منتديات بنات دوت كوم - كيف تصطادين ........؟؟؟؟؟

*** كيف تصطادين المعرس دون اللجوء إلى الأساليب السقيمة من المغازلات و الترقيم و التلميح اللي ماله داعي و الترزز بالأسواق ......الخ ...:027:
= أهم شي نشني على العجوز اللي حاطه عينك على ولدها ثم نفذي مايلي :
1- خليكي مع أمك و لا تروحي مع البنات و تتهيبلين , اصبري عنهم كم شهر لين تتم العملية .
2- امشي و أنتي حاطه راسك بين كتوفك و لا ترفعينه أبد حتى لو عورك , خلي الفكس دايما في متناول يديك..
3- كلمة "خالة" خليها دايما على لسانك و خاصة لأم المعرس عشان تحس بنوع من التميز عن باقي العجايز...
# ملاحظة .. لا مانع تنادين عجوز ثانية بخالة عشان إذا ما نجحت الخطة مع العجوز الأولى تنجح مع العجوز الثانية, الاحتياط واجب و أن أختك..
4- إذا بدت أمك تتكلم دقيها بكوعك عشان تدخلك في السالفة حتى لو مالك داعي , تطبيقا للمثل " كثر الدق يفك اللحام" داريه المثل ماله داعي بس ما لقيت غيره..
5- أخوانك الصغار لاحقيهم وين ما يروحون حتى لو ماهي عادتك بس تصرفي معاهم و كأنك أمهم عشان العجوز تاخذ فكرة انك حريصة على ذريتك..
6- كل م أكلت أمك من أكله زينة خليها تقول : نفس الأكلة اللي تسويها بنتي , حتى لو كانت من مطعم صيني أو مكسيكي ..
7- إذا جيتي بتمدين يدك توجعي و خلي أمك تقول : قلت لك و أنا أمك ماله داعي تنظفين جدران البيت الخارجية ( أقول نظفي غرفتك أول اللي تقولين ثايره فيها قنبلة ذرية)..
8- إذا تكلموا الحريم عن العرس أكتمي نفسك لين تحمر خدودك عشان يقولون البنت تستحي و مالنا حق تكلمنا عندها (بس لا تكتمي نفسك مرررررررة أخاف تروحين فيها و أصير قتلت نفس بغير حق )..
9- مهما كان موضوع الحوار حماسي لا تبدين رأيك خليك مثل البكماء لأن اللقافة تجيب أجل الخطة ...
10- شعرك افرديه لا تخلينه طاير و لا تجعدينه مهما كانت الموضة لأن العجايز ما يدورون إلا اللي شعورهم ناعمة ..
11- إذا أدلت العجوز ( أم المعرس المتوهق ) بأي رأي سواء سياسي و إلا وطني و إلا اقتصادي وافقي عليه حتى لو انه ماسخ و ماله داعي # مثال : تقول العجوز : بوش متقهوي عندنا البارح . قولي لها : و ليه ما قلتي لنا يا خاله نجي نساعدكم ؟؟؟؟؟
12- في الزواجات اضغطي على نفسك ولا ترقصين و اعتبري الرقص عيب ..
13- إذا جاء طاري السوق ( هو لازم يجي لأنه ملح الجلسة عند الحريم ) خلي أمك تقول : بناتي ما يحبون يطلعون السوق أبوهم يجيب أغراضهم ..
= الحين العجوز بتكون وقعت في الفخ ...

:040: نروح للمعرس الحين ....:040:
1- اجلسي في بيت أهلك و لا عاد تطلعين و إذا جاء المعرس بيشوفك خلي أبوكي يقول : و الله ودي تشوف البنت بدون ما تدري عشان تاخذ راحتك و أنا عمك و بعد تشوفها عالطبيعة ما تقول غشيتوني ( اييييييييه هين يالشايب و الله لو بيدك إن تحط مكانها باسكال مشعلاني) ..
2- قبل يجي اليوم اللي بيشوفك فيه بحوالي أسبوع أو أكثر ( حسب شين الوجه ) روحي من صالون لصالون , صبغ و فرد و تنظيف وجه .....................الخ ..
3- إذا جاء المعرس خلي أخوكي يوقف جنبه عشان ما يطيل التبحلق و يبان المستخبي و ذلك تطبيق لنظرية ( اللمحة ذبحة )..
4- في نهاية المشهد خلي أبوكي يقول : معليش و أنا عمك ترى البنت شوي محيوسه ( معليه يالشايب تنصب عالمسكين ) ..
و بها اللحظة الولد بينط على رأس أبوك و يبوسه لين يشفط مخه و يقول متى العرس يا عم ؟؟؟

:013: (( تحــــــــــــــذيــــــــــر مـــهـــــــــــــــــــم ))::013:
# ابتعدي عن أمهات العيال المتعلمات راعيات الشنطة نفس لون الجزمة هذولا يبيلهم خطط بعيدة المدى#

و دمـــــتــــــــم ســـــــــالــــــــــــــــــمــــــــيـــــــــن .....!!!