[الغلا]

هلاااااااااااااا والله الؤلؤه المكنونه b:7 تسلمين حبيبتي
مرحبا ملاييت ولا يسدن بلوونb:7 نورتي


البارت (38)






فى العين مول ...

شله بنات مواطنات ووافدات (من كل الجنسيات) دخلن الكوفى شوب وعيونهن كلها على زايد الى صدق يطيح الطير من السما من حلاه ...كل بنيه تشوفه تتمنااه لان صدق جماله غير عاادى ...بنيه من الشله وقفت واشرت انها بطيحه وانه بيتبعها
فى هالوقت كانت حمدوه مع امها ياسه تتشرى صوب المحلات الى قرب الكوفى شوب ولمحت زايد وخالد و الباقى ..الا واشوى تشوف البنيه سارت صوب زايد وقفت متيبسه مكانها اطالع من تحت الغشوه شو بيستوي ...

البنت تقربت من زايد الى ما التفت عليها
البنيه : هلا
زايد: .................(يطالع الشباب وهو معصب)
البنيه: ممكن نتعرف لو سمحت
زايد: نعم (التفت عليها وفى الوقت الى يطالع البنيه لمح حمدوه)
البنيه: شو رايك تتعرف على انا احلى و حده
خليفه: هههههه اى حلاه دخيلج... خشمج مايقول بندقه
البنيه: انا رمستك (تاشر على خليفه)
زايد: سيرى لله يستر عليج
البنيه: انا ابااااااااك
زايد(يوقف): انا ما ابااااج وبعدين خطيبتى تتريانى على ما اظن خلصت من المشترى
البنيه : نعم
زايد: هيه (يطالع الشباب) يالله شباب
سعيد: ها اا ازين يالله انسير
البنيه(تمسك جتف زايد): صبر ازين
زايد(يدزها عن ايده): شلي ايدج فاهمه

طلعوا الشباب من الكوفى شوب و شله البنات محترقات ...
خليفه: بتخبرك وينها خطيبتك
زايد: ههههههههههههههه
خالد: عنلاتك صدق انك لعنت بوخامسها
زايد: ما تستحى على ويها تراها


ياناس من قلبه عليل والحب سبايب علته
...............ماينفعه طب الطبيب ولا يشافي حالته

الي فقد غالي عسى الايام ترحم غربته
...............يشكي وفي قلبه حنين لازاد زادت لوعته

العاشق الي في طريق العشق ضاعت خطوته
...............يتذكر الماضي ومن ذكراه تذرف عبرته

يسامر الليل الطويل.. الله ماقسى وحشته
...............حتى غدا كنه سجين مسجون داخل وحدته

من داخله عشق ٍ قديم لاشك هذي قصته
...............وبحالته مايعلم الا الله جلت قدرته
(يارب تعيبكن الابيات)

زايد ماقدر يتجنب الموقف لان الى استوى شى مب سهل يالله كيف هذى الدنيا يوم تريد تسيطر على انسان و تخليه يرتكب شى يدمر حياته ...ليش ياحمدوووه ذبحتينى خليتنى انسان مشاعره ماتت ياربى شو اسوووى ساعدنى ..
خالد يلس يراقب زايد هذا فى شى اليوم من متى و انا الاحظ عليه ..
خالد: زايد
زايد: لبيه
خالد: شوفيك
زايد: لا ماشى ابد
خالد: امررره
زايد: امره
خالد: اشفيك سرحااااان عيل فى شو تفكر
زايد: افكر بخصوص الترتيبات حق عرس فهد
خالد: بخصوص فهد ماخبرتنى انته مب ناوى تتزوج
زايد: انا شال الفكره من بالى اصلا ..
خالد: ليش ؟!!
زايد: اريد حرمه تصون اهلها بعدين تصونى
خالد: ونعم الحرمه انشا لله بتحصل
زايد: انشا لله
خالد: عيل بلقاك باجر انشا لله فى الشركه
زايد: انشا لله بس وصيت شركه البداد
خالد: هيه اتصلت فيهم الصبح جدام بيتكم بيسوون الخيمه
زايد: الساعه كم
خالد: 8 الصبح فديتك
زايد: فديت خشمك ياربى
خالد: خشمك ياريال
يتوايهون
زايد: يالله فمان لله
خالد: لله ويااااااااااااااك

::++بعد ماسار زايد عن خالد::++

يلس خالد على الكرسى الى فى العين مول ...مرت جدامه بنيه صدق حلوه قمر رفع عيونه و طالعها و هيه طالعته والا و اشووى البنت بسرعه تمشى عنه حس عمره كانه يعرفها تجاهلها الا و اشوى شاف واحد وقف جدامها طاحت الغشوه اول ماشافها خالد وصلت درجه الغليان عنده 180 درجه

ليش عصب خالد منوه تكون هاذي البنيه اصلا
يمكن يعرفها ويمكن لا بس ليش عصب
لا تكون حمدوه مع حمد























كانت نوره سار صوبها مسرع و يمسكها من ايدها و يعطيها كف جدام الخلق و هيه اطالعه و الى كان وياها شرد عنها ..
خالد: يالخاااااااااااااااااايسه ليش تسووين جيه
نوره: شو لك انته
خالد: حرام الى تسوينه فى عموووه وخواتج
نوره: انته عشان ميروه تسوى جيه
خالد(يمسك ايدها): يالله امشى جدامى لا اذبحج
نوره: اوووووف حق شو
خالد: اقولج امشى (يرمسها معصب)


