ابي أبكي ابي أشكي ابي ياحلم أزفّ الآه

ابي أنسى ابي اقسى ابي كونك ينسيني

ابي طيفٍ أعيشه فيييك ويكم عالمي وياه

ابي نسكن قصورالعشق ابي همسه يدفيني

تعبت اسامر نجوم الليالي وأنتظر لقيااه

تعبت من السؤال اللي جوابه نار تكويني

فداه النزف وحروفٍ تزين بوصفه ومعناه

فداه العمر وافراح الزمان وتاالي سنيني

تعال نسا مر القمرا..نجدد ماضيٍ عشناه

تعال إنشد مواويلك وشوق ٍمنك يحييني

أبي تروي عروقي من كلامٍ ما بعد قلناه

أبي تنزف من جروح الهوى نزفٍ يداويني

أعشق الليل وجنوونٍ يعيّشني على ذكراه

وأصبّر نفسي بحلمي ..إذا حظي غدر فيني

أعيشك وأسرج خيول الغرام وواقعي أنساه

وإذا فاقت بك أحلامي أعيشك بيني وبيني

بكيت الحظ وعنادٍ سكن في داخلي ماأقساه

بكيت النظرتين اللي سرقها الوقت من عيني

نبي نلغي مساافات المفارق لعنبو مجناه

يذوب العمر ياعمري وحلمي لك يناديني

سألتك يابحورالشوق حبيبي وين هو مرساه

دخيل الليل وامواجك .. كفاية لا تعنيّني

تعال أسكن مسا حاتي ترى بُعدك نزفني آآآآآه

تعال نتوه باحضان الخيال اللي يواسيني