[sona the moon]

ـــــــــــــــــــــــــــــــــ
الساعة عشر والبنات جالسات سوالف وضحك في الصاله الرئيسيه
غزل: الاصدق احس اننا نعيش مغامره
غزيل: وبكل فخر انا صاحبة الفكره
جهاد: أي مغامره واي فكره
وتقرب منهن بس البنات راحوله بسرعه
غزل: اشفيك تعبان صابك شي
غزيل: لا لا لاتقول الله يخليك احد صار له شي احد الله يخليك شو صار
طبعا هم قالو كذا لاجل جودي تشرد وتطلع جناحهم
جهاد: هيييي انت وهي انهبلتن انا قلت شي شكلي يقول صار شي كايد
غزل: لا بس شفناك جاي بدري قلنا اكيد صار شي
جهاد: لا ماصار شي بس جيت اخذ غرض وارد ثاني
غزل اشرت لـ غزيل والثانيه عرفت شو قصدها
غزل: اقول جهاد مرض الخبيث شلون يكتشفونه
جهاد باستغراب: ليش
..غزيل تركتهم لمـ شافت جهاد يمسك غزل ويجلسها..
غزل: لا بس اسال لانه احسه اصعب مرض يواجهه الانسان الله لا يبلانا ويحفض علينا صحدتنا ويديمها
جهاد وهو يبتسم: انت صاحيه ولا شاربه شي
غزل: هههههه لاصاحيه بس كنا نتفرج على برنامج في التعليميه وبصراحه شكلي اتاثرت
جهاد: اوب اوب اوب وصرنا نتابع برامج علميه شو صار
غزل: هذه من نصايح حرمكم المصون الي صدق وينها ماتبين لنا كم يوم ما نشوفها الي وقت الوجبات حتى لمـ ندق عليها الباب ماترد لهـ الكثر نوم
جهاد: اساليها
غزل: سالتها بس تقول انها تكون نايمه لاتكون حامل والله بعلم ماما
جهاد: شو تعلمين امي انت الثاني تطلعين الاشاعه وتصدقينها
غزل: انت شدرك يمكن تكون حامل وانت ما تدري خذها المستشفى ولا انت افحصها
جهاد وهو يوقف: اقول غزل تركي عنك اللقافه
غزل وهي تمسك يده: وين اجلس معاي طفشانه
جهاد: اجلسي مع بنت عمك الا وينها
غزل: ما ادري شكلها راحت بيتهم
جهاد: يحق لها طفشتيها بكلامك الفاضي
غزيل: ايه وانت صادق ماتعرف تسولف اختك كل مواضيعها مثل وجهها
جهاد: انت انا ابا اعرف امك وابوك ما يشتاقولك تلاقيهم ملو منك ورموك علينا
غزل: ههههههههههههههه
غزيل: اعرف انك غيران لاني محبوبه لدى الكل وانت لا
جهاد وهو يقلدها: لدى الكل مالت عليك انت وجهك
وتركهم وصعد بس سمع البنتين يضحكن
جهاد: انتوا هبلات ولا شو شو الي يضحكن
ابتسموا لبعض وهو تركهم وصعد
ـــــــــــــــــــــــــــــــــ
سويت عمري نايمه وانا انتفض من الخوف اشوه لحقت علي غزيل ولا كان مداني واقفه في الصاله..
دخل علي الحجرة وانا جلست بسرعة كرهت عمري المفروض اني مسوي نفسي نايمه.. تقدم مني وانا ازحف لورى لين اصطدمت باليد الشيزلون..
جاء وجلس جنبي وانا مذهوله هذا اشفيه حط يده على وجهي
جهاد: جهزي نفسك بوديك عند اهلك
انتفضت من الخوف يعني لو ارد الحين ابوي ماراح يرحمني هو مافكر فيني وانا عنده اشلون وانا متزوجه هذه شو يقول
جودي: انا انا ااا اعرف انك تكرهني وهذا من حقك بس بس والي يسلم عمرك ماتبين حطني في ملجئ حطني في أي مكان خاص بالنساء بس..ومسكت يده ابوسها له..بيت ابوي لاتردني والي يسلم عمرك
جهاد: لهـ الكثر تخافي من الضرب.. ما ردت على السوال.. يعني عادي عندها تنضرب بس فكرة انها ترد تعيش مع ابوها تحت سقف واحد هي الي مخوفتها...
