|
بعد ماجفيت ترجع تقول انا احبك واحبك ...واحبك
السلام عليكم اول مره اتخيل واكتب قصه واتمنى انكم تشجعوني اني اكمل الباقي هاذا البارت الاول 7 7 7 فى بيت بوزايد العايله متجمعه على العشا الا شخص واحد و هو زايد ...زايد عمره 23 سنه يشتغل فى شركه ابووه شكله يجنن شعره اسوود سواد الليل و يلقبونه بمزيون العين من كثر حلاه و الشباب يموتون منه لأنه حلو وكل الي يجوفونه يحبونه .وطبعا من ناحيه البنات يموتن فيه خاصه البنات للى فى عايلتهم من بنات عم و الا بنات خال.....الخ ام زايد: زايد اوووه زايد ((تصرخ علشان يسمعها)) زايد((يفتح الباب)): هلا امااايه ام زايد: تعال ياولدى تعشا زايد: نازل الحين ((سكر الباب )) ام زايد اول مادخلت الصاله شافتهم ياكلون و صرخت عليهم لانهم اتريوا اخوهم الكبير ام زايد: شو هذا بعد ما تتريون اخوكم فهد: شو فيج امااايه حتى انا ولدج دلعينى عبدالله: بالله عليك بدلعنا نحن مستحيل ام زايد: اخوكم العود هذا ساره: وطبعا احلى واااحد مب صح شباب ام زايد: بسم لله على ولدى قل اعوذ برب الفلق ميرى ميرى ((تصرخ على الخدامه)) ميرى: يس مدام ام زايد: سوى دخوون يالله بسرع ميرى: حط عود ام زايد: لا بس انتى يبى المدخن فى هالوقت دخل زايد و الكل يضحك على ام زايد زايد: اماااااااااايه شفيج ام زايد: اختك بتعطيك عين زايد: ههههههههههه لا و لله ساره: و لله جانك مب اخونا حشى عوذ بالله زايد: امااايه اشفيج مب زين ام زايد: عين الشاب نشاب ياولدى زايد: لله يهديج ياامااايه ((يلتفت على اخوانه)) يالله تعشوا ساروه: امايه خلينا انسير باجر بيت خالوه ام زايد: لا مافينى كلنا بنتجمع بيت يدج زايد: انا اسير بعد فهد: بعد شو لازم تسير ام زايد: ليش مفكر انك ماتسير قصورك بعد عبدالله : يمكن عنده شغل ساروه: شو شغله بعد زايد: بسم لله كلتونى بسير خلاص ام زايد: هيه بعد شو باجر الساعه 9 الصبح بنسير عندهم زايد: خيبه حد يسير الصبح لله يهديج ساروه: احسن الصبح فرش زايد: بس جب انتى اووونه فرش ساروه: اماااايه شوفيه يقولى جب ام زايد: برااايه لو يكسرلج راسج بعد ماعليه لسانج مارمت عليه زايد: ههههههههههه ايوااااا فهد: امااايه و انا ام زايد: لله يخليكم لى ان شاء لله ابوكم لله يرحمه ربى رياييل و النعم فيهم . يترحمون على ابوهم ............... زايد:الحمدلله على كل حال يالله بسير غرفتى انا باجر وراى شغل ام زايد: باجر عند بيت يدك زايد: هيه نعم الغاليه عبدالله: زايد زايد: هلا بوحميد عبدالله : اريد تلفون .. زايد: وتلفونك عبدالله: ما اريده .. زايد: بطران انته الا من ثلاث اسابيع مغيرنه عبدالله: يا اخى كل اسبوع ينزلون شى يديد فهد: عن البطره يالله ما شى تلفون بسير ارقد يالله اخليكم ساروه: هههههههههههه ديايه من الحين ترقد فهد: ديايه فى عينج ولله تعبان من الشغل زايد يهد حيلنا من الشغل زايد: قول و لله يعنى مدير قسم على الفاضى حاطنك عبدالله: هيه على الفاضى .. ام زايد: بسر ارقد انا اتناقروا انتوا يالله زايد: تصبحين على خير امايه ام زايد: و انته من اهل الخير ياولدى الكل سار غرفته علشان ينشون من وقت لان لازم باجر يسيرون بيت يدهم ..