[DKNY]

((13))

وفي الصباح الأول من ايام الاختبارات عملت ام رنيم لرنيم قهوة وحطت رنيم عليها نسكافيه وليتها ما حطت لانها سببت لها
إرهاق وشتت معلوماتها خرجت من الاختباروهي تبكي..

لميس : خييييييير رنوومة ليش كان سهل والله اشبك..

رنيم : مادري مادري..مع الخوف كدا حسيت نفسي نسيت كل شي توترت وخفت بس بعدين افتكرت الدعاء اللي قالتولي هوا امي...

اللهم اني امنتك ما حفظت وما قرات وما شرح لي فرده لي وقت الحاجه اليه وهذا هو وقت حاجته ...))

ورحت قلتوا وحليت ..بس مادري كلو بسبب النسكافيه اللي شربتوا حسبي الله عليه..

لميس :طيب اهدئ لاتبكي انتي حليتي كويس ولا لأ...؟؟

رنيم : مادري حليت كلو بس مادري إذا صح ولا لأ..؟؟

لميس: خلاص طيب ليش تبكي ان شاء الله كويس دحين انتي افرحي خلصنا شي اسمو رياضيات للاخر العمر انتها وواااو حمااااس قومي نسوي فله..

رنيم : ههه والله انك فاضية ..

لميس: رنيم رنوووومة انوووم عندي لك مفجأة..

رنيم :اييييييش عاد انتي تعرفيني احب المفاجآت..

لميس: ماحقول لين ماتقومي تغسلي وجهك..

رنيم : ههههههه طيب يلا ..

راحت رنيم ولمن رجعت لقت لميس حاطها يدها ورا ظهرها ..

رنيم : ايش ايش ايش..؟؟ قولي..؟؟

لميس: ههههههههههههه انخطبت..

رنيم : هههههههههههههه عنجدددد امااااااااااااانة مبرووووووووووك

لميس: الله يبارك فيك..

رنيم : طب ايش ورا يدك صورتوا يعني ولاتكوني حطيتيه في علبة..

لميس:هههههههههههههه الله يرجك لا .. خذي...

رنيم اخذت العلبة كانت مغلفة بطريقة جدا حلوة..

رنيم : ايش دا..؟؟!!

لميس..: فكيها..

رنيم : ههههه لا ماابغا عاجبني التغليف..

لميس: ههههههههههههههههههههههه ان شاء الله اللي جوتها يكون يعجبك اكثر..

فتحت رنيم العلبة وتلاقي علبة..وتفتح علبة وتلاقي علبة ..

رنيم : يابنت ايش فيها والله لوتكون حركات ديك اللي تحطيلي مادري ايش من هبل..ترى تقهرني دي الحركات..

لميس : ههههههههههههه لا لا لا..فكي بس..

رنيم : طيب ..

لقت ورقة مكتوب عليه (( وجهك خير عليا **))

رنيم : ايش يعني ..؟؟!!!

لميس: لو فكيتي العبة الاخيرة ديا راح تعرفي كل شي..

فتحت رنيم ومايسمعوا غير صرخت رنيم تهز المدرسة كلها...

رنيم : ووووووووووووووووووووااااااااااااااااااااااااااا... .
لميييييييييييييييييييييس جبتيلي السااااااااعة.....
واااااااااااااااااااااااااااااو والله دا خطيبك فينو خليني ابوسه..

لميس: هههههههههههههههههه انا ماقلتلك اني انخطبت عشان اخليها مفجأة..وترى ايوا دي كمان عشان اليوم عيد ميلادك مرة وحدة جات كويس كل سنة وانتي طيبة

رنيم : هههههههههههههههههههه وانتي طيبة ان شاء الله بعد الاختبارت راح اعمل(( بيرثد دي)) .. تعالي بس دحين قولي كيف تقدري يعني المشكلة ولاتلمحي ولا شي وانا اكلمك ولا كانو في شي..

لميس: ههههههههههههه والله لوتشوفيني كل شوي اقول ابغا اقلك بس ابطل ..عشان الساعة تكون لها حلوتها..

رنيم : والله انو خبر خطوبتك فرحني اكثر من الساعة مبروك والله مبروك تعالي تعالي خليا نقعد وحكيني متى وكيييف..؟؟؟

لميس: ههههههههه ايش اللي كيف..ولا شي يوم التلوت دقت امه على امي وقاتلتا الهرجة وبعدين اتفقوا انهم يجوا يخطبوني يوم الربوع وجوا وشفتهم..وخلاص..

