،’
( عودة )
،’
شوقر وسندريلا ,, مازلتوا تطلون هنا ؟
قرات رواية ( حدثني عن أحلامك / لـ سيدني شيلدون )
جداً جميلة , أعارتني إياها صديقتي ,
وبصراحة تحمست معها كثير , وأنهيتها بسرعة على غير العادة ,
لأن أنا انسانة متأنية في القراءة نوعاً ما ,
،’
وآخر ما قرأت من الكتب
( استفهامات خرساء / من اصدارات وهج الحياة للإعلام )
<< أعتقد مجموعاتهم ماتحتاج تعليق ,
سبق تكلمت عنها في ردودي السابقة ,
،’
( أرجوكم لا تسخروا مني / جودي بلانكو )
الرواية جميلة , بالمرة حلوة , وبكيت في كثير من مقاطعها ,,
بس صراحة .. ماتستفيدين منها كثير ,
لأنها تتكلم عن مراهقة تتعرض للسخرية والإستهزاء والضرب من زملائها ,
وأنا بالفعل ماشفت مثل كذا إلا بالأفلام الأجنبية , الأجانب هم اللي عندهم هالحركات ,
احنا ماعندنا زيهم .. يعني ماأتوقع توصل للدرجة الموجودة بالرواية ,
لكن إذا تبينها كقصة عادية , فـهي كويسة
،’
( من حرك قطعة الجبن الخاصة بي / سبنسر جونسون )
هل انتي من النوع اللي إذا تغير أي شيء في حياتك , قلبتي الدنيا فوق تحت ؟
إذا كنتي من هذا النوع اللي عند أي عقبة ,, أي تغيير وقفتي مكانك وقلتي ما أقدر أكمل ,
فهذا الكتاب جداً يصلح لك ,
والكتاب مرة صغنون , ومايأخذ منك وقت كثير ، يعني بجلسة وحدة تخلصينه ،
وزي ماهم كاتبين على الغلاف = إنه جوهرة صغيرة وثمينة =
،’
ما أعرف ذكرت هالكتاب من قبل أم لأ ,
( الأيام لاتخبئ أحداً / عبده خال )
على الرغم من حجمه الكبير ’ وعلى الرغم من إني يوم فتحته كان في نيتي بس أطلع عليه ,
لكني ماقدرت أتركه ,
أسلوب الكاتب يعجبني , بس ما أعرف إذا يعجبكم , لأن مو الكل يحب هالأسلوب ,
بحيث انك تقرأين الرواية وإلى وسط الرواية تقريباً ومازال في كثيييييييييييير أشياااء غامضة جداً ,,
ممكن في البداية راح تشعرين بالملل , ( لأنك مو فاهمة شيء )
بس بعدين , ماتقدري تتركيها ,
شيء آخر أعجبني بالكتاب , إن القصة مايرويها راوي واحد ,
بل أكثر من شخص شهدوا القصة ,, وكل واحد يحكي لنا عنها ’
وشيء ثالث , الكاتب مايجيب الزمن بشكل مرتب ,
يعني الفصل الأول , حادثة حدثت قبل سنة ,
الفصل الثاني حادثة حدثت قبل 5 سنوات ,
الفصل الثالث حادثة حصلت قبل 3 سنوات ,
وهكذا ,
،’
وبس ,
لي عودة بعد ما أكمل الكتابين اللي أقرأهم الآن ,
( تمشي ثنين ثنين )
:002:
،’