[الغلا]

البارت الخامس
7
7
7
7
7
ساروه وايد تاثرت بفكره ان خليفه بيتزوج وطول الوقت و هيه قاعده تفكر بس دموعها كانت اقوى من انها تتحمل هذى الفكره ناصر كان حاس فالي يستوي فقلب ساروه البريئ ويشوف فى عيونها نظرات للهفه و الشوق حق خليفه الى ما انتبه حق هالمشاعر ولو اشوى ..
خليفه:ها اماايه متى بتسيرن لهم
ام زايد: ليش مستعيل
خليفه: خير البر عاجله
ام سالم: منو قال
بومحمد: يا عيالى اول شى سالوا عن الحرمه بعدين يستوي خير
خليفه ((مستغرب)): لا و لله و ليش يعنى تسألون
ام خالد: والا حاط فى بالك تعالوا خطبوا بس
خليفه: انزين سألو شو بيصير يعنى
خالد: اشفيكم ازين ماصار شى ((يطالع زايد))
زايد: ههههههههه نحن اكبر عنه ومالنا خص بهالسوالف
ناصر: ههههه انزين خلاص كل واحد يتنقاله
حمدوه: اشفيكم انتوا اييييييييييييييييييييييييه بس عاد عن الصدعه
ام خالد: وابووى عليج من بنت ماتستحين شو
حمدوه: ابويه شوفيها
بوخالد: و لله شو تبينى اسوى امج عاطتني العين الحمره يعنى لا ادلعها اكثر
حمدوه: هههههههههههههههههه اماااااااااااااااااايه
ام زايد: غربلات بليسج من بنت
زايد: مخرفه شكلج
حمدوه: منو هذى
خالد: هههههههههه شاكه بعمرها
حمدوه: انا مخرفه
موزه: بس سكتوا يالله ساروه بتغنين ((الكل التفت عليها))
ساروه: مااريد
موزه: يالله عاااد
ساروه: فكينى مافينى
خليفه: ليش عااده
ساروه: انته اخر واحد يرمس اوكيه
الكل انصدم من رده فعل ساروه محد يعرف ليش جذا قالت الا موزه وميره وحمدوه وناصر نزلوا راسهم و خليفه منبهر من رده فعلها ليش ساروه شو فيج وفجأة وقفت ساروه وسارت صوب سياره اخوها وركبت وقعدت اتصيح من القهر ..
وصل الوقت الى بيسيرون فيه بيتهم وكلن ركب سيارته ساييرين صوب بيوتهم .وخليفه وهو فى السياره بدى يتردد فى خياله كلمات اول مره يسمعها ((ليش متغير كلامك..هذا مو طبعك معاي انا احسك موطبيعي..انا احس في شي غريب انا اعرفك من عيونك..وانت تدري ياغلاي خل كلامك كله واضح..قبل لاشمسك تغيب حيل عذبني غموضك..وصارت اسرارك هواي ))
حمده انتبهت على اخوها انه فيه شى ..بسرعه ادركت كل شى و سألته شو في: خلووف حبيبى شو فيك
خليفه: ها لا ماشى ابد سلامتج
حمده: مب على انا ازين
خليفه: شو مب عليج بعد
حمده: قولى شوفيك يالله
خليفه: اااااااااااااااااااه شو بقول والا بقول
حمده: ليش شوفيك
خليفه: اول مره اشوف ساروه جذا
حمده((تبتسم)):ليش اشفيها
خليفه: ما اعرف متغيره على بس
حمده: ماسألت نفسك ليش
خليفه : ليش انزين ((مهتم وايد))
حمده: خليفه ...((يرن تلفون خليفه))
...............
خليفه: لحظه اشووى لا ترمسين
حمده: منو
خليفه((ياشرلها علشان تسكت)): هلا حياتى شحالج
حمدوه فتحت عيونها و هيه اطالع اخوها منو يرمس هذا : ايييييييييييييه منو هذى
لطيفه: رمست اهلك
خليفه: هيه نعم و ان شالله الإسبوع الياى بنسير عندكم
لطيفه: صدق و لله وافقوا ((ترفع ايدها وتحمد ربها))
خليفه: هيه نعم هذا الى نباه جداكم وصلج طال عمرج
لطيفه: حبيبى ما اصدق
خليفه: ليش عاد انا جد مره جذبت عليج
لطيفه: لا حياتى
خليفه: عيل اخليج يا ام سعيد الحين
لطيفه: خلاص برايك اكلمك بعدين
خليفه: ان شاء لله
لطيفه: مع السلامه
خليفه: لله يحفظج
..................
