≈ نافذة البداية على بنات دوت كوم ≈
في البداية .. هالصفحة هي صفحة بداية ، من وقت تسجيلي كل ما بدي أعتمد رد يطير مني .. فقررت إنه المشاركة رقم (١) رح تكون تعريف بنفسي .. لهيك كانت هالصفحة نافذة على بنات دوت كوم بتطل منها هالصبية اللي اسمها S O L A بخدود حمرا وخجل البداية P: من أنا ؟ اسم المستخدم : S O L A SOLA أو SOLEN هي كلمة بلغة أجنبية بعيدة كتير عن العربية ، تعني الشمس لحظة تسجيلي ما كان هالمسمى فبالي اخترته لأن حروفه غير العربية ، بما إنه جهازي ما بيدعم اللغة العربية فأنا بكتب من برنامج أو موقع خاص لما جيت أسجل اخترت إسم عربي ( الدرب ) لكن اكتشفت إنه خانة الاسم في التسجيل ما بينفع فيها النسخ واللصق الشي اللي خلاني بدون تفكير أسجل بمعرف SOLA لماذا الشمس؟ بتعريف علمي للشمس : هي أقرب النجوم إلى الأرض ، وهي عبارة عن كرة غازية ملتهبة تماماً متل قلبي بقرب أغلى أحبابي ، شخصية هي عنوان الحياة والمستقبل عندي ، سميتها بيوم ( قمري ) ولأن الشمس هي الحقيقة الأمل الدفء الحب الكرامة المجد الخلود الكبرياء فأنا SOLA نتجه للعلم شوي ، عرضوا مرة على قناة الجزيرة الوثائقية فيلم عن الشمس ، مدته ٤٠ دقيقة ، موجود على موقع اليوتيوب بأربع أجزاء ، كل جزء مدته ١٠ دقائق . فيه كتير معلومات مفيدة ومشوقة ، مكن تستفيدو وتعرفو معلومات مش الكل بيعرفها ;) متل عمر الشمس ، كم بعدها عن الأرض ، وعن القمر ، كم حجمها بالنسبة للكواكب الثانية ، وشرح بسيط لظاهرة كسوف القمر , ممكن تشوفه على نفس الموقع ( اليوتيوب ) ، بكتابة ( الشمس، فيلم وثائقي، الجزيرة الوثائقية ) عند البحث. هذا بالنسبة للمعرف اللي اخترته يكون إسم هويتي بالنسبة لمين أنا؟ قالولنا بالدراسة كلمة هوية جاية من الأدوار اللي بيعملها الشخص والمجموعات التابع إلها ، أو المهنة ، لهيك هوية الانسان بتتغير مع مرور الأزمان . لو بدي أعرف عن هويتي ، رح أعرفها حسب المجموعات ونوعية وصفات الأشخاص اللي أنا بشبهم . أنا صبية عنوانها الطموح ، الاجتهاد ، والعمل .. برود من برا لكن نار من جوا ، عصبية لما الموضوع بهمني كتير ، أقرب الأشخاص لي بيحكو إني عنيدة ، لكن أنا مش معهم كتير بهالنقطة ، لأني بشوف إني بقدم كتير تنازلات وخاصة عن عنادي مع الأشخاص اللي بحبهم ، ناجحة إلى حد ما ، لكن بحب أكون ناجحة إلى حد كبير وبحاول أوصل لهالمرحلة ، غيورة جداً ، أحياناً نكدية جداً ، لكن حبوبة ومحبوبة . عبر هاي النافذة ، نافذتي الصغيرة على بنات دوت كوم أخبريني من أنت .. هذه البداية .. ولأن مشوار الألف ميل يبدأ بخطوة ، فبداية مشواري ولو كان أجزاء بسيطة من الميل ، رح أبداه بـ بسم الله |
|
|
نورتينا يا سولاhttp://www.banaat.com/vb/images/icons/lateef.1.gif و واضح انه عندك معلومات كتييييرة عن كل شيء و انا متاكدة % اننا رح نستفيد منك مرررة اصلا نحنا استفدنا منك بس لانك عرفتينا بنفسك بصراحة مع اني اشوف الشمس كل يوم ابدا ما راودني سؤال عنها و ان شاء الله ما نبخل عليك و لا انت تحرمينا من معلوماتك المثيرة و اتمنى لك دوام التوفيق والنجاحhttp://www.banaat.com/vb/images/icons/flow54.gif |
هلآآآ بك في منتدانا الغالي
ان شاء الله تستفيدين وتفيدين وتستمتعين وياانا منووورة المنتدى وودي وتقديري سُمُو الإِح ـسَـآآإس |
|
وعليـڪمْ السلام ورבـمة اللهْ وبرڪاتـہْ ~ أنرتيْ منتدآنآ بوجودكِ غآليتنآ . . فـ نحنُ بإنتظآر رבـيق إبدآعڪِ . . وعطرْ تميّزكِ في هذآ المُنتدى . . http://www.banaat.com/vb/images/icons/flow.gif ؛ |
شكراً على الترحيب والتقدير ، هذه شيمهم ، والكرم شيمتكم ^^ * بلسم السعادة : أكتر رد بسطني ، حابة أقلك أن الإفادة تعم الجميع ، وهدف تسجيلي واشتراكي بهالمنتدى اني أستفيد ، وإذا في مجال أفيد غيري فلا ضير في ذلك ^^ * حابة أوضح نقطة ، الموضوع الهدف منه أتعرف عليكم أنا كمان اقتباس:
كنت قادرة أنزل الموضوع بقسم الاستقبال ، لكن أنا نزلته بالحوار لتكون فرصة أكبر للتحاور ، تمنيت من المشرفة اللي نقلته تذكر السبب ، أو حتى تعطيني فرصة أعرف مين هي ، لأفهم السبب بهالنقل ، وأشرحلها فكرتي من جديد ، يمكن ما عرفت أوصلها متل ما بقصد . بس هاد اللي فبالي =) |
هلا وغلا واللـــــه
نورتي المنتدى ياحلوووه ^^" ترتاحين بين اخواتكـ وصحباتكـ تفيدي وتستفيدي ’’ وننتظر ابداع قلمــــكـ يــَ SOLA وددي لكـ " ســـويتــا " |
|
الساعة الآن 08:49 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.