[الغلا]

البارت(37)





::++فى مطبخ بيت بو محمد ::++

ساروه: اقول حمدوووه شو احط فيها الحين
ميرووه: حطى صبعج احسن
موزوه: لا تعيبون عليها
حمدوه: شو حطيتى
ساروه: كل شى حطيته مره و حده
حمدوه: خلاص اخلطيهم

::++تدخل مها عليهم المطبخ::++
مها: السلام عليكم (تبتسم)
البنات: مرحبا العروس
مها: بس خلن عنكن شو تسوون
ساروه: تشيز كيك
مها: اممممم رووعه بسويلكم ايس كريم شو رايكن
البنات: يالله ازين يا سلام (ودورن الخلاط موزوه وساروه)
حمدوه: ايييييييييييه خلصن الى فى ايدكن قبل
مها: يالله خلصن و انا بتعبل فيه
ميروه: اساعدج
مها: اذا تبين
ساروه: عاشت حرمه اخويه
مها(مستحيه): بس عااد سارووه
ساروه: هههههه انشا لله


::++فى الصاله ::++
خليفه: يا فهد بتودع العزوبيه هالاربعاء صح
فهد: هيه نعم
ناصر: يالله الفال لخالد وزايد
خالد: ليش مستعيلين هالكثر
ناصر: ياولد الحلال لازم تستقر
سعيد: هيه صدقت يا ناصر
زايد: انا عن نفسى مب مستعد اعرس الحين
سعيد: ليش ؟؟!!
زايد: مافينى و لله
عبدالله: يقول فخاطره لله لا بليتنا بالحرمه ههههههههههههههههه
ناصر: على ما اظن

::++يسمعون صوت البنات وهن يضحكن::++

خليفه: اوووس البنات وصلن اريد اروعهن
سعيد: مافينا يفرونا بالكيك ايلس
خليفه: دخيلك بس ساروه هههههههههه
زايد: شو تبا فى اختى ههههههههه
خليفه: اريد اروعها (يوقف ورى الباب)

::++دخلن البنات+::

ساروه وقفت ماشافت خليفه : وووين خلوووف
خليفه وقف وراها وروعها وفرته باكلينكس وهو يضحك
خليفه: ههههههههه خوافه
ساروه: لله يخسك روعتنى مب زين اطير حمامه قلبى
خليفه: ههههههههههه اى نوع من الحمام عندج
ساروه: هههههههه الزاجل
سعيد: بس انتوا (يطالع حمدوه) هااا و الا تبين دراجه
حمدووه: لا هونت خلاص ما اريد
خالد: افا عليج ليش الحين ما تبين
حمدوه: بس (اطالع زايد الى يطالع التلفزيون)
فهد: عيل وين مها
ساروه: عند امااايه شو تبا فيها حرام عليك لين يوم الاربعاء
فهد: عفانا لله ذبحتينى يا اخت ساروه
خليفه: لاتقول الا بشوتك
ساروه: انجب انته الحين (اطالع موزوه) هااا وين سرتى
موزه: فى التلفزيون
ساروه: هههههههههه شو اتسوين ادورين خطيب
موزوه: لالالالا ههههههههههههه
سعيد: عنلاتكن قسم بالله لازم حد يصفعكن انتن
ساروه: نعم
خليفه: نعامه ترفسج
ساروه: وانته بعد
زايد: بس عااااد عورتولى راسى
خالد: يالله وين الكيك الى بتسووونه
حمدوه: الحين باييبونه

::++دخلت ميروه::++
سعيد: هلا و لله هلا
خالد: مرحبا ملايين و لايسدن فى ذمتيه
ميروه: احلفوا انتو الاثنين

