[الغلا]

احين بكمل البارت السابع
7
7
سارووه ماقدرت تنام لأن الموقف الى استوى حقها مستحيل تصدقه خليفه يرجعلها وياشر على قلبه انها بتكون موجوده فيه للابد ..قاعده فى غرفتها الساعه 8 الصبح وتفكيرها كان كله فى خليفه ااه لو تدرى عن حبى الى فى قلبى وقطع حبل افكارها عبدالله مب مصدق على لله انه واعى من الصبح يدق على باب غرفه سويره
عبدالله: سااااااااااااروووووووووووووووه فتحى يالدبه
ساروه: اشفيه هذا صبر بفتح انزين
عبدالله: بسرعه عاااد
ساروه((فتحت الباب)): شوفيك عبووود
عبدالله: شحالج شخبارج اليوم هيه صح يوم الخميس بنسير البر بنقعد ثلاث ايام العايله كلها بتسير
ساروه ((بفرح)): شو اليوم عبوود
عبدالله: الاربعاااااااااااااااااااااااااااااااااااااااااااا ااااااااااااء
ساروه((بحزن)): يالجذاب ...جذاب عينى عينك بعد يالله برايك
عبدالله: ههههههههههههههههههه لا و لله صدق بنسير الخميس هذا البر العايله كلها بتتجمع
ساروه: اليوم السبت وااااااااااااايد باقى
عبدالله: شو يعنى يا سلام بسير اجهز دراجات الشباب عااد تعرفينا نحن
ساروه: ههههههههههههههههههه انزين سير بالله عليك مافينى عليك
عبدالله: يالله مابتنزلين تتريقين
ساروه: زاايد تحت
عبدالله: لا طلع عنده شغل
ساروه: منو تحت
عبدالله: يييييييييييييييييااه بدينا التحقيق تبين تنزلين يالله ماتبين برايج
الا و اشوى فهد كان طالع من غرفته
فهد: السلام عليكم
ساروه+عبدالله: و عليكم السلام و الرحمه
فهد (يصد على ساروه)): ها الغاليه شحالج اليوم
ساروه: بخير و الحمدلله
عبدالله: جيه انا ولد البطه السوده و الا لاقطيني من صدوق طماااااااااط
ساروه: الاختيار الثانى
فهد: ممكن اتصل بصديق
عبدالله: هيه اطنزوا علي انته يالله ننزل
ساروه: انزلوا انتوا بلبس و بنزل
فهد: يالله نترياج
عبدالله: يالله بسبقكم
نزلوا فهد و عبدالله يتريقون مع امهم من الصبح واعيه عشان زايد عنده شغل ضروري لازم يخلصه اليوم و ما يقدر ياجله ..لان هو البجر و اكبر واحد من اخوانه ويدير ورث ابوه الى كانن عباره عن محلات تجاريه وعقارات و سنترات و مولات و من غير العمارات و غيره و غيره
الكل كان يشهد حق زايد بحسن السيره و السلوك على الرغم من الجمال ونظرته الى تبين انه خقاق بس هو عكس ..فى السياره زايد قاعد جدام مبنى البلديه يريد يشترى ارض و يبنى عليها وقاعد يجهز باوراقه عشان يدخل ..يوم نزل من السياره شاف وحده وقفت جدام بالظبط مايفرقها عن زايد غير خطوه او خطوتين
البنت: السلام عليكم
زايد: و عليج السلام اى خدمه اختى
ندى: لا الغالى ((وافده ترمس مواطن))
زايد: عيل ليش واقفه فى طريجى
ندى: بصراحه عيبتنى و اتمنى اكون ربيعتك اذا انته محد شاغلك
زايد: سمعى يابنت الناس انا مب راعى هذى السوالف و لا لى خص فى كل هذا اذا انتى تبين حد يسير وياج ويسهر وياج فالسموحه دورى غيرى
ندى: انته بعدين دخلت خاطرى و انا من اريد الشى آخذه
زايد: نعم ماسمعتج عدل ممكن تعيدين شو قلتى
ندى: كلام الملوك لا يعاد
زايد: اسمعى انا محترمنج لانج بنيه مب عشان شى و لله ترانى انا ما انزل راسى بناس شراتج
ندى: افهم من كلامك
زايد: اجلبى ويهج يالله
ندى: لا و لله صح انى مريت بعلاقات وايد بس كل الى مريت فيهم مب شراتك
زايد((اتضيج)): يالله شو هالبلوه الحين –يصرخ- خير شو تبين الحين ممكن افهم
ندى: ههههههههههههه ليش تصرخ بيسمعونك بعدين بقول انك انته تحرشت بى
زايد(وصل حده): نعم ممكن اتسيرين عن دربى اصلا انتى حرام حد يطالع فى ويهج
..................
