مرحبا فكرة الموضوع كتيير عجبتني و خصوصا إني كتيير محتارة و خايفة اختار رواية و ما تعجبني بالنسبة لي انا قرأت كتيييييييير روايات حتى إني نسيت أكتر الروايات اللي قرأتها بس اللي أذكرهم بقولكم عليهم 1) أكيد كتير منا شاهد مسلسل نحن لا نزرع الشوك اللي طبعا منقولة القصة من رواية نحن لا نزرع الشوك ليوسف السباعي الرواية على جزئين و رغم انها طويلة بس حلوة كتير و فيها تفاصيل مش مذكورة بالمسلسل 2) أوليفر تويست للكاتب تشارلز ديكنز 3) دايفيد كوبرفيلد برده لتشارلز ديكنز 4) جين إير لشارلوت برونتي هالرواية روووووووووعة عجبتني كتيير 5) نساء صغيرات للويزا مي أولكت هالرواية قرأتها لما كنت صغيرة بس حلوة 6) آن في المرتفعات الخضراء نسيت كتابة مين بالزبط بس مكتوب عالنت ل. م. مونتغمري الرواية راااااااااائعة يعني عشت فيها كل لحظة بلحظاتها هي عن رجل و زوجته بيقررو انهم يتبنو ولد من ملجأ الايتام لحتى يساعدهم و لما بيبعتو هالخبر لإدارة ملجأ الأيتام بدل ما يبعتولهم ولد بيبعتولهم بنت اللي هي آن و بيكونو مو عاجبهم و مو راغبين بوجودها معهم أبدا لأنهم بدهم ولد من الأساس بس بعدها بيتعودو عليها و بيحبوها و بتصير وحدة منهم و كأنها بنتهم و بتكمل الرواية في حياة آن بينهم 7) الأخوان للكاتب أستريد ليندجرين هالرواية حلوة كتير و فيها أشياء غريبة بس بتجذب و بتخليكي تكمليها للآخر غصب عنك 8) رواية ميو يا ولدي برده للكاتب أستريد ليندجرين ميو طفل يتيم يحلم بوالدين يمنحوه الحب والحنان. وتحصل الأعجوبة و بلاقي ميو والده في الأرض القصية. و بيضل يحاول يوصله عن طريق مغامرات كتير حلوة قرأت كتيييييييييييير روايات و نسيتها كلها بس آخر رواية قرأتها 9) الخيميائي لباولة كويلو بنصحكم تقرأوها لأنها مؤثرة كتير و بتخليكي تؤمني بقدراتك على متابعة الحياة من غير يأس هالرواية عجبتني من أولها لدرجة إني مسكت قلم و دفتر و كتبت كل جملة عجبتني فيها و كل الرواية بتتلخص في ( إذا رغبت في شيء فإن العالم كله يطاوعك في تحقيق رغبتك ) و حاليا بقرأ رواية من روايات عبير ( أب بالصدفة ) ما عجبتني مواصفات الأبطال فيها بس هي حلوة و لما أكملها برجع أقولكم رأيي فيها و بعدها رح أقرأ رواية برده من روايات عبير اسمها عودة الغائب و برجع أقولكم رأيي فيها و رح أقرأ فيرونيكا تقرر أن تموت للكاتب باولو كويلو يا رب ما أكون طولت عليكم و لي رجعة طبعاً