[الغلا]

البارت (31)





::++الصبح الساعه 8 بيت ام زايد::++

فى الصاله زايد كان يالس يطالع التلفزيون الا و امه داخله عليه سلم عليها ويلس يتريق اشوى ويجووف ساروه طالعه من حجرتها و نازله من على الدرى بكشتها شرات الهبله ..
زايد: ههههههههههههههه هذا كله لانها بتسير بيت يدى
ام زايد: شو اسوووى ياولدى فيها
زايد: و لله انها (يجوف ساروه نازله) سوويره تعالى
ساروه: انشا لله (وقفت جدامه بالبيجاما و هيه مستحيه )
زايد: ماشا لله من الصبح واعيه اليوم
ساروه: هيه بعد شو

::++دخلت مها::++

مها: السلام عليكم
الكل: و عليكم السلام
ساروه: شو هذا الى لا بستنه الحين بتسيرين تغيرينه
ام زايد: سويره اشوى شوى على البنت
ساروه: امااايه هذى عروس
مها: سويره لو تجوفين كثر الملابس الى انتى حاطتهم
ساروه: بس جب يالله (تسحب مها من ايدها و اطالع اخوها) حبيبى زايد بنزل بعد اشوى
زايد: براحتج سويره
ساروه(وقفت فى نص الدرى): شو زعلان
زايد(يبتسم): لا بس يالله الحين بتى الساعه تسع و نتى ما تلبستى
ساروه: وووووووويه مهووووي بنتاخر ترانا
مها: شي وقت
ام زايد: وين سايره عرس
ساروه: لا بيت يدى (تسحب مها و تسير فوق)

::++فى الصاله::++

دخل فهد وسلم على اخوه و امه و من بعده دخل عبدالله ويلس يتريق ...
فهد: زايد وينك امس ياريال
زايد: و لله انى تعبان و منهد حيلى
فهد: ازين يااخى خذ لك راحه ساعتين ثلاث
زايد: ما اقدر يافهد وراى شغل وايد
عبدالله: ازين زايد اريد اشتغل
زايد: تخرج قبل من الكليه ويصير خير
ام زايد: يالله ياعيالى بسير ازهب الاغراض لان بنتغدى عند يدكم اليوم
زايد: لا و لله مب زياره بس
ام زايد: بنرمس فى عرس فهد واخر التجهيزات و جذا يعنى لان يبوك مابقى الا اسبوع واحد بس
عبدالله: بس الاسبوع الياي
زايد: خير انشا لله
ام زايد: بسير اولف الاغراض
الكل: برااايج امايه ..

::++فى حجرة ساروه::++

ساروه مرتبشه وايد لانها بتجوف خليفه وانها متولهه على حمدووه وايد ...مها ياسه تتنقى من الملابس الى طلعتهم ساروه ويست حايره اى واحد تختار بصراحه كل لبس احلى عن الثانى...
ساروه: اييييييه اشفيج ههههههههههههه
مها: خبرينى شو البس ؟؟
ساروه: شو رايج بالازرق وايد حلو
مها: اممممممممم حلو
ساروه: اشتريته من سبلاش روعه عليج بيكون يالله لبسيه
مها: اوكيه
ساروه: يالله اتريااج

دخلت مها ولبست الملابس الي خذتهن من ساروه كان رووعه عليها وقفت اطالع عمرها وهيه منبهره
مها: هذى انا
ساروه: هيه انتى يالله يلا يسي بحطلج غلوووووس
مها: شو هذا بعد
ساروه: حق الشفايف يالله
مها: انزين اريد احط جحال
ساروه: ليش لا هااااتى بحطه لج
مها: ازين

بعد ما تعدلت مها وصل دور ساروه الى لبست الون الاحمر كان بصراااحه لبسها رووووووووعه واايد مناسب لها ولايق تعدلت وحطت جحال و لبسن عبيهن و نزلن تحت جافوهم ياسين و الحين الساعه 10 وشى بعد ما دخلت ساروه الصاله و هم يطالعونها بس فهد كانت عيونه على مها الى بدت تكبر فى عينه يوم عن يوم ..
ساروه: يالله ليش ياسين
زايد: يالله ازين نترياااج سندريلا
ساروه: هيه (تلتفت اتجوف مها واقفه بعيد تسحبها) وقفى اهنيه
مها: ههههه ازين
ساروه: ههههههههههههههههه تضحكين بعد
عبدالله: ماشا لله عليكن حلوات عثركن
فهد: هيه شو تتحسب
زايد: يالله ازين (يزقر امه) امااايه يالله
ام زايد(من داخل حجرتها): يالله الحين (طلعت من حجرتها)

