منتديات بنات دوت كوم

منتديات بنات دوت كوم (http://www.vb.banaat.com/index.php)
-   مُستظل لِ أرواحٍ حالمة (http://www.vb.banaat.com/forumdisplay.php?f=113)
-   -   نَزْوَى يَــآآ أَبْهَى الْمَنَــآآطِقْ ♥ { فَعَآلِيَّةْ الْعِيدْ } (http://www.vb.banaat.com/showthread.php?t=159116)

قرآني نبض به أحيآ 08-11-2011 02:06 PM

نَزْوَى يَــآآ أَبْهَى الْمَنَــآآطِقْ ♥ { فَعَآلِيَّةْ الْعِيدْ }
 
14 مرفق
نَزْوَى يَــآآ أَبْهَى الْمَنَــآآطِقْ ♥

تحية الله عليكن أحبتي ورحمته تعالى وبركاته

هنأكم المولى ببركات العيد
وأعاده علينا وعليكم بالخير واليمن والبركة والمسرات ق1

إليكم يومي الثاني من أيام عيد الأضحى المبارك

تمنياتي لكن بقراءة ممتعة :sg.14:

صحيت الساعة 5 الفجر للصلاة
بعدها رجعت أنام
وصحتني أمي _ ربي يحفظها - على الساعة 8 عشان أتجهز
قمت ودخلت الحمام - الله يكرمكم -
تسبحت وفرشت أسناني ولبست ملابسي ^^"


بعدها دخلت صالة الطعام سلمت على أمي وأبوي - ربي يخليهم - واخواني
شفتهم يفطرون وقلت ما أبي أفطر أخلي مساحة للحم أول ما نوصل البلد ^^"
بس اخذتلي خبزة وحدة ودهنتها بالنوتيلا :034q:

بعد ككذا قمت ألبس شيلتي وأنقل أغراضي لشنطة ثانية !
وتلبسنا وودعنا أمي وطلعنا
أمي ما جت معنا مضظرة تجلس مع عمتي تساعدها :52yicz:

وتوكلنا
في الطريق خذت معي هالكتاب عشان أقراه


طرق عُمــان ق1
معروفة بتميزها بالجبال المحيطة
سبحان الله كل ما جلسنا نتأمل الطرق والجبال كل ما تعرفنا على أشياء أكثر
جبال بألوان مختلفة


بعد ساعة وشي
قربنــا نوصل ^^"


وصلنا عند سوق نزوى ق1
والقلعة الجميلة ق1
والجامع الأكبر بنزوى ق1
قدام السوق كان منظر بهيج !
على الساحة منتشرة الشاحنات يبيعون المعزان والأغنام للأضاحي ق1


بعدها بدينا نستعد للنزول ^^"
والكل فرحان
لأننا ننتظر هالعيد بفارغ الصبر عشان ثاني يوم من أيامه !

وصلنا بالسلامة ولله الحمد

دخلنا البيت وسلمنا على الجماعة اللي واصلين
وبعدها قربونا للسوب واللحم والخبر العماني (خبز الخال)


عذرا على ردائة الصورة بس كان زحمة والمكان ضيق ><"

بعد الفطور جلست أنتظر بنات عمتي وعمي البقية اللي ما كانوا واصلين
وأول ما اكتلمت الشلة والكل فطر
طلعنا للمزارع كعادتنا !

وبدينا التصوير مع النخيل وإلى آخره :md1 (65): !


بعد التصوير رحنا لدكانا الحبيب !
بيت صغيير حاطين فيه دكان صغنون !
بس يبيعون فيه كل شيء خاطرنا فيه !
حلويات وبطاطس أيام زمان !
ونــــآآآسة :ewqqq:



بعد كذا رجعنا البيت اللي مجتمعين فيه !
وشفناهم جالسين يجهزوا للغداء
قمنا نساعدهم
تغدوا الأطفال قبل وبعدها احنا سمينا :sg.15:


كان الغداء لذييييييذ مرررآآ !!