رنيم : ايش اللي خلاص اتكلمي ايش كيف امه وكم اخت عنده..وهكا يعني..

لميس: ولا شي تحسي امه من الحريم الراقية كدا يعني راكزة ينخاف منها..

وعنده اختين وحدة متزوجة والتاني مملكة وهو اصغرهم وعنده اخ كبير ومتزوج ماشاءالله عندو اعتقد ولدين ..

رينم : مممممم حماس .. طيب ايش يشتغل..؟؟وكم عمره..؟؟

لميس:" مهندس طيران..وعمره يمكن 25..

رنيم : كويس ماشاء الله..

لميس:مو اقلك وجهك خير علي..

رنيم : طب ماقلتيلييييييييييي

لميس: ايش..؟؟

رنيم : اسمه يا ختي دحين كل شي عرفتو عنو إلا اسمه..

لميس: ههههه ايوا والله صح حزري بالله ايش..

رنيم : ايييش لايكون من دي الاسماء المشقدفة..

لميس: لا لا اسمو عايدي مرة وما احب انا دا الاسم....
رنيم : بس عرفتو أحمد..

لميس. اييييييييييوا..

رنيم: هههههههه ياحرااااااام..بس يلا ان شاء الله يكون طيب وحبوب وكويس الله يوفقك..
بس قوليلييييييييييييييييييي ايش برجه..؟؟؟

لميس: ههههههههههه برجه الجدي

رنيم : اااااااهوو حماس عارفة انتي التور وهو الجدي تتفقوا..يعني كلكم ماتحبوا المغامرات فانو مارح يطفش معاك هههههههههه الله وع من حياة باردة بس يلا هههههههههههههه وانو التور مخلص والجدي مرة يعني يقدر هذا الشي.. وكلكم لكم نفس الهويات ونفس الاهتمامت وكلكم دقيقين في العمل وانو كلم تحبو البيت يعني تعبتبرو الجنه فيعني مرة تتفقوووووووووووووووووووا....

لميس: الله يستر انا وافقت يعني استخرت ربي ووافقت

رنيم :الله يكتب ليك الخير .. اها ومتى الشوفة

لميس: خلاص يوم الخميس اللي راح....

رنيم : اف خلاص يعني خلاص

لميس: ايوا ايوا بس بعد الاختبارت راح يجوا عشان الخطوبة الحفلة والدبلة ودي الحركات يتفقوا على المهر ..

رنيم : طب ايش صار لمن دخلت في الشوفة كيف يعني ايش حسيتي..

لميس: والله مرة كنت خايفة اصلا ماقدرت اطالع..ماشفتو مرة مرة موقف محرج عارفة شي يخوف انو يطالع فيني..

رنيم : هههههههههههههههه احراااااااااااج...

لميس: مرررررررة لا كلو كووم ولمن حضرت جنابو اتلكم كووم تاني..

رنيم : ههههههههههههههههههه ايش قاااال..

لميس: ولا شي كيفك ومادري ايش ايوا صح انو ان شاء الله بالاجازة الملكة والفرح في نفس اليوم عشان بنروح على البعثة على امريكا وكدا..

رنيم : اف لاااااااااااا ايش دا انا مين عندي غير لمييييس..

لميس: ههههههههههه ياشيخة انتي كمان راح تنخطبي وبعدين خلاص يعني هيا كدا الدنيا الحياة تمشي ..

رنيم : ايوا بس يالله .. مرة راح يكون صعب..

لميس: ههههههههههه مشي حيلك.. يالله خلص الوقت دحين تلاقي لوئ جاني خليني اشوف الكرت ان جاء ولا لأ

رنيم : شوفي لي معاك كرتي..

لميس: طب قومي معايا يلا..ايوا صح اليوم في كمان لك مفجأة

رنيم : ايييش

لميس: مادري بعدين تعرفي..

وراحو خرجت رنيم ولميس في نفس الوقت وكانت رنيم كاشفه وجهها وشافها لوئ...وحبها اكثر وانبهر امام جمالها ونعومة وجهها..
وزاد في قلبه وحبها وتعلقه بيها..

رجعت رنيم على البيت ويدوب اتغدت وراحت على المذاكرة وبعد المغرب وقفت رنيم المذاكرة ..
وراح فكرها بعييييييييييييد ياربي هوا لوئ ليش مادق عليا اليوم وامس بس مس كول واحد ايش فيه خير..
يعني غريبة المفروض يدق يشوف ايش سويت بالاختبار مش معقول انو نسي او يكون ما يبيني خلاص لا لا ما اعتقد مايسويها لوئ..وقطع تفكيرها دخول امها عليها

ام رنيم : رنوومة تعالي ابغاك انا وابوكي برة بالصالة..

