منتديات بنات دوت كوم - حوست البنات اذا راحو زواج

لما تجيك دعوة الى حضور حفل زفاف لاحد الاشخاص

فإن البنات في المنزل يعلنون حالة الطوارئ في اليوم الموعود
وانا منهم خخخ

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة
هههههههه

ثم يذهبون الى غرفة العمليات

فتحصلهم مايخلون مراية في حالها ..

فتلقى منيرة عند مراية التسريحة تتمكيج

وخلود عند مراية الدولاب تركب عدساتها

وساره عند مراية المدخل حق البيت تستشور شعرها

وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ

ورغد تترجى اخوها : تكفى ود فستاني للمغسلة

وقول لهم يخلونه مستعجل

وابتسام متوهقة مالقت الحلق اللي يناسب لون فستانها

وشوق تقول لاخوها : تكفى مر على جارتنا

وخذ من عندها الاكسسوار التفاحي

وهنوف .. انقطع سجااب فستانها .. وتبي الخياط يصلحه

<<< والله من السمنة الزايدة
خخخخخ

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

بعد ذلك .. يركبون السيارة بعد ما بح صوت ابوهم

وهو يناديهم ..

والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت

وبعد عناء طويل يصلون الى القاعه ويدخلون

ومن يوم تبدأ الطقاقة بقرع الطبول

تلقى الوحدة ..ترقص وهي لسّا باقي على الكرسي

ثم يتوافدون الى المسرح .. وشوفو الهباله كيف
ههههههه

اللي تدووووووور

ولا احد يدري اش بلاها

واللي تهز وهي واقفة مكانها بركاااادة .. وعلى بالها أنوثة ..

وتعال شفهم اذا قالت الطقاقة .. ( يالتكسي )

وقالت : وخذ يمين و بعد يمين ..

تلاقوا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..
خخخخخ

وطبعا العجايز منصدمات .. ومافيه الا قوة دعاوي على هالبنات
يستاهلو خخخخخخ

واذا جت اغنية مصرية ..

تلقا الاغنية والايقاع في وادي .. والرقص في واد آخر

<< واللي تعرف مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك

:w00t2:
*

والوناسة اذا قالت الطقاقة : ( رقصة خاصة لاهل العروس )

تلقاهم يشيشون اذا قالت : ( كل آل " فلان " خيّالة )

<<< وهم في الحقيقة .. لم يركبوا حصانا قط ..

بس يالله لزوم المدح :hysterical::hysterical:

تقبلو تحياتي