البارت الخامس
طلعت سديم من الحمام (( الله يعزكم ))
سديم بابتسامه ..سالم شنو فيك
سالم وعيونه يطاير منه الشر ابد سلامتك يامدام شوفي هذا وتعرفين شنو فيني.
حذف عليها الكرت وطلع من الغرفه ومن المستشفى بكبرة
سديم خذت الكرت وقراءت اللى مكتوب فيه
سديم وهى تبجي .. حسبي الله عليك يامنصور الله ينتقم منك الله لايوفقك
وصل سالم البيت
ام سالم .. يمه سالم شفيك موعلى بعضك
سالم .. ابد سلامتك مافيني شي
ام سالم بشك .. سديم فيها شى
سالمفى خاطرها (( سديم اظاهرة يايمه موبس انا اللى من غش فيها حتى انتي)) ابد سلامتك يمه مافيه الا العافيه
ام سالم .. الحمد الله اطمنتنى الله يطمنك وياليت لو تاخذني لها بكرة الصبح
سالم .. لا يمه هي بكرة بتطلع من المستشفى ان شاء الله
ام سالم .. اجل بمر عليها بكرة فى البيت
سالم .. براحتك يمه يالله ان استاْذن تصبحين على خير
ام سالم .. وانت من اهله
طلع سالم غرفته ودخل الحمام (( الله يكرمكم )) وخذله دش وطلع من الحمام حط راسه على المخدة حاول ينام بس النوم جفاه ويفكر بسديم وليه العبت عليه تذكر كلمتها له حبيبي ويوم طلب منهاانها تعيدة قالت تطلع عفويه احسن فى خاطرها مالت عليك قالت تطلع عفويه احسن
سديم جفاه نوم ظلت طول الليل تفكر بحياة مع سالم وتدعي على منصور ودها تعرف ليه سوا فيها كذا
دام هو مايحبها ليه يبي يخرب حياتها مع سالم
اليوم الثاني فى المستشفى
الدكتور .. الحمد الله صحتك صارت احسن وراح اكتبلك خروج
سديم .. مشكور
الدكتور .. العفو
طلع الدكتور عن سديم
اتصلت سديم بامها تخبرها
سديم .. الو هلا يمه
ام متعب .بخوف .. هلا حبيبتي فيج شى تعبان يمه
سديم بضحك.. ههه لا يمه سم الله عليج اشفيك تخرعتي
حبيت اقولك ان بطلع اليوم ياليت تمرين تاخذيني
ام متعب.. الحمد الله ليه وين سالم
سديم ارتبكت .. ها سالم يمه عنده شغل
ام متعب .. خلاص الحين امر عليك
سديم .. اوكى باي
ام متعب .. الحمد لله وشكر الناس تقول مع السلامه وانتو عيال هالوقت طيحلنا باي
سديم .. ولايهمك مع السلامه
ام متعب .. مع السلامه
سكرت ام متعب من سديم
وراحت تقول لمتعب
ام متعب .. متعب يمه اختك بتطلع اليوم
متعب .. الحمد الله على سلامتها متى بتطلع
ام متعب .. الحين قوم شغل سيارتك
متعب ياشر على خشمه .. على الخشم
فى الشركه عندسالم
سالم .. يبه بعد اذنك بطلع ساعه
ابو سالم .. ليه عسى ماشر
سالم .. ماشر يبه بس سديم بيرخصونها اليوم وبروح اخذها
ابو سالم .. روح ياولدى ولاترجع وقول لسديم انى مسويلها حفله صغيرة بكرة
سالم .. ان شاء الله يبه
طلع سالم من الشركه
وراح المستشفى
سديم .. كانت تنتظر امها
تفكر بصوت عالي
ياربي كيف اراضى سالم وقوله انى اللى صار مالى دخل وعلاقتى بمنصور كله من الماضى وحب مراهقه
سالم اللى كان تطول الوقت واقف عن الباب
سالم .. السلام عليكم
سديم اللى انصدمت منه وتوقعته زعلان بعد اللى صار امس ومن هول الصدمه ماردت ..........
سالم .. سديم فيك شى
سديم .. ابد سلامتك مافيني شي
سالم .. طيب يالله قومي الدكتور عطاني اذن للخروج
سديم .. بس انا قلت لامي وهى بتجي تاخذنى
سالم بعصبيه .. ليه ان شاء الله مو انا قيلك امس انى بجي اخذك
سديم بخوف .. بس ماتوقعتك تجي بعد اللي صار امس
سالم بعصبيه زايده.. قصدك انت مالك عين تراونى وجهك بعد اللي قريته امس
ومسويتلي فيها انى استحي لو قلتك حبيبتى قالك شريفه مكه بس انا بعرف شلون اربيك ويكون بعلمك الزوج بعد شهر
سديم بجت .. سالم حرام عليك تظلمنى انت لازم تسمعنى وبعدين احكم وسو اللي تبيه
سالم .. مايهمنى اللى بتقولينه لانه كلاللى بتقولينه كذب
ويالله الحين امشى قدامي
سديم وهى ميته من البجي.. بس ام............قاطعها
سالم .. انا بكلم عمتى وبقولها
طلع سالم وطلعت سديم وراه
سالم .. صحيح نسيت اقولك بكرة ابوي مسويلك حفله عندنا فى البيت حسباله انك شريفه مكه
سديم ظلت تبجي وماردت عليه .............
