::: البارت الخامس :::
حزب فراس قدّام الديوانيه جالسين على العشب الأخضر يشوفون نفسهم قبل الحرب :
فراس : القنابل المائيه جاهزه ؟ (أكياس فيه مويه باااااااارده )
موضي : جاهزه
فراس : القنابل البيضاء ؟ ( أكياس فيها لبن منتهي الصلاحيه)
لولوه : جاهزه
فراس : وماذا عن القنابل الحمراء الدمويه ؟ ( طماطم مخمّجه من أيااااااااام جدي )
سراب : جاهزه
فراس : و القنابل الرمليه ؟ ( أكياس فيها رمل وحصى )
سديم : جاهزه
فراس وهو يقوم من مكانه : هل الجيش جاهز للإنطلاق ؟؟؟
الكل : نععععععععععععععععععععععممممممممممم
فراس بنبرة حماس : انطلااااااااااااااااااااق >>>> يحسب نفسه هزيم الرعد <<<<<<<<
الكل : هياااااااااااااااااااااااااااااااااااااااااااااااا ااااااااااااااااااا
ودخل الجيش لساحة المعركه ... و شافو العدو متخبين ورا المراكي مسوينها حاجز لصد القنابل
فراس قال لسالم يسوون بالمراكي الباقيه حواجز وسواها سالم ومعاه نادر و نورة و سراب يساعدونه
مرت نص ساعه و المعركه مابدت ... ينتظرون الساعه تجي تسعه و نص تماماً .........
الكل مستعدين ... اللحظه الحاسمه اقتربت ... مافي أحد مسوي مشكله مع التوتر ... يعني التوتر الصديق الحميم للجميع
و .............................. طوطوطوطو
الساعه تسعه ونص تماماً
.................................................. .............................................
أم سالم : غريبه ..... و ين البنات ؟؟؟؟؟
أم نادر: والله مدري ... عهدي بهم يوم صلوا العشاء
منيرة : إلا أقول ...... محد شاف لجوووونه ؟؟
أم سالم: تلاقينها تلعب هنا و إلا هنا ... ماعليك منها ... تعالي نتقهوى
أم بدر وهي داخله للغرفه : وين ذي المخبوله اللولو ؟؟؟
أم سالم : لييييه ؟؟؟
أم بدر : أخذت رزمة أكياس لحم و انحاشت
أم نادر مستغربه : حتى نورة
منيرة : و لجين بعد ..... وش سالفتهم اليوم مع الاكياس ؟؟؟؟؟
أم سالم >>> الحرمه مروووووووقه <<< : ماعليكم منهم
تعالوا بس القهوه بتبرد
.................................................. .............................................
الساعه تسعه ونص :::
بدا حزب فراس بالهجوووم ... أما حزب بدر فما رمى ولا قنبله ...
نوره استغربت و صرخت بأعلى صوتها : وقفوا الهجووووووووم
فراس : لييييييييييييييييييييييييه ؟؟؟
نوره : خطتهم معروووفه ... يبونا نخسر قنابلنا وهم مايرمون ولا قنبله ... فهمت ؟؟؟؟
فراس : اهاااااااا ... طييييييبّ
حزب بدر من يوم ما صرخت نوره وهم بادين هجومهم
بدر : هذا هو وقتنا ...... هجووووووووووووووووووووووووووووممم
سديم كانت رافعه راسها ... فأول قنبله جات فيها وهي قنبله مائيه ... يعني مويه بارده و فيها ثلج ...
سديم : واااااااااااااااااااااااااااااااااااااااااااااي .... يمه يمه يمه ....وش ذا ... ثلج ...... يااااااي بررررردت ياليت معي لحااااف
و أول ما تمت كلامها ... إلا لحاف ثقيل انحط عليها ... و يوم رفعت راسها .... إلا وهي لولوه تبتسم ...
سديم : مشكووووووووره يا أحلى لولو
لولوه : هذا واجبي ... و إلا نسيتي إني جهاز الدفاع
ما تمت لولوه كلامها ... إلا و هذي قنبله مائيه جايه على وجهها مباشرةً ...
لولوه : بررررررررررررررررردددد ... وتسحب اللحاف من سديم
سديم : هههههههههههه ... يعنبو بليسك فيه أحد يوقف و المعركه لين ألحين مانتهت ... اجلسي قبل لا تجيك قنبله ثانيه ... بسرررررعه ....ههههه
واتخبو الثنتين تحت اللحاف ..... وشوي ..
