[SaRoooNa]

الله يتقبل منكم صالح الاعمال..
انا قد حجيت من قبل بس الله لا يوريك... احس اني حجتي مو مضبوطة وودي احج مرة ثانية لوحدي والسبب اني حجيت مع شلة من الاولاد والبنات اللي تقريبا بعمري..
يعني كلهم اخواني وخالي ولد عمي وبنات عمي وفي الطريق قابلنا سيارة جمس فيها 16 نفر 9 بنات و7 رجال..
وهم من جماعتنا اللي بعييد مرة مرة بس ابوي وقفهم وذبحنا لهم في الطريق وغديناهم تخيلوا كل هذا واحنا مسافرين للحج.. يعني صرنا مجموعة كبيرة مرة.. وكل ايام الحج راحت سواليف وتعليقات وتعارف.. رغم اني كنت احاول اني ما اعطي احد وجه.. ولا اضحك معهم بس غصب خاصة الاولاد يسوووون حركات تخلي الواحد يضحك من قلب..حتى في الحج يسووون مقالب..وانا في ذاك الوقت كنت صغيييرة كان عمري 14 سنه..>> طلعت عن الموضوع.. امم امممم
اما بالنسبة لاغراض الحج ما وصيك تكثرين ملابس لانه رغم الجو البارد لكن مع الزحمة بتحسين بالحر...وتظطرين انك تتحممين كل ما رجعتي للمقر..
وانتبهي للاكل لانه انا جاتني نزله معوية من الاكل اللي قدموه لنا..
والمشي آآآه مشينا لان ما حطمنا الرقم القياسي بالمشي..>> يعني استعدي للمشي بعد
وانتبهي على نفسك بالطواف يعني مو مع الزحمة تتأففين لانه والله رغم الزحمة إلا انه شعور جميل..حاولي تشغلين نفسك بالدعاء وانتي تطوفين وما بتحسين الا وخلصتي السبع اشواط كلها..
واذا ضيعتي حملتك عااااادي ترى ما راح تخافين لانه عن جد الناس هناك بأمان واخرتها الكشافة بوصلونك لييين حملتك..
الله يوفق الكل