السلام عليكم ورحمة الله و بركاته ..
خواتي ..
في موضوعي ذي حبيت آتكلم .. عن العادات اللفظية اللي متعودين نقولها (( وخاصة الدول الخليجية )) ..
يعــني .. لما تتحجه عن شخص .. مو من بلدك .. (( من الوافدين )) .. تقول : وي هاذي الــــ (( جنسيتها )) ـــ .. أو عاد هالــ (( جنسيتها )) ــ .. أو شلها هالـــ (( جنسيتها )) ـــ ياية ديرتنا .. !! خل تقعد في بيتهم أبرك لها .. !!
آنه الصراحة وايد آتعجب من الناس اللي من هالنوع .. اللي يجوفون اصحاب الدول الثانية أدنى من مستواهم .. !! أو كنهم عبيد يشتغلون عندهم .. !!
آنه مابي آقول جنسية معينه .. عشان ما يصير جدل ..
بس اللي حبيت آقوله : أنه ليش هالنوع من الناس ينادون الأشخاص اللي ياو ديرتهم (( الوافدين )) بهاي الالفاظ .. و هاي الاسلوب .. و هاي التكبر .. كأنهم عبيد أو خدم يشتغلون عندهم .. !!
أو كأن هاذلين الناس جايفين أنه الناس اللي ياو حق ديرتهم (( الوافدين )) عشان يشتغلون و يأمنون لقمة عيشهم .. ناقصين عقل .. أو ناقصين يد أو ريل .. !!
حبيت آقول لهاي النوعية من الناس أنه مافي فرق بين مسلم و مسلم الا بالتقوى .. و اهمة مو يايين بس عبثاَ جذي .. اهمة يايين عشان يعيلون عايلة كامله مكونه : من ام و اب و ابناء .. و ممكن جد و جده ..
و بعد حط روحك مكانهم للحظة : وانت تسمع ناس يقولون لك يا الــ (( الجنسية )) ــ و يعايروونك ..
شبيكون موفقك .. !! ما بترضه صح ؟؟ يعني اذا انت مو راضي على روحك شلون بترضى تقوله حق أحد ؟؟
وبــس .. هاذي اللي حبيت آطلعه من يوفي في هالوضوع ..
ملاحظة : آدري بعض الألفاظ ركيكة بس هاي اللي قدرت آكتبه .. لــني منذ الأزل ماعرف آصيغ الجــمل عــدل :pleasantr فــعذروني ..
و أي وحدة حابة تتفضل بتعليق .. حياها .. :)
أختكم : *Me*
!! >> dJJh hgJJJ (( [ksdji )) JJ K dhgJJJ (( [ksdjih )) JJ >> !!
الموضوع الأصلي :
!! .. يــا الـــ (( جنسيته )) ــ ، يالـــ (( جنسيتها )) ــ .. !!
||
القسم :
"الأرشيف" مغلق
||
المصدر :
منتديات بنات دوت كوم
||
كاتبة الموضوع :
*Me*