استفسارت تخص مشاكل الشعر مع حلولها ..
الشعر نصف جمال المراءه
آنت تغسلي وجهك كل يوم وحتما تعريفن مدي تراكم الأوساخ عليه تذكري آن شعرك يمر بنفس الأماكن التي مر بها وجهك تتخيلين كم من الأوساخ تراكم عليه, متي ما حسيتي شعرك مدهن غسليه بصرف النضرعن الأيام
1-عاملي شعرك بدلال وليونه ( ترا الجفاسه شينه بكل شئ ) تعاملين شعرك بقسوه كاستعمال البكلات والاربطه المطاطيه والاطواق آو الأمشاط والفرش حاده الأسنان
( شوي شوي علي شعرك) استعملي بكلات واربطه ناعمة.
2-استعملي شامبو يناسب نوع شعرك جدا مهمة هذي النقطة ( إذا كان شعرك مثلا جاف ائو عادي واستعملتي شمبو للشعر الدهني قولي علي شعرك السلام بيكسرلك الشعرة)
3-تذكرت لما تغسلين شعرك لا تخلين المنشفة تطول علي شعرك.
4-قصي أطراف شعرك كل شهرين مره .
5-لا تستخدمي أحد ما تعرفينه يمكن يكون فيه مرض يعديك لا سمح الله.
6-غطي شعرك إذا كنت بتسيحين في البحر او مسبح به كلور.
7- إذا كنتي تستعملين أدوات التصفيف الحرارية ( سشوار- المكر الكهربائي) لازم تعملي حمامة زيت للشعر اسبوعيه.
واللي تبي أي استفسار عن أنواع حمامات الزيت للشعر آو طريقة استعمالها آنا حاضرة لأي سوأ أل.
3- لا تمشطين شعرك وهو مبلول بعف بعدين يسير الشعر ضعيف و مطاطي .
4-إذا كان فيك قشره في الشعرلا تحكين شعرك لانه يزيد القشرة وينشط الغدد الدهنيه.
5-اعملي تدليك لشعرك أثناء غسيله بالشامبو. وممكن أدلك علي افضل المنتجات الممتازة الخاصة لتدليك الشعر.
تذكرت شئ جدا مهم لا تغسلين شعرك بماء حار
*************************
برنامج للعنايه بالشعر المتقصف والمحروق ..
اليووم راح اقوولكم عن بدايه البرنامج مالي لكن قبلها خليني اوصف لكم حالت شعري للخوات الي اول مره تقرى الموضوع ..حالت شعري كان محروق متقصف باهت يتقطع بسرعه..وما يطول يوصل لحد معين يوقف وطبعا خفيف واطرافه متشعبه..وطبعا يا خواتي هذا كله بفضل الصبغه وما ادراك ما الصبغه اختكم وجدان كانت مولعه بشى اسمه صبغ وما ادركت مضارها الا بعد فوات الاوان...ولله الحمد وحده قدرت توصلني للحرمه بعد معانات ويوم رحت لها قالت انا حاليا ما اقدر اعطيج الخلطه مالتي لانج بصراحه ماراح تستفيدين منها بشكل جيد لكن راح امشيج اول على برنامج معين اذا كان عندج صبر راح توصلين للنتيجه المرجو وخاصه انه شعرج محتااج عناايه مكثفه حيل قلت لها انشالله من عيوني بس شعري يكون في احس حال وعطتني برنامج مشيت عليه بحذافيره..
مدت البرنامج شهر مقسوم الي اسبوعين راح تييني بنص الشهر وباخر الشهر حتى اشوف النتيجه
لكن قبل لا تبدين البرنامج لازم تروحين الصالون ومعاج مقص خاص فيج وتروحين عند وحده تكون معروفه بالنسبه لج انها تقص عدل..وتعطينها المقص وقولي لها قبل انها تقص شعرج تذكر الرحمن وتقص لج الاطراف المتشعبه والمتقصفه.
البرنامج هو :-
مدة البرنامج شهر مقسوم الي قسمين....الزيوت المطلوبه هو زيت الخروع وزيت الزيتوون ... قومي في اول اسبوعين بتنقيع شعرج بزيت الخورع فقط وتاكدي اختي انه (الزيت الخروع الاصلي) وليس التقليد وكلمت تنقيع تعني انه شعرج يتغطي بالزيت من فورة الراس الي الاطراف كل ثلااث ايام اعملي حمام زيت عباره عن (ميونيز + روب+ زيده اس ) يترك حمام الزيت على الشعر لمده طويله مع مراعات تغطيته بكيس ولف الكيس بفوطه مبلله بماء ساخن
وطبعا رحت لها بعد اسبوعين وعطتني البرنامج الثاني الي هو زيت خورع مع زيت الزيتون الاسبوعين الاخرين قومي بدمج زيت الخورع بزيت الزيتون..واذا حابه ان تضعي زيت الجوز الهند فلا باس المهم وقومي بتنقيع شعرج بهذي الزيت كما فعلتي باول اسبوعين وكل ثلاث ايام قومي بعمل حمام زيت لشعرج ...