الكل فى سبات الا شخص واحد و هو زايد للى قاعد يفكر فى مشاريعه .همه الوحيد الشغل ماكان يفكر فى اى شى ثانى ..بعد تعب رقد زايد وصار فى سابع نومه ... الصبح الساعه 8:30 ام زايد من صباح لله خير توعى عيالها علشان يسيرون بس حليلها ماقدرت ادق على باب غرفه زايد لان قلبها حاس انه كان امس يعدل فى مشاريعه فخلته اشوى يرقد نزل فهد و عبدالله الصاله شافوا ساروه قاعده تاكل فهد: بسم لله عليج اشوى اشوى لا تغصين ساروه: يالله الواحد مايقدر ياكل عبدالله: لا كلى شوى شوى مب جذا تقولين ملغوثه سارووه: اماااااااااااايه تعالى شوفى ((تصرخ)) ام زايد: بس جب قطعى اخوج راقد ساروه: انزين يحسدونى ام زايد: اخوانج مابياكلونج ساروه: انزين اتريوا زايد يوم بينزل الا و اشوى كان زايد نازل من فوق وطبعا ابتسامه حلوه على ويهه تشرح القلب .. زايد: صبحج لله بالخير ام زايد: زان صباح ياولدى فهد: السلام عليكم زايد: و عليك السلام شحالكم اليوم ساروه: زايد هذيل بيحسدونى زايد: لا اله الا لله اصبحنا و اصبح الملك له ساروه: شوفهم زايد: ساروه انتى اول سنه جامعه يعنى كبرتى عقلى عاد عن حركات اليهال هذى ساروه: انزين عبدالله: زايد شو عن موضوعى زايد: يصير خير ((يلتفت على امه)) متى تبون تسيرون ام زايد: متى ما بتسرحنا ترانا سايرين زايد: خلاص عيل بتريق و بنطلع فهد: اماايه صح منو بيكون عند يدى اليوم ام زايد: كلهم ياولدى كل خوالك و خالاتك زايد: لا و لله غريبه و لا مره استوت عبدالله: هيه و لله صح غريبه ساروه: ياى بشوف البنات كلهم زايد: هيه زين علشان الرمسه و الكلام الفاضى ساروه: لا و لله زايد: هيه و لله رمسه الحريم فاضيه ماعندهن الا يرمسون عن هذى وشو سوت و من هالسوالف الفارطه.. ام زايد: تريق ياولدى و خلها عنك على الساعه 10:00 طلع زايد واهله صوب بيت يده و الكل كان متجمع اهناك..اول مادخلوا حوش البيت شافوا سيارات خوالهم نزلت ام زايد و ساروه ساروا صوب الصاله قبل زايد و فهد و عبدالله ..اول مادخلن سلمن على الحريم وساروه ماصدقت على لله شافت بنات خالها حمد و قعدت تسولف وياهم الا و اشوى بنت خالتها نوره للى تموت من تشوف زايد ..وقفت جدام ساروه و اطالعها بنظرات احتقار وغرور و تحدى نوره: هلا سويره و ينه زايد ساروه: و لله يا موزه يجنن الفلم ((مطنشه نوره)) نوره: ايييييييييه ارمسج انا ساروه: شو تبين ((تصرخ بصوت عالى)) ام زايد: شو فيج ساره ساروه: شوفيها اماايه فهد: سارووه برايها خلاص نوره: منو رمسك انته فهد: على ما اظن انتى قاعده ترمسين اختى موزه: خلاص عااااد ((طاحت عيونها فى عيون عبدالله)) عبدالله: هيه صدقها موزوووه بس عااد ام سالم: يا اختى اشفيهم العيال اليوم ((دخل زايد و سالم وخليفه فى نفس الوقت )) هودوا الشباب و دخلوا و قعدوا مع خوالهم و خالاتهم كلهم فى صاله وحده ..ونوره من الصبح قاعده اطالع زايد للى ما معبرنها و لاشى ..