جهاد: ما جاوبتين لهـ الكثر تخافي من الضرب
جودي.. بست راسه وخده ويده ونزلت ابوس رجوله: والي يسلم عمرك ماتبيني كيفك انت حر تبى الفكه من وجهي انا راضيه بس الله يخليك لاتوديني عند ابوي
جهاد: ليش
جودي.. حطيت راسي على رجوله يمكن يحن علي شو هـ الذل الي انا فيه ليش يبه ليش يا جود ذكرتيني بالي نسيته رفعت راسي اترجاه: الله يخليك الله يخليك اعتبرني خدامه اخدم عندك طلقني والله ماراح اقول لابوك بانك طلقتني بس الله يخليك لاتردني لابوي
جهاد: لهـ الكثر كارها حياة الفقر
مسكت يده اترجاه: انزين انت قلت بتزوجني اوكي زوجني سواقكم والله راضيه زوجني حارسكم الي في الهدى زوجني أي حد في الشارع راضيه بس الله يخليك الله يخليك لاتردني لابوي
جهاد: ليش
ما قدرت اتحمل اكثر وانا ينعاد قدامي المشهد الدامي الي صلحته منيره. انهرت بكيت جلست جنبه يمكن يعطف علي واحتضنت وجهه بيدين يمكن يشوف ضعفي يحن علي
جودي: الله يخليك يمكن تسببت في بعدك عن حبيبتك بس صدقني انا مستعده اروح اترجى ابوها ابوس رجوله بس الله يخليك لاتردني لابوي...انهارت قواي صوتي رافض انه يخرج يسمعه باقي خيارتي.. رخيت راسي رميت نفسي في حضنه يمكن يحس بضعفي
جهاد: انزين انا قلت بوديك بيت ابوك زياره ليش هالخوف
..ابتعدت راسي عن كتفه يعني ذليت عمري لاجل زياره بس الحمدلله هي زياره ياخوفي يضحك علي ويتركني عندهم..
جودي: بس تكون وياي وماتتركني عندهم واذا شفت سيارة ابوي نرد ماندخل
جهاد: اوب لهـ الكثر تخافين من ابوك
..مارديت شو يبين اقوله..
جهاد: على العموم انا جيت لاجل اخذك وتروحين تشترين هدايه لهلك وبعدين بنمرهم لانه عندي دوام في الفترة المسائيه
وقف ووقفني
جهاد: يالله عندك خمس دقايق على بال ماتجهزي
...بسرعه رحت حجرته وسكرت الباب ودخلت الحمام وغسلت وجهي ولبست تيور فيروزي وبدي فوشي وداخل عليه الفيروزي وبلوزه بيضه ورببط شريط فيروزي على رقبيتي وشبكت ورده فوشيه عليه وقفت قدام المرايا شفت وجهي وخشمي مورد حطيت قلوز وردي وبلشر وردي وكحلت عيوني من الداخل وسمعت دق على الباب
فتحت الباب ورديت خذيت مشط من درج التسريحه وخرجت
مشط شعري وفرقته بالنص وحطيت مشبكين (فيها كريستال لونه فيروزي) من فوق بحيث تمنع انه شعري يطيح على وجهي اوه تذكرت كل الاحداث الي صارت وانا ما نزلت ستارتي على قول غزيل..
جهاد: خلصتي
ناظرته بس ووووو والله انه عذاب لابس بلطلون رصاصي وتيشيرت ابيض: ايه
جهاد: اوكي لبسي عباتك شو تنتظرين
بسرعه دخلت خذيت عباتي وخرجت
جهاد: يعني ما بدلتي صندلك
..ناظرت لتحت واه فشلتاه كنت لابسه شبشب البيت وبسرعه دخلت وخذيت صندل ابيض وشنطه بيضه يعني اني اتكيت وشفت عطر على التسريحه خذيته وخرجت..
ـــــــــــــــــــــــــــــــــ
خساره من نزلت ماحصلت البنات شكلهن ينتظروني الحين ولا يدقون علي الباب بس لو يعرفون انا وين بيموتنون من الفضول
جهاد: نزلي ولاعجبتك جلست السيارة
نزلت ودخلنا الصيرفي ميغا مول
جهاد: شو تبين تاخذلهن
جودي: ما ادري
جهاد: اوكي تعالي انا بخترلك
... دخلنا بودي شوب وهو اختارلهن على كيفه.. وخرجنا ودخلنا محل ذهب واشترى تعليقه بسلسالها..