: يا خوّافات ... ما سمعتو كلام القائد فراس قبل الحرب ما تبتدي ؟؟
سديم و لولوه : ؟؟؟؟؟؟؟
: أقصد كلامه عن الإخلاص في العمل ؟!!
سديم شالت اللحاف عشان تشوف من ذا اللي يتكلم
**************************************
في الحزب الثاني ::
الكل قاعد يرمي قنابل على حزب فراس ....
بدر شال قنبله طينيه ( كيس فيه رمل و مويه مخلوطه ببعض )
وجا بيرميها ....
بسسسسسسسسسس .. لفت انتباهه شي .. وصار مثل الصنم بمكانه ...
نواف : بدر .... وش فيك ؟؟؟
بدر :......................
نواف : رامي ... تعال شوف بدر وشو له مسرّح ...!!!!
رامي : بديييير ... وين وصلت ؟؟؟؟
بدر :.....................
نواف و رامي جابو مويه وكبّوها عليه و طالع فيهم على طووول :
عسى ابليسك بالعمى....
نواف : لا تخاف ,,, هذي مويه ...... بس إنت وش اللي شاغل بالك ؟؟
رامي : اعترف و إلا ... شوف أنا حامل راية هالحزب.. ترى أنزلها .. و إذا نزلت الرايه ... إيش يعنيييي ؟؟؟؟
نواف : استسلام الجيش ..
بدر : لا لا ... لا تنزلها ........ بسس شوف ذيك البنت اللي واقفه هناك بلحالها ...
وكنان يقصد سراااااب ....
رامي مع إن سراب أخته إلا إنه ماعرفها : من ذي البنت ؟؟؟
بدر : و الله مدري ...... بس شوف عيونها تذبححححح
نواف : و الله إنك صادق
رامي : أبّببيييييييييييييييه ,, أنا بروح أرقمها ...... بنت لجووون امسكي الرايه
بدر : لا لا .. أنا بمسك الرايه ... لجين ماتقدرها ... بتذبحها وهي صغيييره ... محنا ناقصييين ثارات حنّا ...
لجين : بعدي و الله ....
رامي من وسط غبار المعركه رايح لجهة سراب أو ( أم العيون الحلوة ) على قول رامي و نواف و بدر ....
رامي المسكين قرّب من البنت الواقفه بلحالها .... و سراب كانت واقفه بعيد شوي عن ساحة المعركه ... فراس خلاّها تبعد لأنه متأكد إنه فيه أحد بيغازلها ... بسس ماخطر على باله إن اللي بيغازلها هو أخوها ....
***************************
سديم ناظرت نادر وهو مبتسم : بسرعه ... الظابطات الشجاعات لا يتركن ساحة المعركه ... بل يسرعن لتفادي الإصابات بالعمل و مقاومة الأعداء ...
سديم : مشكووووور نادر على المحاضرة الرائعه ... بس ياليت تقولها لأختك ....
نادر : نورة ؟؟؟؟؟؟
سديم : ناظرها ... هي بعد ماتجرأت مثلي ووقفت ..
نادر : إنت ناسيه إنها حقت خطط حربيه ... يعني طول المعركه تفكر
******************************
نجي عند فراس .... فراس شاف شييي خطييييييير مرررررررررة
شاف رامي وهو يقرّب من سراب ... و ضحك ضحكه ... تخلي اللي يشوفه يقول : لا حشا ... ذا موب صاحي ... أكيييد مجنون !!
ساالم : فراس وش فيك تضحك ؟؟ أظن إن الوقت موب مناسب ..
فراس : شوف شوف من اللي يقرب من سراب .. ههههههااااااي
سالم يوم التفت و شاف رامي قعد يضحك شوي و بعين سكت : فراس .. هذي فرصتنا الذهبيه ... ليه ماناخذ رامي أسيييير ؟؟؟
فراس : والله فكره .. و تصير الجوله الأولى لنا ... وين نادر ؟؟
نادر : نعم يا سيدي ؟
فراس : اسمع اذهب و اعتقل ذلك المعتوه الذي يقترب من الظابطه سراب ..
نادر : في الحال يا سيدي
وراح نادر
********************************
رامي : يا حلوة ... انتي ياللي هنا ..
سراب انفجعت برامي اللي يعرف صوتها ويقدر يميزه بين مية صوت ... ماعندها حل إلا إنعا تنعم صوتها مرررره ....
