتحانات هاكمل معاكم حتى اكون اتعلمت حاجات جديدة
اختى العزيزة عبير اهلا بيكى نورتينى واسفة على التاخير وانا عندى 19سنة |
|
تسلم الأيادي غاليتـــــــــــــــــــــــــــــــــي
وإذا ممكن تخبرينا طريقة عمل الكشــــــــــري المصري:thank_you إذا تقدرين ...و الأطباق إلي قدمتيها ما عليها كلام كل طبق أحلى من الثاني..:) :yes: |
تسلم ايدينك
وشهيتيني |
:angel: يعطيك العافيه اختي
|
تسلم ايديك ياسلوى
والاكلات رووووووووووعة |
امممممم...أستاذة يا بنتي..
يا ريت كمان الفطير المشلتت و المحشيات و ماتنسيش الكبدة الإسكندراني.... :tong0022 :tong0022 |
السلامـــــــ عليكــــــم ورحمة الله ...
مشكوورة حبيبتي ... ع ها الوصفة ... تسلم ايدج ... ولاتحرمينا من موااضيعج ... اختج في الله : ميزو |
السلام عليكم ورحمة الله
جزاكم الله خيرا يا بنات على المرور الكريم والردود الجميلة وتسلمولى كلكم وادعولى لان عندى امتحانات اليومين دول وان شاء الله افوق منها وافضالكم وانا هاكتب كل الطلبات اللى قولتو عليها وان شاء الله اقدمها لكم ....بحبكم فى الله |
الكبدة الاسكندرانى
المقادير: كبدة من عند الجزار فلفل رومى ملح وفلفل زيت بصل الطريقة: نجيب الكبدة من عند الجزار ونقطعها قطع صغيرة طبعا الكبدة مش بيتحط عليها مياه خالص وبعد كده نحط البصل معطع ونقلبه بسيط فى الزيت وعليه الفلفل الرومى يتقلب شوية صغيرة وبعد كده نحط الكبدة ونخفض الحرارة ونغطيها حتى تستوى وطبعا بعد كده نظبط الملح والفلفل وبالهنا والشفا .:) :) |
السلامـــــــ عليكــــــم ورحمة الله ... مشكوورة حبيبتي ... ع ها الوصفة ... تسلم ايدج ... ولاتحرمينا من موااضيعج ... اختج في الله : ميزو |
| الساعة الآن 06:21 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.