ـــــــــــــــــــــــــــــــــ
في السيارة
جودي: ممكن اعرف شو سبب الزياره
جهاد: غريبه اول مره اشوف وحده ماتبي تزور اهلها
جودي: بس انت عارف بالموضوع
جهاد: اوكي بنصلح بينكم
جودي: والي يسلم عمرك لو شفت سيارة ابوي ماندخل
جهاد: ليش يمكن رضى عنك
جودي: انزين انا انتوا ماشاءالله عليكم عندكم فلوس خذلي بيت في حارتنا يعني غرفه وحمام ومطبخ واجاره رخيص وحطني فيه وخبر اهلك اني تصالحت مع اهلي وانا اعتقد انه اجار هـ البيت ماراح ياثر عليك في شي اعتبرها صدقه فعل خير أي شي أي شي
جهاد: نزلي وصلنا
جودي: مابتتركني
..نزل جهاد وحول وفتح الباب..
جودي: اول شي اوعدني
جهاد: لاتجبريني اسحبك
جودي: بالاول اوعدني
جهاد وهو معصب: بتنزل ولا شلون
...نزلت وتمسكت في يده.. بس هو سحب يده بقوه..اف شكله مبيت النيه..طاح قلبي رد للسياره وناظرته بس لمـ شفته فتح الباب الوراني وخذ الاغراض ارتحت سكر الباب وضغط على زر الريمود وجاني عطاني زنبيل البنات وانا اخذتها..
دق على الباب
منيره: منو
جهاد: انا جهاد نسيبكم
فتحت منيره له الباب
منيره: اتفضل
دخل ودخلت وراه وانا ادس الاغراض وراى
مديت يدي لها بس طنشتني قلعه تقلعك كنت محترمتك على بالي ام خواتي..
خليناها تتقدمنا وانا بسرعه حطيت الاغراض في الحوش الي من جنب البيت ورديت بسرعه مسكت في ذراع جهاد
دخلنا مجلس الرجال وانا احس بانه امس هو اليوم الي انضربت فيه
كشفت وجهي
منيره وهي تاشر:تفضل
جلس جهاد وجلست جنبه
راحت منيره
جهاد: ليش حطيتي الاغراض هناك
جودي: بعدين بعلمك
قلتها وانا اشك في انه بيردني البيت
جهاد: روحي سلمي على خواتك
جودي: انزين بس
جهاد: بس شو
جودي: لا ولاشي
وقفت ورحت للبنات وهن انصدمن بوجودي
جود: وووووووووو ا القمر هنا
حضنتها: تصديقن عاد
غيداء: ههههههه
شفنا منيره خارجه من المطبخ ومعاه كاسة عصير
غيداء: بسرعه روحي الحقي على زوجك
جودي: على العموم انت روحو للحوش بتلاقوا شي بسيط وهو ذوق جهاد
غيداء وهي تدفني: روحي الحين
دخلت ولقيت العصير في يد جهاد بش شكله ماشرب منه شي
جلست جنبه بحيث اكون لاصقه فيه وكل غايتي انه العصير ينكب..بس هو ماسك الكوب عدل ما انكب شي ناظرني بمعنى وبعدين معاك عطيتك وجه زياده على اللزوم
جودي: جهاد حبيبي اعطيني اشرب عصير
وسحبته منه بالقوه بس شو هـ العصير الي مو راضي ينكب
منيره: جودي يالخنزيره شو قلت الادب هذه تبين روحي المطبخ خذيلك
جودي: لا مشكروه بس حنا متعودين نشرب حق بعض
وذقته شوي ورديته على اساس انه ماراح يشرب بس فاجئني لمـ خذا الكلاس ثاني مره
سحبته منه..وجع شو هـ المشروب كم مره ولا اتكب يعني لمـ مانريد انه يتكب يتكب ولمـ نريد انه ينسكب ما ينسكب
منيره: يالخنزيره ووجع ان شاءالله روحي خذيلك واحد من المطبخ
جودي: لا انا اريد هذا
منيره: انزين شربيه
..اضطريت اني اشربه كله..