دخل يدهم و الكل وقف يسلم عليه ومن بعدها تغدوا و ارتفع الشيبه علشان يرتاح ووصاهم انهم مايطلعون من البيت لين العصر يباهم يتعشون و ياه ام سالم: سالم وين رحت سالم: رحت اغازل ام سالم عنلاتك من ولد شو تغازل بعد زايد: ههههههههههههه عيب ياريال لا تمس جذا جدام البنات ساروه: هيه صح لا ترمس جذا مب زين زايد: قلتلج رمسى ساروه: لا زايد: عيل ساروه: زايد زايد: هلا ساروه: و لله انك تقهربى زايد: هههههههههههه مشكلتج ام زايد: بعد شو يقهربج بعد ساروه: الحمدلله يار بان اخوى طلع حلو مب نذل عبدالله : ههههههههههههههههههههههههههههههه حلوه منج سارووه زايد: لا و لله مب نذل بعد نوره: شفت اختك شوقالت عنك زايد((يطالعها باستغراب)): انتى اشلج فى اختى انصدمت نوره من رده فعل زايد و قررت تسكت لا ايها كلام اكثر ..ومن بعدها لا رمست و لا قالت حتى كلمه كل البنات كانن يطالعن زايد لانه احلى واحد فى العايله ..الا موزه للى كانت تحب عبدالله من كانوا صغار بس عبدالله ولا على البال ماكان يفكر فيها الفرق كان بينهم بس اربعين يوم ..فى هالوقت دخلت حمده بنت خالهم مع امها و خواتها شوق و مريم .. حمده: السلام عليكم ام ناصر: السلام عليكم الكل: و عليكم السلام و الرحمه ام زايد: شحالج يا ام ناصر عيل وينه ناصر و خليفه ام ناصر: الحين بيدخلون ماشاء لله عليكن يا بنات كل و حده احلى عن الثانيه ام سالم: لله يخليهن يارب و نشوفهن معرسات ام زايد: ان شاء لله زايد: ان شاء لله بيعرسن و بنشوف عيالهن بعد ام خالد: و انته يازايد ماتريد تعرس زايد: مستحيل الكل انصدم شو مستحيل ...زايد مايريد يعرس و فى هالوقت دخل ناصر و خليفه ..ساروه كان فخاطرها اتشوف خليفه اخر مره شافته كان عمره سبع سنوات ويوم دخل رفعت راسها شافت واحد طويل و عيونه عسليه وكان لابس كندوره كركميه رووعه وريحه العود انتشرت فى المكان التفت خليفه على ام زايد بعد ماسلم خليفه: شحالج عموووووووووووووووووووووووووووووه ام زايد: اشفيك تصرخ خليفه : احبج و لله تصدقين عاااد من متى ما شفتج ام زايد: تندله البيت و الا ارسمه لك زايد: وين تعرفين ترمسين امااايه ام خالد: خلها تحاول ياولدى خليفه: عموووه اشتقتلج ((شاف ساره باستغراب)) انتى منو ساره انقبض قلبها من شافها و سالها معقوله تذكر كل البنات الا انا ياربى شوفينى سارووه بس ركزى نزلت سارووه راسها ماقدرت اتجاوب فهد: وابوى عليك هذى اختى ساروه خليفه((فتح عيونه)): سوووويره ناصر: ماشاء لله عليج عروس ساروه: تسلم و لله ناصر ((تلتفت على خليفه)) احسن عن بعض الناس وقف خليفه من مكانه ساير صوب سارووه : تذكرين اخر كلمه قلتها لج ساروه: شو خليفه: شفتى منو للى فيه الخير ساروه: يالله قول عااااد ام زايد: مايتغيرون هالاثنين عبدالله: امااايه انا يوعان ام زايد: عنبوك توك ماكل زايد: بير ماشاء لله حمده: شحالكم ((واطالع زايد)) زايد: اقول شباب خلونا انسير الميلس عن الحريم نوره: ليش فهد: احسن و لله علشان نرتاح سالم: امايه يالله برايج ام سالم : برااايكم بكمل لكم الباقي اذا لقيت ردووود علي الـــغـــلا |
مشكووووووووووووووووووره على البارت ويا ريت اتمليه
اختك الفردوس |
هلا والله حبيبتي الفردوس نورتي مشكوره للمرور وانشا الله فأقرب وقت بكملها |
أسعد مساك غاليتي..
