ياحيبي ليه ياعمري تخون
ليه تغدر بي وأنا وافي معاك
دامك أنت اللي على عمري تمون
ولوتبي عمري ترى عمري فداك
ودامك أغلى عندي من ضي العيون
ودامك أغلى عندي من هذا وذاك
كيف تهديني من كفوفك طعون
كيف ترميني على درب الهلاك
كيف حب سنين في عينك يهون
كيف تنسى قلب ماعمره نساك
كنت أظنك يابعد عمري حنون
وكنت أظنك صادق لي في غلاك
وكنت أظنك يابعد عمري تصون
قلبي اللي فز من صدري وجاك
ياخساره غرتك ذيك الظنون
وغرك العاذل وعن حبي عماك
ماأصدق أنت ياعمري تخون
ياخساره بعت في قلب شراك