وقفت منيره شكلها بتروح تجيب ثاني
جهاد: شو هـ المصخره الي انتي تسوينها
جودي: اقول يالله مشينا
جهاد: باقي ماسولفنا
جودي: والي يسلم عمرك ابوس رجولك اذا كانت فكرة انك تخليني خلاص روح توكل وصدقني بدعيلك طال ما انا عايشه واشكرك من كل قلبي على وقوفك جنبي يوم ذبحني ابوي..كنت اتكلم وانا اسحبه وهو قف معاي
وصلنا لباب الشارع
ابتسمت رغم الالم الي فيني: شكرا جهاد ووصل سلامي وشكري للكل
منيره: على وين
جهاد: مشكور خالتي بس عندي شغل ومضطر اني اروح
تركت يده وانا اجر وراي اذيل الاسى والمصير المجهول
جهاد ناظرني: روحي هاتي شنطتك لاجل نروح ولا عاجبتك الجلسه هنا
جودي: تعال معاي
جهاد: روحي وانا بنتظرك
دخلت بسرعه وخذيت شنطتي والحيزبون شوي وبتاكلني
جهاد: شوي شوي على عمرك
مارديت عليه غطيت وجهي وخرجت قبله
جهاد وهي يقفل باب سيارته:خارجه قبلي يعني
مارديت وانا احس بالامل يدب فيني من جديد
جهاد: ليش ماخليتيني اشرب العصير
جودي: هااا
جهاد وهو معصب: العصير ليش ما خليتيني اشربه
جودي: احسه مايناسب ذوقك
جهاد: لا والله من متى تعرفين الي يناسب ذوقي ولا لا
...اصلا بديت احس بدوخه واحس بكتمه ومادريت شو صارلي..
ـــــــــــــــــــــــــــــــــ
جهاد: هلا عبدالله
عبدالله: ياخي خوفتني شو السالفه
جهاد: البارح كنت بدق على عناد وسمعت زوجتي تتلكم من التلفون الثاني وهي سالت عن ابوها وزوجته فردت اختها بانهم راحوا لشغلهم ومصايبهم بس انا شكيت في الموضوع ما ادري كل الي فكرة فيه هي اني ازور هـ العائله الغريبه.. قلت لها روحي سلمي على خواتك وهي كانت بتقول شي بس في الاخير قامت وراحت ودقايق وهي داخله يعني وحده لها ثلاث شهور ما تقابل خواتها ولا تموت فيهن بس تتركهن وترد تجلس عندي المهم سحبت العصير من يدي بحجت انها بتشربه بس هي ذاقت منه وردته بس انا رديت خذيته وهي ردت سحبته مني وكل هذا وزوجة ابوها تسبها واخر شي زوجة ابوها قالت لها اشربيه وهي حسيت انها انجبرت وما كان عندها خيرا الا انها تشربه وشربته ووقفت زوجة ابوها وراحت بس سحبتني وخرجنا وفي السياره كنا نسولف واحس انه لسانه ثقل ومو واعيه بالي تقوله وجبتها لهنا طلعت في نبسه من الكوكاين في التحاليل
عبدالله: وهي شو اخبارها
جهاد: الحمدلله بخير بس انتظر انها تفوق وباخذها البيت
عبدالله: يعني من كلامك انه ابوها وزوجته ممكن يكونو مروجين
جهاد: اكيد
عبدالله: شو هـ العائله ولا الوالد تباني اخذ منهن والله انهن مايشرفوا
جهاد وهو يتذكر: تصدق يعني يوم اجبرني ابوها على الضيافه كان ناوي انه يسقيني من هـ الزفت وظهرت بنته لي وخربت عليه كل مخططه
عبدالله: وانت شو ناوي تعلم بتعلم ابوك
جهاد: الحين لا بس من نمسك ابوها وزوجته اكيد بخبره وبطلقها وساعتها بيكون راضي
عبدالله: يكون احسن
جهاد: بس لاتعلم عناد بيخرب كل مخططاتي وتعرفه قلبه رهيف بيقعد يزن على راسي وهي ضعيفه وشو ذنبها
عبدالله: صدق شو ذنبها
جهاد: انزين خذ اختها وانا بخلي هذه على ذمتي
عبدالله: لاعيوني انت متورط وتبي تورطني
ـــــــــــــــــــــــــــــــــ
جود: اما اختك هذه خبله
غيداء: بس تصدقين هي ولا هو يعني هي مايمديها ترد اذا فاقت بس هو ممكن يرد ويعجبه الحال
جود: بس تتوقعين هـ الحيزبون حطت لهم شي
غيداء: احتمال
جود:ههههه اما جودي شفتيها لمـ كانت لاصقه فيه وهو منحرج
غيداء:هههههه بصراحه حسيت باحراج
جود: هههههه انا اتوقع انه عادي عندهم هالمشهد ولاجل كذا تعودت عليه
غيداء: ههههههه ايه وانت صادقه مانشوف هـ الحيزبون الي وهي خلقها ضايع عمرها ما ابتسمت لابوي
جود:ههههههه
ـــــــــــــــــــــــــــــــــ