منتديات بنات دوت كوم - معقوله تجي منك؟؟؟

ومعقوله تجي منك وترميني لأي انسان
يلملمني ولايلقى أبعيوني غير دمعاتي

انا ماصدق أنك انت تنهيني من الوجدان
وترميني وأنا اشوف القبر نادى مسافاتي

وكسّرني الشتاء ياوليد وأنت بداخلي دفيان
تحملت الأسى والهم عشانك يابعد ذاتي

وصحى بي البرد واللاهوب وأنت بداخلي غفيان
تحملت السنين وياعسى الله يلملم شتاتي

أنا امك ياهييييييييييييييه أمك حملتك والعذاب ألوان
ولدتك والألم سكين يركز داخل لهاتي

وأنا أثناء الولاده من بكا صوتك طعنت أحزان
لأني شفتك بصوتك تنادي كل طموحاتي

ومهدتك في عين وعين يشرب حزنها القرأن
وهزيتك وكان النور يتهزهز من دعاتي

أضمك في يديني لااااااا تجي وتقول أنا بردان
تركت البرد لضلوعي رح اسال رعشة شفاتي

وزولك من ركض فيني لمست بداخلي أوطان
وتركتك تبني بمجدك على أكتاف أنكساراتي

وتذكر يوم مدرستك صدى وكفوفنا الحرمان
وكانت رنته فلسن خنقته لك بشيلاتي

كبرت وصرت بعيوني شجاع وأشهم الفرسان
وحلفت أني على عرسك لأرقص كل شيباتي

أسولف للبشر عنك أقول ولابه أي نقصان
رضع عز الشهامه شب طموحه في معاناتي

وله شان الصقر.. لا.. لا.. أخذ منه الصقر له شان
يجي مثل الوضوء لا طب حنينه فوق راحاتي

يقولون الولد هو خان؟ أقول وليدي لا ماخان
وهم يدرون ماغطى منامــي غــير وناتي

أفاااااااااااا.. وشلون تتركني يكحلني عمى النسيان
وأنت أدرى في يوم الحشر جنه تحت خطواتي

لك الله مانطق صوتي لك ألا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للأسف تنــــدان
ويرمـــونك مثل أمك وتذكر حلم شيبــــاتي

منقوووول

ان شاء الله يعجبكم