اول ماوصلوا الباركنات دخلت نوره السياره و يلست و خالد يصرخ و يشاتم ويسبها ماخلى شى الا وقاله لها ...وصل بيت ام سالم ...
خالد: نزلى اقولج
نوره(خايفه): هااا شو
خالد: نزلى اقولج (يصرخ فى ويها)

نزلت نوره ونزل وراها خالد ..وبطلت باب الصاله كانت تريد تسير فوق بس ايد خالد كانت اقوى من انها تسابق ...مسكها و فرها جدام امها فى الصاله
ام سالم: ياولدى يا خالد شو مستوي
خالد: خبرى امج
نوره: شو اقول

::++تنزل ميروه اول ماسمعت صوت خالد::++
ام سالم: شو السالفه ارمسى
نوره: ماشى هذا مخرف
خالد(كان يريد يضربها مسكته ميروه): انا مخرف يالى ما تستحين منو هذا الى مواعدتنه فى العين مول
ام سالم: يا مصيبتى شو تقول
نوره: طاح تلفونى وهو يابه لى
خالد (عطاها كف لين لف ويها): سمعينى من اليوم ورايح ماشى طلعه من البيت فاهمه و لله يا نوره اذا طلعتى لا اذبحج
ام سالم: الشور شورك ياولدى
نوره: امااايه
ميروه: بس
نوره: نعم
ميروه: تبين تفضحينا انتى
خالد: خليها اراويج فيها انا

::++تنزل موزوه من سمعت الصراخ::++
موزوه: شو مستوي (اتشوف خالد) غريبه
خالد: يالله خالوه اسمحيلى بسير
ام سالم: خالد ياولدى
خالد: لبيه
ام سالم: سامحنى القصور منى انا الى ما عرفت اربيها
خالد: خالوه الغلط منها مب منج بس انا وراها و الزمن طويل لين يرجع سالم
نوره: لا و لله
خالد: لعلمج اخبرج شى انتى تلفونج بينشل عنج فاهمه
نوره: شووو (اشوى و بتصيح)
خالد: يالله فمان لله

::++طلع خالد ....اما فى بيت ام سالم::++

ام سالم: ليش جذا تسوين فينى
نوره: اوووف بعد يالله برايج
ميروه: امايه ترمسج
نوره: مايكفى خلودج بعد شو
ميروه: احترمى نفسج (تسحب التلفون من ايد نوره)
نوره: هاتى التيلفون
ميروه: ماشى تيلفون (تفر التلفون فى حوض السمج)
نوره: لا يالخايسه (تمسك شعر ميروه وتسحبها)
موزوه: اييييييييييييه شو تسوووين
ام سالم ووويه غربلاتج من بنيه اختج
نوره: دواج (تسحبها من شعرها و تضرب راسها باليدار)

::++طاحت ميروه مغمى عليها و الدم على راسها::++
ام سالم: ميروووه
نوره: دواها (سارت حجرتها)
موزه: قومى ميروه

ميرووه كانت ما تتحرك الصدمه كانت قويه ام سالم يلست اتصيح اتحاول فى بنتها بس ماشى فايده .....موزوه سارت صوب التيلفون و تتصل على سارووه
موزوه: يالله يا سارووه ردى

تووووووت تووووووووووووووت
عبدالله: الووو
موزوه(وقف قلبها): مرحبا عبدالله وين ساروه (تصيح)
عبدالله: موزوه شو فيج
موزوه: اختى
عبدالله (خايف): منو ؟؟!!
موزوه: ميرووه
عبدالله: شوفيها
موزوه: طاحت ما تتحرك عبوووود (تصيح)
عبدالله: لحظه اشوى

يركض عبدالله صوب زايد ...
عبدالله: زااااااااااااااااااااااااااااااااااااايد (يصرخ)
زايد: هااا شو فيك (خايف)
عبدالله: وين ساروه
ساروه: انا اهنيه
عبدالله: موزوه متصله تقول ميروه طاحت ما تتحرك
سارووه: شوووووو (بطلت عيونها)
زايد: شو استوى
عبدالله : ما اعرف (يطالع ساروه) سيرى شو فيها
ساروه: ازين

سارت ساروه صوب التلفون
ساروه: الوووو موزوه
موزوه: سارووه لحقينى ميرووه ماتت ما تتحرك
ساروه: بسم لله عليها ودوها المستشفى

::++يدخل خالد بيت ام زايد::++
خالد: السلام عليكم
زايد: و عليكم السلام وينك ياريال
خالد: و لله كان عندى شغل (يشوف ساروه) شو فيها اتصيح
زايد: موزوه
خالد: ليش هن يوم يتصلن ببعض يصيحن
زايد: لا ميرووه
خالد(وقف قلبه و مسك زايد من جتفه): شو فيها
زايد: ما اعرف
سارووه: دخيلكم ودونى

طلع خالد من بيت ام زايد مسرع لين ما وصل بيت ام سالم اول مادخل شاف ميروه .
خالد: شو استوى فيها
موزوه: نوره ضربت راسها على اليدار
خالد: شووووووووو

.................................................
شوه بيستوي فميرووه
خالد كيف بيكوون حاله
ويا ليت تقولن لي رايكن فهالبارت
وتوقعاتكن اهم شي

الغلا