قبل اي شي.. اتمنى ان تكبري الخط قليلا.. القصة كبداية لا باس بها.. ولا أستطيع ان احكم عليها من اول جزء.. انتظر البقية.. دمت بخير: زهرة حياة.. |
مشكوووره لمرورج زهره وانشا الله تعجبج البقيه |
البارت الثاني 7 7 بعد ماطلعوا الشباب من الصاله ساروا الميلس وقعدوا يسولفون وطلب ناصر من زايد يغنى حتى لو مقطع واحد وقعدوا يحاولون فيه بس ماشى فايده . زايد: شو عنز قالولكم اطرب سالم: والرفجه بس مقطع انزين خليفه: مقطع واحد يالظالم فهد: زايد يالله عااااد زايد: عبدالله عبدالله: هااا شو زايد: انته غن عنى عبدالله : لو امووت يالله غن ازين زايد: يالله امرى لله مافي مفر((اوعدنى عنى ما تغيب تبقى هنا جنبى قريب ..محتاج انا مثلك حبيب تفهم عيونى و ضحكتى ..فيك انته حلمى من زمان و انته الهو و ادفى حنان تلقى معاى روحى و الامان نحن بشر فى دنيتى .)) سالم: الله روووووووعه ماشا الله زايد: تسلم و لله فهد: فى منو الاغنيه زايد: سير لالالاه حد قالك انى خبل احب بنيه ناصر: خيبه اشفيك على البنات زايد: مافينى شى بس انا ما اريد حد خليفه: انته عكس الى عدالك زايد: منووووه عبدالله: منو بعد سالم الهاملى سالم: بتتعذرون عنى بعدين زايد: يا اخوي ياسالم مب زين الى تسويه فى بنات الناس و انا اخوك شو بتستفيد جان انته و الا خليفه الى طايح فى المول يغازل خليفه: ماشى شغله شو نسوى بعد ..بس البنات يازايد هن للى يسون حركات عبدالله : صح انا اصغركم ((يطالع اخوه زايد)) تسمحلى اخوى انى ارمس شوي زايد: هيه نعم فهد: يالله قول ياعبدالله عبدالله: صح انى اصغركم بس عمرى انا الحين 20 سنه يعنى فاهم كل شى صدقونى الى تسونه غلط و انا ما اوجه رمستى هذى حق سالم بس حقكم كلكم و لله .. زايد: صدقت يا اخوى ها سالم شو رايك فالكلام سالم: ما اعرف شو اقولكم زايد: شورايك اندير مشاريع اهلنا ابرك من سوالف البنات و هالخرابيط ناصر: بخاويك ياولد عمتى زايد: بارك لله فيك و الباقى سالم: بخاويكم انا بعد الكل ابتسم لانهم اتفقوا ولاول مره على شى بتستفيد منه العايله على ................. الساعه خمس العصر بعد اذان العصر اجتمعوا الشباب و البنات عدال يدهم بو محمد ..يدهم عنده بنتين و ثلاث اولاد ((ام زايد و ام سالم .....محمد وسعيد وحمد)) ام سالم عندها سالم و ميره و نوره وموزه و الصغير هزاع الى عمره 6 سنوات .....محمد عنده خالد ناصر وخليفه و حمده.... وسعيد بعده ماعرس لانه اخر العنقود ويدرس فى بريطانيا ..............وعلى العصر الكل يطالع فى الثانى يوم وصل بومحمد الكل وقف احتراما لهيبته الى معروف عنه بقوه شخصيته بس حنون و قلبه طيب ماشى اطيب عنه .. بومحمد: شحالكم يا عيالى الكل: الحمدلله محمد: اقوول ابوويه سعيد ما اتصل فيك بومحمد: لا و لله ياولدى زايد: كم رقم خالى انا بتصل فيه بومحمد: و لله ما اعرف ياولدى و شخبار عمومتك زايد: الحمدلله بخير يسرك حالهم يدى بومحمد: محمد متى معزمين تيوزيون خالد محمد: و لله ما ادرى ياابووويه بومحمد: هوه وينه خالد سالم: اكيد فى الشغل محمد: هيه صح اليوم اتصل يستسمح منك يا ابويه ويقولك انه بايي على المغرب بومحمد: لله يوفقه الا و اشوووى دخل خالد الى يشابه يده يوم كان شباب فى قوه الشخصيه و الطيبه بس خالد فى شى انه واايد يحب يسولف وينكت بس ميره من شافته انتفضت بالقو لان هذا الشخص تحبه بكل جوارحها تحب الارض الى يمشى عليها يوم شافته حطت ايدها على قلبها ..