[sona the moon]

انتهيت من اعمالي على اذان العصر توضيت وانا راده حجرتي.. سمعت باب حمامه يتسكر..دخلت بسرعه حجرتي لاجل ما يشوفني..
صليت وظهرت من حجرتي بعد ما سمعت باب الجناح يتسكر بس شو قفل علي.. شو يريد... قهرني بجد..
ـــــــــــــــــــــــــــــــــ
غزيل وهي تدخل الصاله الرئيسيه وتبوس راس موضي وتسلم على غزل وتجلس جنبها
غزيل: الا وينها جودي
غزل وهي تناظر امها وتهمس لـ غزيل: شكله افتن فيها على قولتك
غزيل بغباء: منهو
غزل: شلي منهو انت الثانيه يعني ولد الجيران
غزيل والي ما استوعبت الموضوع: أي ولد الجيران
..وبدء صوتهن يرتفع..
غزل: انتي هبله
غزيل: انت الهبله ليش تسبيني
جهاد وهو نازل من الدرج: انتي وهي هبل ..وتركهن وراح دوامه...
غزيل: الا صدق وين جودي
غزل وهي توقف وتسحب غزيل معاها: تعالي بعلمك بالموضوع
موضي: أي موضوع
غزل: هااا يمه ولا شي
غزيل وهي تذكر: ايه ماما تنظرك في السيارة
موضي وهي توقف: صح النوم بعد ما خلصتي سوالف انت والخبله الثانيه تذكرتي امك.. بس تذكرت شي وردت طالعتهم
موضي: العنود تقول خير شر ما تشوفك الا من يوم ليوم ولا كانكن عايشات مع بعض
غزل وغزيل: مشاغل مشاغل الدنيا
موضي: مشاغل الدنيا الا وجه الفقر نستكم الاصول.. روحوا خذوا أسير من عند امها لاجل ما تطفشها تاذي حمودي
غزيل وهي تذكر: ايه والله اليوم عضته عضه بس آآآآه شكلها محترمه الولد انصرع علينا وبالقوه لين سكت..
موضي: وانتوا وينكم عنه
غزيل: عاد مشاغل الدنيا
موضي وهي تحرك راسها وتكلم غزيل: ما ادري شو الي شاغلك
غزل: يمه قرب يجي نوستها وما تبينها تنشغل
موضي: لاتشغلين عمرك حياتي مافي ملكه ليــــن يصير عمركن عشرين
موضي وغزل:هههههههههههه
غزيل انحرجت
تركتهم موضي وراحت
غزل: سمعتي شو قالت
غزيل: ايه بس ليش
غزل: شو دراني يعني الحين عمري ثمنتعش ويعني باقي سنه على الملكه اف شو هـ الحاله الناس يزوجون بناتهم بدري لاجل يسترونهن وهذيل ياخرونا
غزيل: والله انا اشوف انتي لو المفروض ياخرونك اربع سنوات يالله لين تعقلي شو
غزل وهي تضربها على كتفها: خليت العقل لك كااااااااافي وحده ذكيه مثلك في البيت..