مشى زايد عنها و هيه كلها قهر وقعدت تتوعد له خذت رقم سيارته وسارت صوب سعيد يشتغل فى المرور وعطته رقم سياره زايد تريد تعرف اسمه ...وبعد المحاولات والجذب الى ألفته حق سعيد المعروف عنه مغازلجى رقم واحد فى العين وكل اسبوعين متعرف على بنيه وندى يعتبرها مثل اى وحده تلبيله رغباته المينونه ...ندى حطت فى بالها انها كسبت و عرفت انه هذا اسمه زايد
ندى: وين تروح منى انته بس الحين عرفت اسمك وباجر رقمك ((حاطه وايد اماااااااااااااااااااااااااااال ))
..............................................
زايد خلص اوراقه فى البلديه ويوم طلع شافها بعدها واقفه عدال سيارته وقعد يتأفف ياربى هذى شو تبا الحين بتصل حق خالد احسن
اتصل حق خالد
توووووووووووووووت تووووووووووووووووووت
زايد: وينه هذا مايرد
خالد: هلا و لله يابو سلطان
زايد: تعال دخيلك تساعدنى
خالد(خاف): شو مستوى ؟؟!!
زايد: وحده مطفربى قسم بالله بصفعها جدام خلق لله
خالد: هههههههههههههههه انزين الحين باييك
زايد: يالله اترياااك (بند التيلفون)
مشى زايد لين ما وصل السياره وهيه واقفه عداله و اطالع بنظرات دقايق الا واحد نازل من سياره بورش سوده وقفت هيه متسمره مكانها فاجه حلجا ياربى كل واحد احلى عن الثانى يوم قرب الريال انصدمت
ندى: خالد مستحيل ((بخوف))
خالد: هاندى اشوفج ماتعبتى
زايد: هاااااااااااا وابوويه من وين تعرف هذى
خالد: منو مايعرفها هذى ..
ندى: احترم نفسك
خالد: هههههههههههه خلينا الاحترام لج يا محترمه
ندى: لا و لله ماصرت اشوفك فى الكوفى
خالد: باباتى خالد الى كنتى تلحقينه كشفج وعرف انتى منو .
ندى: نعم اخويه ((تحاول تعدل رمستها المواطنه))
زايد: شو من الجنسيات
ندى: مواطنه
خالد: ههههههههههههههههه يالجذابه انتى لو تيبين ظفر بنت بلادى ذيج الساعه رمسى
ندى: خلاص عاد
خالد(بكل جديه): اسمعى اذا تقربتى منه ياويلج ويلاه فاهمه يالله
ندى: تهديد يعنى
خالد: افهميها مثل ماتبين يالله ترانى و لله ابلغ الشرطه
زايد: مافينا على المشاكل وندخل السجن بسبب هذى الاشكال
ندى: مالت عليكم
راحت ندى عنهم و هم يضحكون عليها من الخاطر شكلها يضحك و لله وافده وتشرط بعد ..
