*~. { السلام عليكم ورحمة الله } .~*

..
هذه القصيده عيبتني ونقلتها لكم وأتمنى انها تنال إعجابكم
..

لوخسرتك ماخسرت العمر والدنيا متاع
وأدري أني لو خسرتك ماخسرت إلا قليل ..
بس فكر زيــن تعرف من خسر فينا وضاع
وتعرف إنك لو تلف الأرض وتدور بديـــل ..
والله إن تبـــطي ولو لفيت كل البقــاع
ولو تسوي وش تسوي ماأنت لاقي لي مثيل ..
وين تلقى مثل شخصي شخص وطباعي طباع
ووين تلقي مثل قلبي قلـــب أو مثلي خليــــــل ..
البشر واجد نعــم لكن مع فرق الأطباع
يجعلك يمي تمـــــيل ويم غيري ماتمــيل ..
يا رفيقي انتبه واحسن إلي الإستماع
للمواقف دور في كشف المزيف والأصـــيل ..
وأنت ماقصرت فيني موقفك جـــداً شجاع
طعنتك في الظهـر كانت أكبرإثبات ودليل
بيض الله وجهك اللي ساتره تحت القناع
ورايتك بيضا معاي وياعسى عمرك طويــل ..
يعني أعطيك الثقة وتردها ب"لوي"الذراع
ياخـي ماشاء الله عليك أبدعت في رد الجميل ..
مـدري كيـف أشكرك!مـدري كيف أرد الصاع
كنت أحسب أنك عزيز النفس تطلع لي ذليـــل ..
كم وأنا عييت أصدق فيك قدر المستطاع
من غبائـي كنت أسكت وأعذرك وأثر الحصيل ..
جـــرح قلبٍ ميزته في كل يوم الإتســــاع
ودمع عــــــين ينهمر من ضيقــتي في كل لــيل ..
والله والله إني كنت أحبك حب وأتبعك إتباع
كنت لجل أرضي غرورك بـس أسوي المستحيل ..
كنت أعمــى فيك ..لا..لا .. ميت للنخــاع
كنت مدري كيـــف لكن كنت صادق معك حيــــل ..
كنت أمارس في غرامي لك سياسة الإنصــياع
وكنت لاغـــي معك فكرة أعتـزل او أستقــيل ..
اندفعت بكل مافيني وسوء الاندفــــــاع
يجبـــر الإنسان أحــياناً يفكر بالرحيـل ..
صدمتي فيك إنت خلتني أفكر بإقتناع
إن قتل النفس راحة لو أنا كنت القتيــل ..
انفجر راسي من التفكير وازداد الصداع
كيف أنا بفتك من جروحك ودوشة "قال وقـيل"..
رحـــــمتك يارب لامن ضاقت إمنحني وساع
أنت حسبي في الزمان الجاير ونعــم الوكيــل ..
لا غدى "مستقبلي والماضي" أطراف النزاع
وصفحة الماضي ســواد وشئ من هذا القبيـــل ..
فلازم أنسـى لجل أنهي بداخلي هذا الصراع
ولازم أتقــوى عشان أحقق النصــر الجليــل ..
وطالما إن الهجوم أفضل وسيلة للدفــاع
مستحيــل أرضخ لو أن الحمل ياربعـي ثقيل ..
والبخيل اللي نساني واشتري فيني وباااع
يذلـف الله لا يـرده والله بجرحي كفيـــل ..
وإن سأل عني وجاكم بعد فترة انقطاع
علموه أني نسيتـه بــس أنا ماني بخيــل ..
طالما كان السبب في قوتي قــبل الوداع
بلـغوه أقل شئ بخالـص الشكـر الجزيــل ..
..
و سوالم ..

ان شاءاللع تعيبكم ^.^

*~. { دمتم بـ حفظ ربي } .~*

*~. { مع السلامه } .~*

المشاركة الأصلية كتبت بواسطة سنام الفخر مشكووووووره اختيه على القصيده ..وصح لسان قايلها وتسلم انا ملج الناقلتنها

المشاركة الأصلية كتبت بواسطة حورية السراب مشكورهــ عـ القصيدهــ ولاهنتيـ عـ الطرحـ ^_^

المشاركة الأصلية كتبت بواسطة كتبيه وكلي فخر طرررررررررررررررر مشكوووووووورة قلب بدوية ...