بعد الغداء بفترة وبعد ما ريحنا شوي
قامت عمتي واستأذنتنا بإلقاء كلمة
وسوت لنا محاضرة بسيطة وجلسة رائعة ومفيدة
وكلماتها كانت جدا رائعة خرجت بفائدة ولله الحمد (ق)

بعد كذا وزعوا آيس كريم للعمات والجدات
فاااتكم كيف كانوا فرحانين :××: ! - للأسف ما اقدر أحط الصور -
بس ونآآسة وهم ياكلون وغايروننا ويوم طلبناهم قالوا روحوا وحدكم واشتروا !
ولأني وبنت عمتي كنا مشتهيين على الآخر !
قمنا ورحنا نشتري :هيا:



بعدها اتصل فيني أبوي على الساعة 3 ونص تقريبا
كان المعظم بدأ يطلع خوفا من المنخفض اللي سمعوا عنه
وبدأت العائلة تتناقص !
فقالي أبوي أدور على أخواني ونتحرك ^^"
ومرينا ع العيود شوي !
نزل أخوي يشتريلنا ذرة


في الطريق ما كان الجو مخيف !
ولا كان في أمطار أو غيوم !
فقرر أبوي يودينا قرية تنوف قريبة من نزوى ق1


^ هذي صورة للقرية قديما
البيوت من طين ومهجورة ^

نزلنا وادي تنوف خلف هذي القرية
وكان الجوو فظيييييييييييييع
ماشاءالله نسييم بارد والوادي نازل والمياه تجري !
والجبال الشاهقة تبدع في جعلك تتأملها !
سبحان الله


تمينا أنا وأخواني نتسابق في الماي ومن يوصل أبعد وهو يمشي ع الأحجار !
وبعدين جا أبوي وقللنا خلاص أحسن نتحرك لأن المغرب قريب ولازم نروح المسجد للصلاة ق1

لمينا أغراضنا وطلعنا للجامع
أذن وصلينا المغرب والعشاء
بعدها أساسا كنا متفقين مع أهل أمي اللي رايحين صوب بهلا وإزكي وأدم وبسياء ! إنهم يجوا نزوى المساء على أساس نتعشى كلنا مع بعض في الأرنب الجائع !
بس هم خافوا من الجو ورجعوا مسقط على طول
أما احنا خبر خير ولا كأنه في شي
رحنا المطعم وتعشينا وشبعنا والحمدلله !


بعدها عاد تحركنا عشان نرجع لمسقط
والحمدلله الطريق كان آمن
بس واحنا راجعين كانت الغيوم بادية وشوية برق ورعد
بس ما كان في أمطار
وبنات خالاتي وخوالي انقهروا لانهم ما جوا !
واحنا في طريق العودة جلست أكلم نبضي ـأنين وتراسلنا لين ما وصلت البيت
وأول ما وصلنا رحنا كلنا نسلم على ماماتي ونحكيلها كل اللي صار في يومنا !
ووريناها الصور
وبعد كذا خلاص خلصت البطارية والكل تعباااان والساعة 10 كلنا فووووق السررريييير !

وبكذا يكون يومي انتهى !
اتمنى انكم استمتعتوا معاي وعشتوا الجو ^^"

دعواتكمـ لشعب عُمــان بأمطار الخير (ق)ق1

وكل عام وأنتن إلى الله أحب وإلى الفردوس أقرب ق1

B S O M A 08-11-2011 02:32 PM

مآ شآء الله يومك جمييل ق1ق1ق1
و الآجمل أنهآ في " عُمآن " ق1ق1ق1ق1
نفّسي ازورهآ :034q:ق1ق1ق1
-
http://www.banaat.cc/uploads/images/...4577c9bb4c.jpg

عجبتني اللقطه :هق:(ق) !
نزليهآ في عدستي :ضحك:ق1

-

يوميتّك جميييييييييله جداً ق1ق1ق1ق1
وكُل عآم و إنتِ بخيير يالغلا :sg.15: !