حمدووه قعدت اطالع اخوها بنظرات غريبه هذا شوفيه : لا و لله
خليفه: شوفيج
حمدووه: منو هذى ؟؟؟!!
خليفه: حرمتى
حمدوه: عيب عليك تلعب فبنات الناس و لله
خليفه: بلاج انتى بعدين افهمج يالله انزلى
................
دخلت حمدوه و هيه معصبه على اخوها بالقو ومرت صوب الصاله وهيه حاطه فخاطرها منه ..ماتقدر تقوله شى لأنه اخوها الكبير وماتقدر تمنعه او تقوله عن سارووه ..........
بعد ما مر على السالفه اسبوع تقريبا الكل مستانس الا ساروه خايفه من اليوم الى بيسير يخطب خليفه فيه بس منو هذى البنت الى بيخطبها ساروه فى عالم من الاحزان و الدموع وحمدوووه ((الشيطانه )) بدت تفكر فى زايد بشكل غريب كل ماتشوف خالد اخوها اتذكرت زايد ...بالصدف كانت قاعده فى الحوش شافت سياره رنج سوده اول ماشافت السياره بسرعه ركضت صوب النخل وقعدت تراقب شافت زايد نازل بكل ثقه وبطلت عيونها لين اخر شى ...وتقول فخاطرها ياربى كيف حلو شو اسووى الحين سارت صوبه
حمده((ترتجف)): السلام عليك زايد
زايد: وعليج السلام حمده ((نزل عيونه تحت)) بس وين خالد حمده: خالد على ما اظن فحجرته بسير اناديه
زايد: ان شاء لله
حمده: تفضل يا تقعد فى البيت او فى الميلس
زايد: بترياه فى السياره
حمده: عنلاتك سير ايلس فى الميلس
زايد: والخيبه مب انثى هذى انتى من العصر الحجرى
حمده: لا و لله احلف انته بس ((تحط ايدها على خصرها))
زايد: مابحلف بس سيرى زقرى خلوود
طلعت ام خالد وشافت زايد : زايد فديتك ادخل
حمده: طالعوا انتوا تتفداك
زايد((يبتسم ويهمس وهو يمشى)): شو بدينا نغار
..........................
وقفت حمدووه و هيه اطالع زايد يمشى مع اخر همسه قالها حطت ايدها على قلبها ويوم شافته دخل بسرعه دخلت البيت وسارت صوب اخوها خالد خبرته ان زايد ولد عمته تحت ...دخلت غرفتها وقعدت اتشوف عمرها فى المنظرا وهيه تتامل ويها البريئ و الصافى كان للى يميز حمده عيونها و شعرها الاسود الطويل تلبست التنوره البيج مع القميص كان روعه عليها ونزلت تحت عند خالد وزايد علشان تستقبل ابوها اول مادخلت الصاله شافت خليفه وناصر قاعدين اول مادخلت الكل التفت عليها
ام خالد: هابنتى وين دارج
حمدوه: هههههههههههههههههههههههههه
ام خالد: وابوى عليج خبله شو
خالد: اونها بنتج خبله يعنى بس الحين
حمدوه: ليش تسب يعنى
ناصر: حمدووه سمعتى ذاك السودانى يوم يغنى على القناه السودانيه يشبهج
حمدوه: اماااااااااااااااااااااااايه
زايد: عاااد حد يشبها بسودانى حرام عليك ارحمه اخافه يعتزل
ام خالد: اشفيكم على اختكم
ناصر: اضطرابات معويه
خليفه: يالله اتجهزوا ترانى معرس
ام خالد: هيه ياولدى ذكرتنى كلمت ام البنيه خلاص بنسيرلهم يوم الخميس
خليفه: يالله فديتج يعلنى ما اخلى
خالد ((مستغرب)): مسرع ماردوا عليكم
ام خالد: هيه ياولدى بس نصيب
ناصر: بس مب لازم يشاورن البنت
حمدووه: اكيد ما بيشاورنها لان خليفه بن محمد بيخطب بنتهم
زايد: يالله الفال لكم ان شاء لله
ام خالد: امين يارب العالمين ((تلتفت على زايد)) اشحالها ساره
فز قلب خليفه حس بشى مب طبيعى فى قلبه وقعد ينتظر كلام زايد يريد يقوله ان ساره بخير ..