::++طلعوا من البيت ساييرين بيت بومحمد ::++

فى سياره زايد الى لين الحين وهو يفكر فى حمدوه كيف تسووى جذا ليش تخونى مع حمد الى اعتبره اعز ربعى لهدرجه يعنى ترخص اهلها عشان واحد مايسوى عشان محد ينتبه حط على الاف ام وسمع اغنيه كانها صج موجه حق حمدوه((شلنى من خيالك شلنى من حياتك ...انسى حبى وقربى و انسى ذيج اليالى انتهى الحب كله و السبب انته ذاته بس يكفى ياغالى يكفى للى جرالى ....هاتلى ذكرياتى و استلم ذكرياتك رد قلبى ورحى حتى باقى خيالى كنت احبك حقيقه كنت ادارى غلاتك كنت تسوى حياتى بالفعل كنت غالى ...)) وصلوا بيت بومحمد نزلوا كلهم صوب البيت الا زايد بعده يفكر كيف بيجايل الانسانه الى خانته ...

::++فى صاله بيت بومحمد::++

الكل كانوا متيمعين سلموا على يدهم ويسو عدال بعض ساروه ومها يلسو مع موزه وميروه ...الشباب بعدهم مادخلوا بس فهد وعبدالله كانو يالسين ..ما مضى خمس دقايق الا خليفه وناصر و خالد داخلين

الشباب: السلام عليكم
الكل: و عليكم السلام ورحمه لله و بركاته
خليفه(يطالع ساروه): هلا و لله هلا و انا اقول بيتنا منور
ساروه: لله ينور ايامك
خليفه: حد قصدج (يريد يغلس بها)
ساروه: عيل منو تقصد
فهد: يقول حق حرمتى
ساروه(وقفت): عيب عليك
الكل: بدوااااااااااااااااااااااااااااا ههههههههههههههههههه
بومحمد: خالد
خالد: لبيه ؟!!
بومحمد: وينه زايد ما اجوفه
ام زايد: يالله بالستر توه موصلنا
عبدالله: سيارته برع
ساروه: خالى
بوخالد: هلا يابنتى
ساروه: وين حمدوه
ام خالد: فوق يمكن تتلبس
بومحمد(منزل راسه): انا حاس بشى مب طبيعى (يطالع خالد) خاااااااااالد
خالد: لبيه يا يدى
بومحمد: سير جوف زايد
خالد: انشا لله

طلع خالد من الصاله ساير يجوف زايد ..جاف السياره موقفه غريبه ليش مانزل تقرب من السياره بطل الباب جاف زايد .. استغرب اول مره يجوفه بهذى الحاله
خالد: زااايد
زايد: هلا خالد شحالك (يتوايهون)
خالد: ليش يالس اهنيه يدى يسال عنك
زايد: انشا لله الحين بنزل
خالد: يالله بتدخل معااى
زايد: يالله ازين (وقف السياره و نزل)