وما انكر عليكم خواتي حسيت انه شعري بدى يتقبل البنامج وصارت حالته وايد حلوه واللون الباهت بدى يتلااشه ..وهذا الشي عطاني عزيمه اني اكمل باقي البرنامج وقلت اذا بدايتها جذي فرااح تكون ختامها مسك .
مع مراعات خواتي بعض الامور وهي كالتالي :-
1- غسل شعرج فقط بشامبو طولت الشهر.
2- عدم تمشيط الشعر وهو مبلل بل تركه ينشف لمدة ساعه
3- تدليل يومي لفروة الشعر وهذا مهم جدا
4-عدم الاهمال في عمل حمامات الزيت لانها مفيده للشعر
5- عند النوم حاولي ان تمشطي شعرج بكل الاتجاهات ويفضل بل يستحب جدا انج بعد التمشيط تمشطين شعرج الي الامام وتلمين على شكل كبه وفي الصباح قومي بفكها
6- استعمال شامبو جيد لشعرج ..... ولا تستعملي حمات الزيت الصناعيه بالفتره هذي
7- تجنبي استعمال الاستشوااار لشعرج بالفتره هذي...والاسبرين .
خواتي اليكم باقي القصه
بعد الفتره الي طافت رحت لها وانا بصرااحه مستانسه لاني بصرااحه لااحظت التغير بشعري وقلت اذا هذي البدايه انشالله تكون نهايتها مسك واول ماشافت شعري قالت لي الحين بعد ما تغذي شعرج بالزيت اقدر اقولج انج ممكن الحين تبدين المرحله هذي
وهي الحنه فعطتني حنه ( حنه يمنيه اصليه ) وعطتني وياها ورقه مكتوب فيها الخلطه الي بضيفها للحنه واليكم الخلطه
((( حنه يمنيه (تاكدي انها اصليه وغير مخلوطه بحنه اخرى) + زبادي + بيض + زبده +ثلاث ملاعق خل التفاح+ثلاث ملااعق عسل+فص واحد ثوم + ماء حار نسبيا )))
يتم خلط الخليط جيدا وبعد ثالك يترك لمده 30 دقيقه او 45 دقيقه وبعد ذلك قولي بتقسم الشعر الي قسمين او اربع اقساب حسب استطاعتج وابدئي بوضع الحنه من الجذور بتدليك الفروه بها قسم قسم الي ان تصل الي الاطرااف وعند الانتهاء من قسم قومي بلفه على شكل كبه صغيره وهكذا واتركيه على شعرك اربع ساعات او خمسه اذا كان شعرج كثيف .
هذي الطريقه قالت لي استعملها كل ثلاث ايام اقوم بعمل هذي الخلطه.
ملاااااحظه :- عندما تقومي بغسل شعرك من الحناء بالشامبو قومي بتنقيعه بالزيت
(زيت الخروع +زين زيتون+زيت جوز الهند+زيت السمسم+زيت الثوم+قليل من زيت الصبار) .... وبعد يومين اي قبل وضع الحنه على شعرك بيوم اعملي حمام زيت لشعرج بالطريقه هذي (ميونيز + زبادي + زبده + ملعقة عسل ) ضعيه على شعرك لمدة ساعتين او ثلاث مع مراعات تغطيه الراس بكيس وتغطية الكيس بفووطه دافئه
قعدت على الحال هذي لمدت شهر وما اخبي عليكم بصرااحه شعري استجااب للعلااااج بصوره رهيبه
وبعد شهر الي هو موعدي وياها شافتني قالت لي حلو استمري على الحال هذااا بس الحين بدال ما كان كل ثلااث ايام خليها كل اسبوع مره سوي حنه واليوم الي بعده سوي حمام زيت بالطريقه الي فوق واليوم الي بعده نقعي شعرج زيت يعني بس ثلااث ايام بالاسبوع راح تكون فيها العنايه والايام الباقيه حاولي انج تهتمين فيه بالتدليك ( بالنسبه لي انا كنت انقع شعري باقي الاسبوع بالزيت ) وتعالي بعد شهر
وبعد شهر ييت لها بصراحه شعري كان روعه وملمسه ناعم حيل وشكله صحي بالمره وطوله زايد عن المعدل قالت الحين شعرج ولله الحمد تعالج من اثار الصبغه وعدم الاهتمام والمبالاه ومن التقصف..
والحين بعطيج خلطه هي عباره عن حنه فيها اعشاب اييبها من بره هذي الاعشاب تساعد نمو شعرج وتحافظ عليها وتقوى حبة شعرج ومن يومها وانا استمر علىالخلطه هذي وبصرااحه الي يومكم هذا انا قاعده اعتني بشعري بشكل مكثف زيوت وحمام زيت وحنه وخلطه ولله الحمد شعري بعد ماكان قصير متنتف باهت خفيف متقصف معلق ما يطول بالمره محروق من الصبغه اصبح ولله الحمد ناعم طويل طويييييييييييييل و لونه جميل صحي جدا جدا جدا ماشاء الله
هذي رحلتي مع شعري والحمد لله واذا تبونها نصيحه مني لا تصبغين شعرج لانج وقتها قاعده تقتلين شعرج بيدج واذا بغيتي انج تكتسبين اي لون خليها عن طريق الحنه