|
قد يكون موضوعي الأخير
طبعا قبل ما أبدأ بالموضوع حبيت أقول حاجه تزعل للمنتدى و لأخواتي إلي أحبهم :flower01: :58vp: و ممكن يكون الموضوع يناسب سبب خروجي من المنتدى و سامحوني إذا الكلام عامي لانه جي من القلب ! ---------------- حبدأ بالموضوع الاول و بعدين حقول سبب خروجي من المنتدى : أولا تقبل الشخصيه : من النادر جدا نشوف أشخاص بيتقبلو بعضهم أوقات كثر المشاكل سببها إنو الشخصيه ضايعه محد يسمع أحد كل واحد على حق طيب ليه دائما الجهه النفسيه مهمشه طيب شوفو طريقتي في الحوار شوفو طريقة حياتي دام إنها ما بتعارض ديننا و لا بتغضب ربنا و لا بتزعل أحد غير المتعصب لفكره بس !!! ليه كل واحد يطلع عضلاته مثلا و يقول أنا أحب و أنا أكره و يخصب التاني عشان يجامله و لو يوم واحد أخطأ زعل و نسي كل حاجه ليه عشاني ناجحه أصر على غيري يستعمل طريقتي طيب يمكن ما تناسبو طريقتي و ينجح بطريقه تانيه ليه عندي طريقه معينه من يوم ما أصحى لين ما أنام و لين طريقة أكلي لازم أمشيها على الكل على فكره و دائما أقولها لأي أحد إذا لقيتي حاجه تناسبك بالكتاب مو شرط كل الكتاب يناسبني و مع ذلك الأغلبيه محد يفهم سامحوني على الكلمه الكل بدو يمشي طريقتو و بس حتى في ستايلك غرفتك بيتك صديقاتك برامجك و كل حاجه من إختيارك هي المشكله الأساسيه و محد فاهم النقطه دي لأنه مع النقاش الي ماله داعي ينسي الواحد النقطه الأساسيه وحتى في العمل صداقه دراسه زواج أهل وووو حتى التعامل مع الخدم و السائقين ناس يدخلو فيها يا ناس ( أسمعو و أتقبلو ) هي دي كل الحكايه ----------------------------------------------- و بالنسبه لسبب خروجي من المنتدى و قد يكون آخر موضوع ليا أنا مني شايفه شخصيات العضوات الحقيقه أنا ملاحظه المنتدى مسيطر على قوانين و شروط حازمه جدا فين إبداعي في الردود فين إبداعي بسرد المواضيع فين إبداعي في نقل كل ماهو مفيد ( ترا مهو عيب أنقل ) حلو الواحد يستفيد من خبرة غيره مع عدم سرقة الموضوع دا يكفي قوانين زياده أعذروني مالها داعي محيتو شخصيتنا صراحه من مسح و ارشيف لممنوع ووو خليتو حتى الإبداع إنو يجي من القلب متقمسه شخصية المنتدى رجاءا لا تمسحو و تعدلو وتنقلو لقسم تاني خلونا نتناقش ---------------------------------------------------- تقبل شخصيات الآخرين حتحل كثير من المواضيع يكفي في الحياه العاميه حتى بالنت !! أعتذر عن الإطاله و ياريت أشوف تفااااااااعل كبيييييييير |
رد: قد يكون موضوعي الأخير
حَجْـز..