سراب : نعم
رامي ( يازين هالصوت ... مثل نسمة الهوا ): يا حرااااام .. ليش قاعده هنيه بلحالك ؟؟
سراب : تبي تقعد معي ؟؟؟ ترى ما عندي مانع
رامي ما صدّق وقعد جنبها على طول ...
رامي : أقوول .. عندك جوّال ؟؟؟
سراب : لأ .... لييييه ؟؟؟
رامي : عشان آخذ رقمك و نجلس نسولف طول الليل ...
سراب : للأسف ... ماعندي
رامي : طييييييب .... امممممم ..... إيوووه ... عندك إيميل ؟؟
سراب : إيه عندي
رامي : أعطيني اسمه عشان أضيفك عالمسنجر ...( ترى رامي مايعرف اسم إيميل إخته سراب )
سراب : أوكي خذ Euoon ALmaha@hotmail.com
رامي : أمووووووت على عيون المها
سراب : تسلم ... ما قلت لي ... وشو اسم إيميلك ؟
رامي ( الله يالبلشه .. اسم إيميلي يفشّل ): طيب خذي
ALarbajee cool@hotmail.com
ماتم كلامه من هنا ... إلا و نادر طاب عليه وهو يصيح و ماسكه مع بلوزته : أنت رهن الإعتقال
حزب فراس كله صياااااح فرحانين بالاسير الاول لاول معركه لهم
فراس : الآن نستطيع أن نعلن أننا قد كسبنا الجولة الاولى
الكل : ههههههههيييييييييييييييييييييييييييييييييييييييييي ييييهههه
*********************
نواف : خسارة ... خسرنا اتلجولة و خسرنا بطل من أبطالنا الاشداء ....
بدر : إيه والله ...... بسسسس لين ألحين ماعرفت البنت أم العيون الحلوة ؟؟؟......
ريان : ياليت نعرفها ....
بدر : نسأل الاخ روميوو إذا جاء .....
**************************
حزب فراس يعيش نشوة الإنتصار
فراس : خذو هذا الاسير .. و أحكمو القيد في معصميه
رامي : هيييين يا فراسوووه .... إما وريتك
سالم : هل لك أن تنطم ؟؟
لولوه : أين أضع هذا الاسير ياسيدي ؟؟؟
رامي : آآآآآه ياالدنياااا ... ألحين روميو البطل الخارق يصير اسير في حزب اغلب اللي فيه بناااات .... إييييييييييه ( تنهد تنهيه عميييقه ) .... والله زمن
لولوه : بتنطم ألحين و إلا شلوووون
رامي : تراها طالت وشمخت يا بنت العم .. تعالي صكيني بكف احسن ... هذا اللي ناقص بعد ... على آخر عمري بنت اصغر مني تسكتني ...
سديم : الضابطه لولوه .. أحضري الاسير إلى هنا ... يوجد مكان آمن لا يستطيع الفرار منه ...
لولوه : حسناً ...
رامي و لولوه مكتفته بحبل الغسيل : آآآه يالقهر ... آآآه يالقهر (يغني ) .. كل شي حولي يذكرني بشي ... حتى البنت الحلوة والله فيها شي ( يقصد سراب ) .. لو تغيب اللولو والله بهرب ...
شوفو حالي آآه من يبكي علي
المعارك .... المعارك .... المعارك كلها مشتاقه لي ... مشتااااقه لي .....
لولوه خلت رامي يقعد وجلست قباله وفجأه ....
رامي يرفس برجله قدام لولوه : أنا داخل على الله ثم عليتس يا بنت العم ... ما عندي شي أرميه قدامتس ... بس عندي رجول أقدر أرفس بها ...
لولوه بجديّه : اشرب قهوتك وطلبك تم ...
رامي : فديت هالعيون يا ناس ... تكفين فكي حبالي
: تخسى .. إنت ورجولك عساها الكسر
التفتت لولوه عشان تشوف مين ذا ... إلا فراس بوجهها ....
فراس : وانتي كل مااحد قلك داخل على ثم عليك قلتي ( وهو يقلد لولوه ) تم ... تم ... ياويلك إذا فكيتيه ... هل تفهمين ؟؟؟
لولوه: حسناّ سيدي
لولوه رجعت تطالع في رامي اللي شكله من جد يقطع القلب وتضحك : والله إنك تقطع القلب ... تصدق تذكرني بمنو ...
