|
" خاب من لم يحسن ضيافتك يا سيد الشهور " ( يوميَ الرمضاني 6-9 ^^" )
21 مرفق
مَدْخَلْ ..~ هِمَمُ الْعَازِمِينَ فِي رَمَضَانْ قَدْ ... تَصْعَدُ بِهِمْ لِأَعْلَى الْجِنَانْ تحية الله عليكن ورحمته تعالى وبركاته حييتم أحبتي في يوميَ الرمضاني السبت 6-9-1432هـ 6-8-2011مـ أتمنى لكن متابعة شيقة ^^" 2:55 ص رن المنبه وصحيت بسرعة ،، تذكرت إني حاطة رسالة تذكير ليومي الرمضاني ^^" رحت وكنسلتها بعدها دخلت الحمام –الله يكرمكم- فرشت أسناني :e4de: وتوضيت وأول ما طلعت ودخلت غرفتي شفت تلفوني يرن صاحبتي وأختي ـأنين تصحيني للقيام ^^" قمت وأكدتلها إني صاحية وبديت أصلي بعد الصلاة تميت أقرأ لين ما نادوني للسحور أخواني من الليل يطالبون يبوا السحور رز ودجاج أما أنا ما أقدر أتسحر رز أحسه يثقلني ويخليني طول اليوم كسولة ! خذتلي كورن فلكس + حليب >> صحية ! وبعدها خذت 7 تمرات، ورحت أدور على شرابي المفضل لبن بس للأسف لقيته مخلص L وطبعا لا يخلوا سحوري من كوب إلى كوبين ماء ! وبقولكم سر ! خبيت فكباتي هالحلاوة لأني اححبها كثير والكل يحبها في البيت! و أخذتلي حبة منها :hyper: بعد كذا فرشت أسناني :e4de: وجلست أقرأ ورد الأذكار وأنا أنتظر آذان الفجر أذن وصليت وبعدها جلست للشرورق أقرأ قرآن وأحفظ وردي اليومي بعد ما قريت وحفظت شفت انه الشروق خلص قمت صليت لي ركعتين وسيييدة فوق السرير ! نمت وحطيت المنبه على الساعة 9:30 رن المنبه قمت وكان المفروض أروح المسجد عندنا فعاليات من الساعة 10 للساعة 12 بس تكاسلت وسكرت المنبه ونمتلي ساعة زيادة L ! صحيت على حدود 10:15 مسكت تلفوني وشفت انه في رسالة وأول ما فتحتها لقيت أحلى خبر كنت أنتظره من زمااان! وأخيرا بنرجع لمجلسنا وللمة الأحباب بعدها دخلت أفرش أسنان وخذتلي شاور سريع ^^" ولم خلصت رتبت سريري :g0380: بعدين جات عاملتنا تقولي: قرآني لو تريدي تسوي أصابع زينب تعالي ألحين ^^" قلتلها ماشي ألحين جاية ورحت على طول المطبخ وجلست ألفه معاها ^^" أنا عن نفسي سميته مثلثات زينب لأن سويناه ع شكل مثلثات ض1 بعد كذا فتحت اللاب نزلت فيه الصور اللي صورتها ليومي وبدأت أعدل فيها وأجهزها ما فيني أسويهم كلهم مرة وحدة وأضغط على نفسي >_< ! كل ما أصور أنزل وأخليه جاهز ! المهم وأنا أشتغل أذن الظهر قمت ورحت أتوضى وبعدها صليت وجلست ساعة على سجادتي أكمل ورد التلاوة ^^" بعدها رسلت لي ـأنين إنها تنتظرني على المسن صار لنا فترة ما تكلمنا :70esf: دخلت وجلسنا نتكلم ونتفق على شيء خاص لكم >> مفاجأة :icon2q: ! وأنا كملت تعديل الصور وتصغيرها وووو...