البارت الثاني عشر
فى بيت ابوفواز
طلع فواز من غرفه الجوري وتركها بحزنها وهمها
قابل فواز فراس على الدرج
فراس .. شتسوي بغرفه الجوري
فواز .. وانت شدخلك غرفه زوجتى وانا حر
فراس .. يكون بعلمك يافواز لو اعرف انك مسوي لها شى لا تلو م الا نفسك
فواز .. شبتسوي يعني
فراس .. انت عارف واقل شي الوالد يعرف عن وكمل بهمس .. كاترين
فواز .. يعني انت تهددني
فراس .. سمه اللى تسميه
فواز .. اعلى مابخيلك اركبه وقرب من فواز ليما صار قريب من اذنه وهمس .. اللى ذابح نفسك عليها لهدرجه سلمتني نفسها بكل سهوله
فراس .. مستحيل انت كذاب اكيد انتى اللى اجبرتها على الشى هذا
فواز .. اللى هو اهم شى انها سلمتني نفسها
فراس .. وكاترين والجوري شنو مصيرها
فواز .. كاترين بتبقى زوجتي وحبتيتي اما الجوري مصيرها ...........
فراس .. اكيد انت مجنون
فواز .. قول اللى تقوله واللى براسي بسويه
فراس .. الله يهديك بس
فواز .. يهدي الجميع
للخطاياثمن
فى امريكا
الهنوف .. قاعدة متوترة تدق على الجوري وماترد ياربي شفيها مو من عويدها اكيد صاير لها شي
دخل عليها نايف ..من هذى ياعمري
الهنوف .. الجوري لى يومين ادق عليها وماترد مو عويدها
نايف .. يمكن مشغوله
الهنوف .. يمكن بس قلبي ناغزني عليها
نايف ... اممممم طيب دقى على شهد اكيد عندها خبر
الهنوف .. صح شلون فاتتني شهودة
نايف .. عشان تعرفين ان حبييك ذكي
الهنوف .. بالله وش دخل هذا فى هذا
نايف .. مدري بس اقول لانى جبتلك الحل
الهنوف ..... اها مشكور حبيبي
نايف .. ولو حياتي انا موجود على طول تحت الخدمه
الهنوف مسكت جوالها ودقت على شهد وبعد ثلاث رنه جاها صوت شهد كله نوم
الهنوف .. السلام عليكم
شهد . وعليكم السلام
الهنوف .. شخبار مرت اخوي
شهد .. اقول لاتالفين للحين ماصار شى شخبارك انت ونايف
الهنوف .. بخير ربي يسلمج انتى شخبارك وشخبار الجوري
شهد .. انا بخير بس جوري مدري شقولك
الهنوف .. بخوف .. شفيها الجوري
شهد .. علمي علمك لها يومين ماطلعت من الغرفه وذا دخلت عليها لقيتها تصيح وذا سالتها شفيج قالت تذكرت اهلى بس موداخله سالفه اهلها هذى
الهنوف .. طيب شنو اللى صار قبل اليومين هذى
شهد .. كنا طالعين السوق وقالتلها كل اللى صار
الهنوف .. اها يمكن متضايقه من تصرف فواز معها
شهد .. يمكن حسبي الله على عدوك يافواز نكدت على البنت
الهنوف .. الله يكون بعونها بس طيب خلينا من الجوري قوليلي متى قررتي الملكه
شهد .. بخجل .. انا قلت لبوي بعد مانرجع من السفر
الهنوف .. حلو يعني بقدر احضرها
شهد .. وليش كنتى ناويه ماتحضرين
الهنوف .. يمكن ليش لا لن نايف عنده اختبارات
شهد .. لا ان شاء الله مانرجع الا هو مخلص
الهنوف ان شاء الله يالله اخليج الحين وطمنيني على الجوري
شهد .. ان شاء الله
الهنوف .. مع السلامه حبيتي
شهد .. مع اللسلامه
فى بيت خالد
البنات قاعدين يسلفون وغلا ساكته
خوله .. غلوي حبيتي شفيك ساكته
غلا .. ابد مافيني شي
ريناد .. شكلك تستحين منا
غلا .. لا حبيتي بس تعبانه شوي
سلوى بدلع ومياعه .. سلامتك ليكون خالد مزعلك
غلا .. الله يسلمك لا ياعيوني خالد مو مزعلني
سلوى .. اها
خوله .. يالله بنات الغدا جاهزة
غلا .. انا بتغدا مع خالد
خوله .. بس خالد بيتغدا معنا
غلا .. نعم بيتغدا معنا
سلوى .. ايه ليه في شى
غلا .. لا مافيها شى بس انتى موجودة
سلوى .. عادي وشفيها
غلا ... على ماظن مراح تاخذين راحتك بالاكل
سلوى .. لا حتاينني انا اعرف اصرف نفسي
غلا .. اها
طلعوا من الصاله على غرفه الطعام وكانت اخر وحدة فيهم غلا
ريناد .. غلوي حبيتي لا تشلين بخاطرك من المفعوصه سلوة
غلا .. ههههههه حلوة المفعوصه
ريناد .. اعجبتك
غلا .....هههههههههه ايه
ريناد .. ولا يهمك هذا اسمها من اليوم
غلا .. امشى لا يحسون فينا
ريناد . اوكي
غلا وريناد .. السلام عليكم
الكل .. وعليكم السلام
خالد ... حبيتي تعالي جنبي هنا
غلا بدلع .. وقصدها تقهر سلوى .. ان شاء الله حبي
ريناد كاتمه ضحكتها على وجه سلوى المنقهر .. خلودي زين ماختر والله بنت ولا كل البنات
غلا .. تسلمين رنود هذا من ذوقك حبيتي
ريناد .. الله يسلمك حياتي
خالد .. لا والله قاعده تتغزلين بزوجتى وقدامي بعد
الكل ...ههههههههههههههه الا سلوى
غلا بدلع وهى ترجع خصله من شعرها على ورا .. شدعوة خالد ماقالت شى هي
خالد وهو خاق عليها بس مابين .. لا ياشيخه كل هذا وماقالت شى
سلوى ..بدلع .. خالد
خالد .. نعم
سلوى .. ممكن تاخذ هذى اذاا كان لى خاطر عندك (( كانت مادة له قطع دجاج ))
خالد .. وهو ياخذها منها مشكورة
سلوى .. العفو