رنيم : طييب خير ايش فيه..

ام رنمي :تعالي وبتعرفي..

رنيم : ياربي خليه خير والله مو ناقصة اختبارات ولوئ مادري اشبه ولميس بتروح على امريكا ودحين بابا وماما ايش في..

دخلت رنيم في الصالة وسلمت على امها وابوها .. وقعدت

رنيم : خير ايش فيه..؟؟

ابو رنيم : والله ياحبيبي انتي خلاص كبرتي وصرتي بسن يعني زواج باختصار

رنيم طالعت بنظرات استغراب..: طييب يعني..

ام رنيم : يعني بختصار اليوم دقوا ناس وخطبوك..

رنيم : نعم..!! مين دول..

ام رنيم : اهل لميس ..

رنيم : مييييييين ام لميس صحبتي دي دي لميس..

ام رنيم : ايوا هيا دقت علي وخطبتك لولدها لوئ..

رنيم : منجدك يا ماما..

ام رنيم : يعني انتي شايفه انو انا وابوكي راح نتريق معاكي في دا المواضيع..

رنيم : ههههه لا لا بس بس كيف انو.... ..

ابو رنيم : يا بنتي شوفي احنا مارح نغصبك على شي بس انا اعرف ابوه والصراحة هما عائلة محترمة ويشرفنا اننا نناسبهم.وانا ابغا اطمن عليك وازوجك واحد محترم ابغا لو مت اكون مطمن عليك انو وراك رجال يحميك اكيد اخوك سامي مايقصر بس تدري الدنيا بكرة يتزوج ويخلف ويتلهي عنك..وانا اشوف ان لوئ رجال محترم وينشد الظهر فيه وراح اكون مطمن عليك معاه وبالاخير يا حبيبتي الخيار بيدك,..الولد دارسته الحمدلله مرة كويس ومجاله مرة كويس وشغله كمان..وهو اخلاقه تمام انتي ماعليك غير انك تفكري والقرار بيدك فكري كويس..

رنيم : طييب انا استأذن ..

ام رنيم .: متى بتردي لنا خبر..؟؟

رنيم :ماعرف

خرجت من الغرفة وهي مفجوعة ومصدومة..

لوئ ..يالله ماتوقعت انو بدي السرعة..يعني عنجد يحبني..
ااااااااااااه يارب عشان كدا مايدق ولاشي..
طب انا راح ادق واوريه..

لوئ : اهلا اهلا....

رنيم : ايش اللي سويتو دا..؟؟؟!!!

لوئ : اييش..!!

رنيم : لا والله تستعبط...ايش خطبتيني..!!!!!!!!!!!!!

لوئ : هههههههههههههههههههه عجبتك الهدية عيد ميلادك..؟؟!!!

رنيم : كيف يعني

لوئ : يعني انا خطبتك اليوم بالعنية بالذات دا اليوم عشان اليوم عيد ميلادك وهذي هديتي لك..تقبليها..

رنيم ضحكة بخجل : ههههههههه .. ماحرد بابا يرد عليك..
لوئ : والله..!!! طييب انتظر الرد بس ترى والله ماقدر اعيش بدونك خلااااااااااص...

رنيم : طيب شكرا على الهدية...

لوئ بتريقه : عفوووااا...قوليلي كيف اختبارك اليوم..؟؟؟

رنيم : ماشي الحال الحمدلله صحيح خبصت بس حليتو كلو يعني ان شاءالله صح ..

لوئ : الحمدلله خلاص انا اسيبك ولا عطلك .. عشان تذاكري حق اختبارك بكرة طيب..

رنيم : طيب..

لوئ : انتظر الرد من ... بابا .. هههههههه

رنيم : اتريق اتريق خذ راحتك بس راح يجيك الرد مع بابا ..

لوئ : طييب..يلا بالتوفيق حبيبتي .. مع السلامة..

رنيم : مع السلامة...

وراحت جري عند ابوها.....

رنيم : بابا....

ابو رنيم : نعم حبيبي تعالي اجلسي جنبي..

رنيم : ههههههههههه خلاص قررت...

ابو رنيم : حبيبي .. هذا زواج فكرتي اكيد كويييس..

رنيم : ام ام .. ايوا..

ابو رنيم : شوفي من كل النواحي..يعني لساتك صغيرة...

رنيم طالعت فيه بستغراب:" انا صغيرة وي..اجل متى اكون كبيرة..