زايد: الحمدلله ياخالتى على كل حال بس ما اعرف شو مغيرنها
حمدوه: حليلها ((اطالع خليفه))
ناصر: لله يكون فى عونها ان شاء لله
زايد: لله يخليكم ((وقف)) يالله بخليكم انا الحين و شد حيلك يابوسلطان
خليفه: طال عمرك لاتوصى حريص
خالد: مصدق عمره المعرس
ناصر: معرس ومن حقه هههههههههههههههههههه
خليفه: لايكون مب عايبنكم بس
ام خالد: عايبنا دخيلكم لا تفتحوله سالفه راسى يعورنى من حنته
زايد: افا عليج خالووه ..
خالد: ها وين بتسير اليوم
زايد: و لله مب مكان و انا اخوك
خالد: بخاويك لبيت يدى
زايد: ليش
خالد: ما ادرى
حمدوه: شو رايكم تودونى بيت خالتى ام زايد
ام خالد: هيه و لله صدقتى يابنتى اريد اروحلها ويه على غامضتنى ساره
ناصر: هيه و لله خلاص اوديكن انا

طلعت ام خالد و بنتها صوب بيت ام زايد و زايد و خليفه وخالد طلعوا المول وناصر سار يخاوى امه و اخته اول ماوصلوا ناصر كان يفكر بنظرات ساره حق خليفه الى ترست عيونها دموع و هيه تودع اغلى شى فحياتها اول مادخلوا البيت سلم ناصر على عبدالله وفهد و عمته وقعدوا ..حمدوه قعدت تلتفت يمين شمال بس ماحصلت ساروه وفجأه سالت عمتها : عموووه وين ساروه
ام زايد: و لله يابنتى فى غرفتها صارلها اسبوع ماادرى اشفيها
حمدوه: بسير اشوفها
ام خالد:وين تبين ويدى
حمدوه بسير اشوفها
عبدالله: شو بتسوى زايد الى هو زايد الى مدلعنها اشكثر ماقدرلها
ناصر: خلها تحاول ((يطالع اختها كانه فهم شو الى فيها ساره))
حمده: برايكم
............................
طلعت حمده صوب غرفه ساره اول ماوصلت دقت اول مره محد فتح دقت مره ثانيه سمعت صوت ساروه اتقول امنو
حمده: انا حمدووه فتحى
......................
الا واشوى فتحت ساروه الباب وكان ويها شاحب مصفر من قله الاكل
حمدوه: حبيبتى ساروه شفيج
ساروه : مافينى شى ((بخوف))
حمدوه((وقفت صوب المراياه)): هذا كله عشان خليفه
ساروه((اطالعها بنظرات ودموعها على خدها)): لا
حمدوه: لا تقولين لا ..لانى اعرفج عدل لا تحاولين تخبين على خبرينى صارحينى بكل شي فخاطرج
سارووه((تصيح)): أنا ...................................
حمدوه: انتى شو قولى
ساروه قعدت اتصيح فى حظن حمدوه الى صاحت معاها وعرفت انها ما بتستحمل هذا الموقف الا و اشوى الخدامه تزقرها عشان امها تباها قعدت تحاول مع ساروه لين مانزلت تحت وياهم ..سلمت على حرمه خالها و قعدت صوب امها .
ام خالد: يالله يابنات اتزهبن خليفه بنخطبله هالخميس ان شاء لله
ام زايد: يالله بالبركه بس منو بنته
اهنيه رفعت ساروه راسها عشان تعرف منو هذى البنت من تكون
ام خالد: لطيفه بنت سعيد بن سالم
ساروه: منوووووووووووو ((تصرخ))
عبدالله: سارووه شو فيج
حمدووه: خلاص سارووه
ساروه((تصيح)): خالوه لا توافقين دخيلج
ام خالد: ليش يابنتى تعرفينها البنت
حمدوه: خلاص ساروه تعالى
ام خالد: شوفيج حبيبتى ساروه
ساروه: هذى البنت ما تناسب خليفه ((تلتفت اطالع ناصر)) ناصر و لله ماتناسبه
ناصر((نزل راسه)):........................................... .
سارووه ركضت صوب غرفتها وهيه منصدمه خلاص الدنيا مب طايقتنها خلاص مافيها تتحمل العذاب الى هيه فيه

شو تتوقعون يستوي فساره بعد لا يملج خليفه قولولي توقعاتك وابى ردود ولا تزعلوني منكم هاذي اول قصه لي ساعدوني
الــغــلا