::++دخلت ام سالم ::++

ام سالم: السلام عليكم
الكل: و عليكم السلام
ام سالم: يالله يابنات بنسير البيت
خالد: تو الناس خالوووه
ام سالم: ياولدى مره ثانيه سالم بينزل من الدوام و بخليه يسرح عليكم
سعيد: انشا لله بس لا تنسين
ميروه: لا تخاف بذكرها
ام سالم: يالله يا ميروه (اطالع موزوه) موزوه ما تسمعين صايره صمخه من يومين
موزوه: شو اسوى يا اماايه اذنى طبلتها ماعادت تنفع
ناصر: افااا عليج بنركب غيرها
سارووه: لا بسم لله عليها (تسلم على موزوه) ديرى بالج على عمرج يالدبه
موزوه: انشا لله يالله برااايج
ساروه: مع السلامه باشتاقلج
خليفه: هذى لو ريلها بتفره بالكلينكس
خالد: هههههههههههههههه لا و انا اشهد يا تقوله اجلب ويهك
ساروه: شو تقولون
خالد+خليفه: لالالا ماااشى انخطط حق المستقبل بس
زايد: هههههههههههههه اى مستقبل
ميروه: ازين لا تضاربون يالله فوداعه لله
خالد: حافظنكم لله
سعيد: جدامكم الرحمن
خالد: اقدر اعرف انته ليش ترمس وراى
سعيد: احبك يا اخى
ام سالم: يالله برايكم يا عيالى
الكل: مع السلامه

::++طلعوا ام سالم وبناتها صوب البيت وساروه يلست عدال حمدوه::++
ساروه: حرام مابياكلون ويانا
حمدووه: بتشوفينهم فى العرس خذتيلج
ساروه: باجر بسير انشا لله و نتى بتسيرين
زايد: وين بتسيرن
ساروه: العين مول
خالد: خلاص نحن بنوديكن
ساروه: و ليش يعنى
خالد: عندج مانع اخت ساره
ساروه: هيه
خليفه: شو المانع
ساروه: ههههههههههههههههه انته
خليفه: حلفى

::++دخلت ام زايد::++

ام زايد: يالله يا ساروه بنسير البيت
ساروه: لالالالالالالالالالا
زايد: شو لالالالا
ساروه: ما اريد اروح
خليفه: روحى مابشرد
ساروه(مستحيه): شو اصلا ........امممم يالله انروح اماااه
الشباب: هههههههههههههههههههههههه
ام زايد: يالله نشى ياسه و لله
ساروه: ازين (اطالع الشباب) برايكم يالله فهد بتودينا
ام زايد: ونتى شو تبين فى فهد يالله عبووود ودنا باقى كم من غرض حق مها
عبدالله: انتى تامرين امر و لله على هالخشم
فهد: وليش انا لا
خليفه: انته المعرس يالله جب
ناصر: ههههههههههههه وووووووووويه سكتوووه
فهد: قول و لله انته بس الحين
ناصر: قسم بالله
ام زايد: يالله فى وداعه لله (تسحب ساروه)
سارووه: امااااااااااه شو تسحبين عنز
خليفه: صخل
ساروه: بس عاااد (ام زايد تحط ايدها على ثم ساروه عشان تسكت )

طلعت ساروه مع امها و مها من بيت بومحمد لان وراهم ترتيبات ...يلس خليفه يفكر فى لطيفه و ساروه فى نفس الوقت... ياربى انا شو فينى افكر فى هذى لطيفه .....سعيد لاحظ على خليفه انه يفكر تقرب منه بدون مايحس

سعيد: خلوووف
خليفه: هلا
سعيد: شو فيك يارياااال
خليفه: ماشى
سعيد: لا يكون تفكر فى لطيفه (يطالع حمدوه) هااا وين سايره
حمدوه: بسير فوق
سعيد: ما بتسيرين العين مول
حمدوه(اطالع زايد): ما اعرف بشوف اماايه
خالد: خلاص ماعليه شو فيها بعدين و اتصلى فينى
حمدوه: انشا لله ( طلعت من الصاله و قلبها يدق بسرعه)
سعيد: هااا شو الحين (يطالع زايد)
زايد: شوووو
ناصر: ماشى هههههههههههههههههه
خالد: استغفر لله شو فيك ياريال كله تضحك
خليفه: فيوزات مخه ضاربات لدرجه الغليان
ناصر: هههههههههه صدق انك خام