غزيل: مرسي اعرف حالي اني ذكيه عااااد مو كل شوي تذكريني اخاف تناظريني
غزل وهي توقف: ياااااثقل دمك
غزيل: حطيله ماي بيصير شربت
تركتها غزل وطلعت وغزيل مشت وراها
ـــــــــــــــــــــــــــــــــ
عند باب جناح جودي
غزل: غريبه ليش قافله الباب
غزيل وهي تدق الباب: يمكن نايمن
غزل: والمتغطرس الي هزبنا قبل مايخرج منه ولد الجيران
غزيل وهي تحكر يدها باستفسار: اشفك انت اليوم على ولد الجيران لا يكون حاطه عينك عليه
غزل: اقول غزيل فارقي بيتكم احسلك قبل ارتكب فيك جريمه
جودي: ههههههه
غزل: فك الباب اشفيك قافلته
جودي: اخوك معاقبني وقافل علي الباب
غزل: ليش شو صلحتي
جودي:ههههه لاني ضحكت عليه على الغدى وكملت عليه ضحك هنا وشكلي استفزيته
غزل وغزيل:ههههههههههه
غزيل: بس ليش ضحكتي عليه
غزل وهي تضرب غزيل: هذا وقتك
غزل روحي حجرتكم فيها برنده اطلعي فيها وبقابلك هناك
راحو البنات للصاله ودخلو من البرنده
جودي: شلون اجيكم انا على بالي متصل
غزل: تصدقين حتى انا
جودي: ما في حل غير نجلس هنا ونسولف مع بعض
غزل: لا شلون شفوفي شلون ما ينفع كذا
غزيل: شو رايكم نجيب سلم ونحطه بين البرندتين يعني نسويه جسر هوائي وتصير جودي سوبر ومن
غزل وهي تضرب غزيل على كفها على خفيف: انت خبله لو طاحت....بس فكرت..: تصدقين غزيل اشك فيك لمـ تقولين شي مفيد بس صدق فكره
غزيل: اصلا انا اخاف على عمريــ
جودي: والله حتى انا اخاف على عمري لو طحت بموت سيده
غزل: الا وينه السلم
غزيل: يمكن في المستودع
غزل: بس يبيلنا سلم خشب مو الحديد الي يتفتح
جودي: هييي انت وهي انا مرتاحه هنا انتو تعالوا وغامرو باعماركن
غزل وغزيل يسولفو ولا معبريني شو اقول
غزيل: اعتقد موجود وكاني شفت اثنين
غزل: لا واحد يكفي
غزيل: لا اثنين لاجل لو طاح واحد تمسك في الثاني
جودي: شفتوا يعني عارفات انه بيطيح لا عيوني انا عاجبني حبسي كذا وبكره جهاد بيطلعني براءه
غزل وهي تكلم غزيل ومو مهتمين في جودي: ايه اما طلعت منك اشياء وافكار مفيده من جاتنا جودي
غزيل: لا عيني انا من يومي كذا بس اخافـ
غزل وهي تسحبها معاها: سكتي والي يرحم والديكي..وردت كلمتني..انتظرينا بنروح نجيب السلم
ـــــــــــــــــــــــــــــــــ
البرندتين كان في شجر كثيف قدامها ومتغطيه وهـ الشجر كان ماشي على ممر على شكل U مقلوبه يعني الي بيمر من تحت ما يشوف الا الشجر وكان مرتفع لمستوى عالي.. لانه الممر يودي لجلسه محوطه بالشجر بس السقف لا لاجل يشوفون السماء فوقهم..وطبعا هذه عملوها للحريم لاجل الكشف..
ـــــــــــــــــــــــــــــــــ
غزل: جودي امسكي السلم
جودي: لا عيني انا خايفه على عمري
غزل: انت امسكي وماعليك ان شاءالله بننجح
جودي: ولو فشلنا
غزيل: تفألو بالخير تجدوه
غزل: بديت اشك فيك صراحة وقمتي تقولين حكم
غزيل وهي تتفاخر بعمرها: ايه لازم تشكين دام اني امشي معاك
غزل وهي تترك السلم: شو قصدك
غزيل: يعني طولي وقتي مع وحده لاتعرف لا لي امثال ولاحكم شلون تبيني اقولك اخاف علـــ
غزل وهي تحط يدها على جهت قلبه وهي ضامتها: تبين بكس يطير فمك
جودي: ايه من زمان كل كلامها خرابيط مثلها
غزل وهي معصبه: انت سكتي وامسكي السلم شوفي الساعه كم الحين