خالد انتبه لها و علشان ما تستوى مشاكل ما عطاها ويه و سلم على يده و قعد عداله بومحمد: شحالك ياولدى خالد: تمام الشيبه بومحمد: لا والله شيبه شو بعدني شباب (جان يكح(كح كح ) ..) خالد: هههههههههههههههههه اسولف بس ((التفت على زايد)) هلا بوسلطان شحالك زايد: و لله تمااام خالد: ماشاء لله المعزب الناس كلها تطرى مشروعك للى بتسويه فى العين زايد: لا و لله و صلك الخبر ام زايد: اى مشروع فهد: اماايه عن للقافه ههههههههههههههههههههه ام زايد: بس يالله بومحمد: شو من المشاريع زايد: مشروع تجارى بسوى مووول محمد: واايد يباله يا زايد خالد: تبانى اساعدك حاضرين زايد: مشكور و لله يا خالد محمد: خالد خالد: نعم ابوويه محمد: ها مب معزم تعرس خالد: ابوويه ما اريد ام سالم: ياربى من هالولد كم عمرك الحين خالد: 24 سنه يعنى صغير ام سالم: شو صغيره لازم تعرس علشان نفرح فى عيالك خالد: شو تبون فينى هذوه زايد والا سالم و الا فهووود و عبوود و نصور و خلووف يوزوهم زايد: انا مابا سارووه: ليش ههههههههههههههههههههه بومحمد: سارووه اشعندج ليش بعد ساروه: يدى انا اعرف ليش زايد مايريد يعرس زايد: رمسى ليش سارووه: لانه مايقدر يفارق حبيبه قلبه من سمعت نوره و حمده الرمسه هذى انصدمن و التفتن على زايد للى قعد يغايض ساروه: هيه حبيبه قلبى و حبيبه عمرى و حياتى وروحى حمده: منووو زايد((باستغراب)): امااايه ليش ..؟؟ حمده: لا ماشى ناصر: حووه اشفيج محمد: هابويه وين بومحمد: ماشى بسير عند ريال بتخاوينى محمد: هيه ان شاء لله ام زايد: نحن الحريم بنسير عند يارتنا ام احمد سارووه: امايه لا تتاخرين ام زايد: وابوى انا على البنات طلعن الحريم صوب بيت ام احمد وقعدوا الشباب و البنات فى الصاله عااد كيف بيفتكون من صدعه خالد للى مابيخلى شى فى البنات الا و خلى كل وحده يا اتصيح يا تزعل ... خالد: ياربى كم راسى يعورنى حمده: كل بندول انزين زايد: مايريد بندول فهد: عندي فكره شباب شو رايكم باجر انسير العزبه عبدالله : هيه و لله ناصر: فكره و لله بس البنات بيسيرن ؟ خليفه: لا بنربطهن فى الزريبه ههههههه ساروه: شو قاعده على راسك خليفه: انتى بنت مب بنات ساروه: لا قاعدين على راسك خليفه: هيه شو بتسوين ساروه: لا و لله ماتدرى خالد: اييييييييييييييه بس جب انتوا الاثنين ساروه: ما بسكت خليفه: لا تستكتين ((يطالعها بنظرات تحدى)) ماقدر ساروه تستحمل جدام نظراته لان خليفه بنظره وحده كان يعق طيرها من سماها بسرعه حطت ايدها على عيونها: بتشوف خليفه((يضحك)): شو بتسوووين زايد: هههههههههههههههههههههه خلوف خلها بتصيح خالد: لا و لله عاد انا ابشوفها تصيح ميره: حرام عليكم خالد((يطالع ميره و يبتسم)): ليش مير((مستحيه)): بس لانها اصغركم خليفه: يالله سارووه سارووه: شو يعنى تتحسبنى اخاف منك خليفه: هههههههههههههه ساروووووه تراج تضحكيني فهد: شو رايكم احط لكم فلم احسن عن الضرابه ((يغلس بهم )) ناصر: لا يبوك الى جدامنا فلم هندى بروحهم بعد شو تبا بعد عبدالله: هيه و لله تعالوا انطالع الاحداث خليفه: هاساروووه ((رن تلفونه)) ............ منو بيكون الي متصل عليه؟؟ تريوني في البارت الي عقبه لاتنسون تردون علي وتقولون لي رايكم الـــغـــلا |
مشكوووووووووووووووووووووووووووووووووووووووووووووور ه حلوه القصه ننتظر البارت الجديد
