[ღ ريـــآنة آلــعووود ღ]

أهلين زهرة البراري

الكذب وسيلة للوصول إلى الهدف الغير شريف .. عشان كذا الناس اللي إيمانها ضعيف تكذب لأنها ماتخاف من ربها ولاتحسب له حساب ..

وصدقيني حبيبتي .. اللي يكذب في النت .. يعني لسانه متعود على الكذب برا النت ..

ولكن .. كذب عن كذب .. يفرررق ..

مثلا .. دخلت أنا دردشه .. وحبيت أوسع صدري وأسولف مع خلق الله .. وأشووف تفكير الأشخاص اللي قدامي كيف .. وعشان ماأتعرض لمضايقات من الشباب .. أدخل بإسم ولد .. وبالتالي أتكلم وأسولف كأني ولد .. ومحد معطيني وجه لأنهم يحسبوني ولد وهذا اللي أنا أبيه ههههههههههه ..

وشي ثاني .. أنا الحمدلله عندي لغة انجليزية .. وعشان أبي أمارسها ولاأبي أنساها .. أدخل دردشة أمريكيه وأسوولف مع خلق الله طبعا على أساس إني أمريكيه مثلهم .. لأنهم لو عرفوا إني عربيه .. مسلمه .. وفوق كل هذا .. سعوديه .. بيقضبوني الباب وبيصكوني باند كبر راسي هههههههههههه ..

أما إني أكذب كذب عينك عينك .. وأقول أنا عندي وعندي وبالواقع ماعندي .. طبعا مستحيل هالشي يطلع مني والحمدلله .. لأني أعتبر النت عالم واقعي .. وأعتبر الأشخاص اللي أحادثهم على النت .. جالسين معي بنفس المكان .. عشان كذا ماأقدر ولاأعرف أكذب ..

وعشان ماتنصدمين في ناس تعرفتي عليهم من النت .. خلي علاقتك معهم سطحيه جدا .. لأنك صعبه تثقين فيهم بسهوله وسرررعه .. والثقه تصعب علينا نعطيها ناس مقابلينهم بالواقع 24 ساعه .. وش عاد نعطيها ناس مانعرفهم ولانعرف شي عنهم أبد .. وماندري إذا المعلومات اللي عطونا إياها عن نفسهم صحيحه أو لا .. ! ! !

وأغلب الناس يكذبون بالنت لأنهم يدخلونه أصلا لمجرد توسيع صدورهم والوناسه لاأكثر .. ولأنهم إذا كذبوا .. راح يكذبون على ناس مايعرفونهم .. واللي مايعرفك مايثمنك ...

ولكن الله سبحانه وتعالى موجووود فكل وقت وفكل مكان ..

قال تعالى : (( مايلفظ من قول إلا لديه رقيب عتيد ))

وفيه ناس يتهاونون ويعتبرون الكذب مو كذب بحجة إنهم في النت ومحد بيعرفهم .. ناسين إن الله سبحانه وتعالى موجووود ويراقبهم .. ويراقب كل خطوه يسوونها ..

ومهما طال حبل الكذب يظل قصير ..

واعذريني على الإطاله لكن موضوعك هذا أعجبني كثير .. وتسلمين لي عليه ..