السلام عليكم ورحمة الله وبركاته اخواتي الحبيبات بما ان الاجازه دخلت وبدأ موسم الشراء المكثف لاحظت الكل يدور الماركات حتى لو انها تلوع الكبد طيب ليش يعني اللي بيشوفك بيقوم يطالع بقفا البلوزه او التنوره عشان يشوف ماركتها
بالاول قلت هالكلام لصديقتي وما صدقتني قالت لي لا لا لا الله يهديك الماركه يوضح عليها بدون ما نشوفها من قفاها قلت طيب واشتريت تايير شكله رائع وناعم جدا ولما شافتني قالت اها بديتي تقتنعين بنظريتي وما تلبسين غير ماركات ضحكت وقلت لها شفتي انه لازم تشوفين قفا البلوزه
انا ما انكر اني في بعض الاحيان البس ماركات معروفه بس بالصدفه مو لاني ما اقتنع الا بالماركه
اتمنى اسمع ارائكم بهالموضوع خصوصا ان لي صديقات بناتهم ما شالله بسن 13 و15 يصرون على الماركه
وامهاتهم يقولون بدأ الشرا يصير ممل ما يمدا الواحد يشتري الا لبسين ثلاثه بالنزله كلها وتطير الفلوس