لا اتطوليييييي علينااااااااااااااااا يالغلا |
مشكوره غلاتي على القصه الجنان
ومشاء الله عليك ما اصدق ان هذي المره الأولى الي تأليفين فيها قصه لأنها من جد ابداع×ابداع مشاءالله ننتظر جديدك غلاتي لاتطولين علينا جبي:) |
مشكوووووووووووووووووووووووووووره لمرووووووورج الفردوس مره ثانيه ومشكووووووووووووووووووووووووووره لمرووووووورج JeSsSiCa وانشا الله تعجبكم القصه كامله b:7الـــغـــلاb:7 |
البارت الثالث 7 7 7 ساروه: يالله خليفه: لحظه ساروه برد على التلفون((يرد على التلفون)) هلا غناتى شحالج سارووه من سمعت هالرمسه طالعت خليفه بنظرات استغراب معقوله جذا يسوى ليش ياربى ميره انتبهت على سارووه وخافت لا يصير فيها شى لانها تعرف بشو تحس ..تقرب خليفه اشوووى منها وهو يرمس البنت و سمعته يوقللها انه اشوى مشغول بيرد يرمسها بالليل احسن ..ورد حق ساروه خليفه: ها يالله ساروه ساروه:....................................... زايد: شوفيج ساروه ((خاف على اخته وقف وسار صوبها)) ساروه((دموعها بعينها و اطالع خليفه)): مافينى شى .. خليفه: اشياج اشفيج سارووه سارووه: ماشى خوز عن دربى الحين لا افلعك ((تنزل دمعتها على خدها)) خليفه اول مره يشوفالدموع فى عيون ساره ..ولا مره شاف هالدموع ..بس تذكر اخر مره شافه دموعها يوم كانت فى الروضه معااه ..قعدت ساره عدال فهد بدون لا ترمس حد .. خالد: شوفيج سارووه زايد: لا تخوفينى شوفيج ساروه: مافينى شي ((اطالع اخوها وحظنته و اتصيح بصوت اشوى مسموع)) خليفه ((تقر ب منها)): ساروه شوفيج ساروه: أكرهك خليفه انصدم شو السالفه و قعد مستغرب من تصرف ساروه زايد شاف اخته بنظرات غضب: شو هالكلام حد يكره و لد خاله ساروه:............................... زايد: يالله ردى على ((معصب)) حمده: اشفيك عليها اشوى شوى ... زايد: لا و لله ساروه: انا اسفه انزين خليفه: عادى الغاليه ناصر: خبال و لله سالم: هيه و لله ههههههههههههههه الا اقول خلووف خليفه: ها شو سالم: شورايك انسير العزبه باجر خليفه: شورايج ساروه زايد: هاشرايج ساروه: هيه انزين نسير خليفه: هههههههههههههه يالله وقعى انج بتسيرين ساروه: هيه شو اوقع بعد ^_^ خالد: حمدووووووووووووووووووووووه حمده: يالله غنى ناصر: دخيلك لا سالم:ليش عااد الى اعرفه صوت حمدووه حلو موزه: غنى ماعليج منهم عبدالله: ليش موزه ماتغنين موزه((مستحيه)): انا استحى نوره: انا صوتى حلو (لقافه زايده عن حدها فنوره) زايد: ويييييييييه لالا صوت حمده احلى بواااااايد نوره: ليش عاااد زايد: ما احب صوتج نوره: ليش بتتعذر عنه زايد: ههههههههههههههههههههههههه دخيلج حمدووه غنى يلا حمده: اوكيه يالله سمعوا الكل: سمعنا حمده: ((تصبح وتمسي وترقد دون تسمعني...عودت قلبك على هجري ونسياني انت تعمدت بغيابك تقاطعني...وانت تسببت في همي واحزاني صبرت بس الصبر ماكان ينفعني..ومليت مل انتظار وبعدك اشقاني ياماتمنيت شوفك وانت تمنعني... وانت تجاهلت احاسييسي ووجداني لاتعتذر في العذر ماعاد يقنعني.. من عقب ماذقت من صد وحرماني انا اتحداك اذا تقدر ترجعني... اوا نت تقدر على بعدي وهجراني ماعاد لك اي دافع شوق يدفعني.. من عقب ماانت تبيع بارخص اثماني بالحيل عانيت من بعدك ولوعني..جرب عذاب الفراق ويمكن تعاني لالا تحاول وابعد روح وطاوعني ..