[عذبة بإحساسي]

..{ مدخــل
عــلى قدر أهــل العزم تأتى العزآئم ..

كيف حــآلكن غآليــآتى ؟؟ =)
بخير وصحة وعــآفية بإذن الله ^^
اليوم حبيت أنزل لكم تجربتى في هذه السنة الدرآسية لأن الحيــآة تتعلم فيها من اخطــآء غيركـ


كــآنت سنه طويلة بالنسبة لي مليئة بالأحدآث ..

بدأنا العــآم الدرآسي (للصف الثآني الثآنوي / علمي ) في منتصف شهر رمضـآن يعنى في العشر الوسطى من هذا الشهر المبــآركـ .. طبعاَ انا بالنسبة لي رمضـآن ماافتح فيه كتاب !!
اللهم إذا كان عندي واجبات ع السريع أحلها ولا إذا في تطبيق يدوب أدرس الدرس اللى علي وخلاص لأن الصرآحة مافي وقت أرجع من المدرسة يدوب أنام شوي , أقوم أحضر الفطآر مع أمي , يأذن المغرب ونفطر ويلا على المسجد لين بعد الترآويح والعشر الاوآخر نقعد لين بعد التهجد ومرآت لين الفجر وبعدين نرد البيت !!


لأن بالنسبة لي هالشهر روحــآنى يعنى هو شهر في السنه و11 شهر طالع روحنا في الدرآسة يعنى ماجت على هالشهر والواحد يحــآول يسوي شي يحصله يوم يلقى ربه ..(يــآرب ترزقنا الفردوس الأعلى .. آمــين )


المهم .. بعد رمضـآن جــآء العيد وطبعاً تعرفون العيد في الأحلام لو فتحنا كتآب << مايحتـآج كلام =)
يوم زيــآرات العائلة الكريمة ويوم طلعآت مع الصديقآت ^^ ويوم طالعه مع الاهل على الملاهي ويوم طالعين ....ووو الخ
<< تعرفون البــآقي طبعاً ..خخخ

رجعنا للمعاناة بعد العيد وكان بــآقي اسبوع بالظبط ع امتحانات منتصف الفصل الاول والأخت في الترآآآوهـ <<ترجموها انتم ..خخخ


بدأت ادرس واحـاول أجمع معلومات والحمدلله ماكنا ماخذين دروس واايد وخلصت الإمتحانات ع خير وكانت نسبتى 96% .. طبعاً فرحت واااايد << اكــيد ^^


مرت الأيــآم وأنا من دوامه لدوامه والصرآحة اعترف ماكنت درس عدل وكنا في مدرستنا متأخرين وااايد عن بآقي المدارس بسبب نقص في المدرسآت وكل مايجيبوا وحده أسبوع وتطفش ماادري ليش << يآســلآم ع البرآءة ..خخخ


وأنا اقول ليش استعجل حنا ماشين ويآهم وأكيد بيراعونا في الإمتحانات لأنهم هم اللى يحطونها ولكن المفآجأة اللى غيرت كل مخططاتى << اللى يسمع يقول رئيسة عصآبة !!


الوالد – الله يحفظه – قالى المدرسة هذى مو عاجبتنى لا المدرسات أوكي ولا المدرسة نفسها حلووة وقرر انه ينقلنى مدرسة ثانية طبعاً ماقدرت أعارض لانى أنا اللى كنت طالبه انى انتقل لكن كان قصدى ع الفصل الثاني بس للأسف هاللى صــآر وكل شئ بسرعة ماقدرت حتى أقوول لهم لحظة !!
انتقلت المدرسة الثانية قبل امتحانات نهاية الفصل الاول بأسبوعين وكم يوم ..
رحت المدرسة والصآعقة انهم كانوا مخلصين المنهج كــآمل يعنى كم مــآدة اللى كان ضايل لهم فيها درسين ولا ثلاثة ..
طبعاً انصدمت شلون بادرس كل هآي بروحي وماضل إلا 3 اسابيع ع الإمتحانات ..!!
معنوياتى تحطمت ونفسيتى صآرت في الأرض (زفت) واللى (زاد الطينة بلة) << تعرفون هالمثل ..خخ
ان المدرسآت استقبلونى استقبآل رآئع<< يعنى العكس =(


كأنى مو أنا اللى متعذبة !! وانتى شلون تنتقلين الحين ماضل ع الإمتحآنات شئ !!
ولا أبلة E تقولي خير طالبة يدية ؟ هزيت رآسي اي .. نفخت بقوة وصرخت في وجهى لين وين وصلتوا ؟
قلتها الوحدة الثالثة طبعاً هم كانوا مخلصين المنهج كــآمل وانا كان ناقصنى وحدة كاملة مادرستها أو بمعنى أصح ماخذتها قالت لي زين شوفي اي حد يشرحها لج احنا هنا خلاص شرحناها !! << لاتسألوني كانت عصبيتى وين :sm.43:.. بس لولا انى متربية ع إحترام المعلمات كان رويتها شغلها عدل واكتفيت بنظرآتى القآتلة << حسيت بسبة هالنظرآت بنطرد من المدرسة ..خخخ
طبعاً هذا موقف من الموآقف وعشان ماأكون ظالمة أبلة العربي والريآضيات ماأذكرهم إلا بالخير ماقصروا معي الصرآحة..


