|
انا اسفه ... بس هذي الحقيقه ..
. . . بسم الله الرحمن الرحيم .. السلام عليكم ورحمه الله وبركاته .. ، ، في موضوعي هذا ابي اطلع كل اللي بقلبي .. لاني مقهوره مــــــــــــــــــــوت .. . . معلمتي وحبيبتي .. انا اسفه بس هذي الحقيقه .. اشكر لك اهتمامك فينا ... واشكر لك تعبك معنا وفي موازين حسناتك باذن الله .. اشكر لك جهدك اللي تبذلينه من اجل توصلي لنا المعلومه .. وشاكره لك تعبك و تضحيتك ووووو .. بس كل هذا مايكفي !!!! كل هذا اللي تقديمنه انتي بنفسك تخربينه !!! . . جايه اشتكي من بعض المعلمات اللي للاسف ( :Sad_anim: ) .. عندكم مثال انا !!! بمدرستي معلمه (استغفر الله) !! :49: كل يوم داخله علينا بنفسيه (زي الزفت) << يكرمون السامعين !! :004: وماغير طايحه فينا خناق وتهزيء !!! تجي تهاوشنا على اللي يسوى واللي مايسوى .. واحيانا ترمي علينا كلام بايخ .. عندك مثال ذاك اليوم تقول لنا انتو ( بقر ) :blink: ومره بنت تسالها سؤال قالتها صريحه ومن دون مبالغه قالتها ( انـــطــمـــــوا ) ..:blink: :blink: وياما سكتت البنات وهزأت وهاوشت .. حتى مرات تجي وتقعد تقول درجات البنات قدام كل الطالبات !! واذا وحده من البنات قالت استاذه لاتقولي درجتي قالت مو شغلك .!!! انا في هذي المواقف احمد ربي واشكره مليون مره اني وحده من الممتازات اللي بالفصل .. وان درجاتي دايم حلووه ولا ماادري كيف سويت ..!!! اذا وحده غلطت بالقراءه (من الربكه مسكينه) قام الهواش .. :sm107: انتي ماتعرفين تقرين ماعندك عيوون ... ووووو الخ ... من الكلام اللي ماله سنع :mad: . . اللي قاهرني وذابحني وجايب لي الضارب .. انو هالمعلمه هي معلمه الدين ..!!!! :boxed: بالله شوفو القدوه !!!! :003: . . احب اقولها ولكل المعلمات اللي يسلكون مسلكها .. نحنا هنا طالبات وانتو هنا عندنا معلمات .. نحنا واجبنا انو نستمع لكم.. وندرس ونحفظ ونتعلم ونصير مثقفين ننفع وطنا ونفسنا وقبل هذا كله نرضي ربنا وووووو .. الخ وبما اننا جايين نتعلم من حقنا نسال .. اما التعليم هو مهنتكم وانتو ادرى فيها .. بس احب اذكركم بيها .. واجبكم كمعلمات انو تقدمون للطالبات المعلومه وتشرحوها لهم .. وبس !!! وبما انو مهمتكم توصلو المعلومات لازم تتقبلو الأسأله بهدوء وطولة بال .... هذي مهمتكم .. يعني مو بيدك ومو بيد غيرك طالباتك ممتازات ..مهملات .. كسلانات .. دوافير .. مايفرق!!! :032: مهمتك وحده .. مانفع مع وحده منهم ..شفتي منها اهمال او تقصير .. نبهيها (بهدوووء لو سمحتي).. مانفع .. بيدك دفتر العلامات .. (شخطه) صغيره بيدك جنب اسمها تنهي الموضوع !!! :dunno: نقصيها من درجاتها .. بس لا تهاوشيها ..(وأمام الملأ ياقدعه) ..!!! :chair: . . مو من حقك تتشرطي وتبغي طالبات ممتازات .. لأنو هذي شغلتك .!!! (كما ذكرنا سابقا) ;) والناس قدرات .. حاولي تطوري وتصححي وتعدلي .. بس بطريقه حلووه .. وباسلوب مهذب .. وتذكري ... :sm166: انتي القدوه.. ، ، وفي النهايه .. انتظر وجهات نظركم .. شاركوني برايكم .. اكون شاكره لكم ..:005: . . انتظر الردود .. :1aa: ، ، |
يكون لي الشرف أكون أول وحده ترد على موضوعك ،،،:thank_you