::++يدخل بوخالد::++

بوخالد: السلام عليكم (يطالع فهد) اشفيه المعرس
خالد: عمووه ماخلته يسير وياها شلت عبووود ههههههههههه
فهد: احلف انته بس و لله انا مب متضايج
بوخالد: ياولدى يوم الخميس انشا لله العرس
سعيد: يالله بالبركه انشا لله
زايد: لله يبارك فيك
خليفه: ابووويه
بوخالد: هالبزى
خليفه: ابوويه اريد فعرسى انشا لله الجسمى
بوخالد: و اشعنه ما احطلك معلايه احسن
خليفه: اسمينى هب ريال اذا حطيت معلايه و لله
ناصر: اول مره يقول شى صح
بوخالد: ماعليكم الحين اريد كل واحد منكم يساعدنا عشان عرس الرياييل يوم الاربعاء
فهد: انشا لله خالى
سعيد: عااد انته معرس لازم تزهب عمرك
خليفه: ههههههههههههههه
بوخالد: شو فيك تضحك
خليفه: ما اتخيل
زايد : ما تتخيل شو يالخام انته
خليفه: فهد الحين باجر خالد و الى بعده زايد بنبقى انا و ناصر
ناصر: ههههه انا ما افكر الحين
سعيد: قول ما فكرت فى الى تباها
ناصر: هيه صح
بوخالد: خلاص عيل بيوزك سهيله
ناصر: لو اموت ما اريدها حشى ثور هذى تنطح هب حرمه لو وحده شرات حمدوه اهون
خالد: اركب وياها الدراجات
سعيد: بس انته ويااه ههههههههههههه
بوخالد: يالله كل واحد يسير شغله
الشباب: انشا لله
خليفه: العين مول
بوخالد: ليش عندك صيده ياولدى
خليفه: لا يابوووك بسير اتشرى شى حقى ..
بوخالد: ههههههه سير ياولدى لله يحفظك و يحفظكم
الشباب: مع السلامه

::++طلعوا من البيت صوب العين مول ::++

اول مادخلو الشباب العين مول خليفه لمح ساروه ويلس يضحك لان يتخيل شكلها و هيه امبرطمه الكل شاف خليفه ساير صوبها و هم يضحكون ...تقرب منها وروعها
ساروه: بسم لله ياربى روعتنى شو هذا (حطت ايدها على راسها)
ام زايد: هلا خليفه منو ياااك
خليفه: عيالج و اخوانى
ام زايد: هيه زين عيل (اطالع ساروه) سيرى عند مها
ساروه: هاااااااااا
خليفه: قالت سيرى داخل يالله
ساروه: ازين
ام زايد: وابوويه عليها اشعنه تسمعك و انا لا
خليفه: خبره لله يسلمج شو تبين الحين
ام زايد: ماشى قول حق فهد يتنقى
خليفه: انشا لله نحطله ملابسه فى صندوق
ام زايد: لا فى صندوق طماط
خليفه: ههههههههه يالله برايج عموووه

::++سار خليفه صوب الشباب فى الكوفى شوب::++
سعيد: وين رحت
خليفه: شفت عمووه
زايد: امااايه
خليفه: هيه ام زايد
فهد: احلف (يريد يوقف)
خليفه(يمسكه من ايده): وين وين
فهد: بسير
سعيد: ايلس لا الطمك بالطفايه الحين
خالد: شو ضيعتوا المذهب انتوا ايلس يالله ماشى الايوم عرسك
فهد: يلسنا ازين هااااااااا (يطالع ناصر) ليش ماترمس انت
ناصر: ههههههههههه شو اقول ازين
فهد: ماشى حبنى على راسى بعد

يلسو الشباب فى الكوفى شوب اما ساروه و ام زايد و مها خلصوا وساروا البيت عشان يخلصون اشغالهم باجر الثلاثاء مابقى الايومين بس عن عرس الحريم ..

.................................................. ...
خلص هذا البارت
بس شوه بيستوي فعرس الحريم
وليش عبدلله رفض انه يحب مووزه

احين ابى رايكم فهذا البارت
وابى توقعات

الغلا