المهم كــآن لازم أشد حيلى وأبذل أقصى طآقتى أخذت الأورآق والملازم من البنآت وصورتها وبدأت احفظ كل المنهج والمصيبة ان الإمتحآنات كانت بعد العيد الكبير (عيد الأضحى ) يعنى والله الوآحد غصب عنه مايفتح الكتآب وخصوصاً ان انا انضغط في هالأسبوعين وكم يوم اللى في المدرسة الجديدة فماصدقت العيد جآء عشان أفرفش <<مادرى انا وجه علمي ..خخخ

رآبع يوم العيد بديت ادرس وبذلت أقصى مافي وسعي ودشيت الإمتحانآت طبعاً لاتسألونى شسويتِ لأنى انصدمت والأسئلة البنآت مدربآت عليها من قبل لأن كل مدرسة مدرسآتها هم اللى يحطون الإختبآرات ..


انتهى الفصل الأول بحلوه ومره وكان نسبتى للأسف 88% .. البنآت قالوا لي حلوو بس هذا مو مستوآي انا طول عمرى فوق التسعينات وفوق الـ 95% .. الصرآحة النسبة حطمتنى .. ادري ان في ظروف صآرت لي بس بعد يظل عندك إحساس بالذنب لأنك لو درستى اول باول كان نسبتك أحسن << بس للأسف (لــو) ماتنفع الآن !!

الوالد والوالدة طبعاً كانوا مقدرين ظروفي وماكلموني وقالوا لي شدي حيلكـ في الفصل الثاني ..


..{ وقفــة :

كانت الإجــآزة إلى بدآية الفصل الثآني شهر كــآمل .. كآن كفيلاً لأن أسترد طآقتى وأجدد نشآطي بعد هذا الإرهآق
لكنى قررت أن أبدأ صفحة جديدة لاأخفي عليكن أن نسبة كانت الدآفع الأول ورآء هذا النشاط والإندفآع لأن نفسي تأبى إلا التفوق والتميز .. نعم لست أنا التى تنهآر بسبب عثرة والمثل يقول ( لكل جواد كبوة ) ..
فعلاً بدأت بالتخطيط لكيفية قضآء هذا الشهر وبينما انا أتجول بين صفحات الإنترنت وجدت توقيعاً رآئعاً كان بسيطا من جهة التصمايم ولكن كلمآته كانت رآئعة ..







// إصنع نجــآح امتكـ بتفوقكـ ~ .. تلكـ كلمات التوقيع
وقفت امامها وتعمقت في معنآها .. فعلاً لماذا أدرس واحب التفوق هل لأجل أن نفسي تأبى إلا التفوق ؟؟ أم من اجل أن أرفع رأس والديً عالياً ليفتخرا بابنتهما المتنفوقة ؟؟
نعم كل هذا جيد ولكن لابد أن يكون هناكـ هدف اسمى من كل هذا .. يجب ان يكون التفوق والتميز من اجل هذه الأمة من أجل أمــة إقرأ ..



كل هذا تبادر إلى ذهنى وقتها وفعلاَ تغيرت نظرتى إلى الدرآسة .. نعم كنت أحبها ولكن بعد الضغط مللت منها ..


أما الآن فــلا كل شئ في سبيل أمتى يهون .. يجب أن اقدم شئ لهذه الأمــة مثل ماقدم الأولون ..

زادت همتى وأصررت على تحقيق هدفي .. بدأت ادرس منهج اللغة الإنجليزية لأنها الأصعب بالنسبة لي فقمت بحفظ كلمات الوحدآت ودرآسة القوآعد كي يسآعدنى على الفهم والإستيعاب اثناء شرح المعلمة ..

يتــبع ~

المصدر: منتديات بنات دوت كوم

---

LL fjtJMJJ,rdM HwJJkJMJJu k[JJJNpM HlJJjJMJJd >>Z

الموضوع الأصلي : // بتفـ’ــوقي’ أصــنـ’ــع نجـــآح’ أمــتـ’ــي ..~ || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : عذبة بإحساسي