هذي بعض الردرود جمعتها لكم اللي فيها غرابه ..
------------------------------------------------
اقتباس:
احنا عندنا عادات كثيره مالها داعي اذكر مثلا ان الحرمه ماتجلس بدون شيله او طرحه لازم تغطي شعرها 24 ساعه يقولون عيب البنت تخلي شعرها برا
وناضلت لين غيرت هذي العاده
وكمان المكياج مافيه الا اذا تزوجتي وانتي بنت ممنوووووووووووع
والاكبر تعقيد كلام الولد هو الي مسموع والبنت ما تستحين ترفعين صوتك على اخوك حتى لو كان الحق معاها لكن مازلت اناضل ...
--------------------------------------------------
اقتباس:
بالفعل في عادات الاهل متمسكين فيها كأنها استغفر الله كلام منزل
على سبيل المثال امي مانعتتني من قص شعري .. قال ايش البنات لمن يتزينون مافيه قص
الا بعد الزواج ..!!
لا وكانت فيه عادة بس الحمدالله ناضلت لين سويت اللي براسي وهي حف شعر الجسم ((الايدين
والرجلين)) !! تخيلوا !! مافي حف الا بعد الزواج ..!!
طيب فرضا البنت عنست تظل طول عمرها محششة <<< يعني فيها حشائش خخخخخخخ
----------------------------------------------------
اقتباس:
نحن في زمانا كان البنت عيب تروح العرس -00 لدرجه اني مارحت عرس اخوي الكبير لانه عيب
عيب البنت تروح الصالون تتعدل ..
عيب البنت تروح الحديقه او تتكلم في التيلفون ..
البنت ماتتكلم ولا تنطق ولا تعارض ولا تحتج وتسمع كل شي يقوله لها اهلها مهما كانت وتنفذ وبسسسسسس ..
البنت ماتنزل الشيله عن راسها ولا تطلع جدام اهلها بلبس مثل تنوره او بجامه عيب ..
البنت ماتصادق المعرسات ولو صديقتها عرست المفروض تقطع علاقتها بها ..
-----------------------------------------------------
اقتباس:
البنت بنظر المجتمع متهمه حتى تثبت برائتها بالزواج ..........
------------------------------------------------------
اقتباس:
فعلا في عاددات قدييمه المفرووض يكونون اهلنا متفتحين اكثر ويراعون حاجاتنا النفسيه و الماديه و يعرفون ان جيلنا هذا غير عن جيلهم..
خصوصا بالمكياج و الحف وهالسوالف ممنوعه بس انا قضيت على هالعاده خخ :pleasantr
يعني عيب البنت تحف شعر جسمها قبل الزواج وعيب تحط مكياج و عيب يكون معاها موبايل و ما تمسك شنطه واهيا طالعه لان الشنطه بس للمتزوجات و البنت ماله داعي تحط كحل عيب الخ
يعني احنا بزمن الكل تغير فيه وهالاشياء قديمه واللي ما تلبس وتحط وتحف وتكشخ هيا المعقده و ناقصه و يحسبونها فقيره 
اما قبل كان من باب الحياء او العادات بس خلااص الناس انفتحت يااااعااااااااالم ياااهووو احنا 2006
.
.
يعني اهيا كلمتين باختصاار ..
تزمت فكري و رفض للتطور
دام هالاشياء مافيها خدش للحيااء او تعرض لاوامر الله والاسلام و ماهي حرااام
فلييييييش نمنعهاا و نحرم نفسناا ....
واذا كان كل شي بعد الزوااج اجل متى نستاانس فييها بعد ما اتزوج واتدبس بعياالي ..!!
نبي نعييش ونستانس بحياتنا كآنسات ومتزوجاات بعد وبلااش هالتزمت و هالتخلف الفكري ..
--------------------------------------------------
شفتوا الردود والنماذج شــــــــــــــــــــلون غريبه وفيها بعض الظلم ...............
لا تحرموني من مشاركتكم ............
:) :)