|
رحــلتـــي إلى الــ خ ـيـــــران
بسم الله الرحمن الرحيم هلآآآآآ والله فديتكم ولهت عليكم اسبوع كامل ما دخلت و طبعا كنت رايحة الشاليه بسولفلكم شنو صار هناك عاد صاارت وايد اشياء حلوة و تخرع :sm.36: أول يوم كان الأحد أول ما وصلنا دخلنا و طبعا انا و اختي ركض نحجز فراشات :منسدح: كل وحدة تختار الصوب و الجهة الي تبيها بعدين قمنا ننزل الأغراض و الشاليه كان نايسوو يعني احنا دوم ناجر شاليه عادي بس هالمره ملكي .. يعني شوي أحسن من العادي يعني حق الملوك :sm.57: بس والله كلام فاضي حسيته زايدين سعره عالفاضي مافي شي غير بس لان اسمه ملكي :معليش: البحر كان منظرررره رووووووووعة يشوووووق بنت عمي الصغيرة ياية عندنا و تدورني و مستااانسة هي بعد و نفكر شنو نسوي المهم قلنا احنا بنروح المسبح أنا و خواتي الثنتين و بنات عمي 4 مسبح بس حريم , لا رجال فيه ~> الروضتين و دخلنا .. لبسنا مايوهاتنا طبعا ان مو لابسة مايوه لانو ماحب سيكو لابسة بنطلون ثلاث ارباع و بدي علي خخخخخ و بعلمكم ترى اختكم حروف ما تعرف السباحة واقفة بالماي جني هبلة اطالعهم و المآآي باااااارد وااي يا زينه والله و الجووو حلووو خاصة انج بالماي لمن تطلعين من الماي تحسين ببررررد sm.3. بس وناااسة انزين يوم صار بالليل قلنا نبي نشوي جهزنا الدوة و الفحم و عاد صار و نشوي كباب و مادري شنو و مادري شنو و مادري شنو sm.3. و بعدين قلنا بنتمشى رحنا تمشينا عالبحر انا و بنات عمي الجو رااااااااااااائع عذاااب والله اينن :واي: تحسين بالرومانسية فيه :sm.58: انزييين و ردينا كان الساعة 12 قلنا بنسهر احنا ليمن الفير اخوي .. هو صغير عمره 10 و بنت عمي عمرها 9 لازقييييين الا بيسهرون معانا :sm.27: و نحاول نخليهم ينامون و اهمه لازقييييييييييييييييين ما يرضون يوخرووون شوي صلينا الفير و بعدين نمنا بعدهاا هذا اليوم الاول هو ما صارت وايد اشياء باليوم الاول لان اصلا كنا واصلين بهاليوم فما امدانا نسوي وايد اشياء يلا بالرد الي وراه بكتبلكم اليوم الثاني تابعوني :هيهي: |
حرووفوو
الاي فلللللله ونااااااااااااااااااسه خااطري اروح شاليهاات ههههههههه بس اول ماتوصلين على طول ماافي فترة رااحة |
هلآآآ عضوة
نورتينيييي ايي حلوة الشاليهات تونس و كيوتية يلا الحين بكتب عن اليوم الثاني *_^ |
الله يهنج ننتظر الباقي
|
انتظر البارت الي بعده
هع هع ملقوفة ابي اعرف شسويتي بس تدرين فللللله شاليه ملكي |
يحظك حروفه الله يديم عليكم هالوناسة
احنا لينا اسبوع نبي شاليه يقول الحريم ن شاء الله وما ساوي شيء وانتي حمستيني بزيادة وانا انتظر اليوم التاني بحماس |
عـــدْنـــآ :sm.62: و العود أحمد اليوم الثاني قمت من النوم الساعة 11 الصبح بنت عمي ياية مقومتني تقولي قومي يلا بسج نوم كنت نعساانة بس قلت يلا مو مشكلة قمت غيرت ملابسي عشان نطلع برة اول ما طلعت برة عشان اروح شاليههم شاليهنا و شاليه عمي طوفة بطوفة يعني نمر خطوتين ندخل شاليهم دخلت عندهم بس هالمرور نقعت عرق :cat46: كااان رطوووبة لان صوب البحر قاعدة أمرر و دخلت بسرعة :sm140: بنت عمي الصغيرة اسرااء اول ما شافتني ياية تلمني فديتها و بعدين قعدنا شوي نسولف هني و شسمه و شسمه و شسمه و الساعة 2 يفتح المسبح صارت الساعة 2 بدلنا و كل شي و رحنا المسبح هاليوم انا ما كان لي خلق ادش بالماي فضليت واقفة اطالعهم بس معنه شكل الماي يشووووق و ردينا بعدها