منتديات بنات دوت كوم - كلمات مسروقه من دفتر طفل..ودهشة السؤال ؟؟!صور من المجتمع .

http://www.moq3.com/img/uploads/HKs80960.jpg

http://www.moq3.com/img/uploads/aMd82630.gif

هذه كلمات مسروقه من دفتر طفل كتبها بعامية اللغه..ودهشة السؤال؟؟.!

السبت:

فتحت عيوني..أدور عن نور..أمروني<غمض>..و...غمضت..بعدها ما شفت لا ابيض ولا اسود !

http://www.moq3.com/img/uploads/haM82299.jpg

http://www.moq3.com/img/uploads/aMd82630.gif

الأحد:

كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى اشوف هـ(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟

صرخوا في وجهي:<انطم وغمض>..!!

http://www.moq3.com/img/uploads/d7V81742.jpg

http://www.moq3.com/img/uploads/aMd82630.gif

الاثنين:

سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."قالت لي وهي معصبه مرررررره(التبويس..قلة حياء!!)

بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.."

http://www.moq3.com/img/uploads/ofY82385.bmp

http://www.moq3.com/img/uploads/aMd82630.gif

الثلاثاء:

كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد يجلس مع بنات..قلة أدب..!"

بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت عليه)..وقلت له:"اللي يجلس مع بنات..قليل أدب!!"

http://www.moq3.com/img/uploads/VEH82502.png

http://www.moq3.com/img/uploads/aMd82630.gif

الأربعاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..سألتهم:كيف؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووون..كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟

http://www.moq3.com/img/uploads/aMd82630.gif

الخميس:

أبوي يقول<االتدخين>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب اللي يجلس مع اللي يدخنون..يدخل النار بعد؟!!!"

http://www.moq3.com/img/uploads/yvA81919.jpg

http://www.moq3.com/img/uploads/aMd82630.gif

الجمعة:

أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدووووم::"أبوووووي الحق..

أمي تغازل!!!!

http://www.moq3.com/img/uploads/sAd82014.jpg

http://www.moq3.com/img/uploads/aMd82630.gif

للاسف هذي صور من المجتمع ..

>> للأمانهـ منقولـ <<

ينهون عن فعل ويأتوا بمثله ..

ولي سؤال .....

http://www.moq3.com/img/uploads/aMd82630.gif

وش رايكم في ذا المجتمع عندما يربي مثل هذي التربيه ..؟؟ ننهاهم عن فعل نحن نقوم بيه ..؟؟

ندى الايام