زايد: يا اخى فكيتنى من هالعله و لله
خالد: انته ريال اشكبرك و ماتعرف تتصرف
زايد: شو اسووى فيها تعرف انى ما احب احتك مع هالاشكال ..هيه اشعرفك فيها انته
خالد: هذى دوم فى كوفى العين مول عاد الشباب مايقصرون فيها
زايد: كيف يعنى
خالد: خلها مستوره مافينا نرمس حتى نحن عندنا خوات
زايد: هيه نعم يالله عيل بتخاوينى البيت و الا
خالد: شورايك انسير عند سلوووم
زايد: شو اسوووى اهناااك
خالد: والا اقولك مافينى تعبان
زايد: عنلاتك تعزم و انته بعدين تتعايزعن السيره
خالد: شو اسوى ياابووووك
زايد: هيه صح بتخاوينا البر يوم الخميس
خالد: هيه نعم بس طالع قبلكم انا بيوم يعنى
زايد: لا و لله بخاويك عيل
خالد: وعموووه منو بيبها؟
زايد(بنظره سخريه): عندها فهود و عبود
خالد: عيل خلاص الاربعاء الظهر بنظهر صوب البر انجهز المكان مع العمال انزين
زايد: ان شا لله
سار زايد صوب البيت وهو منهد حيله خاصه الموقف البايخ الى استوى له وصل البيت وسلم على امه و اخوانه و طبعا الدلوعه سارووه
زايد: امااايه انا يوم الاربعاء بطلع البر مع خالد
ام زايد: بتسيرون تعدلون اهناك
زايد: هيه نعم اماايه لانكم بتوصلون الصبح اهناك
ام زايد: ان شاء لله ياولدى على خير
زايد: هاسارووه بتسيرين
ساروه: هيه بسير عيل اقعد بروحى شو اسووى
عبدالله: سوى غدى عشا كل حاجه
فهد: لله يخسك هههههههههه جان بتشغل اختى خدامه
زايد: بس انته ويااه انا بسير غرفتى فوق اذا تبون شى العصر خبرونى ما اريد حد يدق على
ساروه: ان شا لله
ام زايد: ما تبانى انجبلك غدى
زايد: مالى خاطر و لله اماايه
ام زايد: براحتك ياولدى
..........................................
طلع زايد غرفته يوم دخل عق بعمره على السرير سكر عيونه مر طيف حمده جذا بدون سابق انذار وفتح عيونه شو السالفه شى فينى انا اليوم ليش افكر فى حمدوه الحين انا افففففففف ياربى راسى يعورنى
.............................................
فى الجهه الثانيه حمدووه مستانسه وايد لانها بتسير البر وان العايله بتكون متجمعه وهيه نازله من على الدرى شافت ناصر قاعد يشوف التلفزيون وتصرخ لانه سرحان
حمدوه: بووووووووووووووووووووو
ناصر: بسم لله حشى هب بنت و لله هب بنت
حمدوه: هههههههههههههه اشفيك يادب عيل وينه خليفه
ناصر: سار الحمام الحين باييج
حمدوه: يقولون لطوووف حاشرتنك بالتلفونات
ناصر: شو اسوى باخوج يوم فر بطاقته على
حمدوه: ههههههههه حليلك اخوى
ويدخل خليفه
خليفه: هلا و لله نفاذ
حمدوه (باستغراب): منو نفاذ بعد
خليفه انتى يا هبله
حمدوه: انا يا بوراسين نفاذ
ناصر: بدينا انتو الاثنين بس عاد الصراحه راسى يعورنى
خليفه: هاقعدنا سكتى اريد اشوف الفلم
حمدوه: شوف انزين عنلاتك
خليفه: هيه صح مشكوره على فكره البر
حمدوه(بفرح)): بتسير
خليفه: ما اعرف يمكن لا و يمكن هيه
ناصر: اشعنه
خليفه: ما اعرف
حمدوه: اقولك ناصر التيس لو بترمسه من اليوم لين باجر ما بيرد عليك
خليفه: هههههههههههههههههه غصب اروح يعنى
حمدوه: شو بتسوى اهنيه بروحك يعنى
خليفه: قلت يمكن انا ؟؟!! خبله و لله
ناصر: اسكت عنها احسن مافينا على لسانها و لله
خليفه: انزين هههههههههههههههههههههههه
حمدوه: جب انتوا الاثنين
قعدوا خليفه و ناصر يطفرون بحمدوه ويضحكون عليها ..
