طب ليه؟؟

في البداية خالص لازم تعرفي إن حب الشباب بيكون نتيجة لتغير الهرمونات في فترة البلوغ وبيصيب أكتر من 70% من الشباب وبيزيد في الولاد عن البنات..

http://www.boswtol.com/shababeek/ima...h/kamar_03.jpg

هتقولي لي ليه بالذات في سن البلوغ؟.. هاقول لحضرتك علشان في الفترة دي بتبدأ الهرمونات تحفز الغدد الدهنية إنها تكون نشيطة، وده بيسبب زيادة الإفرازات اللي بتؤدي لظهور حب الشباب.



وقبل ما تقولي يعني الحكاية كلها مالهاش علاج، نحب نقول ليكِ إن فيه عوامل مساعدة بتزود من حب الشباب ده وبتساهم في زيادته زي الأسباب دي:

1. زيادة الدهون في البشرة: البشرة الدهنية أكتر عرضة للإصابة بحب الشباب وده لأنها بتختزن الدهون؛ نتيجة لاتساع مسام البشرة اللي بيؤدي للإفرازات الدهنية، ونتيجة لامتزاج الدهون دي مع العرق والحر بتتأكسد وبتسبب الحبوب السودا والبيضا.

2. البكتيريا: ودي بتكون موجودة في الجو نتيجة للتلوث البيئي.

3. عوامل فسيولوجية: زي قرب حدوث الدورة الشهرية، وأثناء الحمل بسبب التغيرات اللي بتحصل في الهرمونات.

4. عوامل نفسية: بسبب القلق والتوتر اللي بيصاحب الامتحانات على سبيل المثال وكمان الأوقات اللي العروسة بتحضر فيها للجواز وأي حالة نفسية سيئة بتمر بيها.

5. الأكل: تناول الدهون والنشويات والسكريات؛ لأنهم كلها بتتحول في الجسم لمواد دهنية.


بس مش معنى كده إن حب الشباب لازم هيجيلك.. لأ، فيه حاجات تقدري تعمليها علشان ماتديش لحب الشباب فرصة إنه يجيلك أساسا وعلشان كده بنقول ليكِ إن الوقاية خير من العلاج.

خلّي بالك


http://www.boswtol.com/shababeek/ima...h/kamar_04.jpg


1. حاولي إنك تنوعي في أكلك وركزي أكتر على الخضار والفاكهة وقللي من النشويات والتيك أواي وأي حاجة بتحتوي على دهون كتير علشان الدهون من أحد الأسباب اللي بتساعد على ظهور حب الشباب.

http://www.boswtol.com/shababeek/ima...h/kamar_05.jpg

2. اهتمي بغسيل وشك على الأقل مرتين في اليوم باستخدام الصابون المناسب لنوع بشرتك والميه الدافية، وابعدي عن الصابون اللي بيحتوي على مواد كيمائية مضرة بالبشرة، واعرفي إن أحسن أنواع الصابون هو اللي بيحتوي على مواد طبيعية زي زيت الزيتون وزيت اللوز.

3. إياكِ تستخدمي أدوات الماكياج أو فوط أو مناديل تلامس بشرتك تكون خاصة بحد تاني مهما كان قريب منك.

4. حاولي تبعدي عن القلق والتوتر على قد ما تقدري علشان التوتر والقلق من العوامل اللي بتظهر حب الشباب وبتساعد على زيادته.

http://www.boswtol.com/shababeek/ima...h/kamar_06.jpg

5. حاولي تبعدي خالص عن استخدام الماكياج في الفترة دي، يعني سن المراهقة، وده، بالإضافة إنه هيبعد عنك شبح الإصابة بحب الشباب، كمان هيخلي بشرتك ناضرة ومتمتعة بطفولتها.

6. ماتستعمليش أي كريمات أو غسول للوجه بدون التأكد من مصدره ومن جودة مكوناته، ده طبعا بعد ما تتأكدي إنه مناسب لنوع بشرتك، لأن استعمال كريمات مش مناسبة لنوع البشرة بيؤدي لتحول البشرة.. يعني ممكن تبقى بشرتك عادية وتقلب دهنية بسبب استخدامك كريمات مش مناسبة.