^َ :)ق1ق1ق1 ، |
رد: قد يكون موضوعي الأخير
اهلاً بكِ ، انـا اوافقكِ فيَ مسألة التعصبَ للرآيَ ، . . وَ النـاس الليَ كذآ مررررة ما يعجبونيَ ، ومستحيلَ استمر معاهم . . بالنسبة لخروجكِ من المنتدىَ ، بصراحة المنتدىَ موَ زيَ ما تقوليَ " متشدد " وَ غالبـاً المنتدىَ الليَ فيه ردود سطحية فترة وَ ينتهيَ امـا المنتدىَ الليَ يطلبَ ردود ابداعيـة تلقييه مستمر لسنين طويلة + اذآ مـآ كان عندك كلام ترديَ فيه ، او مالكِ نفسَ ترديَ ، خليَ الرد وَقت ثـآني فكريَ فيَ كلامكِ مرة ثـآنية وَ اختـآريَ |
رد: قد يكون موضوعي الأخير
السلام عليكم ورحمة الله وبركاته .. |
رد: قد يكون موضوعي الأخير
|
رد: قد يكون موضوعي الأخير
حجز -لي عودة بعد الاختبار- :=: بالنسبة لمحور النقاش فمعاكِ حق والشي هذا أنا دايماً بعاني منه ، أي شي نفسي أسويه ويسعدني وماني شايفتله أي ضرر لازم يجي أحد ويمنعني وبدون ما يوضح سبب حتى ! وفي النهاية ليش أعصب ؟! حتى أتفه من أتفه من أتفه من أتفه الأشياء اللي تخصني واللي محد له دخل فيها واللي حتى لو كان لها ضرر بتضرني أنا -يعني ما حتضر غيري- لازم يدخلوا ويمنعوني ، بس مو مشكلة "إن الله إذا أحب عبداً ابتلاه" + بالنسبة لسبب خروجك فبصراحة كلامك دوخني .، لإني حسيت فيه بعض التناقضات ، اللي فهمته من كلامك إن عاتبة عالمنتدى لإنو سياسته ما تسمح بالنقل وإنت شايفة إنو هالسياسة عائق أمام إظهار العضوات لابداعاتهم ، وهذا أكبر تناقض ، فالإبداع مستحيل ومن سابع وثامن ومليون وأكترليون المستحيلات إنه يجي بالنقل حتى لو أشرقت الشمس من مغربها مستحيل يجي من النقل .، بمعنى إذا كان النقل لا يجلب الإبداع فهذا يعني أن النقل ضد الإبداع بمعنى آخر أنهما عنصران متضادان بمعنى آخر أن النقل لن يجلب لنا الإبداع لكن عكس النقل سيجلب لنا الإبداع ،؛ وعكس النقل سيكون بسياسة منع المنقول ومنع الردود السطحية .. + هو صح مو عيب ننقل بس للتميز ولاظهار إبداع العضوات تم منع النقل ، وأيضاً تخيلي لو كنتِ بتدوري على موضوع في النت ولقيتي واحد بس ما عجبك وكنت بتدوري على غيره وكل ما تفتحي موضوع تلاقيه نفسه ، لو كان أساس المنتديات النقل ما كان في كل هالمنتديات في النت ، كان اكتفولهم بمنتدى واحد وحطوا فيه كل شي .. وعذراً على التأخير بس انشغلت يوم الأربعاء وما فضيت .. |
رد: قد يكون موضوعي الأخير
[COLOR="Black"]
السلام عليكم و رحمته الله و بركاته و حشتوني يا أغلى منتدى طبعا قريت ردودكم و شكرا على وقفتكم معاي ودي ورود لكل الي ردو علي :flower01::flower01::flower01::flower01::flower01: :flower01: طبعا ما شاء الله نقاط كثيره أتكلمتو عنها فإلي حفتكرو حرد عليكم فيها أولا بالنسبه للتشدد صراحه من غير زعل أنا شايفتو متشدد بالفعل قوانين كثيره و مسح في مسح أنا أعرف إنو دا من