ولاتفكر انك تعود لدنيتي ثاني ماعاد حبك ولاشوفك يولعني ..انا نسيتك واطلب منك تنساني)) و اطالع زايد الى حس انه هذى الاغنيه موجه له هو بالذات نزل راسه و ابتسم ابتسامه زادت من حلاته وطالع حمده الى اول مالمحت عيونه بسرعه نزلت راسها (مستحيه) خالد: يالله يارب ترزقنى ببنت حلوه تشابه........................... ميره: عادى ارمس قول نانسى عجرم و الا اليسا مب احسن خالد: حد قال جذا ميره: تراكم انتوا جذا شباب بلادنا ساروا حق الغرب خالد: لا و لله ميره: هيه و لله موزه: صح الحين شباب الامارات بنسبه 90% ياخذون من الوافدات عبدالله: عيل يبالى انا وحده موزه((معصبه)): سير خذلك وافده احسن ((تفر المجله)) خالد: اشفيكن انتن اييييييييييييييييييييييه زايد: البنات معاهن حق الحين انا اخلى بنات بلادى و اسير اطالع برع اسمينى هب ريااال اذا سويت جذا خليفه: انزين اشفيها زايد: و لله فيها قبايل الحين ترضى اختك تكون عانس ولد خلها و الا عمها ياخذ وافده خليفه: بصراحه صدقت انزين الحين منو قال انه بياخذ وافده خالد: محد ميره: انت خالد: انا ميره: هيه انت قلت يارب ترزقنى ببنت ........... اكمل الفراغات ولا لاء خالد: انزين سلووووم سالم: هلا خالد: انا قلت انى باخذ وحده من برع سالم: الروسيات واايد و لله فى البلاد ميره((معصبه)): اييييييه انت بدال ماتنصحه قاعد ادمره خالد: هههههههههههههههههههههههههههههههه تصدقين ميرووه لله يعين ريلج يوم بياخذج ((ياشر على عمره)) ميره((مستحيه)): اسكت يالله ياراعى نانسى عجرم زايد: ههههههههههههههههههههههههههههههههههه و لله قوووووووووويه خالد: الحين راعى نانسى باجر بتتعذرين عن حرمتى ((يأشر عليها بدون محد ينتبه عليه)) موزه: اااااااااااااااااااااااااااااه يالله ياربى بستين مليون خالد: يالحراميه ناصر: شو تبين فيهم ستين مليون سارووه: يا سلام ايوااااااااااااااااااااا الكل التفت على ساروه الى كانت اطالع التلفزيون زايد: حوووووووووه ارتفعت درجه حرارتج سارووه: تعالوا بنات شوفوا فزااااااااااااااااااااااااااااااااع ((تغايض خليفه)) موزه: وينه وينه سارووه: يالغبيه فى التلفزيون موزه: لله بنطبج تحسبته فى بيتنا سارووه: لا هذوووه فى التلفزيون يا سلام على الكشخه و لله انه رووعه يارب يعطينى ريل يشبه و الا ليش يشبه ان شاء لله هو ايي و يخطبنى فهد:اتخبلت اختى هههههههههههههههه و بنت خالووه بعد عبدالله: اييه انتن ماتستحن حشمونا على الاقل ميره: حليلهن خالد: احلفى انتى بس ميره: هيه و لله هههههههههههههههههههههه ساروه: نحن خليناكم حق نانسى عجرم و ربيعاتها موزه: ههههههههههههه احلفى خليفه: ايييييييييييييييييه ساروه ساروه: اشعندك زايد: ساروه عن الخبال ساروه: اشفيكم و لله خليفه: اسمه الشيخ حمدان بن محمد ساروه: كيفى خليفه: شو ماتستحين ساروه: لاءه (تقلد المصريين) خليفه: عاشت المصريه ساروةه: لا و لله نوره: بس عاد انتوا عن الصدعه ((اطالع ساروه)) اشوفج الحبيبه تحبين تغايضين لو شو سويتى مستحيل ينزلون عمارهم علشانج ((تقصد خليفه)) ميره: نوره عيب شو هالرمسه نوره: و لله ورمستى واضحه مفهوم ((اطالع زايد)) زايد: شو فيج انتى حد ضاربج على راسج سالم: خلها عنك هذى مع الكل جذا زايد: بس سالم و اما اختك هذى حاطه دوبها من دوب اختى دخلن فى هالوقت الحريم ...... ام زايد: بتتعذرون عن نوره تراها بتكون حرمه ولدى ((زايد يطالع فهد ..