* لكِ تقييم (ق)

غَلا الرووح 08-11-2011 02:49 PM

بجد يووومك رائع استمتعت وانا اقررره
وتصوويرك رائع واضح جدا

اعجبني اكثر شي ملابسكم تبع العيد الله يحميكم يارب
لقبكـ :sg.15::sg.15::sg.15:

قرآني نبض به أحيآ 08-11-2011 02:54 PM

اقتباس:

المشاركة الأصلية كتبت بواسطة SosO wOow (المشاركة 2808650)
مآ شآء الله يومك جمييل ق1ق1ق1
و الآجمل أنهآ في " عُمآن " ق1ق1ق1ق1
نفّسي ازورهآ :034q:ق1ق1ق1
-
http://www.banaat.cc/uploads/images/...4577c9bb4c.jpg

عجبتني اللقطه :هق:(ق) !
نزليهآ في عدستي :ضحك:ق1

-

يوميتّك جميييييييييله جداً ق1ق1ق1ق1
وكُل عآم و إنتِ بخيير يالغلا :sg.15: !

* لكِ تقييم (ق)

بتشرفينا بزيارتك والله ق1
اهم شيء بلغينا لـ نتفق نلتقي !
أكيد العضوات العمانيات بيفرحوا :sg.15:

-
تم التنزيل عزيزتي ق1
مشكورة ع التقييم ق1
مرورك أسسسعدني ق1


اقتباس:

المشاركة الأصلية كتبت بواسطة النجم الامع (المشاركة 2808651)
بجد يووومك رائع استمتعت وانا اقررره

وتصوويرك رائع واضح جدا

اعجبني اكثر شي ملابسكم تبع العيد الله يحميكم يارب

لقبكـ :sg.15::sg.15::sg.15:

=)
كان ودي أنزل أنواع مختلفة للبسات
بس تكاسلت البارحة اصور كل الأطفال =(
اول ما يوصلون يختفوا ويوم نحلصهم بعد فترة خلاص اللبس يكون خربنا :هق:
إن شاءالله بالمرات القادمة ^^"

شكرا لمرورك عزيزتي ق1

2ℓ5ĵǿℓђ 08-11-2011 03:37 PM

(ق)
و عليكم السلام ..
الحمدلله كويسين :××:
صرراحـة تصصويرك مره أعجببني , يعني وااضح و كــذا :ewqqq:
وررحلة موفقة إن شاء الله يا قمرر :Emoticons-plus.com
ععقبال ما أزوركم بعمـان يارب > :همف:
و عاد لااترم تمشيني على ااحسن الأأماكن > هع

تقببلي مرروري ,, :9daf6d8b8708a209c3d

رﭐيــقــۂ ™ 11-11-2011 03:30 PM

http://www.banaat.cc/uploads/images/...c3a4cae9a6.jpg

ماشاء اللةة المكككان روعةة http://www.banaat.com/vb/images/icons/kalp.2.gif


http://www.banaat.cc/uploads/images/...5de8c73649.jpg

ماشاء اللةة تهههبل م خليتو شي خخخخخخ

http://www.banaat.cc/uploads/images/...4577c9bb4c.jpg

كككيف الاجواء عندكم حححنا برد
يععني بس نشتههي الايسكريم :52yicz:


\
/
\
دعواتكمـ لشعب عُمــان بأمطار الخير (ق)ق1
^
آممممين وسائر بلاد المسلمين


ماشاء اللةة العععيد عندكم بعمان روعةة
ولةة طععمةة الخخخاص
ينععاد عليما وعليك ب الصحة والعععافيةة
اطلق تقييم :sg.15:


الساعة الآن 06:13 PM

Powered by vBulletin® Version 3.8.11
Copyright ©2000 - 2024, vBulletin Solutions, Inc.

Adsense Management by Losha

جميع الحقوق محفوظة لـ شبكة بنات دوت كوم © 2014 - 1999 BANAAT.COM