صالحنا بس لازم تفكرو بعد إذنكم إنو مو كل الناس تقبل هاذا الشي يعني هو من صالحنا عشان الغربى و عشان و عشان و لكن مو الكل يتقبل كل القوانين الكثيره ثانيا من ناحية الردود إذا كان ردها سطحي على سبيل المثال يكفي إنها عبرتني و ما أزعل و إنتو سألتوني لأنها كتبت و علقت على موضوعي مو كل الناس فاضيه في ناس مشغوله و حبت إنها تعلق على موضوعي فيعني أنا أشوفها عادي بالعكس جزاها الله خير و ممكن كمان تكون غير قادره على الإبداع الناس درجات و شخصيات و عقليات مختلفه يعني بعضها تكون حساسه و عيب أقولها بطريقه مباشره منتي مبدعه أو سطيحه ما أقدر أحكم على الناس كلها بأنها ترد بنفس الأسلوب مو لازم إبداع في الرد دا رد مهو موضوع أبدع فيه في ناس على فكر ه تبدع بكلمتين بس و حتى لو ما أبدعت الرد عموما يجي من القلب كمثال و حده أعطتني هدية تصميم لازم أبدع في ردي في شكري لها ترا الإسلام دين سهل و طلب المعامله الحسنه ما قال إبداع في المعامله الإبداع في شي و في شي تاني مو في كل حاجه أتمنى وصلت لأن الزعل أكثر يجي على إلي ترد و تفكر انا بدخل و بأقرا و كتبت شكرا على الموضوع الروعه و استمري ينحذف و الله تزعل و تنقهر أنا بالنسبه ليا و سئلتوني تزعلي إيوه أزعل لأن دي مسئله أخلاقيه مو أكثر , الكلمتين البسيطه ترا تحمس الواحد و تجي طبيعيه و مهي متصنعه يعني كمثال روعه أستمري إيش فيها تتمسح إحنا ما نجلس نخلق الإبداع في الردود بس لازم نخلق الإبداع في الأخلاق في ناس حتى جزاكي الله خير على الموضوع ما بتكتبها و تهري صاحبة الموضوع مية نقد و ممكن بطريقه سيئه و غير لبقه فهنا الفرق فدي يتمسح ردها فعلا إنتو تبغو الإبداع ينخلق طيب أصنعو بس بطريقه إيجابيه و من غير أي جرح لأي أحد لأن أكرر المسح حاجه سلبيه و المسح في حاجات معينه من ناحية الزينه و كمان إلي يزعلني أكثر صراحه إلي ما يكتب و لا تعليق أوقات صح مهي حاطه زينه لكن مبدعه في موضوعها من ناحية الكلام و الصور و التعبير دا يكفي زي الكتاب مثلا مو دائما يبدعو في ألوانو و خلفياتو ووو بس مبدع في الكلام و جذب القارئ بحاجات بسيطه طيب ما تفكرو ليه جذب القارئ ترا القلم بحد ذاته إبداع و بالنسبه للتناقض أنا مني متناقضه بشرح الموضوع من عدة أوجه و بالنسبه للمنقول مو لازم أبدع فيه في ناس مشغوله و حابه تنقل بس لأنها تحب تفيد غيرها وما عندها وقت تعدله و تخليه في أحلى صوره و أحس كدا الي يزعل صاحب الموضوع الأساسي يعني ممكن يقول ليه غيرو موضوعي الأساسي على فكره يفرح إنو يشوفو موضوعو ينتشر مو يتغير هنا أكيد يزعل و تعبو راح و غيرو أستغلو فكرتو و مو عيب نتعلم من غير بنفس خبرتهم ليش يقولو أوقات الطالب بيتغلب على أستاذو لأن أستفاد من فكرتو و طورها من أفكارو هو مو من المعلم أخد الخبره و وطورها و أشكركم جدا جدا على إنكم خلقتولي ساحه أعبر فيها و نتناقش فيها و أتمنى ما أكون طولت عليكم COLOR] |