دخل زايد البيت وهو يلتفت يمين يسار و مايريد يجوف حمدوه دخل الصاله وسلم على يده و خاله و خالاته و يلس عدال خالد ..
خليفه: شحالك بو سلطان
زايد: بخير ربى يسلمك
ساروه: بسير ازقر حمدووه (رفع زايد عينه )
ام خالد: بتى ليش مستعيله
موزه: هيه صح لا تستعيلين..على الغدى بتشوفينها
ناصر: بس انا من امس مب جايفنها
خليفه: حتى انا و لله
ميرووه: شو تبون فيها بتنزل
خالد: يا سلام هذا الكلام والا بلاش
ام سالم: ونتى عايبنج يمدحج جدامنا
بومحمد: ههههه وابويه شو تبين فيهم شباب و يستهمون على بعض
بوخالد: و لله العيال كبروا
ام خالد: ونحن نشيب
خليفه: هههههههههههههههههههههههههههههههههههه
ساروه: ويعاااااااااااااه
خليفه: قسم بالله العظيم اذا ماسكتى بحطج مكان صوره ابووويه
ساروه: ماتقدر
خليفه: قسم بالله باخذ عليج حرمه يالله جب
ساروه: نعم نعم ما سمعتك
ناصر: اييييييييييه انته بديت تخورط
بومحمد: خليفه
خليفه: ها ماقلت شى
بومحمد: هههههههه ياولدى اشفيك عليها
خليفه: يدى انا وساروه جذا نعامل بعض عشان نكسر الروتين
موزه: هيه هذا اسلوبك
خليفه: ماعليه يالحمسه
موزه: منو حمسه
خليفه: انتى
ساروه:ليش تردين عليه
موزه: حتى على هذى
ميروه: هيه بعد شو
ام زايد: شو هاى بعد
ساروه(مرتبكه): لا ماشى
خليفه: يالغياااااااااااااااره
ناصر: بس انتوا وياهاااااااا و لله صدعه
بومحمد: ها اعندكم عرس الاسبوع الياى ترااه
بوخالد: هيه نعم و عزمنا الناس
ام زايد: و لله... سويتوا بطايق
بومحمد : كل شى زاهب وحجزنا خيم (يطالع زايد الى سرحان) زايد
زايد(انتبه على يده): لبيه ؟؟!!
بومحمد: اشفيك ياولدى
زايد(يحاول يبتسم): ماشى يدى سلامتك بس تعبان اشوى
خالد: عسى ماشر
زايد: لا بس مصدع
خالد: اكيد
زايد: هيه
عبدالله: زايد انته من امس جذا
زايد: ماعليكم منى انا بسير الحين بحجز العياله وكل ترتيبات العرس
فهد: خلاص بخاويك عيل
بومحمد: وانا ومحمد بنطلع الحين عشان انشوف اخر التريبات ..اطلع يا زايد انته و خالد وفهد وناصر خلصوا كل شى
خليفه: وانا سمنديجه اهنيه احرس هالدببه
ساروه: انطم مكانك
بومحمد: هههههههههه ياولدى انته بروحك شغله
خليفه: بتيوزنى
بومحمد: انشا لله انته بس اشر و انا اقولك تم
بو خالد: هيه يخطب و مايريدها بعدين
ناصر: تلوع جبده
خليفه: هيه ازين
بومحمد: خليفه انته و عبدالله بتصل فيكم اول ما اوصل الشركه ازين
عبدالله: انشا لله
بومحمد: يالله فمان لله ..
الكل: فمان لله

::++فى حجرة حمدووه::++

من كثر ما تصيح حمدوه استوى تحت عيونها كله اسود وقفت عند الدريشه لمحت زايد ونزلت دمعتها على خدها وقلبها يقول ان هالانسان يحبج ياحمدوه بس خنتيه ليش ياربى سويت انا جذا بحاول ارمسه بس اخاااف مايطيع يرمسنى ..دخلت الحمام و غسلت ويها و نزلت تحت ...اول مادخلت الصاله سلمت عليهم والكل كان مستغرب من شكلها الى يدل على انها تعبانه من الخاطر ..
ساروه: شحالج حمدووه
حمدوه: بخير ربى يعافيج بس وين الباقى
موزه: هههههههه طلعوا
مها: شحالج حمده
حمدوه: انته حرمه فهد صح
مها(مستحيه): ................
ميروه: هيه حرمه فهد عاد لا تستحين
ام خالد: انتى بخير يابنتى
حمدوه: هيه بخير
ام زايد: نحن بنسير السوق يالله يابنتى مها لبسى عباتج
مها: انشا لله
ساروه: ونحن
ام زايد: يلسي انتظرى يدج واخوانج
ام سالم: هيه يابنتى مب زينه الحوامه حق البنت
ساروه: حد قالج انى احوووم
ام زايد: يالله يا ام سالم اشتبين فى بنتى خليها (اطالع مها) يالله يابنتى
مها: انشا لله خالووه

طلعن الحريم و يلسن البنات يسولفن الا حمدوه الى وقفت اطالع برع عل و عسى تجوف زايد و يمكن تتجرا اترمسه ...تقربت ميروه منها
ميروه: حمدووه
حمدوه(اطالع برع): هلا ميروه
ميروه: اشفيج؟؟!!
حموه(ماسكه عمرها): لا مافينى شى
ميروه: اريد ارمسج فى سالفه
حمدوه: وين
ميروه: فى حجرتج يالله (تسحب حمدوه من ايدها)
ساروه: وين تبون
ميروه: فى كلام بينى و بين حمدوه
موزه: برايج يوم بيوصل خالد
ميروه: لا و لله شو يوم بيوصل خالد
ساروه: بنزقرج يعنى جذا
ميروه: هيه تحسبت بعد يالله برايكن
ساروه: موزه خلينا انجوف الفلم احسن
ميروه: احسن يالله انروح حمدوه
حمدوه: يالله

.................................
شو هي السالفه الي ميرووه بتقولها حق حمدووه
بس حمدووه بتتجرا تكلم زايد
وزايد بيطيع يسمعها
الي تبى تعرف شوه بيستوي
تترياني فالبارت 32
الغلا