رامي : منو؟؟؟؟
لولوه : تذكرني بمساجين أبو غريب ... ههههههه
رامي : أفا يالعلم ... ألحين أنا ولد عمك ومن لحمك و دمك ... تشبيهيني بمساجين أبو قريب ... مدري غريييب .... مهيب الهقوه يا بنت العم .... ما هقيت إن البراقع يبلشني ( يغنيها للولوه اللي كانت متبرقعه و تضحك عليه )
لولوه : هيه .. هيه .. بس اسكت .. لا يكثر كلامك .. إنت أسير موب مطرب زمانك ...
رامي : احمدو ربكم إني قاعد أونسكم بوسط بيداء المعركه
لولوه : إحنا مستانسين من غير ما نسمع صوتك ...
رامي : ولييييه ؟؟؟
لولوه : هووو ... إنت ما تدري إن حزبنا ربح الجولة الاولى من الحرب ..
رامي : وشووو ... متى صار ذا الكلام ؟؟
لولوه : من يوم ما أخذناك رهينه و ....
قطع عليهم فراس : الضابطه لولوه ...
لولوه : نعم سيدي
فراس : لا تتحدثي مع أحد الاعداء ... هل هذا واضح ؟؟
لولوه : واضح سيدي
رامي : لحظه لحظه لحظه .... مين هم الاعداء ؟؟؟
لولوة: انتم بعد من ؟؟
رامي : ألحين غحنا اعداءكم ؟؟!!!!
لولوه : إييييه ... ليه حزبنا اللي انتم تحاربونه موب عدو لكم ؟؟؟؟
رامي : إلا ...
لولوه : خلاص أجل ... أنتم اعداءنا واحنا اعداءكم
رامي : يا ربييييي ... متى تبدا الجوله الثانيه عشان حزبنا يهزمكم ؟؟؟
لولوه : في الاحلاااااااااااام ...
فراس : الضابطة لولوه ... لا تجبرينني على اتخاذ قرار فصلك ... لا تتحدثي مع العدو ..
لولوه : بأمرك سيدي ... أيها الاسير لا تتحدث معي مرةً أخرى ... هل فهمت ؟؟؟؟
رامي : بأمرك سيدتي .....هههههههه
رامي بعد سكوووووووت : الله يالبلشه .. أقول ما عندكم ماء للوضوء ؟؟؟
حزب فراس كله : لييييييييييييييييييه ؟؟؟؟؟؟
رامي : بصلي صلاة الخوف .. و بدعي لأخواني المجاهدين ...
فراس : أقول انطم ... ترى عطيناك وجه يالاسييييير ........... والتفت غراس على حزبه : حسناً : هل الجيش مستعد لبدء الجولة الثانيييية ؟
الكل : نعععععععععععععععععععععمممممممم
*************************
نواف : آآآه يالقهر ... ألحين 5بنات و 3شباب يهزمون 4شباب و بنت
بدر : و الله قهرررررررررررر
ريان : تصدقون ... ودي أذبحهم كلهم
لجين : مثلي ... ودي أحذفهم بالقنابل اللي معي واحد واحد ..
بدر : لقيتها ... و الله لقيتها
ريان : وش هي اللي لقيتها ؟؟؟؟
بدر : مشكووووررررررررررررةة لجونه ... كلامك جاب لي خطة .. ماتخرِّش الميه ... تخلينا نكسب الجولة الثانية ..
نواف : والله ....... وش هي ؟؟؟ تكفى قولها بسررررعه
بدر : اسمعوا ... لجونه .. انتي صوبي قنابلك بس على موضي و سديم
لجين : بسسسس ...
بدر : إيييه ... وريان على نوره و لولوه ... ونواف على سالم و نادر
ريان : و فراس و سراب ؟؟؟
بدر : خلّوهم عليّ
نواف : يالله .. ترى ما بقي على الجوله الثانيه إلا ... 3دقايق بالضبط ...
لجين : أجل خلّنا نجهز بسررررعه ...
وتجهز حزب بد و صار على أتم استعداد ينتظرون الساعه تجي 10وربع وتبدا الجوله الثانيه ..و...........
طوطوطوطو ...... الساعه 10وربع تماماً
.................................................. .................................................. .................................................. ........................................
******************
******************
نهاية البااااارت
وش توقعاتكم ؟؟؟؟
مين بيفوز بالجولة الثانية ؟؟
حزب بدر ؟؟ ولا حزب فراس ينتصر مرة ثانية ؟؟؟
وهل بتستمر الحرب ؟؟؟؟
ولا فيه أحد بيقطعها ؟؟؟ ومين اللي
بيقطع داحس وغبراء بين الحزبيييين ؟؟؟؟