فىبيت ام منصور
ريم .. منصور مالك نيه على الزواج
منصور .. لا مراح التزوج الا بعد من اكمل دراستى وملاك مثل
ريم .. اها الله يوفقكم
منصور .. اللهم امين وانتى مستعدة حق بعد بكرة
ريم اللى انقلب وجهها اشارة مرور... ايه
منصور بقهقه ....... هههههههههههههه مايصلح خالتى ريم مستحيه
ريم وهى تحذف عليه المخدة اللى جنبها .. ليه شايفني قليله ادب
منصور .. لا ابد مو هذا القصد
ريم .. اجل
منصو.. ولاشى يالله انا استاذن
ريم .. اذنك معك
اليوم الثاني
فى بيت ابو سالم
نورة .. يمه خلاص كل شى جاهز
ام سالم .. يعطيك الف عافيه
نورة .. الله يعافيك يمه الا وين سالم
سالم .. كاني وصلت
نورة .. معلوم لازم تكون اليوم موجود فى البيت وموسديم على وصول
سالم تغيرت ملامح وجهه ومارد
نورة .. سالم فيك شى
سالم بسرحان .. ها لا مافيني شى
نوره ..ههههههههه وين وصلت
ام سالم .. نوره بس خلاص يوزي عن اخوج
سالم .. فديت امى ادافع عني
نورة .. تشاو
سالم ..تشااااو
نوره وهي طالعه من الغرفه سمعت صوت الجرس
نوره .. ياهلا ويامسهلا حيا الله من جاء
ام متعب وسديم .. الله يحيك ويبقيك
نوره شلونك خالتى ان شاء الله بخير
ام متعب .. بخير حبيبتى انتى شلونك
نوره .. تمام شخبارك سديم
سديم بابتسامه حزينه.. بخير انتى اخبارك
نورة .. تمام عال العال
سديم .. دوم ان شاء
نوره .. يدوم غاليك ومغليك
سديم .. تسلمين
ام سالم .. ان شاء الله احسن سديم يمه الحين
سديم بخير يمه انتى بشريني عنك
ام سالم الحمد الله
سالم .. السلام عليكم
الكل .. وعليكم السلام ورحمه الله وبركاته
تقدم سالم من ام متعي وحبها على راسها . شخبارك ياخاله
ام متعب .. جعلك تبوس الكعبه بخير يمه
تقدم سالم من سديم وبحركه جريئه منه باسه على خدة شلونك حبيبيتى
سديم وهى منزله راسها بالارض بخير
جلس سالم بنفس الكر سى اللى جاسه عليه سديم
سالم قرص يدها ..وبهمس لاتحسبيني اني نسيت اللى صار بس هذا مظاهر قدام الناس
سديم بغصه .. ادري
نوره شعندكم تتهامسون
سالم .. مفينا شى زوج ومشتاقه لزوجه فيها شى يعني
نوره .. لا خذو راحتكم
سالم .. عن اذنكم انا طالع عند عمي ومتعب والوالد
الكل ماعدا سديم اذنك معك
قعدوا يسلفون بسوالف عاديه وبعد العشى
طلعت سديم للحديقه بدون ماحد ينتبهلها
جلست سديم فى الحديقه
تفكر بحالها واللي قاعد يصير وشلون بتصير حياتها مع سالم وحنان سالم معها وحوبه لها وحاله اللي انقلب فجئه بعد ماقرا المكتوب بالكرت والزواج اللى قدمه لحد مابجت
سالم الى كان طالع من المجلس سمع صوت احد يبجي وتتبع الصوت لحد مشافه متكورة على نفسها وتبجي
سالم بحنان .. سديم شنو فيك شي يالمك
سديم لما اللمست الحنان بصوته زاد بجيها
سالم .. حبيبتى شنو فيك
سديم .. رفعت راسها وطاحت عينها بعين سالم شافت الخوف بعيونه
سالم تخبل على شكلها وفى خاطره حتى وهي تبجي تهبل هذى اللى بتخبل فيني
سالم .. نزل بنفس مستواها سدومه شنوفيك ومسح راسها
وخربط لها شعرها
سديم بصوت رايح من البجي ..سالم ممكن تسمعني
سالم .. قولي حبيبتي
سديم .. والله مافي شي بيني وبين منصور وكل اللى كان حب مراهقه والحين مافى شى بيني وبينه
سالم .. ادري انا سمعت اللي قلتيه يوم كنتى تفكرين امس فى المستشفى
سديم .. اجل ليه تعاملنى كذا
سالم .. حبيت العب بعصابك شوي
سديم .. سخيف
سالم .. هههههههههه وضمها لصدرة لاتصدقين الكلام اللي قلته لج فى المجلس
سديم .. ان شاء الله حبيبي
سالم .. صدق انا حبيبك
سديم بقولك شى بس مابيك تزعل
سالم .. مراح ازعل
سديم .. اول ماخطبتنى كنت رافضه بس بصرار من ابوى وافقت وبعدها حلفت انى اعذبك واقلب حياتك فوق تحت
سالم .. والحين
سديم بخجل .. الحين انت حبيبي وعمري وروحي
سالم .. يابختي كل هذا للى
سديم ..هه وانا شعنيلك
سالم .. كل شى بحياتي ياحياتي انت
سديم .................
سالم .. وين السانكـــــــ اللي من قبل شوي بلعته القطه
سديم ... هههههههه لا موجود
سالم .. دوم هالضحكه يارب
سديم .. تسلم حبيبي
سالم الله يسلمك حياتي
سديم .. عن اذنكــــــ
سالم .. وين
سديم .. بدخل عندهم اخاف يفقدوني
سالم .. اوكى بينا الو
سديم . اوكى انتظرك باي
سالم باي
انتهى