....ساوينا السلم ببعض ولصقناها على الجدر وربطناها وكل وحده تاكد على الثانيه بانها ربطتوا زين
غزل: يالله سمي بالله وتعالي
غزيل: اتشهدي قبل
تلكمت بخوف بعد ماسمعت غزيل: لالالالا مني جايه جود وغيداء يبوني اذا انتن ما تبوني
غزل وهي تناظر غزيل: تعرفين تبلعين لسانك
غزيل: بس بنكتم اذا بلعته وراح اموت
غزل: غزيل وتبن
غزيل حطت يدنها على فمها: سكت
غزل: جودي جربي مارح نخسر شي
جودي: انتوا ماراح تخسرون شي بس انا بخسر عمري
غزيل: صادقه بتخسر عمرها لو طاحت ولا اتكسر السلم ولا
غزل: غزيل تعرفين تسكتين
غزيل: لا حياة البنت في خطر بتموتينها انت كافي اخوك حابسها وانت بتموتينها شكلكم متفقين عليها
غزل: ووجع ان شاءالله شو هـ الكلام والله انتي الي هبله وتفكيرك اهبل مثلك انا بساعد البنت وانت تخوفينها
غزيل: أي مساعده تبينها تغامر بعمرها انت من جدك
غزل وهي تذكر: ما كانه الفكره فكرة يالهبله
غزيل والي توها استوعبت الموضوع: هـ الهبله الي هناك ما ادري من شو خايفه انت خبله سمي وتعالي ماتشوفين في افلام الكرتون شلون ينقلون من برنده للثانيه وهم في عماير ناطحات السحاب مو مثلك دور واحد ولا تحتك شير..وناظرت تحت..لا سوري مركن الزرع بس فيه شير صغير يعني بيجرحك الشير لو طحتي عليه
جودي: اصلا شو ياثر الجرح بعد ماتطلع الروح
غزيل: عاااااد جودي سمي الله وتعالي بطلي دلع عرفنا انك حلوه ورقيقه وناعمه بس عاااااد زودتيها علينا..بس قبل هاتي كرسي وحطيه لاجل يمديك تطلعين بدون ما تحركين السلالم
جودي: شفتي يعني بطيح
غزيل: ياحياااااااتي هذا اسمه توخي الحذر
غزل:ههههه حلوه هاي من وين تعلمتيها
غزيل: دوم اسمعها في افلام الاكشن بس شلون عجبتك
غزل: حييييييييل يالله طلعتي بشي مفيد من صياعتك
غزيل: انا صاعيه ولا انتي
غزل وهي تكلمني: جودي يالله سمي الله ما بقى شي على المغرب
وقفت بعد تشجيعهم على الكرسي وجلست على السلم وناظرت لاسفل حسيت اني برجع..
جودي: لالالااللا ما اقدر جسمي يرتعش من الخوف
غزل: لاتناظري لتحت ناظرينا هنا
غزيل: لا شو تناظرينها ناظرينا انا اخاف تناظرينها وتنفجعين منها ويغمى عليك وطيحين علينا
صرخت لا خلاص برد مكاني
غزل وهي تضرب غزيل: جودي كملي مابقى شي وتوصلين لنا
تحركت وانا اناظرهم كنت اثبت يديني اول شي بعدين اتقدم لين وصلت للنص
غزيل: اما جودي اسمحيلي طلعتي غبيه
..اتفاجئة هذه شو تقول..لايكون بجد متفقين معا جهاد وبيطيحوني
غزل: ليش
غزيل: انت قلتيلها مابقى شي وتوصلين بينما هي كانت جالسه على بدايت السلم
غزل: حركه لاجل اخليها تتقدم
غزيل: اما تطلعت عندك افكار شكلك ماخذتها مني
غزل: ليش عيني شايفتني غبيه
غزيل وهي تخبط غزل على كتفها: لاعيني ذكيه على بنت عمك
غزل: وجعععععع انا اطلع عليك ليش بايعه عمري ولا بايعه عمري اطلع عليك
غزيل: جودي كملي انت واقفه في النص تخيلي ما استحمل وزنك السلم واتكسر طبيعي بطيحين
جودي: حراااااام عليكن والله حرام
غزل: لاتصدقينها هذه خبله هـ السلم يستحمل اوزان ياثقلها فـ اشلون بوزن الريشه تعالي بهدوء تعالي شاطره تعالي مابقى شي تعالي ايه خلاص قربتي
..اصلا هي كانت تتكلم وجودي ما تحركت الي خطوتين وباقي لين توصلهم..
