منتديات بنات دوت كوم

ياماحلا دلة امي تسويها
تجلي عن الكبد حر سببه احراق
ان اقبلت كن نور الشمس كاسيها
وان ادبرت نص ساعه لشوفه اشتاق
احب شوفه وقلبي دوم مغليها
كملها ربي بحسن وزية اخلاق
ربي جعل جنته من تحت رجليها
من عظمها زاد حبه داخل اعماقي
لاضاق صدري وضمتني بياديها
يروح ماحس به في داخلي ضاقي
لو روحي فدوة لها ماني مجازيها
ياكيف اغطي بديني نور الاشراق
تسهر على راحتي والنوم جافيها
لو ابكي دمع(ن) بكت دم من اشواق
حب صدوق(ن) وصادق في معانيها
قلبي على شوفها بالحيل تواق
يمه دخيلك عن الدمعه وطاريها
لاشفتها فوق خدك كنها ساق
كن السما ضاقت بنفسي واراضيها
مالي مقر بها لولا الله الباقي
كلن تغزل ولكن مايسميها
وانا بقول ان امي آخر اشواقي
ادعي نهاري عسى ربي يخليها
عساه يومي قبل يوم به فراقي
واخر كلامي يامزعل امك ارضيها
ان كانك تخاف يوم الساق بالساق
ولاحياتك ندم لاتعد ماضيها
هذا كلام(ن) كتبته وجفت اوراق