الصراحة عندك حق .. نص معلمات مدرستنا زي كذا ،، مرة كانت البنت واقفة تبي تجاوب على سؤال بالدرس ،، قامت الأبلة تسبها وتقولها (( أنثبري واقعدي )) ،، بس عشان البنات اللي بجنبها قاعدين يتكلمون عصبت ،،:004: وكثير مواقف غير كذا تصير ،، الصراحة أنا معك ،، المعلمات بعد لازم يحترمون البنات ويعاملونهم زي ما نعاملهم ،، تسلمين goody على الموضوع ،،،:clapping: |
جوجو توتس مابعد شفتي منهن شي .. ! :0023: شوفي ياقلبي ,, أنا لما كنت بالمتوسط كانت مدرسة الدين دايم تهزئنا وتقولنا كلام أشد من قولة : يابقر أو انطموا :mad: وحنا بالبدايه عصبنا عليها وانهبلنا وطارت عيوننا : كيف كلام مثل هذا يطلع من مدرسة دين ؟ :cry: :eek5: وبعد ماكبرنا وتخرجنا من الثانوي .. علمتنا الحياهـ إنه مو كل إنسان جامعي عاقل ,, مو كل مدرس عاقل ومؤدب .. لأن هالشي يرجع لتربية الشخص نفسه .. من جد يعني أقابل ناس معهم الدكتوراهـ وعقولهم صغيرهـ مررهـ والدليل تصرفاتهم السخيفه وكلامهم اللي يدل على صغر عقليتهم ,, إذا كان رب البيت بالدف ضارب . . . فشيمة أهل البيت كلهم الرقص واللي يقهرررر ويفقع المرارهـ إنهم مايصدقون يصيدون بنت قلت أدبها أو ما احترمتهم عشان يبهذلون حياتها مع الإدارهـ .. :019: وهم مايدرون عن أنفسهم .. فأنا اقتنعت إن العلم عمرهـ ما كان السبب الأساسي للأدب والأخلاق الحلوهـ .. ممكن يكون سبب ثانوي لكن أساسي لا .. ريلاكس حبيبتي ولايهموووونك ,, وتوقعي منهم ألعن من كذا .. اسأل مجرب ولا تسأل طبيب ,, وإذا تخرجتي وكبرتي مثلي تذكري كلامي هذا :flirt: |
حبيبتي إنت معاك كل الحق وهادا اللي بيحصل مع كل التلميذات بالمدارس (مو كل المدارس) وهنا المسؤولية كلها تقع على عاتق المعلمات واللي ما بافهموا أنا ليش معلمات الدين هم اللي بيسووا جذي وفكل المدارس :0044: :017: الله يجيرنا من غضبهم bye |
.. السلام عليكم ورحمة الله وبركاته .. فعلا وللأسف فيه مدرسات كذا .. وفيه منهم طبعها جاف بالمره .. لكن كله على حسب نفسيتها من داخل .. والله أذكر جتني مدرسه الله يهديها من جد تعبتنا نفسيا و ارهقتنا بالواجبات .. بس شنو عندها البنت الممتازه تحطها فوق راسها .. بس اعرفي إن اي مدرسه تجي وتبرز شخصيتها من أول يوم انها ولا شي .. وأذكر هذى كلام الناظرهـ ... وفعلا أول وثاني وثالث عصبيه بس لا جيتيها واهي بووحها تلاحظين الفرق .. وعلى آخر السنه .. ولا فيه أحلى منها .. بس صدقيني ما عليك .. خليك واثقه من نفسك .. و ممتازه ,, وماعليك . دام حقك وواصل لك .. وإذا سوت لك شي كلميها و تلقين إلا يرضيك .. :) |
صح لسانج والله كلامج عدل 100% ويمكن انتو كسعوديات معلماتكم يلبسون عباية وهذا شيء يحمد عليه لكن إحنا عندنا مدرسات والله الله لا يوريكم لبسهم شلون صاير عيل مدرسة تربية إسلامية حق المرحلة الإبتدائية تلبس تنورة فوق الركبة يمكن هذي حرية شخصية لكن لها حدود الأطفال شنو بقولون هذي تقولنا شيء وماتطبقه على روحا عيل ليش إحنا نطيقة والله يعني فعلاً معلماتنا يبيلهم تغير وأنا ماأقول كلهم لكن أغلبه أو بالأصح كلهم إلا من رحم ربي وأشكرج حبيبتي قودي على صراحتج إلي في محلها |
والله كلامك صح 100000000000000%
لكن مو اي معلمه ... واتمنى لو فيه معلمات في المنتدى(مع اني ما اتوقع) حتى ينقلون الكلام للمعلمات في المدارس .. ومشكوووووووووووووره حبيبتي عالموضوع طلعت حرتك وحرتنا..!!!!!!! |
