منتديات بنات دوت كوم - حالات البنات اذا قالو اليوم عرس فلان مكرر في المنتـدى ~

بسم الله الرحمن الرحيم
السلام عليكم ورحمة الله وبركاته

لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة

ثم يهبون الى غرفة العمليات

فتحصلهم مايخلون مراية في حالها ..
** فتلقى منيرة عند مراية التسريحة تتمكيج

** وخلود عند مراية الدولاب تركب عدساتها

** واحلام عند مراية المدخل حق البيت تستشور شعرها

** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ
** ورغد تترجى اخوها : تكفى ود فستاني للمغسلة
وقول لهم يخلونه مستعجل

** وابتسام متوهقة مالقت الحلق اللي يناسب لون فستانها

** وشوق تقول لاخوها : تكفى مر على جارتنا
وخذ من عندها الاكسسوار التفاحي:

** وبشرى .. انفرط سحاب فستانها .. وتبي الخياط يصلحه
<<< والله من السمنة الزايدة*

وصجة .. ولجة .. وحوسة ...

وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
بعد ذلك .. يركبون السيارة بعد ما بح صوت ابوهم

وهو يناديهم ..

** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت*

وبعد عناء طويل يصلون الى القصر ويدخلون

******************
ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي
**********************

ثم يتوافدون الى المنصة.. وشف الرقص كيف
** اللي تحط رجلها من شرق المسرح الى غربه

ولا احد يدري اش بلاها

**********
** واللي تهز وهي واقفة مكانها بركاااادة .. وعلى بالها أنوثة ..

******************

وتعال شفهم اذا غنت الطقاقة .. ( يالتكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين

<<< طبعا من غشامتهم .. يتصاقعون في بعض

************
والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..
*****************
** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات

**************

** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين

***********
والوناسه إذا قالت الطقاقة .. (( رقصة خاصه لأهل العروس))

<< تلقاهم مستلجين إذا قالت كل آل فلان خياله<< وهم بالحقيقه لم يركبوا حصانا قط.. بس يالله لزوم المدح:
ملطوووووشhttp://www.oonthaa.com/vb/images/smilies/biggrin.gif http://www.oonthaa.com/vb/images/smilies/biggrin.gif http://www.oonthaa.com/vb/images/smilies/biggrin.gif http://www.oonthaa.com/vb/images/smilies/biggrin.gif