الكل على اعصابه تمر الايام و اليوم الي بيجتمعون فيه العايله وصل ميعاده زايد و خالد من يوم الاربعاء موجودين فى البر واليوم الخميس الكل طلع بس خليفه بعده راقد طلعوا قبله يمكن يلحقهم ..الكل وصل المكان الي بيقعدون فيه كان المكان عباره عن مزرعه كبيره وارثنها بومحمد من يده مساحتها وايد كبيره وفيها كل شى من خضره و نخل وفواكه و من غير الخيول و المسابح ..اول ماوصلن السيارات الكل نزل و اجتمعن الحريم و البنات و الرييايل فى القعده برع
زايد: هلا اماايه شحالج
ام زايد: بخير ربى يسلمك فديتك
عبدالله: بدينا عااد
زايد: هههههههههههههه بس عاد شو تغار من اخوك
فهد: هيه بعد شو
زايد: وين ساروه
عبدالله: مع البنات ما اتشوفها
زايد: شفتها خلاص
......................
ساروه وموزه قاعدات يتمشن ..
سارووه: يالله خليفه مابيي اليوم
موزه: اففففففف منج شو اسوي يعنى
ساروه: ليش مايه
موزه: سكتى بالله عليج حمدوه وصلت
حمدوه: السلام عليكن
ساره+موزه: وعليكم السلام
ساره: شحالج حمدوه
حمدوه: بخير يعلج الخير فى بعض الناس راقدين ومايو معانا اليوم
ساروه((نزلت راسها)): ليش؟؟
موزه: انتى تعرفين
حمدوه: بالله عليج ما اعرف ان سويره تحب خلوف اخويه الطمه
موزه: ههههههههههههههه ماشاء لله بسميج مريم نور
حمدوه: تخسى هالعيوز
ساروه: بس انتوا الثنتين ((تاشر على ميره)) ميروووووووووه اهنيه اهنيه تعالى
حمدوه: فديتها و لله ماشفتها
وصلت ميره..
ميره: شحالكن بنات
البنات: بخير
ميره: ها ساروه شو هباتج اليوم
حمدوه: ههههههه الحمدلله بس متحطمت الشعور
ميره: ههههههههه شو ؟؟!!
ساروه: فضحتينا تراج ((مستحيه))
ميره: اصلا ادرى انج تترين خليفه
ساروه وموزه منصدمت ميره اشعرفها خيبه هالكثر الحين يلاحظون على ..حشى مب ويه على يمتص الاشعه بسرعه الا و اشوى ام خالد تزقر البنات عشان يقعدن مع يدهم ..عااد خبال البنات واصل 180 درجه دام ان حمدوه معاهن قعدن يركضن لين وصلن المكان الي اهلها ياسين فيه ...
بومحمد: هابنات اشحالكن
البنات: بخير ربى يسلمك يدى
حمدوه: يدى
بومحمد: هلا بنيتى
حمدوه: قول حق الشباب يعطونا الدراجات
بوخالد: عنلاتج شو تبينهن ماعندنا بنات يركبن دراجات
حمدوه: ابوووووووووووويه عاااد و لله اشويه
ام خالد: تبين تشوفين شكلج وانتى متفيزره على الدراجه تقولين بقره
حمدوه(برطمت)): خلاص انسوا
ام خالد: احسن

.............................................

شوه تتوقعون يستوى بيي خلووف
ولا بيتم في البيت عشان ساارووه ما تجوووفه
قولولي توقعاتكن وردوو علي فرايكن حق هذا البارت اووكيه
لا تنسوني
الــغــلا