وصلت لهم ونزلت..وحضنتني غزيل: صدق انت بطله لو انا منك لو النار تشتعل خلفي ما ركبت السلم والله بجد بايعه عمرك
..صدمتني كلمتها وناظرت خلفي صدق شلون تجرئت وجيت لهم.. انتفض جسمي وانا اناظر للسلم..
ـــــــــــــــــــــــــــــــــ
في المستشفى
عناد: شفيك يااخي الي يشوفك يقول الدنيا بكبرها على راسه
جهاد: تتكلم وانت عارف بالي حصلي
عناد: ياخي انت الي مكبر السالفه
جهاد: ياخي احبها تعرف اشم معنى كلمة احبها من وانا صغير كنت اشوفها لمـ تجي تلعب مع خواتي كنت احترمها احترام عرفت لمـ خطبتها انه احترام مايكون الابين الزوجين
عناد: جهاد انت الحين عندك زوجه المفروض تحترم وجودها حتى بافكارك خلاص انسى انغام انقطع حبل الود بينكم حتى هي ماصارت مثل قبل مرابطه على الشباك
جهاد بقهر: وانت شلي يخليك تناظر شباكها
عناد:هههههه لاتخاف يااخي بس هي ثواني الي اطالعها لاجل اتاكد انها نستك
جهاد وهي يتالم بهـ الكلمه: تعتقد انها نستني
عناد: ضروري تنسى وبعدين هي توها صغيره والله يرزقها بولد الحلال
جهاد كشر على هـ الكلمه: تعال لعد اشوفك تناظ شباكها
عناد:ههههه والله انا ما اناظر بس غصب عيني تروح لمـ ارجع من المسجد متعود اشوف خيال.. بس شكلي برد الحين وارجع من الخلف لاجل ما اناظر شباكها
ـــــــــــــــــــــــــــــــــ
...صرخت جودي...ووووووووووو الساعه قربت تسع وجهاد قرب يجي
غزل: اوكي لازم تردين الحين
وقفنا ورحنا للبرنده
تكلمت وانا اشوف السلم واعاين المسافه بين السلم والارض..يعني لو طحت بتفتفت لقطع صغيره: الحمدلله اننا ما سمعنا اغاني ولا اتفرجنا افلام ولا حشينا في احد ولا
غزل: هههههه ليش كل هـ المقدمات
جودي: يعني لو طحت ومت ما بيكون اخر عمل لي المعاصي
غزيل: الله يهديك ويهدينا اجمعين...يالله يا سندرلا قربت الساعه على تسع وحنا بنرد فيران وانت بتخترب كشختكي وو
غزل: سكتي والي يعافيك سكتي
...طلعت بس هـ المره كنت رابطه وسطي بطرحه والطرحه رابطينها بحبل والحبل رابطينه بالجبس لاجل لو طاح السلم اظل معلقه بالحبل.. وصلت
جودي: نفك السلم
غزل: مايحتاج اصلا جهاد من اشد المعارضين للبرندات وبذات حقتنا يعني على قولته خذت مساحه ولا مغطايه بشير..