رد: قد يكون موضوعي الأخير
وعليكم السلام ورحمة الله ..~ حتى إنتِ وحشتينا .، :msn-5efa429591: ويا هلا برجعتك .. برد على كل اللي ذكرتيه نقطة نقطة ؛ :sg.13: اقتباس:
المنتدى بالفعل متشدد وما أحد ينكر هذا الشي .، بس إنت بنفسك قلتِ " أنا أعرف إنو دا من صالحنا " شوفي في الحياة بصفة عامة حتضطري إنك تسوي أشياء إنتِ ما تبغيها ولا إنت مقتنعة فيها عشان توصلي لغايتك أو هدفك .، فلما نلاقي نفسنا مضطرين نلتزم بقوانين المنتدى المتشددة والصارمة المفروض ما نعترض لإنها في النهاية بتوصلنا لغايتنا من التسجيل في المنتدى واللي هو ( إظهار الإبداع ) الخاص بكل عضوة .. اقتباس:
طيب وكيف تتأكدي إنها قرأت الموضوع واستفادت منه ؟؟ لو كان مسموح إنو نكتب ردود سطحية كان دخلت على كل موضوع وكتبت فيه كلمتين وطلعت ولا قرأت شي .، ولو هي كانت مشغولة وتبغى تعلق عالموضوع الأحسن إنها تعلق بس برواقة بعد ما تكون قرأت الموضوع كويس يعني بس تفضى .. + كويس إنك بتنبسطي إذا لقيتِ ردود سطحية في موضوعكبس لو جينا نفكر فيها منطقياً 3 ردود -غير سطحية- أحسن من مليون رد سطحي ،؛ لإنك لما تشوفي إنو في ناس من جد استفادت من موضوعك (اللي تعبتِ عليه) حتحسي بقيمة تعبك ، على عكس لما تلاقي وحدة ردت بكلمتين .، الشي أساساً ما يقبله العقل تجلسي أكثر من يوم وإنت تكتبي موضوع وفي النهاية يجيك الرد "يسلمو" بصراحة شي يرفع الضغط ويفقع المرارة والبنكرياس ويفجر الأمعاء الدقيقة ويجيب الجلطة إذا ما جاب سكتة قلبية ! < عذراً آخر سطر طالع من القلب :06q1: اقتباس:
طيب بعطيك قاعدة ثانية في الحياة ، كل الناس في العالم من أعمى وأصم وأبكم وكل الأجناس والأشكال والعقول تقدر تبدع ، مستحيل ومن سابع وثامن ومليون مستحيل إنها ما تبدع ! + نحن لما بنقول أبدعوا في ردودكم من شرط إنك تكتبي خطبة من صفحتين أو ثلاثة .، بس اكتبي سطرين تعبري فيها عن شعورك بعد ما قرأتِ الموضوع ترا الشغلة مهي صعبة .، في البداية حترتبكي حبتين ويمكن تجلسي في الرد أكثر من أسبوع بس شوية وبتتكيفي وبتصيري بتكتبي رد في 5 دقايق إذا مو أقل .. اقتباس:
امممم بصراحة شكل المسألة كبيرة في نظرك ، الإبداع في الرد مو يعني إنك تلوني كل كلمة وكل فتحة وكسرة وإنك تكتبي 10 سطور بس اكتبي عن شعورك عبري ، عمره الشعور ما يجي سطحي ! اقتباس:
"إن الله يحب إذا عمل أحدكم عملاً أن يتقنه" -حديث صحيح عن الرسول عليه الصلاة والسلام- طيبفين الإتقان لما تكتبي رد من كلمتين ؟؟ + ممكن أعرف إنتِ ليش سجلتِ في المنتدى ؟! عشان تكتبي موضوع نقاش وتجيك كم وحدة ترد عليك وتقلك مشكورة ويسلمو ولا يعبروك وتحسي نفسك بتتكلمي مع دجاج ما يعرف منقاره من ذيله ! اقتباس:
إذا تبغي الصراحة فالشي ما يزعل .، فلو كنت كتبت رد سطحي وانحذف ما حزعل عليه لإني أساساً ما تعبت فيه .. بس ما فهمت قصدك لما قلتِ إنو المسألة أخلاقية لا أكثر ! اقتباس:
ما عمري حسيت بالحماس ولا بالعفوية لما شفت رد سطحي في موضوعي .، بالعكس الحماس والعفوية لما تلاقي إنو من جد في أحد تفاعل مع موضوعك وتلاقي إنو هدفك من كتابة الموضوع وصل وتحقق + دحين كل وحدة جالسة قدام جهازها (إيش ما كان) ، كيف تعرفي إنك بتردي على بنت أو ولد ؟؟ من الأسلوب تقدري تعرفي لإنو إذا كان ولد حتقدري تعرفيه مهما حاول يصطنع أسلوب البنت .، نفس الشي كيف تعرفي إنو اللي ردت عليكِ استفادت من الموضوع ؟! من الأسلوب ومن الرد .. < الرابط عجيب :بيهي: اقتباس:
ما يبغالها كل هالتعقيد .. + أمة محمد كانت دائماً مبدعة في كافة المجالات في العلم وفي الأخلاق وفي التجارة ومن الأخلاق ناخذ معاملة الناس ومن معاملة الناس الرد عليهم ومن الأخلاق في الرد عليهم إنو يكون ردنا كويس وداخل ضمن نطاق الحديث يعني نعبرهم ونحسسهم من جد إنهم بيتكلمو مع بشر يفهموهم.. اقتباس:
بصراحة ما قد شفت من هذه الأنواع بس لو شفت زيها على طول بعطيها تنبيه -هذا إذا ما سبقتني الإدارة- اقتباس:
عذراً هيكارو قوانين المنتدى صريحة وواضحة ( الإساءة للعضوة ممنوعة + الردود السطحية ممنوعة ) مو بيدي أعدلها كل اللي بيدي إني أمشي عليها وألتزم فيها .. اقتباس:
هيكارو يا حياتي أغلب الأشياء اللي بتناقشي فيها بسيطة ومهي معقدة ، عندنا ولله الحمد قسم المصممات وعندنا المصممة المبدعة (تصابير) -الله يخليها ويكثر من أمثالها- .، حطيلك موضوع هناك واطلبي فيه هايدر وخلفية وإذا كان موضوعك يحتاج فواصل فاطلبيها كمان ،؛ وصغري الخط ولونيه كله بلون واحد بعدين إذا كان في كلام مهم لونيه بلون ثاني أو حطي تحته خط وحطيلك كم سمايل وانتهينا ، وطبعاً ما تنسي المرفقات .. اقتباس:
بس حسيت إنو شرحك نفسه فيه تناقض ، < ارجعي لردي السابق واتمعني فيه .. اقتباس:
سابقاً كان في قسم للمنقول وعدد المواضيع المنقولة فيه 865 فإذا كان في وحدة تبغى تقرأ مواضيع منقولة فتقدر تدخله وتقرأ فيه .. اقتباس:
يا قلبي مافي داعي ناخذ أمور بسيطة بحساسية زيادة عن اللزوم .، وإذا تبغي الموضوع ينتشر عندك وسائل الإتصال الحديثة من فيس وتويتر وواتس حطي رابط الموضوع وتلاقيه انتشر في ساعات ،؛ بس عذراً سياسة المنتدى واضحة (يمنع المنقول) اقتباس:
شوفي يا قلبي ، كلنا اللي داخلين المنتدى عندنا نت طبعاً إذا نبغى ندور ونتعلم عن شي يمدينا بكبسة زر نتعلم .، المنتدى ما يحتاج المنقول المنتدى يحتاج لإبداع العضوات .؛ كل المنتديات اللي بتلاقيها تعتمد عالمنقول بتلاقيها مغبرة ومحد بيدخلها .. اقتباس:
بس اللي بنشوفوا إنو اللي بينقلوا بسووا نسخ ولصق من غير لا تطوير ولا تعديل على التنسيق حتى ولا مراجعة أخطاء ولا شي .، هيكارو يا عمري مع الأسف وبصراحة ردك هذا ما جبتِ فيه شي جديد ، يعني كل كلامك في بداية الموضوع رجعتِ كتبتيه هنا بس بأسلوب غير .، أتمنى إنك ترجعي تقرأي ردودنا كويس واتمعني فيها وأنا بانتظار ردك .. :=: |
رد: قد يكون موضوعي الأخير
بتلات الندى على فكره كلامك أقنعني ما شاء الله و جلست أفكر فيه و بدأت أفهم سياسة المنتدى بشكل أوضح و أعتذر من البقيه بس حسيت ردك فعلا مقنع لا تزعو عادي أوقات الواحد يكلمو عشره أشخاص في النهايه يقتنع بواحد شخص بس فأتمنى ما تزعلو يا أخواتي بالنسبه لمسئله أخلاقيه يعني أي تصرف تقوم بيه الإداره و المشرفات و العضوات مع إحترامي الشديد للجميع يدل على الأخلاق فمثلا في أمور الحياه وحده تجي تكلمني و أعارضها و أقولها كلامك مو حلو أو أي كلام يحسسها بأنها على غلط بطريقه غريبه فهنا أخلاقي وحشه معاها لأني ما سمعتها وما أتحاورات معاها و جلست ألومها ووو أما بالنت بالقراءه و الكتابه أقرأ أنصح أشجع أعلق نفس الشي بس بطريقة الكتايه و بالنسبه للردود يمكن انا لأن مخداتها زي الحياه إنو حلو الواحد يقولك على الأقل كلمه حلوه و طالعه فعلا من القلب يعني مثال في الحياه لما تشوفي لوحه لوحده إيش بنقول بنقول الله حلوه سلم يدك أبدعتي ما شاء الله تبارك الله في ناس تانيه ما ترد كدا ردها جاف فتقريبا الحكايه شبيه زيها بالنت بس مع إختلافات بسيطه و بقيود لازم نلتزم بيها و بالنسبه للتقمص صحيح كلامك و أنا أقسم بالله مني رجل و لا ولد و لا أتقمص دور وحده لأنو ربنا يشوفني فطبعا أنا خلاص مقتنعه بكلامك مابدي أدوشك كثير بس برد على أسئلتك إيش كنت أقصد وقتها و في حاجات كثيره ما تعرفوها عني منها الحمدلله مبدعه و دراستي فنون بكالوريوس ما شاء الله و شغلي متقن فيه و لله الحمد بشهاده من الجميع بس كل الموضوع إني أستغربت من طريقتكم أنا لما أبدع في مجالي أعطيه حريته و قيودو بسيطه لكن الإكترونيات أكيد لازم منها القيود تكون أكثر بذات إنو المنتدى يحمل فروع كثيره و أقسام كثيره عشان ينبضبط أكثر المنتدى و يكون بالشكل المتناسق و المرتب و أنا كنت مسجله عندكم بالمنتدى بس لأن إيميلي أنصرق فما قدرت أدخل و لا أي منتدى ف لاحظت تغيير كبير ما شاء الله و يمكن هادا إلي صدمني بس عندي مداخله بسيطه جدا صح مافي أحد ما يبدع لكن الإبداع يجي بطريقه حلوه من الناس إلي تشجع و تحمس و تنمي موهبتها بطريقه إيجابيه و أنا حكتب قريب عن دا الموضوع في موضوع مستقل لحاله عشان لحد يفكر إني متناقضه و الكلام يكون مرتب و مدعم بمقطع فيديو أيضا بإذن الله و مره ثانيه أشكرك بتلات الندى :sg.12: |
رد: قد يكون موضوعي الأخير
يمكنكم مسح الموضوع شكرا للإداره منحت لي فرصه للنقاش وفهم الموضوع أكثر
|
| الساعة الآن 03:27 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.