ابو رنيم : هههههههههههههههههه لا لا قصدي انو لسا الحياة ققدامك لسا جامعة وهرجات كدا..

رنيم : لا على الاقل لمن اتزوج يمكن يرضالي ادرس برة علم بحاااار....!!!!

ابو رنيم : هههههههههههههه تدقي يعني بالكلام ولا اييش هههههههههههههههه المهم مو هذا موضوعنا..ايش قررتي..

رنيم : موافقة....بس خلوا كل كل شي بعد الاختبارات..من خطوبة وخرابيط..

ابو رنيم : ايوا اكيد...يلا الله يوفقك في حياتك يارب..ويسعدك ويكون الزوج الصالح لك..وباس راسها..

رنيم : امين شكرا بابا ... على كل شي.. .. بابا انا أستأذن عشان أذاكر..

ابو رنيم : الله يوفقك يا رنوومتي..

رنيم : هههههههههههه يلا مع السلامة..

دخلت غرفتها وفتحت الدرج .. وطلعت الدفتر الخاص بخواطرها..
وكتبت هذي العبارات ..





((أخيراً...
وبعد البعد والضياع...
اجتمعنا دون فراق..
أحببتك بكل ما فيني من إحساس...
وهاقد اتت لحظة التلاق...
........
ساجعلك اسعد شخص بهذا الكون...
سنعيش مع بعضنا.. ولبعضنا...
لن يفرقنا سوا الموت..
سأحبك بكل مافيني ..
وستحبني بكل مافيك..
نعيش لوحدنا مع بعضنا...
لن يفرقنا أحد))

أغلقت رنيم دفترها المليء بذكرياتها...بدموع الفرح التي سقطتت من وجنتيها..أخذت تقلب في دفترها وتقرا ماضيها...

اخذها الوقت .. وقطع شريط ذكريتها ... مكالمة من ملاك ...

رنيم : الووو..

ملاك : الوووو..ها كيف الختبار اليوم..

رنيم الحمدلله..

ملاك : رنومة اشبو صوتك..؟؟اليوم عيد ميلادك..

اشبك..؟؟

رنيم : مافي شي..

ملاك : كانك تبكي..

رنيم : هههههههه لا مافي شي...

ملاك : يابنت .. اشبك..خبصتي في الاختبار..؟؟

رنيم : لا انتي فين وانا فين..

ملاك :طب قولي..اشبك..

رنيم :ولاشي بس لوئ اليوم خطبني..

ملاك : عنجدددد...

رنيم : ههههه ايوا..


ملاك : طب ليش تبكي المفروض تفرحي وتنبسطي..وتهيصي..

رنيم : ههههههههه هذي ليك انتي .. والله انا ابكي من الفرح..

ملاك :ياعيني ياعيني لا لا ماقدرانا على الحساس..

رنيم : هههههههه لاتتمصخري..اسمعي لميس بدق عيا .. اكلمك بعدين..

ملاك : طييب.. يختي مبروك..

رنيم : الله يبارك فيك مع السلامة...

رنيم : لميييييييس..

لميس : ههههههههههههههههههههه مبروك ياخطيبة اخويا..

رنيم : هههههههههههههههه الله يرجك ولاتتكلمي..

لميس: والله انا مادريت عن الموضوع غير يوم الاثنين واحنا بالغداء حتى انا انفجعت..بس لوئ قال انو يبغاك والله انا فكرت فيها مزبوط قلت يلا..يمشي الحال..بعد تنازل مني انا ..

رنيم : واللله..!!! بدأنا شغل أهل الزوج ولا ايش يعني...

لميس :ههههههههههههههههههههههههه يلايختي مبرووك..

رنيم : الله يبارك فيك..

لميس: خلاص انا اسيبك تذاكري وانا كمان اذاكر..

رنيم : طيب ..استني ايش اخبارك مع أحمد..

لميس: ماشي الحال .. قال اخر ييوم بيخرجني نفطر .. هههههههههههه

رنيم : حركتات والله.. اشبك طيب تتسخفي في الولد انتي من اول ملاحظة تتريفي عليه قاعدة..

لميس: ههههههههه مو مستوعبه الموضوع بس مشي حالك..يختي..
خليه رومنسي مع نفسو..

رنيم : الله يرجك حرام عليكي ..

لميس: هههههههههه لا لا حلو كدا خليني اتسلى شوي معاه..هههههههههههه وبعد الزواج اكون يختي رومنسية

رنيم : ياعيني ياعيني..طيب يلاالله يوفقك مع السلامة..

لميس: مع السلامة...