.. البارت الثامن ..
سالم بدا يفتح الباب بشوييش ... و شااف لجونه و نوفه يناقزون فوق سريره
و معفسين الغرفه فوق تحت .. ولا كأن نوره مرتبتها من شووي ..
سالم اول ما شافهم عصّب و صرخ بصوت قوي : لجووون .... نوفووه
و ركض لهم ... و لجونه من شافته جاي عليها انحاشت و تخبت ورا بدر اللي كان توه داخل الغرفه ..
اما نوفه ... فسالم دفها بالغلط و طاحت من فوق السرير و جلست تبكي ..
بدر قام على سالم : سويلم الله يهداك ... شوي شوي عالبنات .. مهما سوو بيظلون صغار لا تحط عقلك بعقلهم ...وربي ما اصغرك بنظري يا شيخ ..
نواف قام يركض لنوفه اللي للحين طايحه عالارض و تصيح ..
نوره بخوف : نواف .... نوفه فيها شي ؟؟
نواف وهو حاط نوفه بحضنه : موب مره جرح بسيط نازل منه دم ..
نادر معصّب : عطني اياها ..
سراب : شلونها الحين ؟؟
نادر عصّب عليها : وش شايفتني .. دكتور تسأليني ؟؟
نوره : نادر ... اهدا شوي .. لا تعصّب عالبنت .. ترا ما قالت شي ..
نادر ولا زال معصّب : سكتي عني .... فيه لزقه و مسحه طبيه ؟؟
فراس و يناظر رامي : اظن روميو عنده ...
رامي : افا عليك ... انا منقذ الازمات .... الحين اجيبها وسلامة راسك يابووليد >>> يقصد نادر <<<
نواف و للحين يناظر سالم بنظرة عتاب : ما هقيتها منك يا سالم ..
سالم : ؟؟؟؟
نواف : الحين ما لقيت الا هالهيكل نوفه عشان تطيحها ؟؟
سالم : و الله العظيم ما كنت اقصد .. كنت معصّب .. و انتم تعرفوني .. اذا عصّبت..
بدر : عالعموم .. ما صار الا الخير .. خلاص فضّوها سيره
لجونه خرجت من ورا بدر : الحمد لله .. يعني الحين امان ؟؟
بدر وهو مبتسم : ايه امان يا قلبي .. انحشتي وجت بالثانيه .. انا اشهد انك خليفتي ...
لجونه ههههههه .. وانتبهت للكيرم ورا الباب وراحت تجيبها ...
يممممممممممممممممممممممممممممممممممممممممممممممممم ممممممممه
سديم كانت قريبه من لجونه ولما سمعت صراخها مسكت بـ..... من الخووف ما شافته..
نادر و يناظر باللي ماسكته وكاتم الضحكه: خيير وش فيك ؟؟
لجونه : انحااااااااااشووووووو .... الفاااااار جايكم ..
سديم راحت وطي ...خافت من الفار و من صرخة لجونه هذا اولا ... و ثانيا للحين متفشله من نادر اللي هي ماسكه ايده بقووه من الخوف و موب قادره تسيبها (يا الله متى بتفكني من هالخوف)..
لجونه على طول انحاشت من الغرفه .. و لولوه ما تشوفون الا غبارها وراها على طووووول
اما سديم .... وش تسوي ؟؟..... ما تعرف وش تسوي .... تصرخ ولا تلقط وجهها من الفشيله ولا ايش ؟؟؟ .. بس على طول فكت ايدها و انحاشت ورا القوووم ياشقرا لولوه و لجونه...
اما البااااقين .................
نواف و نوفه و رامي راكبين فوق سرير نادر و يصرخون .. و بدر و موضي فوق سرير فراس .. موضي متمسكه باقوى ما عندها بايد بدر ..
و فراس و نادر فوق سرير بدر .. اما نوره لحالها على سرير نواف...
وووووو سرااااااااااااااااااااااااااااااااااااااب .........................
سراااب .. قالبه الغرفه صياااح و صراخ .. و ماينسمع الا صوت صراخها .. لان الفار بدا يتسلق رجل سرير سالم .. اللي هي واقفه عليه.. وهي بتموت خلااااص ...
و مااا حست بنفسها الا وهي طايحه عالارض .. و على طول التفتت عشان تشوف مين اللي دفها ... وشافت ابتساامه عريضه ... و شقت الضحكة ..
سراب : ثاااااااااااااااااااااانكسسسس
موضي :لا تشكريني ؟؟ اجل وش نفع بنات العم ؟؟
سراب : ههههههههههههه
موضي :ضحكتي من سرك بلى فالحه تضحكين انتي ووجهك ؟؟ انحاشي بسرعه
وعلى طوول اطلقت سيقانها لمهب الريح .. و خرجت ..
بدر : مووووويضي ... نطي بسرعه ... جااااك ..
نادر شاف الموقف الخطير اللي موضي فيه .. قام نقز عالارض وهو معه عصاه و خبط بقوه عالسرير و خلى الفار يطيح عالارض ..
فراس يصرخ :يااااهووووو تعجببببنييييييييييي يابو الوليد >>> اسم ابو نادر .. نادر بن الوليد <<<
نادر : تسلللللللمممممم ... بس خلّ اعجابك بعدييين خارج الملعب..
نوره على طول خرجت من الغرفه .. هي خرجت من هنا .. ولجونه داخله مره ثانيه .. و الضحكه تقول بيوم عيد: هاه بشرووو .. ما ذبحتوه ؟؟