إلخ! وأنا جالسة أعدل الصور إجت أمي تقولي شو تسوين وليش اليوم كله تصورين ؟! << نسيت أخبرها عن اليوم الرمضاني ! حكيتلها الموضوع و وريتها بعض يوميات العضوات ض1 واهني دخلت بسوم وجلسنا نرمس اشوي ^^" بسوم = ابتسمت أنا ق1 ودخلوا كمين وحدة من صاحباتي ورمستهم كمان :g0380: ! وهني جا ولد خالتي عشان يجلس مع أخوي ويفطر معنا بعدين أذن العصر قمنا نصلي وبعد الصلاة رجعنا كملنا التخطيط وبعدها طلعنا رجعت أكمل ورد الحفظ اليومي بعد كذا إجت خالتي وعيالها الصغنونين ! هم جيرانا ومتعودين ناخذهم العصر نلعب وياهم :0a71a16: حدهم كيوت ماشاءالله ربي يحفظهم بغيت أصورهم وهم يلعبون ويا أخواني بس لمن دخلت أجيب الكام وطلعت شفتهم راحوا ! تأخرت >_< المهم بعد كذا دخلت المطبخ وصورت لكم البيتزا واهوا في الفرن ! وبعدين دخلت غرفتي سكرت الباب وفتحت المكيف (أهم شيء)! قلت أستغل آخر نصف ساعة في اليوم تميت أقرأ وأكمل ورد التلاوة وبعدها قريت ورد الأذكار وأذن " اللهم لك صمت وعلى رزقك أفطرت، ذهب الظمأ وابتلت العروق وثبت الأجر إن شاءالله " فطورنا خفيف :ملاك: ! بعدها رحت أصلي المغرب وبعد الصلاة انتظرنا أخواني وولد خالتي يرجعوا من المسجد ورحنا نتعشى ^^" وهذا عدس وكان فيه خبز بس ما صورته ! وأنا أصور العشى أخواني و ولد خالتي معصبين ليش طول الوقت أصور و وين ما رحت الكام وياي !! وأمي تشوف عليهم وتضحك !! وهم يقولوا أيوا قرآني وأمي بس تعرفوا واحنا ما تخبرونا << هع مذلة! وبعدين قلتلهم بكرة يوم بخلص الشغل بخبركم !! بعد العشى جلست أقلم أظافري لأني كل يوم أأجل وأقول بكرة وبكرة و وأخيرا قررت ! وبدأ تيمور على الجزيرة للأطفال ! وجلسوا أخواني يشوفوا ومايتين ضحك ! هبلهم وشغلهم ! بعدين قمت أتجهز عشان نروح المسجد لصلاة التروايح بس قبل لا أطلع من البيت اتصلت خالتي بأمي وقالتها تعالوا عندنا نصلي جماعة نريد قرآني تصليبنا !!!! قلت لأمي لا أنا أبي أروح المسجد :عاا: بس أمي قالت دام طلبوكِ خلاص خلا عندهم المهم تجهزت ورحنا صلينا الفريضة والسنة كل وحدة وحدها وبعدها بديت أأم عليهم التراويح والوتر ^^" والحمد لله " نسأل الله القبول " بعد كذا جلسنا معهم للساعة 10:30 تقريبا عاد أنا نعسانة وأطالب أمي نرجع البيت ! بعد ما رجعنا البيت جلست أجهز هدايا صاحباتي اللي ما شفتهم من يوم ما رجعت من السفر عشان أعطيهم إياها ! وبعدها على طول توضيت وغيرت ملابسي وكل شيء وعلى طول فوق السرير بس الله يسامح أختي الصغيرة تمينا نلعب للساعة 11:35 وتأخرنا ننام >_< المهم آخر شيء عصبت :ضرب1: وقلتلها خلاص أبي أنام بكرة عندي يوم طويل ولازم أصحى بكير ! وبكذا يكون يومي انتهى ^^" وصل اللهم على سيدنا محمد وعلى آله وصحبه أجمعين :ملاك: أتمنى إنكم تكونوا استمتعتم معاي واستفدتوا :icon2q: آرائكن + انتقاداتكن + تقييماتكن = تهمنييي مَخْرَجْ ..~ كُنْ ذَا هِمَّة تَصِلْ إِلَى الْقِمَّة " هَنِيئًا لَكَ يَاذَا الْهِمَّة " |
حاولت أقيم بس رفض..