صراحه يا الغاليه كلامج بمنطق وادب ..وصاااااااااااجه كذا اللي يصير من بعض المعلمات
|
إييييييييه والله موضوعك في مكانه .... أجل ليش كل هاالخناق والتعصب ليش هاذا الذل كله علشان درجات ...طز في الدرجات اللي بتهين كرامتنا ...))آسفه إنفعلت شوي ..:hmm: موحرام عليهم ... مايخافون الله فينا مايخافون إن ربي يبليهم في عيالهم أو إخوانهم ... لو إن عندهم بنات يرضون إن المعلمات يهزئونهم ؟؟؟؟ والله العظيم أنهم مايرضون على بناتهن وأقاربهن ... طيب أجل ليه يغلطون على بنات الناس...:sly: ومره وحده من المعلمات تقول لصديقتي بدون أي سبب يذكر: (( كسر في رجولك إن شاء الله )) مو عيب عليها تقول هاذا الكلام في مدرسه محترمه ... ماتتصورون وشلون صار وجه ذيك البنت ... والمشكله إنها قالت لها الكلام قدام جميع الطالبات ... مو عيب عليهن والله عيب بنت متعلمه مربيه أجيال تكلم البنات بهذه الطريقه ... والله حرااااام يكونون معلمات ...:020: المعلم : مربي مؤدب .. إذا كانت أمهاتنا وهي التي لها حق علينا ماتقول لنا هاذا الكلام أجل بأي حق يقولونه هالمعلمات وبأي صفه!!!!:dunno: أتمنى من الله أن معلمتي تقرأ هالكلام ... وتقدر مشاعر البنات وتعرف إن البنت لها أحاسيس لا هي حجر ولا شجر علشان تسبها بهاذي الطريقه !!!! وماتصدق تلاقي وحده كسلانه علشان تحط حرتها كلها في البنت المسكينه علشان بس ماحلت السؤال الفلاني !!!! والله يكسرون خاطري البنات الكسلانات أنا أسمع هالكلام والسب مع إنه مو موجه لي وأحس إني راح أقوم وأتكلم مع المعلمه وأقول لها حراااااام عليك ...:sm166: اتق الله فينا ...وبسك ظلم !!!:49: ومشكوره على الموضوع الي خلاني أخفف شوي من حرتي ... :cray: :cray: |
موضوعك مره حلو
. اختي انا اذكر يوم كنت بالمتوسطه كانت عندنا معلمه " والعياذ بالله " تدخل تهزئ .. تطلع تهزئ... . وربي تقول لبنت اتي "منافقه" قدام الفصل كله ولا انتي "كذابه". . واللي اشين من كذا انها مدرسة دين ولازم تكون قدوه للمدرسه كلها . . ..كم مره رحنا واشتكينا عليها . . بس " لا حياة لمن تنادي " . . ولا الحين تجيك المعلمه تدخل الفصل وتنقلك اسإله وبعدين اي حركه من اي طالبه حتى لو تحك راسها . . "ياأختي حرام عليك انا اتعب واشرح وانتي ولا هامك صوتي راح وانت ولا انتي بالدنيا ..الخ ". . ومن هالكلام اللي يسد النفس من تدخل إلما تطلع وهي بس تردده علينا . . " اتعبتوني" "ادوختوني" "ارحموني". . والله كنا بس طالعين عند الباب وهي على الفصل الثاني طلعت علينا وصوتها نزل تحت عند الإداره من اننا بالدور الثالث . . " والله ما اختبركم انتم ماتستاهلون ..انتم .. وانتم .." والله ماطلعنا ولا صوت بس هي اللي تحب المشاكل ..لا وبعد راحت للمراقبه وقالت لها فصل (........) مزعجين ولا زم تكتبينهم مخالفه ومدري ايش .... . الصراحه لو بقعد اكتب من اليوم لبكرا والله ما اخلص مشكوره goody . . من خلال الموضوع ممكن انك تطلعين اللي بنفسك كله على المعلمات ولا احد يقدر يحاسبك هذا رأيك وانتي حرت نفسك .. . لامديره تكتبك تعهد ولا مساعده تنافخ عليك ولامراقبه تكتبك مخالفه ولامعلمه تنقصك درجات . . اشكرك مره ثانيه على الموضوع .. . غلا روحي |
| الساعة الآن 10:46 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.