غزيل: جودي لاتحاول ولو مجرد محاوله انك تمرين من هنا بدوننا
جودي: ليش
غزيل: لاجل لو طحتي ومحد درى عنك ممكن تموتين
جودي: هو كذ اكذا لو طحت بموت
غزيل: لا في احتمال انك تعيشين وتحتاجين فرق طبيه لاجل تساعدك باذن الله على الشفاء
جودي: اوب من وين لك هـ المصلطحات ماشاءالله عليك
غزل:هههههههه ايه صدق من وين
غزيل: عجبتكم
جودي وغزل: حييييييييييييييل
سمعنا صوت سياره تدخل الحوش..بسرعه ردينا داخل
ـــــــــــــــــــــــــــــــــ
لي يومين على حالي وانا في اعتقاد جهاد محبوسه في جناحه.. ما اعرف هو شو يريد من هـ الحركه.. هو بيطلقني بس عقب فتره يعني لين يحصل لي زوج مناسب.. حلوه هاي زوجي يدورلي معرس ولا في الاحلام هاي القصه.. والحين حابسني هنا وباعدني عنـــ وووووووووللللللللللا شلون فاتتني هذه.. هو باعدني عن خواته لمـ شافنا اتوالفنا بسرعه وخاف لا يجي اليوم الي يطلقني فيه وخواته يتاثرن فيني *مصدقه عمري* خاف لا تكون بيناتنا اتصلات عقب ما يطلقني واصير في ذمت غيره..اف لها الكثر كارهني بل عليه قلب اسووووود زي شعره هههههه
جهاد: انت خبله تضحكين بالحالك
عدلت جلستي.. هذا من وين ظهر ومتى دخل الصاله..انا صرت اشتغل واغسل في العصر والليل ننام مبكر لاجل من نصلي الفجر وجهاد يروح العمل الساع ست نتقابل ونظل مع بعض لين الساعه وحده وطبعا غزل تعير جوالها على الموعد لاجل مايفوتنا الوقت..يعني نتقابل الصباح والمغرب..
سمعنا صوت ضحك
جهاد: برنامج سخيف والي يتابعه اسخف
...شكلها السبه علي...
ـــــــــــــــــــــــــــــــــ
تعشينا وجلسنا شوي بعد العشى مع بعض
جلست جنب غزل وحنا نتكلم بصوت منخفض
غزل: شكله زوجك مهموم
جودي: اكيد دام اني على ذمته
غزل: انت اشفيك لا شكله زعلان من شي كايد
جودي:ههههه في شي اكثر من وجودي في حياته يضاقه
ناظرتني غزل شوي وبعدين تلكمت: انت الخبله الي مو قادره تكسبين قلبه
جودي: اشلون وهو كل عقله وفكره في خطيبته
غزل: حاولي لاتضيعين حياتك بنفسك
جودي: ما ادري بس كل ألي اعرفه انه بيزوجني واحد يخاف على لاني واثقه فيه وفي اخلاقه
غزل: سكتي والي يرحم والديك سكتي شو هـ العبط
ـــــــــــــــــــــــــــــــــ
انسدحت على الشيزلون وانا اشعر بضيق لاني زعلت غزل مني اعتقد مولازم اذكرها بالي سمعته من اخوها في ذيك الليليله..وقفت على طولي لمـ جات الساعه وحده وانا كل يوم ادق في هـ الوقف بس الحيزبون هي الي ترد وانا بسرعه اقفل الخط
:الو
جودي: هلا حياتي عمري هلا جود حبيبتي شلونك جود ليش ماتردين.وصرت ابكي واسمع صوت بكى جود
غيداء وهي تمسح دموعه:ههههههه انا غيداء مو جود جود جنبي بس آآآآآآآه نزاله الصوت صوتي وانتي ما عندك غير جود
جودي:هههههه حرام عليك غيداء والله كلكم واحد بس لاني اعرف جود هي الي تسهر
غيداء:هههههه لاتحاولي ترقعي عرفتك على حقيقتك
تكلمت وانا: غيداء ابوس رجولك سامحني والي يعافيك سامحيني
ما
غيداء وهي تقاطعني: جودي حياتي اسولف وياك اشفيك قلبتي جد
جودي: غيداء احبك اشتقتلك اشتقت لحضنك اشتقت لنصايحك اشتقتلك اشتقتلك وبست السماعه
غيداء:ههههههه كافي لصقت السماعه في اذني
جودي: هههههه احبك
غيداء: هههههههه والله وخربك ولد العز والدلال
جودي: لا عيوني انا اعرف للحب من قبل ما اخذه
غيداء:ههههههه يعني يعني حب وبوسات شكله الحبيب سهران مع اصحابه وانت اشتقتي لحد تتغزلين فيه فقلت خواتي اولى من الغريب