تبارك الرحمن من أفضل اليوميات التي قرأتها..(ق)(ق) يوم منعش مشرق.. زادكِ ربي من واسع فضله وثبتكِ على الصراط المستقيم:034q: |
مآشآء الله عليكك قرآني ....(ق) بجد يومك رآيق.. عيني عليكك بآردهه أعجبني يومك بالحيل وأكيد الفآيف ستآرز آند التقييم لكِ |
قُرآنـــــــي ق1ق1ق1ق1ق1ق1ق1ق1ق1 ما شاء الله يومك را ا ا ا ا ئع ومليء بالحماس والحيوية @_@ق1ق1 أول ما شفت العِنوان حسّيييت إنّه يومكْ :icon2q: ~ وهالحلاوة إللي كلكم تحبّوها أول مرة أشوفها :ها: ! أصابع زينب صارت سمبوسة زينب :هق: بس شكللللها يشششششهّي مَا شاء الله :ملاك:ق1 صحة وعَافية ق1ق1 اقتباس:
:034q:ق1ق1ق1ق1 وذَاك الشّي بكرة تعالي بيتنا صلي بنا جماعة :××:ق1ق1 يُومك جميييييل جدّا عزيزتي :sg.13:ق1ق1 وَفقّك ربّي لِكلّ خَيْر ق1ق1 |
قرآني :ewqqq::ewqqq::ewqqq:(ق) . . يوممك يونننسّ ماشاء الله ، استغلالك للوقت شي جممميل = $ الله يثبتك ويزيدك . . جد استمتعت مععك كثييير :sg.15:ق1ق1 ، وآكييييد تستآهلين تقييمّ = ) تقبل الله منآ ومنك صآلح الاعمال |
اقتباس:
واصل التقييم عزيزتي (أهم شيء نيتك واصلة) :ملاك: ! الحمدلله ^^" اللهم آمين وإياكِ مروركِ وردكِ كأول عضوة شرف لي ق1 بارككِ الرحمن ووفقكِ لكل خير ق1 اقتباس:
الأجمل هو تواجدكِ يا غالية ق1 أشكر لكِ كلماتكِ التي تدخل السرور إلى النفس ^^" وفقكِ الرحمن ق1 اقتباس:
الأروع هو تواجدكِ ق1 هههه ليش عاد من العنوان ؟! هالحلاوة ما تعرفيها ؟! معقوووولة ؟! خلاص بجيبلك تذوقيها إن شاءالله إذا بقى ض1 هههه ترا كذاك حولناها سمبوسة زينب :0smsd82:! إن شاءالله ولا يهمج بجيبكم اليوم قبل بكرة ق1 ! آمين وإياكِ ق1 سعدت جدا بتواجدكِ :g0380: أسعدكِ الرحمن ق1 اقتباس:
اللهم آآمييين ق1 الحمدلله إنك استمتعتي ^^" اللهم آمين وإياكِ ق1 سلمتِ على تواجدكِ الراقي ^^" وفقكِ ربي لكل خير ق1 ،،، حماكم الرحمن أيها الأحبة ق1 سبحان اللهـ وبحمده .. سبحان اللهـ العظيم .. |
مـــاشاء الله :هق: يــوم رآئـــع وإستغــلال للوقت جميــل ^^ وأنــا بعد مــا أعرف الحـلاوة :همف: >> لازم أذوقها إذا التقينــا (ق) " النوم وما يفعــل , خساارة فوتي فعاليات المسجد ! من أجمــل اليوميات التي تابعتهــا ...~ موفقـه نبضي :9daf6d8b8708a209c3d |
ما شاء الله .. |
ماشاء الله :sg.15:(ق) زين تنامين بدري :همف: يومك احححسه كل حركه ونشاط :034q: ب التوفيق :sg.15:(ق) |
ماشاءالله تبارك الرحمن ...
يوم مميز , راق لي كثيراً أحب جو النشاطات كثيراً ,, آدامها الله عليكِ لا تحرمينا من جديدك , (ق) المدعم بالتقارير ... |
| الساعة الآن 01:41 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.