][ كيف تتعاملين مع اختكـِ الصغيره ؟ ][ (من دون سلبيات)....
السلام عليكم و الرحمه ..
شخباركم خواتي ؟ ان شاء الله تمام ؟ ... حبيت أضيف لكم موضوع مهم و هو : ][ كيف تتعاملين مع اختج الصغيره ؟ ][ صغيره يعني من 3 سنوات لين 9 مو أكثر ... اوكي ؟ ... 1/ لا تدلعينها زياده عن اللازم لأن الدلع راح يركبها فوق راسج و راح تكون النتائج سلبيه ، بس لا تقسين عليها بـ نفس الوقت لأنها راح تاخذ منج موقف و ممكن انها مع الوقت ما راح تحبج ، يعني لا تشدين و لا ترخين ، امسكي العصا من الوسط . .. 2/ إذا سوّت شي غلط لا تهاوشينها على طــول ، لا أول شي سأليها : ليش تسوين جذيه ؟ و إذا استمرت بـ العناد احرميها من شي تحبه ، مثلا ً إذا تحب باربي ولا فله خشيها عنها مدة يومين أو 3 بـ الكثير ،، و إذا استمرت أكثر و أكثر بـ العناد ، لا تكلمينها لـ فتره بسيطه أو كلميها بـ اسلوب " الجمع " ، يعني بدل ما تقولين لها : انتي قولي لها انتوا ، و بدل روحي : روحوا .... إلخ ، و بعدها راح تتأدب و تعتذر لج من نفسها ،، و حاولي تبتعدين قد ما تقدرين عن اسلوب ( الضرب ) و خاصة إذا كان على الوجه ! لأنه راح يأثر فيها و في نفسيتها فـ حرام تظلمينها و تظلمين نفسج بـ نفس الوقت . .. 3/ سولفي معاها بـ الأشيا اللي هي تحبها و في اهتماماتها هي حتى لو كانت تملل لا تبينين انج متملله خليج عادي معاها و مع الوقت راح تحبج ان شاء الله . .. 4/ دخليها معاج المطبخ و علميها تسوي سندويشه صغيره مثلا ً أو أي أكله سهله و خفيفه ، و بعدها بـ كم يوم سوي لها " امتحان " و خليها تسوي نفس الأكله بس بروحها من غير ما تدخلين بس راقبيها و خلـّي عينج عليها ، و إذا اختربت الأكله لا تهاوشينها و لا تعيبين عليها ، بس راويها الأخطاء اللي فيها و تصححها بـ المره الجايه و مع الوقت راح تضبطها . .. 5/ تكلمي معاها ، اعرفي ايش اللي يدور في مكنونات نفسها ، و إذا حسيتي انها حزينه أو زعلانه لا تسألينها على طول و من غير مقدمات عن اللي مزعلها ، لا .. سولفي معاها بشكل عادي عن يومها من أول ما قامت من النوم لين هـ اللحظه و راح تعرفين من نفسج هي ليش زعلانه ؟! . .. 6/ قارنيها بـ نفسها و ابتعدي انج تقارنينها بغيرها ، يعني قولي لها انها قبل كانت أحسن من الحين ( هذا إذا لاحظتي عليها تغيّر سلبي ) ، لا تقولين لها ان فلانه أحسن منها ، عشان ما تغار و تحقد . .. 7/ علميها في وقت مبكر اشلون تصلي و عرفيها بـ دينها و الأركان الأساسيه فيه ، و حفظيها سور بسيطه من القرآن و علميها التسبيح و الإستغفار و بعض الأذكار البسيطه و الأناشيد و خليها تكررها قبل النوم بدل الأغــانـي ترى واايد أحسن لها . .. 8/ شاركي في تنمية مواهبها و هواياتها ، مثلا ً تحب الرسم ،ارسمي معاها و لوني و امدحي رسماتها حتى لو كانت مو حلوه و حاولي تصححين معاها الأخطاء اللي في الرسمه لين ما تتقنها و بعدين علقيها في دولاب ملابسها ، أو مثلا ً تحب الحيوانات و خلنا نقول " القطط " ، قصصي لها صور قطط أو أي حيوان تحبه و خليها تحتفظ بـ الصوره أو حتى اشتري لها قطوه صغيره أو قفص عصافير ( و لا تقولين حساسيه و جراثيم ) عادي احتفظوا بهـ الحيوانات في البيت ، و إذا عندكم عزبه شي حلو بعد ، وديها عند المطايا و راويها ، أو روحوا عند الغنم و الدجاج و الحقوا لكم دجااجه ، أو وديها عند الخيول مثلا ً أو حتى عند البقر ( ترى وناسه الحركات الأخيره ) . .. 9/ علميها عـ الكمبيوتر و علميها إنجليزي خاصة إذا كانت لين الحين ما دخلت الروضه أو المدرسه ، و علميها اشلون تكتب اسمها بـ العربي و بـ الإنجليزي ، اشتري لها قصص ، مجلات أطفال ، دفاتر تلوين ، قصص تعليميه بسيطه مثلا ً عن الحروف و الأرقام و اشلون تكتبها ،، يعني من هـ السوالف و تلقينها في ( جـريــر ) و بـ النسبه للألعاب المفيده اللي تنمي مهاراتها تلقينها في ( التعليم المبكر ) ، أو مثل ما سمعت ان عندكم في السعوديه ( مؤسسة المثلث التجاريه ) . .. 10/ لا تخلينها تطلع الشارع أو أي مكان بروحها خاصة إذا كان بالليل أو في عز النهار و ما يحتاج أوضح هـ النقطه أكثر و انتوا عارفيـــن ان (( الدنيــا مــا فيــها أمــان )) ، و الله يحفظكم و يحفظ خواتكم و خواتنا من كــل سوء . ... و بهـ الطرق راح تكسبين اختج ان شاء الله و بـ نفس الوقت ممكن انج تتأهلين كـ ام .. و أتمنى ان الكل يستفيد من الموضوع . و لكم فيض إحترامي و تقديري .. :wave: :0021: مع تحيات......لولو......:005: |
صدقتى عزيزتى الغالية بـ كل كلمة خطى بها قلمكت الكريمت بيننا فى هذه الصفحة المتواضعة بـ المقارنة لما تحمل من كلمات شجية ,, . . . استفدت بـ التأكيد واتمنى ان تعم الافادة على الجميع بأذن الله , . . . دمتى غاليتى بمواضيعكـ العطرة بيننا و اسعد الله ايامكـ, |
|
مشكورة فديتج بس الحمدلله انا ما عندي اخوات .. خخخخ .. فكه ...!!!!
|
تسلمين عالموضوووع الرااايق .. وإذا عندي أخت أكبر مني تعاملني بهالطريقه .. أجل ياليت أرجع طفله :011: بس للأسف ماعندي أخوات صغيرات لأني أصغر وحدهـ :dunno: |
الساعة الآن 07:41 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.