جيران والبيبان باب وراه الباب
مابيننا ياكود جدران مبنيه
جيران والجهران فينا بدون حساب
وسنين تمضي بالحقد والأنانيه
هذي قطيعتنا صارت بدون اسباب
هجران وازدادت فينا بلاوهيه
جيران والمفروض نبقى أعز احباب
والود يبقى بيننا والمحنيه
وصى الرسول وقال للجار حق طاب
للجار سابع جار جاتنا توصيه
صار الجفا عنوان ياخير الأصحاب
صارت حقوق الجار من دون اهميه
أن غاب احدنا خاب ويروح وهو مرتاب
غدر وخيانه من جدي وماضيه
اول بعهد فات كانو مثل الاقراب
لاغاب جارِ كل اشيأه محميه
لامن رجع من بعد ماكان عنهم غاب
يلقوه بالفرحه و كثر والمعزيه
يتباشرو في الحي شابِ مع الشياب
ومن الفرح مغمور في روحه وجيه
عودو لماضيكم إن كان فيه انباب
ماضي الصراحه والأمن في مراسيه