السلام عليكم
شلونكم مصوراتنا .. ؟
أو طالباتنا .. بما إنه امتحانات ^^
شلونكم مع الدراسه .؟ 
هني نحط جو الدراسه ..
يعني المكان المفضل للدراسه ..؟ 
أغراض الدراسه .. من كتب و أقلام و نسكفيه .. >> ما اسويها ..
أنا ببدا بمكان دراستي .. و أغراضي إللي أستخدمها .. 
و انتو بعد نفس الشي .. 
و قولوا لنا وين المكان المُفضل عندكم ..؟ 
و صورولنا ياه على طبيعته ، يعني و انتي بعز الدراسه اخذي كامرتج و صوري:031:
خنشوف مرتبه و لا حووسه .. :g36:
كل سنة لي مكان أدرس فيه ..
غالبًا غرفتي ..
أول كنت أحب أدرس على فراشي ..
لكن هونت .. لأنه كله أتثاوب ..
بس مرات وقت المراجعه قبل لا أنام ، أييب تلخيصي و أقعد أقرا على ليت الأبجوره ..
و مرات أدرس على المكتب بداري .. بس من زمااان ما سويتها ..
مادري أحب أتمدد و أنا أقرا .. مو شرط على فراش عادي حتى لو كرسيين و أمد ريلي على واحد ..
و مرات أدرس بالصالة .. بس لما تكون فااضيه ..
و السنة إللي فاتت أول مره أدرس بالمطبخ !
بس كان مطبخنا يديد ، و كان المطبخ الداخلي مو مال الطباخ و الشغل ..
و بداية السنه .. صرت أدرس على طاولت الأكل ..
لأنها طوويله و تكفي كل أغراضي ..
و هالسنة .. أدرس بمكتب أبوي ..
هالصورة كانت لآخر ماده ..
و أبي أخلص دراستها امبجر ..
و لا خلق ألون و أخطط و ألخص صفحة صفحة ..
كنت بس قلمي بو أربع ألوان " الجاف " .. أخطط بالأحمر ..
و الشي المهم أكتبه بالدفتر الطويل ..
أما الدفتر المفتوح .. هو مال المحاضرات و أقرا النقاط اللي كتبتها مع الدكتور ..
و هني .. كتابي و دفاتري من برره ..
لاحظو رسمة الكتاب عاجبتني .. ^^
عاد فرق بين رسمه الكتاب و البريئين إللي يمه بالدفتر :018:
غلاف الكتاب .. بين كل رسمه و الثانيه سهم ..
أول شي المجرم عنده أداة الجريمه : مسدس
يتدرب عليه : النيشان
يصوّب على الضحيه : صورة واحد مصاب
يحللون الجثه : جمجمة
يشوفون البصمات : بصمة
يصيدون المجرم : كلبشات
:g36:
آخ لو متمحنيني بالغلاف :018:
و هني .. كنت أدرس مادة إحصاء ..
بس صورت بطريقة ثانيه .. :21_2:
ترا بالصورتين مو خطي .. ^^؛
دوركم .. :040:
Ξ w,vdgkh << [, hg]vhsm > > > 【ツ
الموضوع الأصلي :
Ξ صوريلنا ,, جو الدراسة . . . 【ツ
||
القسم :
"الأرشيف" مغلق
||
المصدر :
منتديات بنات دوت كوم
||
كاتبة الموضوع :
Ms.KuwaiT