--------------------------------------------------------------------------------
البارت السابع
*** في الديوانية ***
نادر : يا ناس أنا خرفت ولا يتهيأ لي إني اسمع صوت صراخ ؟
بدر : لا خرفت
لجين : صح و الله .. حتى أنا اسمع صوت صرااخ
سديم : مو كانه صوت نوره ؟؟
هنا نوره دخلت عليهم و هي تصرخ من الخوف : الحقووونييييي
نادر : نوره .. وش فيك ؟؟؟
نوره : شفته .. و ربي شفته .. شكله يخووف ... يممممه .. ( تبكي )
بدر : بسم الله .. وشو اللي شفتيه ؟؟
نوره و خلاص ما عاد قادره تتكلم .. وهي تبكي : ..............
سراب : نوره حبيبتي .. وشو اللي شفتيه ؟؟
نوفه : نوري .. لهالدرجه يخوف ؟؟
موضي : بس .. لا تكثروون أسئلتكم .. هي بروحها خايفه .. ( و حضنت نوره ) نوره حبيبتي .. اهدي .. و سمي بالله ... و قولي لنا .. وشو اللي
شفتيه ؟؟
نوره أشرت لهم يعني أبي مويه
على طوول ريان نقز و راح جاب كاس مويه و اعطاها موضي ..
اول ما شربت نوره المويه .. موضي تناظرها و هي تسمي عليها ..
موضي بعد ما خلصت نوره من المويه : ها حبيبتي ... تقدرين ألحين تقولين لنا وشو اللي شفتيه ؟؟
نوره : و الله يخوووف مرره .. كبييير و لونه أسوود مثل عبايتي ..
لولوه : طيب وشو ذا ؟؟
نوره وهي تصيح : فااااااااااااااااااااااااااااااااااااااااااااااااا اااار
سراب : نوره انتي من جدك تتكلمين ؟؟ فار هنيه بالاستراحه ؟؟
نوره : و الله العظيم ما أمزح .. شفته تحت مخدة رامي ..
رامي نقز من محله : أفا يالعلم .. فار تحت مخدتي .. وش جابه ؟؟
لولوه و بدت عليها ملامح الخوف : نن ..ننو .. نوري يمكن يكون فار قطني موب حقيقي ..؟؟
نوره : أنا موب مجنونه عشان ما أعرف أميز بين الحقيقي و القطني .. و بعدين فيه فار قطني .. يجري ؟؟
سديم : تصدقون .. من زماان ما شفت فار .. وش رايكم نلاحقه ؟؟
نوفه : و الله انك جبتيها .. يالله يالله نرووح ..
نواف : وش قالو لك .. توم و جيري مسوين عسكري حرامي ؟؟
نوره و هي تناظر الشباب : بتروحون تذبحونه ولا انادي الخدامات ؟؟
سالم : خلاص جايين .. بس كل واحد ياخذ معه سكيين ..
نوره : وش حقه ؟؟
سالم : عشاان نذبحه ...
نوره : لا دخيلك .. شف لنا شي غير السكيين .. شايفنا سفاحين .. ولا مصاصين دماء ؟؟
فراس : أوكييييي .. امممم .. إيووه .. جيبو معكم عصي ..
سراب : صار .. انا باخذ عصااية المكنسه ..
نوره : و أنا عصاية الحمام .. ( و أنتم بكرامه )
لولوه : فرااس .. هات مفتاح سيارتك ... بجيب العصاايه اللي بالشنطه ..
فراس : أوكي .. هااااك
موضي : و انت بدر .. هات مفتاحك ..
بدر : امسكي ... ( ورماه عليها ) .. ترى العصايه بمكاني .. قدام
موضي وهي خارجه : طيب ( و تلتفت عالبنات ) هياااا ..
وراحو البنات ووراهم الشبااب ..
بعد عشر دقااايق .. كان الكل مجتمعين قدام باب غرفة نوم الشباب ..
ما عدا لجونه و نوفه ..اللي لزّم عليهم نادر إنهم ما يجون عشان ما يخافون ..و خلاهم يروحون الحوش يلعبون ..
سالم كان اول واحد واقف بالطابور و بجنبه سراب و رامي ووراه بدر و موضي و معاهم سديم ووراهم نادر و فراس و نوره و لولوه
ووراهم ريااان و نوااف ..
سالم توه حط ايده على وكرة الباب .. الا سديم وراه صرخة صرخه قويه .. الكل خاف منها ..
فراس عصّب : وجعععع .. وش بلاك انتي ؟
سديم : .........
رامي : سيدي .. وش فيك ؟؟
سديم : ناظرو .. .. و كانت تاشر على الفتحه اللي بين الباب و الارض ... و كااان طالع منها ذيل
سراب شهقت : يممممممه .. وش ذا ؟؟
لولوه : لا يكون ذيل الفار ؟؟