جودي: ههههههههههه والله انك سوالف
جود والي توها سكتت ومسحت دموع: خلاص كافي دوري
غيداء: جود لحظه بس دقايق
جودي: الا شلونها جود
غيداء: لمـ تكلميها ساليها الا بجد جودي انت مرتاحه مع جهاد
جودي: الحمدلله
غيداء: ما ادري احس العكس
جودي: ههههههه لا بالعكس نخرج ونتمشى وهو جد رومنسي
غيداء: ههههههه اكيد بيطلع رومنسي وهو كل الحلى فيه ماشاءالله عليه
جودي: ما كانك تتغزلين في زوجي
غيداء:هههههههههههههه والله ونغار
جود وهي تسحب السماعه: عطيتكم وجه زياده على اللزوم
جودي: هلااااااااا عيوني هلا بخلي هلا بروحي هلا بكل هلي هلا ببعدكبدي هلا بطوايف كلهم هلا بالجود هلا عشقي الازلي
جود: هههههههههه خلاص ارضيتم غرورنا
جودي: هههههههه انزين سمعيني كلمه حلوه
جود: انا من بعد جهاد ما عندي كافي هو يصبح عليك ويمسك بالحب والقبلات والـ
جودي: ههههههههه لا عيوني لا يا نظر عيني مالنا غنا عنكم
جود: جودي ما املك غير كلمت اشتقتـــــــلك..قالتها وعيونها تدمع
جود: تصدقين عرفت معنى هـ الكلمه لمـ غبتي عن عيوني كنا نرمي بكلمات مانعرف بحجمها بس الحين عرفت معنى كل كلمه
جودي: جود احبك صدقيني تعبت لمـ بعدت عنكم انتوا هلي انتوا انفاسي جود انا احب الدنيا هذه لانك فيها صدقيني جود انا اعرف معنى هـ الكلمه عدل تذكرين جود تذكرين يوم كنت انطق من ابوي وامك كنت اتالم بس من اشوفك انت وغيداء حوالي انسى كل الامي
جود: حبيبتي لاتقولين امك قول الشريره منيره القرده منيره الـ
جودي: جود حياتي هذه امك ما يصير تسبينها حرام بدتخلين في كبيره من الكبائر
جود: ههههههه سمعني تعرفين يش حنا مقاطعين اهل ابوي واهل امي
جودي: لا
جود: هذا ياستي رحنا زواج جارنا محمد وقابلنه وحده تعرف اهل امي
وخبرتنا بالحقيقه كامله
جودي: خبلتيبي شو الموضوع تحكي بسرعه
جود: ترجيني
جودي: الله يخليك
جود: لا اكثر
جودي: الله يخليك ويطول بعمرك ويدخلك الجنه تزوجين واحد يحبك ويموت عليك ويعلمك معنى الحب ويخليك تنامين وتصحين وهو يغنيلك بحبـــــــــــــك
جود وهي تتنفس بهدوء: خلاص كافي صدقت عمري
جودي وجود:هههههههههههههههههه
جود: سمعي هـ الخبر الي بجد خلاني ارفع راسي ياعمري رحنا الفرح وقابلنا وحده فالحرمه من شافت غيداء قالت انتي بنت عواض الــ قالت لها غيداء ايه وناظرتني وقالت اكيد هذه اختك قالت لها ايه قالت لـ غيداء تشبهين المرحومه مها الله يرحمه ويسكن روحها الجنه
غيداء: بس ياخاله منهي مها
الحرمه مهي مصدومه: امكن
غيداء: بس امنا اسمها منيره
الحرمه بصدمه: جزها الله خير انها ما حسستنك بغياب امكن
جود: وامنا منيره متى تزوجها ابوي
الحرمه: هذا الله يسلمكن اخت امكن الصغيره وهي كانت متزوجه وطلقها زوجها لانها ماتجيب عيال وجلست عند امكن
جود: شلون ماتت امنا مها
الحرمه: هي كانت حامل بالثالث وكانت قبل والده قيصري وهـ الكلام لمـ صار عمر بنتها وبنت طبينتها ثلاث سنوات وولدت بولد وهـ الشي الي خلاء ابوكن ينسى حلى وامكن كانت تحب حلى وكانوا مثل الخوات حتى انها تاثرت لمن ماتت وهذا الشي الي زاد من حزن ابوكن على موت حلى المهم ولدت امكن بالولد وجات اختها تزورها وهي مطلقه وعاشت عندكم وبعد ثلاث شهور رد ابوكن من العمل ولقى امكن معلقه بعمليتها على الباب وهي تنزف شكلها ما انتبهت للباب والعمليه رغم انها صار لها وقت عليها بس ماطابت لسوء التغذيه وسوء الحال..