الساعة 5 قلنا بنرد مشي و شاليهنا بعييييييد عن المسبح و كان الجو حلو لحسن حظنا و مشينا مشينا مشينا مشينا ووصلناااا و كنا يوعاانيييييييييييييين دخلنا سييييدة و كليييينا :1aa: لمن صار بالليل قعدنا نشوي و كلينا و الجو كااان وااايد حلوو و اختي مسوية مسابقات و اسئلة و يايبة هدايا و عاد حزر فزر شنو الهدايا :dribble: لييييييييييييييييز :sm107: و انا قاعدة احسب النقاط بس هم اشارك معاهم كل 10 نقاط ليز :sm.64: المهم و خلصنا المسابقات الكل نعساان رتبنا القعدة انا و بنات عمي عشان سهرتنا خخخخ و حطينا الطاولة و الكراسي حوالينها عشان سهرتنا sm.10. و راحوا ناموا قعدنا احنا يعني كل شوي نوقف نلعب لعبة نروح مني مناك و اختي دشت داخل شوي جان تيي بنت من الشاليه الي يمنا يعني ادري اني قتلكم شاليه عمي يمنا بس الشاليه الي يم شاليه عمي المهم يت هالبنت و خذذت كرسي من كراسينا :eek5: احنا طالعناها مصدومين قلنالها شنو كرسينا قالت لا مكتوب عليه رقم شاليهنا :confused0036: هو صج مكتوب عليه رقم شاليههم بس احنا مكلمين السكيورتي و قايلين لهم و اهمه قايلين ان عادي الكراسي تتخربط :dunno: انا و بنت عمي سكتنا يعني تعرفون لمن تيلكم حالات تنطمون ماتدرون شتقولون :chair: بس قهرررتنيييي البنت مو بكييييفها و ضلينا مقهورين ماندري شنسوي و شوي بنروح نكلمها و شوي مترددين و طافت الليلة قررنا نقول حق آبائنا أحسن والله بدال لا تصير هوشة و حالة :stretcher: اليوم الثالث في الحلقة الياية :1aa: الحين بقولكم عن الشاليهين الي يم عمي و الي يمنا يسارنا شاليه عمي و يسار شاليه عمي هالشاليه الي خذت منا البنت الكرسي طبعا احنا كرهنااااااهاااااا ودنا نتهاوش وياها و فيه صبيان و فيه بنت صغيرة اسمها دلال بعد و الشاليه الي على يمينا احنا الله لا يوريييييييييييييكم >< صبح ليل ظهر عصر صلاة مو صلاة كله حاطين أغاني و المشكلة الأكبر الصووت عاالي استيييريووووووووووو :sm.29: والله طفرووونييييييييييييييي كلنا معصصصبيييين منهم تخيلوا انهم يرقصون و مبين كل شي عندهم مو مسكرين الستارة و لبسهم أي شي !! لابسة شورت قصييييييييييير البنت ويا الكت الي فوق بس >< ياربييي شهالخلقة تتخيلون ان الام نفسهها تلبس جذي و الابو نفسه يفتح الاغاني و يرقص احنا نطالع مصدومين و نقول الحمدلله و الشكر جنهم العوايل الي بالقصص بس دقينا عليهم مرتين نقولهم قصروا عالاغاني ازعاج يقولون اوكي ان شاء الله و ما يصير شي بالاخير دقينا على الادارة ادارة الخيران نشتكي عليهم قالولنا حنرسلهم الامن حالا نطرنا ما صار شي مرة ثانية و ثالثة ما صااااااار شييي :cat82: قهرووني والله قمنا شنسوي قمت اقط عليهم كلام صوت عالي كلنا ما تفشلنا دامهم اهمه مو مستحين شلون نستحي منهم احنا و قمنا نقول ويع اغاني شنو هذا مافي احترام للغير يعني كلااام و بصوت عالي عشان يسمعون اخر يومين وقفوا اشوووهـ انزين برجع لكم بعدين بالحلقة الثالثة يلا برب |
وييييي شدعوه الشاليه الي جمبكم
مايحترمون الغير اول شي البنت تاخذ الكرسي وبعدين الاغاني واصله لين اخر الشاليه وقاعدين بترقصون جداام خلق الله صج استغفر الله بس في تشويق احس |
اقتباس:
من جد كاان يوم حااافل sm.10.sm.10.sm.10. يلا حمستينا نشووووووف يومكـ الثاااني ..~:sm.53: |
ننتظر اليوم الثالث
|
| الساعة الآن 10:45 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.