السلام عليكم و رحمة الله و بركاته ::
اول شي احب اقول ان عنوان الموضوع جذبني ... و بالفعل موضوع اكثر من رائع و مشكووره اختي على هالمووضوع الحلوو ..
نرجع لموضوعنا احب اجاوب على اسئلتج اول شي و الي اهيا ::
= كيف تصف علاقتك بالكتاب ؟
علاقه حلوه خصوصا اني مو بس قارئه و انما كاتبه لقصتين كل منهما مكونه من 10 اجزاء بحاول انشرهم في المنتدى ان شاء الله ..
= متى أخر مره قريت فيها كتاب ؟ ووش كان؟
اآخر مره قريت فيها كتاب و الله من فتره لان الامتحانات بدت و ما قدرت اقرا خصوصا ان بالمدرسه تقل قراءاتي .. المهم ان أخر كتاب قريته هو كتاب عن مثلث برمودا وهو الصراحه عجيب و يهبل
= وش رايك بعبارة :
1. العرب قوم لا يقرئون؟
انا اشوف ان العباره صحيحه مو 95 % الا 100 % .. العرب مو قادرين يسوون شي غير انهم يفتخرون بماضيهم .. احنا ما قلنا شي افتخروا بماضيكم و العلماء العرب المسلمون بس يا ليت على كثر ما تفتخرون فيهم و تذكروهم تقلودنهم و تقتدون فيهم ..
2. خير جليس في الزمان كتاب ؟
بالنسبه لي الكتاب افضل صديق اذا تركته ما تخلى عنك .. و يعطيك و لا يااخذ منك
= لو دخلت مكتبه وش القسم إلي راح تتوجه له ؟ بِمعنى أخر وش نوع قراءاتك ؟
الصراحه بالكويت ما في مكتبات الا قليل يعني يرحون لها الناس حق الابحاث بس .. انا اشتري كتب و دايما اقرا بالانترنت .. و نوعية الكتب الي اقراها غالبا تكون علميه و احب الكتب و القصص الدينيه حيييل ..
.................................................. .................
بس ودي اتكلم شوي عن موضوع النقاش الي اهوا (( القراءه ))
انا امووت على شي اسمه قراءه و من خلال قرائتي بديت اكتب يعني قصص قصيره و طويله .. و علشان انا احب القراءه يحزنني و يؤسفني حال العرب اليوم لان صار كل اهتمامهم بالاغاني و تقليد الغرب بكل شي و التلفزيون مو كلهم طبعا يعني الاغلبيه .. و انتي ذكرتي لنا بعض الاشياء الي سووها الغرب من مكتبات و اشياء حلوه و العكس عندنا في العالم العربي تخلف و ضلال و و و و شقوول و شخلي .. و الصراحه قام الكل يستهين بالعرب حتى رعاة البقر (( الدنماركين )) سبوا الرسول صلى الله عليه و سلم الله _ حسبي الله و نعم الوكيل _ و الشي الوحيد الي قدروا عليه العرب او العالم الاسلامي انهم قاطعوا منتجاتهم و عبالهم انهم سووا شي عظيم ... انا طلعت برا موضوع القراءه بس و الله الواحد يحتر و يتحسر لما يشوف تقدم الغرب الي كانوا في ضلال و تاخر و تخلف العرب الي اهما كانوا اصحاب المعرفه قبل .. نلاحظ ان اغلب العلماء العرب المسلمين كانوا متمسكين بدينهم و حريصين على طاعة ربهم و هذا سبب نجاحهم و الحين نشوف ان العرب او المسلمين لما قاموا شوي شوي يبتعدون عن ربهم احاط بهم التخلف من كل جانب .. و صاروا العرب هم اكثر امه متخلفه بالعالم على ما اعتقد ... و السبب كله الغرب ..
الصراحه انا ودي اتكلم اكثر لان الموضوع جذبني و النقاش حلوو بس لو اتكلم من الحين لما باجر ما راح اخلص علشان جذي اكتفي بلي قلته .. و آسفه على الاطاله
و مشكوووووووووووووووووره ع الموضوع المميز ..
تحياتي رنين الايام