منتديات بنات دوت كوم - عاصى عاوز يتوب

اعمل ايه ؟؟
كل ما احاول اضعف تاني
كل ما اقرب من ربنا الاقي نفسي شوية شوية برجع زي ماكنت
سبت الاغاني والشلة القديمة وبقيت بصلي في المسجد وبغض بصري ... لكن زهقت بعدها ... رجعت زي ما كنت زمان ويمكن اكتر شوية ...
حاسس اني مخنوووق هنا ... هناك كنت فري .. كنت براحتي
... حاسس اني لوحدي ... سبت كل صحابي القدامى عشان مرجعش تاني لطريق المعصية ..
عاوز احب واتحب واعيش شبابي ...
.
.
عارف ليه ؟؟ عشان معرفتوش كويس
معرفتش تحبه ...
لو كنت حبيته بجد من قلبك كنت حسيت بيه بجد اقرب اليك من حبل الوريد ...
لو كنت حبيته بجد هتعرف معنى "" الله اكبر "" اللي بتتكرر كل صلاة وكل اذان وكل اقامة ... كنت قلتها بقلبك قبل لسانك
الله اكبر منك يا نفسي واكبر منك يا رغباتي واكبر منك يا شهوتي .. الله اكبر منك يا دنيا ... سبحانه اكبر من كل شيء واعظم من كل شيء ...
لو كنت حبيته بجد كنت عرفت طعم قيام الليل ... لما تصحى من عز النوم مخصوص عشان تناجيه وتكلمه وهو نازل مخصوص للسماء الدنيا عشان يسمعك ...
لو كنت حبيته بجد كانت الصلاة وحشتك ... عايز تكلمه وتناجيه
وكان القرأن وحشك .. عايز تقرا كلامه وتتعمق في معانيه ...
لو كنت حبيته بجد كنت حسيت بأكبر سعادة واحلى شعور وانت بتغض بصرك وانت بتنمع نفسك من حاجة انت عاوزها عشاااااااانه ... عشان بتحبه .. عشان مش عاوز تزعله ...
.
.
انت عمرك ما عرفت طعم الحب

منقول من بيدج انا هكون يوسف وانتى هتكونى مريم ومش هنحب الا ازوجنا