وعبدالله)) عبدالله: انا صغير ما اريد ام زايد: مب لك انت زايد: حق منو ام زايد: لك انت زايد: مااباها زين جذا ((قام من مكانه وهو معصب)) ام زايد: اشفيه عصب كنت امزح وياه سالم: هذا وقته خالووه ام سالم: ليش شو استوى ساروه: الحين بيقولون بنتج حاطه دوبها من دوبى ام زايد: عيب يابنت خالد: خلاص ماعليكم انا اعرف اتصرف وياااه فهد: وين يدى ناصر: سار ويا ابوويه خليفه: ليش عبدالله:ردينا على سالفه العزبه ام زايد: هيه و لله اشرايكم باجر انسير العزيه .. ام سالم: خلاص بنكلم الوالد فهد: صدق و لله ام خالد: ان شاء لله بنرمس عمى عبدالله: خلاص ارتحت سارووه: امايه شوفى ولد محمد بن راشد ام زايد: ماشاء لله عليه لله يوفقه فى حياته خليفه: بوطبيع ماايوز عن طبعه (يقصد سارووه) حمده: ههههههههههههههههههههههههههه حلو و لله جذا ميره: نفس الشعور حمده: بالظبط ساروه: شوفيكن ميره: ابد سلامتج ساروه: برايكن ((تلتفت على موزه)) اييييييييييييه موزه شوفيج اطالعين الريال جذا لا احسن ادخلى داخل التلفزيون عنبووه حد يفج حلجه جذا تقولين بعير موزه: انا احلى عن البعير سالم: ههههههههههههههههههههههههههههههه تقارن نفسها بالبعير خليفه: ههههههههههههههه الحمدالله و الشكر يارب خالد: ساروه ساروه: هاشو ام زايد: و احطبه ساروه: اماايه احيد خالد زقرنى ههههههههههههههههههههههه فهد:و لله غبيه ساروه: انته غبى بعد شو خليفه: لا هالبنت قويه ((يفرها بالمخده)) ساروه: ايييه راسى ليش تفرها ((تفر المخده)) خالد: بس شو حرب عالميه ................... فى هاللحظات دخل بومحمد وولده محمد ويوم دخلوا كلهم سكتوا احترامآ له.... بومحمد+محمد: السلام عليكم الكل: و عليكم السلام بومحمد: وين زااايد خالد: برع ليش ماشفتووه بوخالد: لا خالد: بسير اشووفه بوخالد: برايك ياولدى ..................... طلع خالد من الصاله ساير صوب الحوش وشاف زايد قاعد و قعد عداله التفت عليه زايد: خالد خالد: هيه خالد يامزيون العين زايد: انزين خالد: اشفيك يمزحون وياك زايد: عاد مب جدامها تصدق من سالفتها كرهتها خالد: بعدك تذكر حليلك يا سالم زايد: لا تقول جذا مب زين خالد: شو تبا فيها انت زايد: ما اريد فيها شى بس هذى تقهربى ما اطيقها خالد: اصلا لانك احلى واحد فعايلتنا الكل عليك زايد: اسكت لا ألمك بكف الحين خالد: هههههههههههههههههههههه ماتنلام ساروه اختك زايد: لا و لله خالد: هيه صح قم يدى وصل انسير داخل معزمين العرب يسيرون العزبه زايد: يالله انزين ....................... ساروا صوب الصاله اول مادخلوا زايد طالع نوره بنظرات احتقار ...وقعد عدال يده .. بومحمد: اشفيك ياولدى زايد: ماشى و لله يدى بومحمد: الحمدلله يارب ام زايد: ابوويه اشرايك انسير العزبه باجر بومحمد: و لله ماعندى مانع ها محمد بتخاوينا محمد: ان شاء لله ياابوى باجر نتغدى فى العزبه اتفقوا انهم يسيرون العزبه ...كان هذا المكان كله ذكرياات بالنسبه لبو محمد ..من توفت المرحومه و هذا المكان يذكره كيف بدى حياته مع المرحومه و كيف الحين عايش بذكراها و لا فكر يتزوج عليها حتى و هي فى قبرها .... انتظر ردودكم وتعليقاتكم على هاذا البارت عشان اكمل البارت الي عقبه b:7الـــغـــلاb:7 |
| الساعة الآن 09:49 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.