جودي: والحيزبون منيره وين كانت واخونا وينه فيه
جود: هههههههه طلعي الي في خاطرك بس صدق حلوه هاي الحيزبون من وين لقطيها
جودي: ههههههه اشفيك كملي الحين حكايتك
جود: الحيزبون منيره سلمك الله كانت
غيداء: ههههههههههههه والله وعرفتوا تسمونها
جود: هذه جودي
جودي: كملي الحين وين كانت
تقول الحرمه يوم حققوا معها كانت في بيت جيراننا وهم شهدوا انها كانت عندهم وقفلوا القضيه وانا ما اعتقد انها بريئه
جودي: لا شلون هذه اختها ما اعتقد انه في وحده تقتل اختها وليش اصلا تقتلها مافي سبب
جود: لا في امي احلى وهي لا وامي عندها بنتين وهي لا وامي متزوجه وهي لا
جودي: يعني قصدك لاجل تاخذ ابونا
جود: عليك نور
جودي: لا ما اطن توصل لهـ الدرجه
جود وهي معصبه: لا توصل لهـ المستوى المتدني ولا انت ناسيه يوم دخل ابوي علينا سكران وهي تحرضه انه يغتصبك ناسيه شو كانت تقوله كانت تقوله وهي تاشر عليك هذه حلى زوجتك تذكرين ابوي شو سوافيك والله بهدلك بس الحمدلله قدرتي تشردين وتدخلين الحمام تذكرين ولا اذكرك تذكرين اشكثر نمتي في الحمام بسببها تذكرين
تكلمت وانا اجر صوت جر: كافي والي يعافيك كافي ما اريد اذكر كافي تطنين نسيت انا كنت على اعصابي عندكم كل ما غفت عيني حلمت بالموقف كل مارمشت عيني شفت ابوي وهو على حالته في ذيك الليله بس من جيت هنا نسيت السالفه عمرها ما خطرت ببالي وانت رديتي ذكرتيني فيها
جود: اسفه حبيبتي بس انت استفزيتيني
جودي: بس شو الحيزبون عرفت بالسالفه
جود: لا لانه غيداء قبلها حالمه بنفس الموقف الي صار عليك وهي من يوميتها والنوم ما تعرفه غير ساعات قلال
جودي: قفلوا على نفسكم الباب
جود: وهذا الي نسويه ولا نزيدك من الشعر بيت صرنا نخدم الحيزبون ونحسسها اننا بجد بناتها لاجل ما تعيد علينا المشهد الدامي
جودي: الا هي وينها
جود: خرجت مع ابوي تعرفين شغلتهم ومصايبهم
جودي: الله ياخذها هي الي خربت ابوي وجعع في قلبها
جودي: اوووووهه ما جاوبتيني اخونا وينه فيه
جود:بقفل شكلهم جاو
جودي: الو جود جود اف طيرتي عني النوم اخونا وينه ليته كان موجود ما كان هذا حالي.. وسكرت الخط وانا احس بثقل على قلبي قمت توضيت وصليت